Ifisiɛŋ 2:4 - Bible

⁴ Kɛ́lɛ, Ɣâla ŋɔmaloŋ-kaai kɛ́tɛ̂i, kpɛ́ni fêi, wɛli-kɛ-maa kɛ́tɛ káa ǹyêei kúmɛni ma,

Yálá laawoo hɛɓɛ (dc)

⁴ Kɛlaa, Yálá nwɔ wɛlikɛmąą laa kɛnɛ̨i, nwɛlikɛmąą laa tii hu ɓə ə gu ɲɛ̨imąąwɛli kaa la,

Yálá laawoo hɛɓɛ

⁴ Kɛlaa, Yálá nwɔ wɛlikɛmąą laa kɛnɛ̨i, nwɛlikɛmąą laa tii hu ɓə ə gu ɲɛ̨imąąwɛli kaa la,

Ifisiɛŋ 2:4 ပူးပေါင်းရင်းမြစ်များ

Nehemi 9:17

M̀ɛni-ŋai kélee í mò dîai, dí díyee kùla mù. Zûgbɛlɛ-gbɛlɛ mɛni-ŋai da ŋ̀ɛi kɛ́-maa-ŋai í gɛ̀ díŋɛi Ize lɔii sui, dí nìa gélee ma. Dí kɛ̀ a dí wôlii kpɔ́lɔɔ. Dí dí dílaa túɛ-nuu lɛ̀ a gɛɛ é lí a dia pôlu luɛ-laai su Ize lɔii su. Kɛ́lɛ íkaa a su-mɛni lɛ̂ɛ Ɣala. Maloŋ kâa támaa káa íyêei. Ífa ílii ŋwàna a maa félaa. Í wɛli-kɛ-maai su kɛ̂tɛi. M̀ɛnii ŋí ƃé gɛ̀, ífe íyee kula ní dímu.

Mąątɛ̨nɛ̨ 145:8

Ɣâla Yâwɛɛ káa a maloŋ kâa da wɛli kɛ́-maa Ɣala. Vá ǹíi ŋwàna a maa félaa, kɛ́lɛ ŋɔwɛli-kɛ-maai káa naa wɔ́lɔ-wɔlɔ.

Mąątɛ̨nɛ̨ 51:1

Óo Ɣâla, ŋ́ɛi malôŋ káa yɛ̂ɛ berei íwɛli kɛ́-maai su kɛ̂tɛi lai. Ŋá sɔnyɔ̂ŋ wáa mî ḿâ yɛ̂ɛ berei ímaloŋ kâai su kɛ̂tɛi lai.

Mąątɛ̨nɛ̨ 86:15

Óo Ǹuu-namui, íkaa a ŋɛi-maloŋ kâa da wɛli-kɛ-maa Ɣâla. Ílii kpelêɛi, íkɛ ƃò a wɛli-kɛ-maa nuu teniŋ ƃôɔɔ.

Mąątɛ̨nɛ̨ 86:5

Í sɔŋ lɛ̂lɛɛi, íkɛ kúsɔnyɔ̂ŋ su mɛni lɛ̀ɛ. Íwɛ̂li-kɛ-maai káa naa diai da ífɛ̀lii, dí mɛni ma.

Lɛɛ gbɔwɔ ɓa 33:19

Yâwɛɛ ǹyɛɛ mai, “Ŋa pâi ŋásɔŋ-lɛlɛɛ-laai kélee kɛ̂i é tɛ́ɛ íŋɛi túɛ. Ŋa pâi Yâwɛɛ laai lɛ̂i yâ. Ŋa pâi ƃɛlɛ-see tɛɛ̂i diai pɔ́ ŋa pâi ƃɛlɛ-see tɛɛ̂i dípɔi, ŋá diai malôŋ káa ŋa pâi dímaloŋ kâai.

Azaya 63:7

Ŋa pâi Yâwɛɛ ŋɔwɔ́lɔ-wɔlɔ wɛ̂li-kɛ-maai maa mɛ̂ni ƃôi. Ŋa ǹáa maa tɛ̂i é pîlaŋ la m̀ɛnii a gɛ̀ kûɛi, mɛni ma. A lûwa láa kpɔ́ Eezuɛ ma a ŋ̀ánaa ŋɔwɔ́lɔ-wɔlɔ wɛli-kɛ-maai da ŋɔmaloŋ kâa laai mɛ̂ni ma.

Ɉeremi 31:3

ŋá kula díŋɛi kwaa kôyaa ma. Káai a Eezuɛ-ƃelai, ká wɛ́li káa kpɔ́ ḿâ a ŋánaa. M̀ɛni ma, ḿve niî ŋáwɛli kɛ́-maai su-saa-ni ká mɛni ma.

Danîa 9:9

Berei máŋ kútɔɔ̂i la yâi, maloŋ kâa da su-mɛni lɛ̂ɛ káa nɔ́ íyêei kúmɛni ma.

