Ifisiɛŋ 5:3 - Bible

³ Kɛ́lɛ, núu fe wulu-wulu kɛ́ɛ da mɛni maa liƃiɛ kélee, kpaa máŋ sɛŋ maa-lii teɛɛ láa tòli kásama. Ɣâla-ƃela dífa nyíi-ŋai ŋí kɛ̀.

Yálá laawoo hɛɓɛ (dc)

³ Túwɔ́ pələ ɲɔ̨n, mąąliɓi mɛ̨nį huwui lɔpee, hɛn nwɛli laa, di mąą hvo kpɛli nɛ̨ɛ̨li ká lɔwai, ka ka yee kulɔ yiliɠaai hu, ya ɓə a mąąhəɠə nuą mąą hon.

Yálá laawoo hɛɓɛ

³ Túwɔ́ pələ ɲɔ̨n, mąąliɓi mɛ̨nį huwui lɔpee, hɛn nwɛli laa, di mąą hvo kpɛli nɛ̨ɛ̨li ká lɔwai, ka ka yee kulɔ yiliɠaai hu, ya ɓə a mąąhəɠə nuą mąą hon.

Ifisiɛŋ 5:3 ပူးပေါင်းရင်းမြစ်များ

Mąątɛ̨nɛ̨ 10:3

Da mɛni nyɔ́mɔɔ-ŋa kpɛ̀tɛ díkɛ maa yôŋka tèe. Dísɛŋ wɛ̂lii a gɛ́ díkɛ mɛni nyɔ́mɔɔ-ŋa ƃò Yâwɛɛ ma, dífe díyee seêi m̀u.

Mąątɛ̨nɛ̨ 119:36

Gɛ́ ítɔ̂ŋ-ŋai maa mɛni kɛ́ ƃò ńii su é tɛ́ɛ la tɔɔ-laa ma.

Lɛɛ gbɔwɔ ɓa 18:21

Kpakolo nyii ŋai í laai a diai kúla ǹûai kélee sama, nyii-ŋai da yào Ɣâla ma, dífa yee-pɛlɛ ǹá-sɛŋ soŋ wôya mɛni mai. Dí dítɔɔ núu-kpulu-ŋa láa tuɛ yɛ̂ɛ wála tɔnɔ (1,000), ŋuŋ tɔnɔ (100), buu lɔ́ɔlu da núu puu.

Lɛɛ gbɔwɔ ɓa 20:17

“Ífe íƃarâŋ-nuu ŋɔpɛ́rɛ maa liî tèe. Ífe íƃarâŋ-nuu ŋɔnɛnîi maa liî tèe, é pɛ́lɛ ǹyée ŋá surɔ̂ŋ ma, ǹyée ŋá nɛnîi, ŋɔni-ŋai, da ŋɔsoo-falaŋ é pɛ́lɛ gɔ̃liŋ kélee ma.”

Lɛɛ gbɔwɔ ɓa 23:13

“Ka káwoli tɔ́ɔ mɛni-ŋai kélee dîa ŋa m̀ó kâai. Káfe ɣâla da kpɛ́ni fɛ̀li. Káfe máŋ kpîŋ dílaa tòli.

Hanwon 28:16

Kâloŋ nyii táre fé ŋuŋ sui, gáa a núu-mɔ̃lɛ-nuu, kɛ́lɛ ǹúui vé wôya-mɛni wɛlii nii, a tûa ɣele ma.

Ɉeremi 22:17

Kɛ́lɛ sɛŋ kɔ́riɛɛ a fili-pere nɔ́ ƃé íŋɛi káa ma, íkɛ nûa pàa nyii-ŋai dísɔŋ fé dîai, íkɛ ǹûai sôŋ a ŋwana lɔ̂ɔ-pere.

