Ifisiɛŋ 1:18 - Bible

¹⁸ a gɛ́ɛ é kákili ŋá pono a gɛ́ɛ ka gɔ́lɔŋ zɛŋ gáa a gíli-kɛ-zui nyíi a kátoli mai da ŋɔfólo-laa pɔɔ-sɛŋ kɛ́tɛi nyíi gáa Ŋ̀âla-ƃelai kponôi,

Yálá laawoo hɛɓɛ (dc)

¹⁸ ə ká kili laaɓo nwɔ kɛɛ ponoi tɔwɔ, mɛ̨nįi ə ká təli mą, yai ká ɲɛ̨i kaa dɔwɔ, káá pɛli gɔlɔn ɉii, da nwɔɔ mąąwiɛlaa hu kɛnɛ̨ pələ, ya ɓaa, gwɛlin tii gaa ká kɔ́i ɉu, ka mąąhəɠə nuą;

Yálá laawoo hɛɓɛ

¹⁸ ə ká kili laaɓo nwɔ kɛɛ ponoi tɔwɔ, mɛ̨nįi ə ká təli mą, yai ká ɲɛ̨i kaa dɔwɔ, káá pɛli gɔlɔn ɉii, da nwɔɔ mąąwiɛlaa hu kɛnɛ̨ pələ, ya ɓaa, gwɛlin tii gaa ká kɔ́i ɉu, ka mąąhəɠə nuą;

Ifisiɛŋ 1:18 ပူးပေါင်းရင်းမြစ်များ

Zôo 42:5

Ŋá kɛ̀ nɔ́ a íkɔlɔŋɔɔ kpɛ́ni fêi ŋá ímaa mɛ̂ni mɛ̀ni nûa lá. Kɛ́lɛ ŋâa nâa íkaa kpɔ́ a ŋ́gbîŋ ŋɛi-gao.

Mąątɛ̨nɛ̨ 119:18

Ŋ́ɛi lá ƃó a gɛɛ ŋá kwaa káa, ŋá dɔ̃yâ mɛni mĩli-mĩliɛɛ-ŋai naa káa ítɔ̂ŋ a ǹɛ̂i.

Azaya 11:2

Yâwɛɛ ŋɔmɔlêŋ a pâi kɛ̂i m̀ɛi, dáreɛɛ, gíli ŋá ponoɔɔ nûa mɛi káa pere su. A pâi Yâwɛɛ kɔ̂lɔni gɛ́ ƃaa kɛ́-maa tɛ̀ɛ bɔ́.

Azaya 29:10

Káai a Ɣâla ŋɔlólo kɛ́-ƃelai, Yâwɛɛ a kákɛ tiiyɔɔ. A pá kápûi nyii su-kôyaa su. Káa ƃé ǹɛ̂lɛɛi ká kɛ́ a ŋ̀ɛ́i-gao, kɛ́lɛ kátûa-pere a gɛ́ a káŋɛi pú.

Azaya 29:18

M̀aa ɣêlei tí, diai díwoli tíniŋɔɔ̂i, da pâi mɛni mɛnîi. Núu à kɛ̀ kɔlɔ lônoi díkɔlɛ, da pâi m̀aa nûui ŋɔkɔlɔ lóno-wooi mɛnîi. Ŋ̀ɛi-pu-ƃelai da pâi kwaa kâai.

Azaya 32:3

À kɛ̀ tí Eezuɛ-ƃelai da pâi díŋɛi lá-ƃôi dí díwoli tɔ́ɔ Ɣâla ma.

Azaya 42:7

Ŋ̀ɛi pu-ƃelai da pâi kwaa kâai ísârai, diai díkaa kpini-pɛrɛ mui, dí ŋuŋ ma ƃô sɔlɔ ƃó ísârai.

Azaya 6:10

È m̀o ḿâ ǹyɛɛi, “Gɛ́ ǹûai ŋí kíli ŋá é pú. Gɛ́ díwoli é tíniŋ, díŋɛi é pú a gɛɛ dífe kwaa kâa, dífe mɛni da mɛ̀ni, dífe mɛni ŋá kàa ma. À kɛ̀ tí, da pâi tínanîi ḿbɔ a gɛɛ ŋá díƃalo.”

Maafîu 13:15

Kpɛ́ni fêi, ǹûai ŋí líi su kpanaŋɔɔ̂i, díwolii kpanaŋɔɔ, díŋɛi lá tɛ́ɛ. A gɛɛ dífe kwaa kâa a dí ŋɛi, kpaa máŋ dífe mɛni mɛ̂ni a díwoli, kpaa máŋ dífe tàre m̀ɛni su a dílii, a gɛɛ dífa la pene la pôlu, a gɛɛ ŋá díƃalo Ɣâla ƃé m̀o tí.’