Zôna 4:2

È Yâwɛɛ fɛ̀li ǹyɛɛi, “Ŋá kɛ̀ a gɔ́lɔŋɔɔ a gɛɛ íkaa a ƃɛlɛ-see da maloŋ-kâa Ɣala, ífaa ílii ŋwàna a maa félaa, wɛli-kɛ-maa kɛ̀ ƃò íyêei, ƃa ílii maa fâleŋ ífaa núu ŋɔsɔnyɔ̂ŋ su too. M̀ɛnii ŋá kɛ̀ ŋ́gili ŋá siâi ma tãi ŋá kɛ̀ niî la ŋalɔii sui nyaa ká ŋí. M̀ɛnii ŋí ƃe gɛ̀ ŋá pú ŋá lí Sipîŋ.

Lukə 1:78

Kúɣâlai ŋɔmaloŋ kaai sârai, tãi ɣele-ƃɔ́i a pâi pâi la kúmɛi é kúla ɣelei póŋ-póŋ,

Lomaŋ 10:12

Kpɛ́ni fêi, Zûu-ŋai da Gurii-ŋai díŋa fe kɔlɛ ni. Nuu-namu tɔnɔi káa a núu kélee Namu, ǹyaŋ e ŋɔtɔɔ-laai tɛɛ diai kélee pɔ da ǹáa tolii.

Lomaŋ 2:4

Kpaa máŋ ya íŋɛi naɣîŋ ŋɔsɔŋ lɛ̂lɛ-laa su-kɛ́tɛi mɛi, ŋɔmaloŋ-kaai da ŋɔlii-kpelei ma? Ífe gɔ́lɔŋ a gɛ́ɛ Ɣâla ŋɔsɔŋ lɛ̂lɛi su-kulai ƃa é íkɛ í ílii pene?

Lomaŋ 5:8

Kɛ́lɛ, Ɣâla a ŋɔwɛli kɛ́-maai lɛ̀ kûa a gɛ́ɛ, berei máŋ kúkɛ̀ niî la a sɔnyɔ̂ŋ-ƃelai, Kôrai è sàa kúmɛni ma.

Lomaŋ 9:23

E gɛ̀ a gɛ́ɛ e nɛ berei ŋɔfólo-laai kɛ́tɛ̂i la diai mɛni ma e dímalôŋ kàai. E díkpɛtɛ naa-tuɛ folo-laa mɛni ma.

Ifisiɛŋ 1:7

Kwa ŋuŋ-ma-ƃo sɔlɔ ƃô gbonôi ŋɔŋãai sârai, nyíi zu-kulai ƃa kútɔ̂ŋ karaai ŋɔsu-mɛni-lɛɛi, yɛ̂ɛ berei ŋɔƃɛlɛ-sêei su kɛ́tɛ̂i lai,

Ifisiɛŋ 2:7

È nyíŋi kɛ̀ a gɛ́ɛ tãi pâi pâi é ŋɔƃɛlɛ-sêe su kɛ́tɛi lɛ́ sɔŋ-lɛlɛ-pere su Zîsɛ Kôrai sârai.

Ifisiɛŋ 3:8

Ɣâla e m̀ɛlɛ-seei ŋí tɛ̀ɛ ḿbɔ a gɛ́ɛ ŋa Kôrai ŋɔtɔɔ-laai maa-mɛni ƃo Zɛ̃tai-ŋai dîa, nyíi dɛɛ̂i kúkili-ŋa-siai mai, berei máŋ ŋ́gaa la a Ɣâla ŋɔnûai kélee dídoo-mui.

Tɛsalonikə veelɛ 2:13

Kɛ́lɛ, ŋánûa, gáa a sɛŋ a gɛ́ɛ fɛ̂ɛ ku sɛɣɛi-fei tɛɛ Ɣâla pɔ a ɣele kélee kámɛni ma, káai kákaa a Kúnuu-namui ŋɔwɛli-kɛ-maa-ƃelai. Kpɛ́ni fêi, Ɣâla a kálɛ gɔ́ɔ pîlanii a gɛ́ɛ ká ƃálo M̀ɔlêŋ ŋɔmaa-waa-laai sârai da ǹaa-lai gáa káyêei dɔ̃yâi sui.

Timote dɔlɔɔ 1:14

Kúnuu-namui ŋɔƃɛlɛ-sêei è kɛ̀ a gɛ́tɛ ḿɛni ma da naa-lai e pɛlɛ ŋwɛli-kɛ-maai ma nyíi-ŋai díkaa Zîsɛ Kôrai kponôi.

Timote veelɛ 1:9

nyíi kúƃàlo é kútoli a tóli maa waai. Ve gɛ̀ ní a kútii ŋɔwala-walai, kɛ́lɛ, e gɛ̀ a gbîŋ-nia-mɛnii ŋɔwála-walai da m̀ɛlɛ-seei nyíi e dɛ̀ɛ kúpɔ Zîsɛ Kôrai kponôi a tãi su kôya.

Piɛrə dɔlɔɔ 1:3

Lûwa é kɛ́ Zîsɛ Kôrai Ŋɔɣâlai da Ǹâŋ ma! Ŋɔmaloŋ-kaa kɛ́tɛi su, da ŋɔ́nɔ kúmaa sɔlɔ ƃó a nina kwa kɛ́ fulu-laa kili-kɛ-zu su, Zîsɛ Kôrai ŋɔmu-siɣe saa-yeei sârai,