Ɉeremi 6:13

É síɣe ǹúui guro-tei ma é tóo gɛ́tɛi ma, díkelee díkaa wôya-sɛŋ wɛ̂lii. É síɣe Ɣâla ŋɔlóno kɛ́-ƃelai dîa é tóo zâla láa soŋ-ƃelai dîa, díkelee díkaa nɔ́ tûai a wôya pere.

Ɉeremi 8:10

Yâwɛɛ è mò a gɛɛ a pâi dípɛrɛ-ŋai tɛɛ̂i díƃarâai pɔ, é pɛ́lɛ díkpâlaŋ-ŋa tíi da dínɛyãai dîa. Ŋa pâi ǹɔii ŋí su-ƃelai kélee su karâi. É síɣe ǹúui guro-tei ma é tóo gɛ́tɛi ma, díkelee díkaa nɔ́ wôya sɛŋ kɔ̂rii. Ɣâla ŋɔlóno kɛ́-ƃelai da zâla láa soŋ-ƃelai dífe a teniŋ ƃô-ƃela.

Izikiɛ 33:31

À kɛ̀ tí, da pâ yɛ̂ɛ ŋá nûa dí sée díkɛ ŋ̀óoi mɛ̀ni nyii ya kɛ̂ môi dîai. Kɛ́lɛ dífe pâi m̀ɛnii kɛ̂i ya mò dîai. Kpɛ́ni fei, da ŋ́wɛ̂li nɔ́ a díla-gbɔ, kɛ́lɛ díkili tɔɔ̂i nɔ́ nîi dísɛŋ wɛ̂lii ma.

Levetekɔ 15:18

À kɛ̀ surɔ̂ŋ a lɔ̀-pɔrɔŋ a nɛnî, fɛ̂ɛ dífeerɛŋɔɔ dí díwaa, ǹyaŋ dífe pâi kɛ̂i a dímaa waa é lɛ́ɛ la zu ɣele-wulii é kɛ́.

Mise 2:2

Da núu da kpɛ́ni ŋɔlɔii maa liî tèe dí ziɣe. Da núu da kpɛ́ni ŋɔpɛ́rɛi maa liî tèe dí gula ǹyêei. Da núu fìli da ŋɔnûai dí díkɔliŋ kula díyêei.

Lonon mo 25:1

Tãi Eezuɛ-ŋai dí díƃûui pù la Akesia tiŋ-tiŋ sui, gbakolo-ŋai da-ŋa díkɛ̀ lɔ-pɔ̂rɔŋ kɛ̂i a Môa-nɛyãai kɛ̀ naai.

Maafîu 15:19

Kpɛ́ni fêi, núu líi su ƃe kili-ŋa-sia nyɔ́mɔɔ-ŋa da kûla naa, núu-paa-mɛni, wulu-wulu-kɛɛ, goyaŋ-wulu-wulu-kɛɛ, ŋuma-mɛni, wôya-sere-faa-kɛ́ɛ, da tɛ-ŋɛi-kɛ́ɛ a Ɣâla.

Lukə 12:15

Nya ƃe e mò dîa, ǹyɛɛi, “Ka tãi siɣe, ká kámɛi káa a sii kélee maa-lii-teɛɛ; kpɛ́ni fêi, núu ŋɔtɔɔ-sɛŋ fa fulu-laa kɛ́ a bɔ́ɔ.”

Lukə 16:14

Faresii-ŋai nyii-ŋai kɛ̀ a sɛŋ-kao wɛliɛi, dí mɛnii ŋi kélee mɛ̀ni, dí ɣɛlɛ-maa kúla zu.

Gɛlaɠaa 15:20

Kɛ́lɛ, fɛ̂ɛ kú kɔlɔ pɔ̃yɛ dîɛ a gɛ́ɛ dífe díyee pù mɛni kélee su nyíi ɣâla da kpɛni-ŋa da garai, dífe tela díyee pu wulu-wulu kɛ́ɛ su. Dífe fɛnɛ-sɛŋ da zua da mìi nyíi dí gáo ɣàlei kpaa máŋ dí sua da ŋãa mii.

