Ifisiɛŋ 5:11 - Bible

¹¹ Káfe gbínii ŋɔtíi-ŋai da kɛ̀, nyíi-ŋai dífa ƃâi, kɛ́lɛ, ka pá a maa-tii-ŋai ti fíeŋ ŋá.

Yálá laawoo hɛɓɛ (dc)

¹¹ 'Ká hvo ká yee too kpinį kólóɠaa hu, diɛi di tɔlɔ hvo diɛ, 'káámun, 'ká di too pono ɲą.

Yálá laawoo hɛɓɛ

¹¹ 'Ká hvo ká yee too kpinį kólóɠaa hu, diɛi di tɔlɔ hvo diɛ, 'káámun, 'ká di too pono ɲą.

Ifisiɛŋ 5:11 ပူးပေါင်းရင်းမြစ်များ

Zɛnɛse 20:16

È mò Seera ma ǹyɛɛi, “Ŋá sɛŋ-káne wála tɔnɔ (1,000) tɛ̀ɛ ísâaƃɔlɔ pɔ́. Nyíŋi ƃé pâi ǹɛ̂i ínûai kélee dîa a gɛɛ ísɔŋ fé mɛnii ŋí su. Ísãâi núu kélee ŋɛ́i.”

Mąątɛ̨nɛ̨ 141:5

Tɔɔ ǹúu sã́a-ŋai dí ŋ́gula maa kɛ́, dí ńdeniŋ tɔ́ɔ a wɛli kɛ́ maa, kɛ́lɛ, ḿve pâi ńyee seêi ŋ̀wana-lɔ̂ɔ-ƃelai díƃaa-kɛ maai mu, kpɛ́ni fêi, ŋ́gaa nɔ́ wɔ́lɔ Ɣâla fɛlîi é pîlaŋ díŋwana-lɔ̂ɔ-tuai ma.

Hanwon 1:10

Ńoŋ, à kɛ̀ sɔnyɔ̂ŋ-ƃela da díyee làa yâ, ífe fàa ma.

Hanwon 1:31

M̀ɛni ma zɛŋ ka zii, ka pâi m̀á kulâi, ǹyaŋ kákpɔɔi kɛ́-mɛni-ŋai tí ƃé pâi kákɛ̂i ká kɔ́lɛ.

Hanwon 13:18

Ǹúui va lia-woo siɣei, kôlo-laa da ŋumɛ a pâ bɔ́, kɛ́lɛ ǹúui a ŋ̀óli tɔ̀ɔ lia-woo mai, a ƃaa-kɛ-maa sɔlɔ ƃô.

Hanwon 15:12

Núui a ɣɛ́lɛ maa kùla núu kponôi, va ŋ̀wɛli dí ŋɔpɔara-maai lɛ́ ma. Va lî táre-nuu pɔ́.

Hanwon 19:25

Ƃà tɔ̂ŋ pù ǹúui ma a ɣɛ́lɛ-maa kûla núu kponôi, diai táre fé díŋuŋ sui, da pâi târei. Ƃà táre-nuu ŋɔpɔra-maai lɛ̀ ma, a pâi mɛni ŋá kâai.

Hanwon 25:12

Táre-nuu ŋɔlia-wooi káa ǹia-wooi ŋí siɣe-nuu wôlii yɛ̂ɛ maa ɣîri-sɛŋ nyii dí gbɛ̀tɛ a gôoi.

Hanwon 28:4

Diai dífa dɔ̂ŋ mɛi kâai, gáa yɛ̂ɛ da kɛ̀ ŋwana-lɔɔ-ƃelai láa maa tɛ̂i, kɛ́lɛ dɔ̂ŋ-mɛi-kaa-ƃelai da tɔ̂ɔ ŋ̀wana-lɔ̂ɔ-ƃelai dîa.

Hanwon 29:1

Ǹúui va lia-woo sìɣei é lɛ́ɛ nɔ́ ŋuŋ-su-kpanaŋ kɛ̂i, zu a pâi karâi a maa félaa, kpɛtɛ̂i fé pâi kɛ̂i mà.

