Ifisiɛŋ 2:3 - Bible

³ Ku kɛ̀ nyíi-ŋai ŋí sama a maa-ŋuŋ, diai díkɛ ɣeniɛi kɛ̀ a díkpîŋ-tua-pere-nyɔŋ maa-sɛŋ-wɛliɛi. Ku pîlaŋ kúkili-ŋa-siai da kúkponôi dísɛŋ wɛliɛi pôlu. Mɛni ma kúkpîŋ tua-perei su Ɣâla ŋɔtɔŋ-kpɛ́-maai è kɛ̀ kúmɛni ma nɔ́ yɛ̂ɛ núu kpeli-ŋai.

Yálá laawoo hɛɓɛ (dc)

³ Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.

Yálá laawoo hɛɓɛ

³ Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.

Ifisiɛŋ 2:3 ပူးပေါင်းရင်းမြစ်များ

Zɛnɛse 5:3

Tãi Adaŋ è kɛ̀ la ɣele ma a kóraŋ ŋuŋ tɔnɔ pôlu buu saaƃa (130) è lóŋ-surɔ̂ŋ maa sɔlɔ ƃô móloŋɔɔ ma. È ǹáa sèe a Sɛ̂.

Zɛnɛse 6:5

Yâwɛɛ è gàa a gɛɛ núu-kpune ŋɔŋwana-lɔɔi è kɛ̀ a gɛ́tɛ ǹɔii ma, díkoi-mɛni-ŋai díkɛ ƃô a nyɔ́mɔɔ a tãi kélee.

Zɛnɛse 8:21

Tãi Yâwɛɛ è géreŋ sala kúŋ nɛ̃ɛi kúŋ mɛ̀ni lai, è mò ǹyɛɛi, “Fé pâi ŋɔ́nɔ wɔ́lɔ ǹɔii náɣanîi núu-kpune mɛni ma, kpɛ́ni fêi, núu-kpune ŋɔkili-ŋa-sîai nyɔ̂mɔɔi é síɣe gɔ́ɔ pîlanii. Fé pâi ŋɔ́nɔ wɔ́lɔ fúlu sɛŋ kélee su karâi ǹɔii mâ yɛ̂ɛ berei ŋá gɛ̀ lai.

Zôo 14:4

Sɛŋ maa-waa fa pɔ̂ri kulâi sɛŋ da kponôi nyii maa fé waa nii yɛ̂ɛ nuu-kpunei.

Zôo 25:4

Núu-kpune a pɔ̂ri ǹɛ́i léŋ a gɛɛ deniŋ ƃôɔɔi? Núu da káa naa nyii maa wâai Ɣâla ŋɛ́i-tuɛ?

Mąątɛ̨nɛ̨ 51:5

É síɣe ḿaa-sɔlɔ ƃó tãi ma, ŋ́gaa nɔ́ a ŋwana-lɔ̂ɔ-nuu. É síɣe tãi mâ ńee è ḿaa kôo sìɣe lai, ŋ́gaa nɔ́ a sɔnyɔ̂ŋ nuu.

Azaya 53:6

Kúkelee kú kɛ̀ nɔ́ yɛ̂ɛ ƃála láŋɔɔ-ŋa. Kú kɛ̀ nɔ́ liî kúkpîŋ ŋuŋ ma. Kɛ́lɛ m̀ɛni kula maai kɛ̀ kúmɛni mai, Yâwɛɛ è gélee pù ŋ̀ûa. Kúa ƃé m̀aa nɛ̃ɛ̂i kɛ̀ kú m̀ɛni kula maai ŋí sɔlɔ ƃó.

Markə 4:19

Kɛ́lɛ, lɔii su mɛni lii-sɛlɛŋ, tɔɔ-laa mɛni, lii-nɛ̃ɛ mɛni-ŋa, sɛŋ da kpɛ́ni-ŋa wɛ́li da lɔ̂ dí ŋ̀óoi kpáaŋ, va ƃɔ̀lɔ é ƃá.

Ɉaan 1:13

nyii núu ŋ̀ãa-sâlaŋ fé maa sɔlɔ ƃó ní, kpaa máŋ dímaa sɔlɔ ƃó-pere è kɛ̀ a núu-kpune ǹîa-pere, kpaa máŋ núu ǹîa-pere, kɛ́lɛ, Ɣâla ŋɔi.

Ɉaan 8:44

Ká kùla kánâŋ Dɛ̂ƃele kponôi, ǹyaŋ ka ŋ̀wɛ̂lii a gɛɛ ká kánâŋ nîa mɛnii kɛ́. E kɛ̀ a núu-paa-nuu a maa-ŋuŋ. Ǹyaŋ ŋɔmɛni fe tɔ̃yâ pôlu. Kpɛ́ni fêi, tɔ̃yâ kélee da fe gbonôi. A lɛ́ɛ kɛ̀, a lôno nɔ ŋɔkɛ-perei su, kpɛ́ni fêi, gáa a lɛ́ɛ-nuu, gɛ ƃo ŋɔ́nɔ a lɛ́ɛ ǹâŋ.

