Ifisiɛŋ 5:6 - Bible

⁶ Núu da fé kápɛlɛ a wóo folo-ŋa. Kpɛ́ni fêi, nyíŋi-ŋai ƃe da pâ a Ɣâla ŋɔlii-ŋwanai nîa-pɛlɛɛi dîa dífa ŋ̀óo mɛ̀nii.

Yálá laawoo hɛɓɛ (dc)

⁶ Nu ta hvo ka ɓowo a ká kili ɲąą pɛlɛ wooɠaa, yili kəlee ɓə a pa a Yálá ŋą liiholui, nuąi da di nwun gulɔ ɲee mu di mɛ̨i.

Yálá laawoo hɛɓɛ

⁶ Nu ta hvo ka ɓowo a ká kili ɲąą pɛlɛ wooɠaa, yili kəlee ɓə a pa a Yálá ŋą liiholui, nuąi da di nwun gulɔ ɲee mu di mɛ̨i.

Ifisiɛŋ 5:6 ပူးပေါင်းရင်းမြစ်များ

Tɔɔɓɛlaa veelɛ 18:20

Ɛsekaya lâai la a pɔ̂ri mɛni kpɛtɛɛ kɛ̂i, é kɔ́ yée-mɛi ɣále a wóo folo-folo-ŋa? Gbɛ̂ɛ ƃé pâi kpɔŋ-maa tɛɛ̂i bɔ́, ǹyaŋ a nâa bôlu tɔ̀ɔ Asiria kaloŋ mai?

Mąątɛ̨nɛ̨ 78:31

Ɣâla é ǹíi ŋwàna dîa a zu kɛ́tɛ é zinâa wála-walai páa, da Eezuɛ nyaŋkpa sɔŋ lɛ́lɛɛ-ŋai dámaa.

Ɉeremi 27:9

M̀ɛni ma, káfe káwoli tɔ̀ɔ kálɛɛ ɣala lá-woo ƃó-ƃelai dîa. Ǹûai ŋí da póniŋ kɛ̀ a gɛɛ dí tuɛ-mɛni ƃó. Ǹûai ŋí da see-woo su kùla, dí kɛ́ lòno zaa-ƃelai pɔ́, dí kɛ́ ƃò a póniŋ kɛ́-ƃela. Da mò kâa dîyɛɛi, ‘Káfe pâi kɛ̂i a Babelɔŋ ŋɔluɛ-ŋa.’

Ɉeremi 29:31

a gɛɛ ŋá ŋ̀orɛ̂-wooi ŋí tɛ́ɛ gɔ-sôŋ-ŋai díkaa Babelɔŋ pɔ́ ǹyɛɛi, “Mɛnii Yâwɛɛ a môi é pîlaŋ Neelaŋ nuui Simaya mai ƃa: Simaya è ɣâla-woo ƃò kâa. Kɛ́lɛ, Yâwɛɛ ǹyɛɛ, ‘Ŋa pâi Neelaŋ nuui Simaya kula ma kɛ̂i tãi kpua yée mu da ŋɔnûai. Ḿve dɛɛ ní a gɛɛ é ɣâla-woo ƃó kâa. Kɛ́lɛ, è lòno yɛ̂ɛ Ɣâla ŋɔlóno kɛ́-nuu, gɛ́ Ɣâla-woo ƃò a lɛ́ɛ-pere. È gɛ̀ ǹûai dí kɛ́ lɛ̀ɛ ŋɔlɛ́ɛ Ɣâla-wooi pôlu. Zuu fé pâi kɛ̂i ma a dɔnɔ kpîŋ. Ǹyaa da ŋɔsuui su-ƃelai dí fé pâi lɛɛ̂i a dífúlu ǹûai sáma dí m̀ɛni lɛ́lɛɛi ŋa pâi gɛ̂i ǹûai dîɛi dí da sɔlɔ ƃó. Kpɛ́ni fêi è ǹûai kɛ̀ a gɛɛ dí tɔ́ɔ ḿâ. Ńyãa Yâwɛɛ ƃé mò tí.’ ”

Ɉeremi 37:9

Ńyãa Yâwɛɛ, ŋa kália-woo ƃôi a gɛɛ káfe kákpîŋ pɛ̀lɛ kákɛ kákili ŋá sìa a gɛɛ Babelɔŋ kɔ-kuluƃa-ŋai dífe ŋɔ́nɔ pâi pâi pôlu. Tɔ̃yâ ma, díkaa pâi pôlu.

Mise 3:5

Yâwɛɛ è m̀ɛni-ŋai ŋí ƃò diai dîa da díkpîŋ sìɣe a ŋɔlóno kɛ́-ƃela díkɛ ŋɔnûai ƃòo dîyɛɛi, “Lii-see é kɛ́ kápɛrɛi lá.” Kpɛ́ni fêi, da sɛŋ da wɛ̂lii díyêei, ǹyaŋ díkɛ diai fôo dífa díyee sèe dímui.

Maafîu 24:24

Kpɛ́ni fêi, lɛ́ɛ-Kôrai-ƃela da Ɣâla-maa-wôya lono-kɛ-ƃela da pâi siɣêi dí tɔɔ, díkɛ ŋɛ́i-kɛ-maa kpaya-kpaya lɛ da mɛni kpaya-kpaya a gɛɛ, pɔ̂ri à kɛ̀ naa, dí díyee laa zu-ɣɛɛ-ƃelai dîa máŋ.

