Ifisiɛŋ 5:25 - Bible

²⁵ Sinâa, ka kánɛyâai wɛ́li yɛ̂ɛ berei Kôrai e Kôrai-toli-kpɔŋ wɛ́li la e gbîŋ tɛɛ mɛni ma,

Yálá laawoo hɛɓɛ (dc)

²⁵ Hinąą, káán, 'ká ká nɛ̨ąni wɛlilakɛ yɛ bələi Kristə ə Yálá ŋą kpɔn wɛlilakɛ la, ɛlɛɛ, ə gbɔwɔ kulɔ a haláá mąą mɛ̨nį ɓa.

Yálá laawoo hɛɓɛ

²⁵ Hinąą, káán, 'ká ká nɛ̨ąni wɛlilakɛ yɛ bələi Kristə ə Yálá ŋą kpɔn wɛlilakɛ la, ɛlɛɛ, ə gbɔwɔ kulɔ a haláá mąą mɛ̨nį ɓa.

Ifisiɛŋ 5:25 ပူးပေါင်းရင်းမြစ်များ

Zɛnɛse 2:24

Mɛni ma surɔ̂ŋ a nâa ǹâŋ da ǹee lɛ̀ɛ é kánaŋ ŋɔnɛnîi ma, da ǹyaa dí kɛ́ a kpono tɔnɔ.

Zɛnɛse 24:67

Nya ƃe Aise è pà a Lubɛka ǹee Seera ŋɔsua kɔ̂lɔ seɣe pɛrɛi mu, é gula a ŋɔnɛnî. È kɛ̀ a ŋɔnɛnîi wɛ́liɛɛ. Ǹyaŋ Aise líi è làa ǹee saá pôlu mà.

Samia Veerɛi 12:3

Kɛ́lɛ ƃála-saa tɔnɔ nɔ́ ƃé kɛ̀ gôlo-nuui yêei nyíi è ǹyai. È pà la ŋɔpɛ́rɛi lá gɛ́ ƃò ǹyêei da ŋɔnîa-pɛlɛɛi. Dí lɛ̀ɛ ŋ̀á kɔ̂niî é kɛ́tɛ. È kɛ̀ nɔ́ díyêei yɛ̂ɛ nɛnî-loo kwatara. A kâa kɛ̀ ǹáa miî a ŋɔmii-sãai da tɛ̀ɛ m̀álai pɔ́. A kâa máŋ yá tɛ̀ɛ m̀álai pɔ́ gbîŋ kpele-kɔɛɛi su. Da dîa-ni da kâa ǹyii kwaa tɔnɔ ma.

Wɛli 1:11

Kwa pâi gôo wolii-kɔli kpɛtɛ̂i ímɛni ma, kú bɔ̃yɛ tóo a káne.

Maafîu 20:28

Núu-kpune Ǹóŋ fé pá ní la a gɛɛ dí tíi kɛ́ mì, kɛ́lɛ, è pà a gɛɛ é tíi kɛ́ núu-kpune mì, é ŋɔfúlu-laai tɛ́ɛ a núu támaa maa-tee-sɛŋ.”

Ɉaan 6:51

Ńyãa ƃe ŋ́gaa a vulu-laa-kpoloi nyii kùla Ɣâla-taai. À kɛ̀ núu da à gbóloi ŋí mìi, a pâi kɛ̂i ɣéniɛ wɔ́lɔ-wɔlɔ da wɔlɔ-wɔlɔ. Gbóloi ǹyaŋ ŋa pâi dɛɛ̂i ǹɔii ŋɔfúlu-laai mɛni mai, gáa a ńuu.”

Gɛlaɠaa 20:28

M̀ɛni ma, ka kámɛi káa da Kôrai-ƃela kpului kélee, nyíi-ŋai M̀ɔlêŋ Maa Waai a kákɛ a dímɛi-ƃela a gɛ́ɛ ka Kúnuu-namui ŋɔtóli-kpɔŋ su-ƃelai ŋá kɔ́ŋ, nyíi è díyà a gbɔɔi ŋãai.