Gɛlaɠaa 20:33

Fé niî núu da ŋɔkáne maa-lii tée ní da gôo kpaa seɣe.

Lomaŋ 1:29

Dí kɛ̀ sɔnyɔ̂ŋ sii támaa kɛ̂i, ŋ̀wana-lɔ̂ɔ, sɛŋ maa-lii téɛɛ, da ŋɛi-kpala, tólo, núu paá, yeli tɔ́ɔ, núu pɛlɛɛ, kpɔara da ƃo a laa-ƃo kɛ́ɛ.

Lomaŋ 16:2

a gɛ́ɛ ka káyee see mù Kúnuu-namui kponôi yɛ̂ɛ berei Ɣâla-ƃela da gɛ̀ lai. Ka kpɔŋ-maa tɛɛ bɔ mɛni kélee su a ŋ̀wɛli káyêei. Kpɛ́ni fêi, a kpɔŋ-maa tɛɛ núu támaa pɔ, a kpɔŋ mâa tɛɛ ḿbɔ máŋ.

Lomaŋ 6:13

Káfe nɛ̀ɛ naa sɔnyɔ̂ŋ é gɛ́ kátɔɔ-saŋ da é kɛ́ a ŋ̀wana-lɔ̂ɔ kɛ́-sɛŋ. Kɛ́lɛ, ka kákpîŋ tɛɛ Ɣâla yɛ̂ɛ ǹúui kùla saa yêei é pá fúlu-laa sui. Ka kátɔɔ-saŋ kélee tɛ́ɛ Ɣâla pɔ́ yɛ̂ɛ tɔ̃yâ laa-la maa tii kɛ́-sãa.

Korɛntə dɔlɔɔ 10:8

Kúfe wulu-wulu kɛ̀ yɛ̂ɛ berei ǹúui da-ni dí gɛ̀ lai. Maa-ɣele tɔnɔi ti nuu wála buu feerɛ kao saaƃa ƃe sàa ma.

Korɛntə dɔlɔɔ 5:1

Tɔ̃yâ ma ku mɛni a gɛ́ɛ wulu-wulu kɛ́ɛ káa kásama, ŋwulu-wului nyíi ve Ɣâla kpolowa-ŋa sama máŋ; kpɛ́ni fêi, núu tɔnɔ káa kásama ǹâŋ ŋɔnɛnii káa ǹyêei.

Korɛntə dɔlɔɔ 6:13

“Mii-sɛŋ káa núu koi mɛni ma, núu koi kɛ́ ƃo mii-sɛŋ mɛni ma.” Ǹyaŋ Ɣâla a pâi dífeerɛ dísu karâi. Núu kpono fe wulu-wulu kɛ́-mɛni ma, kɛ́lɛ, gáa Kúnuu-namui mɛni ma, ǹyaŋ Kúnuu-namui kɛ́ ƃo núu kpono mɛni ma.

Korɛntə dɔlɔɔ 6:18

Káfe káyee pìli wulu-wulu kɛ́ɛ su. Sɔnyɔ̂ŋ da kpɛni kélee núu a gɛ̀i, gáa kpono ŋíni ŋa-pere; kɛ́lɛ, wulu-wulu kɛ-nuu a sɔnyɔ̂ŋ kɛ̀ a gbîŋ kpono.

Korɛntə veelɛ 12:21

Ŋ́gaa yáôi a gɛ́ɛ ŋà pà ŋɔ́nɔ Ŋáɣâlai a pâi ḿaa yenîi káŋɛi. Ǹyaŋ tãi da fɛ̂ɛ ŋá wɔ́lɔ diai da sɔnyɔ̂ŋ kɛ́ a maa-ŋuŋ dámaa mɛni ma, nyíi-ŋai dífe niî dípôlu tɔ̂ɔni mɛni-maa-liƃiɛ-ŋa dia, wulu-wulu kɛ́ɛ, da wolii-kpɔlɔ, nyíi-ŋai da m̀aa kɔ́rii.