Gɛlaɠaa 14:16

Wɔ́lɔ-wɔlɔi tí kɛ̀i, è núu kélee lɛ̀ɛ naa dí sía a díkpɔɔ̂i pere.

Lomaŋ 1:24

M̀ɛni ma Ɣâla è dílɛ̀ɛ naa a gɛ́ɛ dí mɛni nyɔ́mɔɔ-ŋai kɛ́ kɛ̀ dílii ŋái. M̀aa mɛni-ŋai ƃa dímaa fé waa ní díkɛ ƃâa kùla díkpono ma díkîe-ni sáma.

Lomaŋ 11:30

Yɛ̂ɛ berei nɔ́ káfe kɛ́ ni Ɣâla wóo mɛnii la, kɛ́lɛ, ka maloŋ-kaa sɔlɔ ƃo ǹyêei Zûu-ŋai Díɣâla wóo piliɛɛ̂i sârai,

Lomaŋ 13:14

Kɛ́lɛ, ka Kúnuu-namui Zîsɛ Kôrai siɣe kálii su. Káfe kwaa ma lɛ̀ɛ kákponôi mɛni ma a gɛ́ɛ é ǹîa-mɛni kɛ́ naa.

Lomaŋ 2:14

À kɛ̀ Zɛ̃tai-ŋai, nyíi-ŋai dɔ̂ŋ fe díyêei, da sîa dɔ̂ŋ lá-woo ma dínuu-kpune kɔlɔi su, gɛ̀ ní díkaa a tɔ̂ŋ dia kpîŋ mɛni ma, berei máŋ dɔ̂ŋ fé la díyêei.

Lomaŋ 5:10

À kɛ̀ tãi kú kɛ̀ la a Ɣâla kpɔara-ƃelai, Ǹóŋ ŋɔsaai è pà a kúa pôlu Ɣâla pɔ́, gɛ̀ ní gáa a tɔ̃yâ a gɛ́ɛ Ǹóŋ ŋɔfúlu-laai a pâi kúƃalôi, kpɛ́ni fêi, a nâa pá a kúa pôlu Ɣâla pɔ́.

Lomaŋ 5:9

M̀ɛni ma, tãi nɔ́ Ɣâla a kúkɛ la a tɔ̃yâ-ƃela a Kôrai ŋãai, gáa nâa a tɔ̃yâ a gɛ́ɛ Kôrai a pâi kúƃalôi è kúkùla Ɣâla ŋɔlii-ŋwana kɛ́tɛi su.

Lomaŋ 6:12

Káfe nɛ̀ɛ naa sɔnyɔ̂ŋ è kɛ́ a kákponôi téniŋ tɔɔ-sɛŋ. Káfe nɛ̀ɛ naa sɔnyɔ̂ŋ é gɛ́ sɛŋ wɛli é tɛ́ɛ kálii pôlu a ŋ̀ánaa.

Lomaŋ 7:18

Kpɛ́ni fêi, ŋá gɔ́lɔŋ a gɛ́ɛ mɛni lɛ́lɛɛ kélee fe ŋ́gbonôi, nya ƃa ŋ́gbîŋ-tua-perei su. Ŋa ŋ̀wɛli ŋá mɛni-ŋai kɛ́ dílɛlɛɛ̂i, kɛ́lɛ, fa díkɛ̀.

Lomaŋ 9:22

A kɛ̀ ti ŋaŋ gɛ̀ ní le? À kɛ̀ Ɣâla è kɛ̀ ŋ̀wɛ̂lii a gɛ́ɛ e ŋɔlii-ŋwana kɛ́tɛi lɛ da ŋɔwála-walai, gɛ̀ ní e ǹía kpèle kpɔ́ a dámaa diai yêei gɛ̀ a gɛ́ɛ ǹíi e ŋwanai, nyíi-ŋai kɛ̀ nɔ́ su-kara mɛni mai.

Korɛntə dɔlɔɔ 4:7

Kpɛ́ni fêi, gbɛ̂ɛ ƃa mɛni da kàa íkponôi a dee núu da kpɛni ma? Le sɛŋ ƃe gáa íyeêi ífe zɔlɔ ƃo ni? À kɛ̀ ǹyaŋ í zɔlɔ ƃo, íkaa yoŋka teêi lé mɛni ma yɛ̂ɛ nya ƃe ve kɛ́ ni a sama-sɛŋ?

Korɛntə veelɛ 7:1

Ŋáwɛli-kɛ-maa-ƃelai, tãi nɔ́ gono-tee-ŋai ŋí káa la kúyêei, kwaa kúkpîŋ maa wáa ku kúla kúkponôi da kúmɔ̂leŋ dísɔnyɔ̂ŋ su, kúkɛ kpɔ́ a kúmaa waa a ǹɛ́lɛɛ Ɣâla ŋɔyao-maai su.

Galatə 3:22

Kɛ́lɛ, Ŋ̀âla-kɔlɔi a nyíŋi kélee pu sɔnyɔ̂ŋ mu, a gɛ́ɛ gono-teei nyíi gáa laa-la su Zîsɛ Kôrai kponôi é tɛ́ɛ diai pɔ laa-la káa díyêei.