Galatə 1:4

nyíi gbîŋ tɛ̀ɛ kúsɔnyɔ̂ŋ mɛni ma a gɛ́ɛ é kúkula ŋ̀wana-lɔ̂ɔ ɣeniɛi ŋí su yɛ̂ɛ berei Kúnâŋ Ɣâla ŋɔnîa-mɛnii káa lai;

Galatə 2:20

Kwa Kôrai dí kúkpàmo wúru su-tíyeŋɔɔ ma; ǹyaŋ fe ŋɔ́nɔ ɣele ma, fɛ̂ɛ Kôrai nyíi gáa ŋ́gbonôi; vulu-laai nâa ŋa gɛ̂i ŋ́gbonôi, ŋa gɛ̂i a laa-la Ɣâla Ǹóŋ kponôi nyíi ŋ́wɛ̀li é gbîŋ tɛɛ ḿɛni mai.

Ifisiɛŋ 5:2

ka sia wɛli-kɛ-maa su yɛ̂ɛ berei Kôrai máŋ e kúwɛli la a gbîŋ tɛɛ kúmɛni ma yɛ̂ɛ kereŋ-sɛŋ kúŋ nɛ̃ɛ da sâla kúlaa Ɣâla ma.

Ifisiɛŋ 5:24

Berei Kôrai-toli-kpɔŋ káa la Kôrai mui, tɔɔ ǹɛyâai máŋ dí kɛ́ ti dísinâai mu mɛni kélee su.

Ifisiɛŋ 5:28

Bere ƃe máŋ fɛ̂ɛ sinâa dí dínɛyâai wɛli la yɛ̂ɛ díkpono kpîŋ. Ǹúui nyíi e ŋɔnɛnîi wɛli níi, e gbîŋ wɛli ni.

Ifisiɛŋ 5:33

Kɛ́lɛ, kákelee ka kánɛyâai wɛli tɔnɔ́-tɔnɔ́ yɛ̂ɛ kákpîŋ. Fɛ̂ɛ ǹyaŋ ǹɛyâai dí gáa a gɛ́ɛ dí ƃaa kɛ́-maa tɛɛ dísinâai pɔ.

Kolosə 3:19

Sinâa, ka kánɛyâai wɛli. Káfe lono ŋɛi tɛ́ɛ ɣelêi kɛ̀ dîa.

Timote dɔlɔɔ 2:6

nyíi gbîŋ tɛ̀ɛ a núu kélee maa-tee-nuui, ǹyaŋ dí nyíŋi m̀aa sêre-faa kɛ̀ tãi ma.

Piɛrə dɔlɔɔ 3:7

Sinâa, kili-ŋa-sia é kɛ́ kâa a bere tɔnɔi tí é pîlaŋ kánɛyâai dîa a berei ka pɔ̂ri tûai la a diai. Ka ƃaa-kɛ-maa tɛ́ɛ dípɔ, kpɛ́ni fêi, díwala-walai fé seri ní káwɔ̂i pɔ, kpɛ́ni fêi ŋɔ́nɔ, ka dîa-ni kákaa a vulu-laai maa-ƃɛlɛ-sêei sɔlɔ-ƃo-ƃela zu tɔnɔɔ a gɛɛ pɔ́ɔ fé pɛlɛ Káɣâla-fɛliɛɛi ma.

M̀ɛni-lɛɛi 1:5

Ƃɛlɛ-sêe é kɛ́ kâa da lii-sêe é kúla zere-faa kɛ-nuu sã́ai Zîsɛ Kôrai yêei, nyíi kɛ̀ a ǹúui maa-ŋuŋ kùla saa yêei, gɛ̀ ƃò ŋɔ́nɔ a ǹɔii su-kaloŋ-ŋai mɛi-nuui. Ǹúui kúwɛli ni nyíi kúŋuŋ ma ƃò kúsɔnyɔ̂ŋ yêei a ŋɔŋãai,

M̀ɛni-lɛɛi 5:9

Ǹya ƃe dí kɛ̀ wule nina toôi, díyɛɛi, “Ímaa nɛɛ̂i a gɛɛ í gɔlɔi siɣe, í gɔlɔ lá-tɛ-sãai kúla ńâ. Kpɛ́ni fêi, dí ípàa, ya núu-kpune ŋuŋ ma ƃó a íŋãai Ɣâla mɛni ma, da kûla nuu-suu kélee su, sii-woo kélee su, da núu kélee, é pɛ́lɛ lɔii-ŋûŋ kélee ma.