Ifisiɛŋ 5:12

Kpɛ́ni fêi, gáa máŋ a ŋumɛ-mɛni a gɛ́ɛ núu é lóno e pîlaŋ mɛni-ŋai dîa da gɛ̀ loo-pere sui;

Ifisiɛŋ 5:5

Ka láa la a gɛ́ɛ goyaŋ-wulu-wulu kɛ-nuu, kpaa máŋ núu maa liƃiɛ, kpaa máŋ sɛŋ maa-lii-tee-nuu (nyíi gáa a ɣâla da kpɛni fɛliɛɛi), va Ɣâla da Kôrai díkâloŋ-laai su-sãai da sɔlɔ ƃo.

Filipə 1:27

Ka ǹɛɛ nɔ́ naa kakɛ-ɣeniɛi kɛ-pere é kɛ́ Kôrai ŋɔtuŋ lɛ́lɛɛi ŋɔperei ma, a gɛ́ɛ a ǹɛɛ ma máŋ ŋá pá a gɛ́ɛ ŋá kákaa kpaa máŋ ŋá kɛ́ ŋ́ɛi pôlu, ŋá mɛni a gɛ́ɛ kákaa tɔ̂ɔni a gbanaŋɔɔ mɔ̂leŋ tɔnɔ su a kili-ŋa-sia tɔnɔ, kakɛ mɛni kâa gîe ma Duŋ Lɛ́lɛɛi maa-laa-lai mɛni ma,

Kolosə 3:5

Mɛni ma ǹɔii su-mɛni-ŋai díkaa kákponôi ka dí-páa, dîa ƃa wulu-wulu kɛ́ɛ, mɛni maa liƃiɛ, tua-pere-nyɔŋ maa-sɛŋ wɛliɛ, kili-ŋa-sia nyɔ́mɔɔ, da sɛŋ maa-lii teɛɛ, nyíi gáa a ɣâla da kpɛni fɛliɛɛi.

Tɛsalonikə dɔlɔɔ 4:3

Kpɛ́ni fêi, Ɣâla ŋɔnîa-mɛnii ká ŋí a gɛ́ɛ ka kɛ́ a maa-waa-ƃela a gɛ́ɛ ka kasu kula wulu-wulu-kɛɛ ma,

Tɛsalonikə dɔlɔɔ 4:7

Ɣâla fe kútoli ni a gɛ́ɛ ku kɛ́ a ǹûai dímaa fe waa ni, kɛ́lɛ, e kútòli a gɛ́ɛ ku kɛ́ a maa-waa-ƃela.

Timote dɔlɔɔ 2:10

kɛ́lɛ, fɛ̂ɛ dí mɛni lɛ́lɛɛ kɛ́ nyíi ǹɛ́lɛɛ̂i nɛyâa mɛni ma nyíi-ŋai da díkpîŋ tòli a Ɣâla-ƃelai.

Timote dɔlɔɔ 3:3

Vè kɛ̀ a lɔɔ-kpele-nuu, kpaa máŋ a ŋɛi-tɛ-nuu, kɛ́lɛ, é kɛ́ a maa yeŋɔɔ. Vè kɛ̀ a laa-saa-nuu, kpaa máŋ é kɛ́ a sɛŋ-kao wɛli-nuu.

Timote dɔlɔɔ 6:10

Kpɛ́ni fêi, sɛŋ-kao wɛ́liɛɛ káa a sɔnyɔŋ-sii kélee ŋɔsame; zɛŋ-wɛli-sii ŋí ƃa gɛ́ núu da-ni da kula naa-lai ma, maloŋ-mɛni támaa a dílii-ŋai láa fɛ́ɛ.