Ifisiɛŋ 2:2

Ka sia tɔ̂ŋ karaa su da sɔnyɔ̂ŋ a maa-ŋuŋ. Ka pîlaŋ ŋ̀éniɛi ŋí su tua-perei pôlu, ka pîlaŋ nyînaŋ nyɔ́mɔɔ-ŋai díkâloŋ pôlu, nyíi gáa tíi kɛ̂i diai sama da Ɣâla wóo pìlii.

Ifisiɛŋ 4:22

a gɛ́ɛ ka tee kátûa-pere pɔlɔi ma, nyíi pâi karâi, kpɛ́ni fêi, ŋɔmɛni-wɛliɛi káa a pɛlɛ.

Kolosə 1:21

Káai ká kɛ̀ a ŋɔ̃yâ-ŋa a tãi tɔnɔ, kálii su nyɔ́mɔɔ Ɣâla ma, ká kɛ́ mɛni nyɔ́mɔɔ-ŋa kɛ̀i,

Tɛsalonikə dɔlɔɔ 4:13

Kɛ́lɛ, ŋánûa, kúfa pɔ̂ri kálɛɛ̂i a káƃoɔɔ diai mɛni ma da wɔ́lɔ saai, a gɛ́ɛ káfe wɔlɔ yɛ̂ɛ berei ǹúu kpeli-ŋai da gɛ̀ lai, diai kili-kɛ-zu fe díyêei.

Tɛsalonikə dɔlɔɔ 5:6

Mɛni ma kúfe nyíi yɛ̂ɛ berei ǹúu kpeli-ŋai da gɛ̀ lai, kɛ́lɛ, kwaa ku kɛ́ a kúŋɛi ku kɛ́ a kúŋuŋ su séɣeŋɔɔ.

Timote dɔlɔɔ 6:9

Kɛ́lɛ, diai da tɔɔ-laa wɛ́li kɛ̀i, da pîli yee-laa-maa su, díkɛ pîli ƃáre ŋá, díkɛ pîli ƃoo-mɛni-wɛliɛ támaa su da sɛŋ-soli maa-mɛni nyíi-ŋai da núu su kàrai.

Taitɔ 3:3

Kpɛ́ni fêi, kûa kpîŋ kú kɛ̀ a ƃoo-ƃela a tãi da. Kúfe kɛ́ ní a woo-mɛni-ƃela. Kú pɔ̀ara berei mâ. Kú kɛ̀ a mɛni nyɔ́mɔɔ-sii támaa wɛ́liɛɛ ŋɔluɛ-ŋa da ǹîa-kɛ. Kúkɛ̀ kúɣele-ŋai tɛɛ̂i lii-ŋwâna su da tólo. Nûa dí kúkpɔara, kúkɛ kúkîe-ni kpɔara.

Piɛrə dɔlɔɔ 1:14

Kákaa a woo-mɛni-ƃela. Káfe kɛ̀ a tua-pere-nyɔŋ maa-sɛŋ wɛli-ƃela yɛ̂ɛ berei ká wɔ́lɔ kɛ̀ la tãi káfe kɛ́ ni a bere sã́ai kɔlɔŋɔɔ lai.

Piɛrə veelɛ 2:14

Wulu-wulu kɛ́-nɛyaa maa-mɛni káa díkili ŋá a ŋánaa, sɔnyɔ̂ŋ-kɛɛ fa dílii làa. Diai dílii-pene la nɛɛ̂i, da dílii pène. Sɛŋ-maa-lii-teɛɛ maa-tare káa dîɛ a ǹɛ́lɛɛ. Náɣâŋ káa dîa!

Piɛrə veelɛ 2:18

Kpɛ́ni fêi, díkɛ ƃoo-yoŋka têei nɔ́ a díwoo su kɛ́tɛi. Da nûa líi pene a núu ŋɔkɛ-pere-nyɔŋ maa-sɛŋ-wɛliɛi woli-kpɔlɔ-pere su. Diai da dílii pènei dia ƃa ǹûai da pú díkɛ kùla diai yêei da díɣeniɛi kɛ̀ pere-sii nyɔ́mɔɔ sui.

Zɔ̂ŋ Maa-ŋuŋ 2:16

Kpɛ́ni fêi, sɛŋ kélee gáa ŋ̀éniɛi sui, núu kpono ŋɔsɛŋ-wɛliɛ, núu ŋ́ɛi ŋɔsɛŋ-wɛliɛ da fulu-laa maa-yoŋka-teɛɛ dífe kula ni Nàŋ-nuui yêei, kɛ́lɛ, díkaa a ŋ̀éniɛi su-sãa.

Zɔ̂ŋ Maa-ŋuŋ 2:8

É máŋ kɛ́ tí, ŋa tɔ̂ŋ nina pɔ̃yɛɛ̂i kápɔ naa nyíi gáa a tɔ̃yâ gbonôi da kákponôi, kpɛ́ni fêi, gbínii káa tɛ̂ɛ, dɔ̃yâ-kwaa-ponoɔi kɛ́ nâa fólo.