Markə 10:17

Zîsɛ kɛ́ɛ liî ŋɔsiâi mai, nalôŋ tɔnɔ è pà bɔ́ a kîrɛ é pɛ́lɛ ŋume ŋá dúɛ ǹyɛɛ m̀ai, “Kaamɔ̂ɔ lɛ́lɛɛ, lé ƃé ŋa pɔ̂ri gɛ̂i a gɛ́ɛ ŋá wɔ́lɔ-wɔlɔ fulu-laa sɔlɔ ƃói?”

Lukə 24:45

Gɛɛ ti, e díkili ŋá pòno a gɛɛ dí táre Ŋ̀âla-kɔlɔi su.

Gɛlaɠaa 16:14

Nɛnî tɔnɔ è kùla Tayatira-taai su, ǹáa ƃé kɛ̀ a Ledia. È kɛ̀ a gãla-seɣe kɔlɛ-nuu, gɛ ƃo a Ɣâla fɛli-nuu. Nya ƃe Kúnuu-namui e ǹíi láa ƃò a gɛ́ɛ é ǹyée see mɛni-ŋai mu Pɔ̂ɔ e mòi.

Gɛlaɠaa 26:18

a gɛ́ɛ í díŋɛi lá ƃo í díkula kpinîi í pa a dia kwaa-ponoɔ su í díkula Sêtɔŋ ŋɔwála-walai su í pa a dia Ɣâla pɔ, a gɛ́ɛ dí sɔnyɔ̂ŋ su-mɛni-lɛɛ maa sɔlɔ ƃo. A gɛɛ ŋɔ́nɔ dí kwaa ma sɔlɔ ƃo diai sama, nyíi-ŋai dímaa waâi a naa-laai gáa díyêei ḿɛni mai.’

Lomaŋ 11:29

Kpɛ́ni fêi, Ɣâla fa ŋɔsama-sãai da ŋɔtólii siɣe pôlu.

Lomaŋ 2:4

Kpaa máŋ ya íŋɛi naɣîŋ ŋɔsɔŋ lɛ̂lɛ-laa su-kɛ́tɛi mɛi, ŋɔmaloŋ-kaai da ŋɔlii-kpelei ma? Ífe gɔ́lɔŋ a gɛ́ɛ Ɣâla ŋɔsɔŋ lɛ̂lɛi su-kulai ƃa é íkɛ í ílii pene?

Korɛntə veelɛ 4:4

Diai laa-la fe díyêei ŋ̀éniɛi ŋí su-ɣalai a díkili ŋá tɛ̀i a gɛ́ɛ dífe Kôrai ŋɔfólo-laai maa-tuŋ lɛ́lɛɛi ŋɔkwaa-ponoɔi kàa, nyíi gáa a Ɣâla-pɔɔkɔ̂ŋ.

Korɛntə veelɛ 4:6

Ŋ̀âlai ŋí ƃé m̀o, ǹyɛɛi, “Tɔɔ kwaa-ponoɔ é folo gbínii su,” nyíi a fólo kúlii su a gɛ́ɛ e Ɣâla ŋɔfólo-laai maa-tarei ŋɔkwaa-ponoɔi tɛ́ɛ kúpɔ volo-laai su nyíi gáa Kôrai mai.

Galatə 5:5

Kpɛ́ni fêi, kwa tɔ̃yâ laa-la maa-kili kɛ-zui maa kpɛ̂ŋ a laa-la M̀ɔlêŋ sârai.

Ifisiɛŋ 1:11

Dí kúwɔ̂i lɛ̀ kûa Kôrai kponôi. Dí kúlɛ̀ nàa tuɛ, yɛ̂ɛ berei ŋɔsapoi káa lai, nyíi a mɛni kélee kɛ̀ yɛ̂ɛ berei ŋɔnîa-mɛnii ŋɔmɛni kpɛtɛɛi káa lai.

Ifisiɛŋ 1:7

Kwa ŋuŋ-ma-ƃo sɔlɔ ƃô gbonôi ŋɔŋãai sârai, nyíi zu-kulai ƃa kútɔ̂ŋ karaai ŋɔsu-mɛni-lɛɛi, yɛ̂ɛ berei ŋɔƃɛlɛ-sêei su kɛ́tɛ̂i lai,

Ifisiɛŋ 2:12

é lɛ́ɛ kákili ŋá a gɛ́ɛ ka kɛ̀ a kákulaa Kôrai maa a maa-tãi ti. Káfe kɛ́ ni a Eezuɛ-ŋai díta. Ka kɛ̀ a ŋɔ̃yâ-ŋa Ɣâla ŋɔkono-teei maa-mɛni kpɛtɛɛi mɛni ma. Kili-kɛ-zu fe kɛ́ ni káyêei, Ɣâla fe tela kɛ́ ni káyêei ŋ̀éniɛi su.