Timote veelɛ 3:2

Kpɛ́ni fêi, nûa da pâi kɛ̂i a díkpîŋ-wɛli-ƃela, dí ƃo a sɛŋ-kao wɛli-ƃela, su-mɛni kɛtɛ-ƃela, yoŋka-ƃela, woo-nyɔŋ-ńâ-ƃela, ǹûai dífa díkaa-ƃela wóo mɛnii, ǹûai dífa mɛni lɛ́lɛɛ maa-sɛɣɛi-féi kɛ̀i, da ǹûai dímaa fé waa níi,

Taitɔ 1:11

Ǹyaŋ fɛ̂ɛ dí maa-ƃelai tí kpera, kpɛ́ni fêi, da pɛ́rɛ-mu-ƃela kélee kɛ̀ wúlee a sɛŋ-lɛ́ɛ nyíi maa fé nɛ̃ɛ ní a gɛɛ dí gɛ́, kɛ́lɛ, da gɛ̀ nɔ́ sɛŋ-kao mɛni mai.

Taitɔ 1:7

Kpɛ́ni fêi, maa fé nɛ̃ɛ ní a gɛɛ Kôrai-tóli-kpɔŋ ŋɔtíi-mɛi-nuu nyíi gáa a Ɣâla ŋɔtíi-kɛ-nuui zɔŋ é kɛ́ mà. Vé kɛ̀ a yoŋka-nuu, kpaa máŋ lii-fãa-goi-nûu, kpaa máŋ lɔ̂ɔ-kpele-nûu, kpaa máŋ namu-kɔ́-nuu, kpaa máŋ sɛŋ-kao-wɛ̂li-nuu.

Taitɔ 2:3

Nɛnî pɔlɔ-ŋai máŋ dí kɛ́ a ƃaa-kɛ-maa-ƃela dítûa-perei su, dífe kɛ̀ a laa-kara-ƃela da lɔɔ-kpeleɛ ŋɔluɛ-ŋa. Fɛ̂ɛ dí zɛŋ lɛ́ nyíi ǹɛ́lɛɛ̂i,

Hebreu 12:16

Ka gáa a gɛɛ núu da kélee fé kɛ̀ a goyaŋ-wulu-wulu kɛ-nuu, kpaa máŋ núu da kélee fé kɛ̀ a ǹúui Ɣâla-mɛni fé ǹíi sú yɛ̂ɛ Isɔɔ, nyíi ŋɔpɔɔ-sɛŋ kɔlɛ mii-sɛŋ miî tɔnɔ kpéŋ pôlui.

Zasua 7:21

Tãi ŋá zãâi su kàa lai, ŋá Babeloŋ yokpo lɛ́lɛɛ tɔnɔ kàa zu, káne pãŋ lɔ́ɔlu da gôo pãŋ tɔnɔ. Ǹyaŋ díkɛ̀ a dílɛlɛɛ a ńîa ŋá dísiɣe. Ŋá dílòo ǹɔii mu ŋáƃûui mu. Gánei káa mù-pere.”

Piɛrə dɔlɔɔ 5:2

Ka Ɣâla ŋɔnuu-kpului mɛi káa nyíi kákaa mɛi. Vé a sɛŋ fɛ̂ɛ nɔ́ ká gɛ́, kɛ́lɛ, ka gɛ́ é kúla kálii su yɛ̂ɛ berei Ɣâla a ŋ̀wɛ̂lii ka gɛ lai. Káfe gɛ sɛŋ mɛni ma ŋumɛ-pere su, kɛ́lɛ, ka gɛ́, kpɛ́ni fêi, ka ŋ̀wɛ̂lii kpɔ́ a ŋánaa a gɛɛ ká gɛ́.