Maafîu 24:4

Nya ƃe Zîsɛ è díwoo su tòo, ǹyɛɛ diai, “Ka kámɛi káa a gɛɛ núu da fé kápɛ̀lɛ.

Markə 13:22

kpɛ́ni fêi, lɛ́ɛ Kôrai-ƃela da Ɣâla maa wôya lono kɛ́-ƃela da pâi pîlanii dí ŋɛi kɛ́-maa-ŋa lɛ́, da mɛni maa pɔlɔ-pɔ́lɔ-ŋa a gɛ́ɛ dí díyee láa diai dîa Ɣâla a dísiɣe zu a gbɔɔi-ƃelai.

Markə 13:5

Zîsɛ è m̀o dîa, ǹyɛɛi, “Ka kámɛi káa a gɛ́ɛ núu da fé kápɛlɛ.

Lomaŋ 1:18

Ɣâla ŋɔlii-ŋwanai a kûla Ɣâla-taa é lɛ́ diai dîa da tɔ̂ɔ Ɣâla mai da ŋ̀wana-lɔ̂ɔ-ƃelai nyíi-ŋai da dɔ̃yâi su kara a díŋ̀wana-lɔ̂ɔi.

Kolosə 2:18

Káfe ǹɛɛ naa núu da fe mɛni ŋá tee a káa a nyɔ́mɔɔ a gɛ́ɛ fɛ̂ɛ ka tɔ̂ŋ kpɛ́ kákpîŋ ma ka Ɣâla-taa-kela-ŋai fɛli. Ǹúui a zĩai maa-mɛni ƃo kásamâi, káfe laa a maa-nuui ti. Maa-nuui ŋí líi kɛ́tɛ̂i nɔ́ kpɛni. Ŋɔkili-ŋa-siai maa-sâpo fe ma. Gáa nɔ́ a núu-kpune kpîŋ-tua-pere-nyɔŋ maa-kili-ŋa-sia.

Kolosə 2:4

Ŋa nyíŋi ƃôi a gɛ́ɛ núu da fé kápɛlɛ a la-nɛ̃ɛ-maa-lono.

Kolosə 2:8

Ka kámɛi káa a gɛ́ɛ núu da fe káƃòo a táre-lono-ŋa da núu pɛlɛ-woo kpɛni-kpɛni-ŋa yɛ̂ɛ berei núu-kpune tua-pere káa lai, yɛ̂ɛ bere ŋɔ́nɔ ŋ̀éniɛi su tua-perei káa lai. Dífa Kôrai ŋɔsɛŋ-lɛɛi maa-tua kɛ̀.

Kolosə 3:6

Nyíŋi mɛni ma Ɣâla ŋɔlii-ŋwanai káa pâi ǹônii nyíi-ŋai dîa dífa ŋ̀óo mɛnii.

Tɛsalonikə veelɛ 2:3

Káfe nɛ̀ɛ naa núu da é kápɛlɛ pere-sii kélee da su. Kpɛ́ni fêi, maa-ɣelei tí fé pâi pâi fɛ̂ɛ núu da-ni dí tɔ́ɔ Ɣâla ma fulɔi. Ɣâla é ŋ̀wana-lɔ̂ɔ-nuui lɛ́ nyíi fɛ̂ɛ nɔ́ zu é karai.

Hebreu 13:9

Káfe nɛ̀ɛ naa sɛŋ-lɛɛ nina-sii da kpɛni-ŋa dífe kásiɣe pere ma. Kpɛ́ni fêi, ǹɛ́lɛɛ̂i a gɛɛ Ɣâla ŋɔƃɛlɛ-sêei é núu líi su kpanaŋ, kɛ́lɛ, zu fé kpànaŋ a mii-sɛŋ sii da miɛɛ, nyíi mii-ƃela dífa mɛni lɛ́lɛɛ kùla zui.

Hebreu 3:19

Mɛni ma kwa gáa a gɛɛ pɔ̂ri fé kɛ́ ni dîɛ dí li ŋɔfii-tɔɔi su, kpɛ́ni fêi, laa-la fé kɛ́ ni díyêei.

Piɛrə dɔlɔɔ 2:8

Ǹyaŋ, “Gɔnii nyíi pâi nûa kɛ̂i dí karêŋ, gɔnii nyíi pâi díkɛ̂i dí tooi.” Ǹyaŋ dí kàreŋ, kpɛ́ni fêi, dífe díwoli tɔɔ ni ŋ̀óoi ma nyíi dí dílɛ̀ a gɛɛ dí gɛ́i.

Zɔ̂ŋ Maa-ŋuŋ 4:1

Ŋáwɛli-kɛ-maa-ƃelai, káfe làa a mɔ̂leŋ kélee, kɛ́lɛ, ka mɔ̂leŋ-ŋai kɔɔ̂ŋ, ká gáa à kɛ̀ díkaa a Ɣâla pɔ́ɔ. Kpɛ́ni fêi, Ɣâla-maa-wôya lono-kɛ-ƃela támaa da lí ǹɔii su.