Azaya 29:21

Diai kélee da lɛ́ɛ pɛ̀lɛ nûa dîa a gɛ́ɛ dímɛnii é nyɔ́ŋ m̀ɛni-sâa ƃó kwaa mai, Ɣâla a pâi m̀aa-ƃelai su-karâi. Diai da tɔ̀ɔ m̀ɛni nyɔ́mɔɔ kɛ́-ƃela pôlu a wôya pere a gɛ́ɛ ǹúui zɔŋ fé m̀aa mɛ̂nii su ŋɔmɛnii é nyɔ́ŋ, Ɣâla a pâi maa-ƃelai kula maa kɛ̂i.

Ɉeremi 15:17

Kwa nûa kúfe sèe ní kúkîe ma kúkɛ ɣɛ̀lɛ, kúkɛ kúnîa mɛni kɛ̀. Ŋá íwoo mɛ̀ni, ŋá lɛ́ɛ see-ni ńyãa tɔnɔ kwaa maa, ńii ŋwánaa.

Levetekɔ 19:17

“Kpɔara fé kɛ̀ kálii su káƃarâŋ nuui mɛni ma, kɛ́lɛ ka káloai kpɛtɛ ka dîa-ni a gɛɛ ŋɔsɔnyɔ̂ŋ mɛni da fé lɛ̀ɛ kâa.

Maafîu 18:15

“À kɛ̀ íƃarâŋ-puu à sɔnyɔ̂ŋ kɛ̀ a yá, ǹia-woo ƃó káfeerɛ kwaa ma. A íwoo mɛ̂ni, gɛ̀ ní, gáa niî a íƃarâŋ.

Lukə 3:19

Kɛ́lɛ, gâloŋ kɛ́tɛi Ɛɛlɔ, nyii Zɔ̂ŋ e lòno bɔ a gbanaŋɔɔ e pîlaŋ ǹîa ŋɔnɛnîi Ɛɛlôdia mɛni mai, e pîlaŋ ŋɔ́nɔ mɛni nyɔ́mɔɔ-ŋai kélee dîa Ɛɛlɔ a gɛ́i,

Gɛlaɠaa 26:18

a gɛ́ɛ í díŋɛi lá ƃo í díkula kpinîi í pa a dia kwaa-ponoɔ su í díkula Sêtɔŋ ŋɔwála-walai su í pa a dia Ɣâla pɔ, a gɛ́ɛ dí sɔnyɔ̂ŋ su-mɛni-lɛɛ maa sɔlɔ ƃo. A gɛɛ ŋɔ́nɔ dí kwaa ma sɔlɔ ƃo diai sama, nyíi-ŋai dímaa waâi a naa-laai gáa díyêei ḿɛni mai.’

Lomaŋ 13:12

gbínii a gbâa tɛɛ, ŋele-ƃɔɔi a nâa lɛɣɛ. Mɛni ma kwaa ku gbini-tii píli ku ŋele-ƃɔɔi ŋɔtii-kɛ-sãai siɣe;

Lomaŋ 16:17

Ŋa kákpera fêi, ŋánûa, a gɛ́ɛ ka kámɛi káa a diai da pâ a ŋa-kɔlɛ-mɛni da mɛni-kpanaŋ nyɔ́mɔɔ-ŋa, nyíi-ŋai dítɔɔ̂i zɛŋ-lɛɛi ma ka zɔlɔ ƃôi; ka yao dîa.

Lomaŋ 6:21

Kɛ́lɛ, lé lɛ́lɛɛ ƃe ká zɔlɔ ƃò nyíi-ŋai su maa ŋumɛ̂i káa kâai!? Ǹyaŋ nyiti-ŋai kpɛɛ ŋá nɔ́ ƃa saa.

Galatə 6:8

Kpɛ́ni fêi, núu a sɛŋ sí ŋɔkɛ-pere-nyɔŋ mɛni mai, a su-kara kùla ŋɔkɛ-pere-nyɔŋ su; kɛ́lɛ, núu a sɛŋ sí M̀ɔlêŋ mɛni mai, a wɔlɔ-wɔlɔ fulu-laa kùla M̀ɔlêŋ su.

Ifisiɛŋ 4:22

a gɛ́ɛ ka tee kátûa-pere pɔlɔi ma, nyíi pâi karâi, kpɛ́ni fêi, ŋɔmɛni-wɛliɛi káa a pɛlɛ.