Ifisiɛŋ 3:16

a gɛ́ɛ berei ŋɔfólo-laai kɛ̂tɛi lai, é kákɛ kákponôi e kpanaŋ a wála-wala-laa núu-kpune kponôi Ŋɔmɔ̂leŋ sârai,

Ifisiɛŋ 3:8

Ɣâla e m̀ɛlɛ-seei ŋí tɛ̀ɛ ḿbɔ a gɛ́ɛ ŋa Kôrai ŋɔtɔɔ-laai maa-mɛni ƃo Zɛ̃tai-ŋai dîa, nyíi dɛɛ̂i kúkili-ŋa-siai mai, berei máŋ ŋ́gaa la a Ɣâla ŋɔnûai kélee dídoo-mui.

Ifisiɛŋ 4:1

Mɛni ma ńyãai ŋ́gaa a pelesinɛ Kúnuu-namui mɛni mai, ŋá m̀ó káa a gbanaŋɔɔ a gɛ́ɛ kátûa-perei é kɛ́ a maa nɛ̃ɛ dòlii mɛni ma Ɣâla è gɛ̀ a káai,

Ifisiɛŋ 4:4

Kpono tɔnɔ nɔ́ ƃe naa da M̀ɔlêŋ tɔnɔ, yɛ̂ɛ berei máŋ dí kátòli la kili-kɛ-zu tɔnɔ su kátoli-wooi sui.

Ifisiɛŋ 5:8

kpɛ́ni fêi, ká kɛ̀ a kpini a tãi da, kɛ́lɛ, kákaa nâa a kwaa-ponoɔ Kúnuu-namui kponôi; ka sia yɛ̂ɛ kwaa-ponoɔ su-nia-pɛlɛɛ.

Filipə 3:14

Ŋa kɔ̂i a gɛ́ɛ ŋa seri mɛnii ma gáa ŋ́gili ŋái, a gɛ́ɛ ŋa maa pui sɔlɔ ƃo gáa Ŋ̀âla-taa-tolii mɛni ma nyíi Ɣâla a m̀ôi a kua Zîsɛ Kôrai kponôi.

Kolosə 1:12

ka sɛɣɛi-fei tɛɛ Nàŋ-nuui pɔ nyíi kúkpɛtɛ a gɛ́ɛ ku kɛ́ a Ŋ̀âla-ƃelai dítûa-perei da kɛ-ƃela gwaa-ponoɔi sui.

Kolosə 1:23

Nyíŋi a pɔ̂ri kɛ̂i à kɛ̀ kà lɛ̀ɛ nɔ́ naa-lai su, kálii kɛ́ ƃo tɔnɔɔ ka fɔlɔ-fɔlɔ, káfa kákili kùla Duŋ Lɛ́lɛɛi ŋɔkili-kɛ-zui su nyíi ká mɛ̀nii. Duŋ Lɛ́lɛɛi ŋí e ƃo ŋeniɛi su gwaa kélee, nyíi ńyãa Pɔ̂ɔ ŋá kɛ̀ a maa-tii-kɛ-nuui.

Kolosə 1:27

Ɣâla e gbɛ̀tɛ gíli ŋá a gɛ́ɛ e nɛ berei noo-mɛnii ŋí ŋɔtɔɔ-laai da ŋɔfólo-laai kɛ́tɛ̂i la Zɛ̃tai-ŋai sama, nyíi gáa a Kôrai kákponôi. Ǹyaa ƃa volo-laai maa-kili-kɛ-zui.

Kolosə 1:5

Kálaa-lai da káwɛli-kɛ-maai da kûla gili-kɛ-zui su nyíi ǹáâi kɛ́ɛ̂i kámɛni ma Ɣâla-taai. Ká gili-kɛ-zui ŋí maa-mɛni mɛ̀ni a maa-ŋuŋ dɔ̃yâ-wooi su, nyíi gáa a Duŋ Lɛ́lɛɛi.

Kolosə 2:2

a gɛ́ɛ dílii su e kpanaŋ yɛ̂ɛ berei díɣiriɛi la díkîe-ni dîa a wɛli-kɛ-maai, a gɛ́ɛ Ɣâla ŋɔloo-mɛnii su-tɔɔ-laai maa-tarei é kɛ́ káyêei a gbanaŋɔɔ, nyíi gáa a Kôrai, ká ŋá káa,

Kolosə 3:15

Tɔɔ Kôrai ŋɔlii-sêei é tíi kɛ́ kálii su. Sâpoi ká ti Ɣâla a kátoli la a gɛ́ɛ ká kɛ́ kpono tɔnɔ su. Sɛɣɛi-fei é kɛ́ káyêei.