Piɛrə veelɛ 2:10

é téla kɛ́ kpɔ́ a diai da díwoli tɔ̀ɔ tua-pere-nyɔŋ maa-sɛŋ-wɛliɛ ma nyíi a núu kàrai, da diai da díŋɛi nàɣîŋ ǹúu-tuɛ-ƃelai mɛi. Dílii-kpeleɛɛ, díŋuŋ su kpanaŋɔɔ, dífa yao a lóno nyɔ́mɔɔ-kɛɛ é pîlaŋ la Ɣâla ŋɔfólo-laai ma,

Piɛrə veelɛ 2:14

Wulu-wulu kɛ́-nɛyaa maa-mɛni káa díkili ŋá a ŋánaa, sɔnyɔ̂ŋ-kɛɛ fa dílii làa. Diai dílii-pene la nɛɛ̂i, da dílii pène. Sɛŋ-maa-lii-teɛɛ maa-tare káa dîɛ a ǹɛ́lɛɛ. Náɣâŋ káa dîa!

Piɛrə veelɛ 2:3

Dísɛŋ-wɛlii sú, da pâi káwôyai a lɛ́ɛ-woo-ŋa. Dímɛni-ŋa tée-nuui a gbîŋ kpɛ́tɛ a tãi su kôyaa. Dísu-karai nuui káa niî a ŋ̀ɛi gɛ́ dímaa kpɛ́ŋ.

M̀ɛni-lɛɛi 2:14

Kɛ́lɛ, mɛni da-ni káa naa ńdɔɔ̂i la yâ. Maa-mɛni-ŋai ƃa núu da-ni káa naa íyeêi nyíi-ŋai da Beelaŋ ŋɔsɛŋ-lɛɛi sòŋ a gbanaŋɔɔ̂i, nyíi sɛŋ lɛ̂ Bara ma a gɛɛ é Eezuɛ ǹônii perêi kpáaŋ a gɛɛ dí mii-sɛŋ mii da gùla a sâla ŋ̀âla-pɔɔkɔ̂ŋ-ŋai diai, dí wulu-wulu-kɛ́ɛ maa kɔ̂ri.

M̀ɛni-lɛɛi 2:21

Ŋá tãi tɛ̀ɛ bɔ a gɛɛ é ǹíi pene, kɛ́lɛ, vé faâi a gɛɛ é ŋɔwulu-wulu kɛ-lii pene.

M̀ɛni-lɛɛi 21:8

Kɛ́lɛ, à kɛ̀ a ǹyao-ƃelai, da diai laa-la fé díyêei, diai díliƃiɛ̂i, à kɛ̀ a ǹúu-paa-ƃelai, da ŋwulu-wulu kɛ́-ƃelai, da ŋwulu-ƃelai, da ŋâla-pɔɔkɔ̂ŋ fɛli-ƃelai, da nɛ̃ɛ-ƃelai kélee, díwɔ̂i a pâi kɛ̂i a ŋɔŋ kɛ́tɛi su, nyíi sɔɔfɔ káa zui, nyíi gáa yɛ̂ɛ pôa kɛ́tɛi, ǹyaŋ zaai veerɛ-ɣelei ká ŋí.”

M̀ɛni-lɛɛi 22:15

Diai da mɛni maa faleŋ, tɛli-kpɛ́-ƃela, wulu-wulu kɛ́-ƃela, núu-paa-ƃela, ɣâla-pɔɔkɔ̂ŋ fɛli-ƃela, da diai kélee dí wôya-mɛni wɛ́li ni, díkɛ maa kɔ̂rii díkaa daa-leei ŋɔsiɣaŋ pôlu pere.

M̀ɛni-lɛɛi 9:21

Ǹûai ŋí dífe dílii pene ní núu-paa mɛni ma, kpaa máŋ wulu mɛni ma, kpaa máŋ wulu-wulu kɛ-mɛni ma, kpaa máŋ ŋuma-kɛ-mɛni ma.

Samuɛlə dɔlɔɔ 8:3

Kɛ́lɛ dítûa pere fé kɛ́ ní yɛ̂ɛ dínâŋ. Dífe kɛ́ ní a teniŋ-ƃo-ƃela. Da kâa yee-pɛlɛ ǹá-sɛŋ sòŋ, nyíi gɛ̀ dífa kâa mɛni-saa ŋá tèe a tɔ̃yâ perei.