Ifisiɛŋ 5:12

Kpɛ́ni fêi, gáa máŋ a ŋumɛ-mɛni a gɛ́ɛ núu é lóno e pîlaŋ mɛni-ŋai dîa da gɛ̀ loo-pere sui;

Ifisiɛŋ 5:7

Mɛni ma ka dîa-ni káfe nɛ̀ɛ,

Kolosə 1:12

ka sɛɣɛi-fei tɛɛ Nàŋ-nuui pɔ nyíi kúkpɛtɛ a gɛ́ɛ ku kɛ́ a Ŋ̀âla-ƃelai dítûa-perei da kɛ-ƃela gwaa-ponoɔi sui.

Tɛsalonikə dɔlɔɔ 5:7

Kpɛ́ni fêi, diai da nyîi, da nyîi a kpini, diai da lɔɔ kpêlei díkaa lɔɔ kpelêi a kpini.

Tɛsalonikə veelɛ 3:14

À kɛ̀ núu da kélee fe faa ni a gɛ́ɛ é ǹyée see mɛni-ŋai mu ku mò gɔlɔi ŋí sui, maa-nuui é lɛ́ɛ kákili ŋá, ka dîa-ni káfe nɛ̃ɛ. Ka gɛ́ ti a gɛ́ɛ maa-nuui e ŋumɛ.

Tɛsalonikə veelɛ 3:6

Mɛni ma, ŋánûa, kwa m̀ôi káa Kúnuu-namui Zîsɛ Kôrai láai su a gɛ́ɛ ká kasu kula káƃarâŋ-nuu kélee ma nyíi va tíi kɛ̀, va tela pìlaŋ mɛni-ŋai pôlu ku nɛ̀ kâai.

Timote dɔlɔɔ 5:20

À kɛ̀ a diai díkaa ŋ̀wɛ̂lii dí kɛ́ nɔ́ sɔnyɔ̂ŋ sui, lóno dîa ǹúui kélee ŋɛi a gɛ́ɛ ǹúu kpeli-ŋai dí yao.

Timote dɔlɔɔ 5:22

Ífe íyee pɛ̀lɛ núu ma a maa félaa, kpaa máŋ ífe íkpîŋ pu núu da kpɛni ŋɔsɔnyɔ̂ŋ su; ítûa-perei é kɛ́ nɔ́ a maa waa.

Timote dɔlɔɔ 6:5

díkɛ sîa too ǹûai sama nyíi-ŋai díkili káa kpɛni-kpɛni, dɔ̃yâi fé díyêei. Ǹûai ŋí da gàa a gɛ́ɛ Ɣâla-mɛni-kɛɛ káa a sɛŋ sɔlɔ ƃoɔ maa-pere.

Timote veelɛ 3:5

Ɣâla-mɛni-sii da káa díyêei, kɛ́lɛ, díkɛ maa-wála-walai maa sîa tòo. Ífe íyee pu ǹúu-sii kɛɛ-ŋai ti maa-mɛni su.

Timote veelɛ 4:2

Ɣâla ŋɔwóoi ƃó, í tíi kɛ́ a gbanaŋɔɔ a tãi kélee, í nûa dísɔnyɔ̂ŋ lɛ dîa, í lóno nûa pɔ kpɔ́ a gbanaŋɔɔ, í dília-woo ƃó, ífe fɛ̀ɣɛ ílii-kpelei su da ísɛŋ-lɛɛi.

Taitɔ 2:15

Mɛni-ŋai ŋí ƃó, í dília-woo ƃó, í lóno kpɔ́ dípɔ a gbanaŋɔɔ a wala-wala-laa kélee. Ífe nɛ̀ɛ naa núu da é ŋ̀ɛ́i naɣîŋ ímɛi.

M̀ɛni-lɛɛi 18:4

È kɛ̀ tí, ŋá wóo da kpɛ́ni mɛ̀ni, é kúla Ɣâla-taa, ǹyɛɛi, “Ka kula naa, ŋánûa, a gɛɛ káfe kɛ̀ a ŋɔsɔnyɔ̂ŋ da kɛ-ƃela. A gɛɛ káfe kɛ̀ a ŋɔmɛni-kpɔlui da sɔlɔ ƃo-ƃela.