Tɛsalonikə dɔlɔɔ 2:12

a gɛ́ɛ ka fulu-laa maa-nɛ̃ɛ kɛ́ Ɣâla mɛni ma, nyíi kátòli gbîŋ kaloŋ-laai su da ŋɔfólo-laai.

Tɛsalonikə dɔlɔɔ 5:8

Kɛ́lɛ, tãi nɔ́ kúkaa la a ŋele-ƃɔi pɔ́ɔi, kwaa ku kɛ́ a kúŋuŋ su séɣeŋɔɔ, ku laa-la kɔli-kalaŋ da wɛli-kɛ-maa kɔli-kalaŋ pɛlɛ ku-keŋe lá gbaƃɛlɛi é kɛ̂ a ƃalo-laa maa-kili kɛ-zu.

Tɛsalonikə veelɛ 1:11

Nyíŋi mɛni ma kwa Ɣâla fɛlîi a ɣele kélee kámɛni ma. Kwa Kúɣâlai fɛlîi a gɛ́ɛ kákɛ a ǹûai dímaa nɛɛ̂i dòli è m̀o a kaai m̀aa mɛni ma. Tɔɔ é kákili-ŋa sia mɛni lɛ́lɛɛ-ŋai kélee da ǹaa-lai ŋɔtíi ŋ̀aa-see kɛ́ a ŋɔwála-walai.

Tɛsalonikə veelɛ 2:16

Tɔɔ Kúnuu-namui Zîsɛ Kôrai ǹyaa kpîŋ da Kúɣâla-taa-naŋ, nyíi kúwɛ̀lii, é wɔlɔ-wɔlɔ ŋa-nɛnɛ tɛ̀ɛ kúpɔ da kili-kɛ-zu lɛ́lɛɛ ƃɛlɛ-sêe sârai.

Timote dɔlɔɔ 6:12

Namu lɛ́lɛɛ kɔ́ naa-lai mɛni ma; ŋwɔlɔ-wɔlɔ fulu-laai sóŋ a gbanaŋɔɔ nyíi Ɣâla e ítòli ma tãi í ílaa-lai maa-mɛni ƃò la a ǹɛ́lɛɛ sere támaa ŋɛi.

Taitɔ 2:13

Kúkaa ǹíi-nɛ̃ɛ kili-kɛ-zui maa kpɛnii, nyíi gáa a Ŋ̀âla kɛ́tɛi, Zîsɛ Kôrai, pa-mɛni fólo-laa su,

Taitɔ 3:7

a gɛɛ é kúkɛ a tɔ̃yâ-ƃela a ŋɔƃɛlɛ-sêei kú kɛ́ a pɔɔ-sɛŋ mɛi-ƃela yɛ̂ɛ berei ŋwɔlɔ-wɔlɔ fúlu-laai ŋɔkili-kɛ-zui káa lai.

Hebreu 10:32

Kɛ́lɛ, ŋele pɔlɔ-ŋai dí lɛ́ɛ kákili ŋá gwaa-ponoɔi-kaa káa pôlu ma, tãi ká kɔ̀ la kpɔ́ a gbanaŋɔɔ mɛni-soli-kaa sui.

Hebreu 6:4

Diai kwaa-ponoɔ a pá dípɔ a tãi dai, nyíi-ŋai da Ŋ̀âla-taa sama-sɛŋ kɔɔ̂ŋ da kɛ́ a M̀ɔlêŋ Maa Waai sɔlɔ ƃo-ƃelai dai,

Piɛrə dɔlɔɔ 1:3

Lûwa é kɛ́ Zîsɛ Kôrai Ŋɔɣâlai da Ǹâŋ ma! Ŋɔmaloŋ-kaa kɛ́tɛi su, da ŋɔ́nɔ kúmaa sɔlɔ ƃó a nina kwa kɛ́ fulu-laa kili-kɛ-zu su, Zîsɛ Kôrai ŋɔmu-siɣe saa-yeei sârai,

Piɛrə dɔlɔɔ 3:9

Káfe mɛni nyɔ́mɔɔ su tòo a mɛni nyɔ́mɔɔ, kpaa máŋ ka larâŋ pɔ́ɔ kúla a larâŋ. Kɛ́lɛ, nyíi ka pɔ̂ri gɛ̂i, ǹyaa ƃa ká lûwa láa mà, kpɛ́ni fêi, da kátoli nyíŋi ma, a gɛɛ ká lûwa sɔlɔ ƃó.

Piɛrə dɔlɔɔ 5:10

Kámɛni-soli-kaai pôlu ma nàa kuro à kɛ̀ tí, m̀ɛlɛ-see kélee-Ɣalai nyíi a kátoli ŋɔwɔlɔ-wɔlɔ fólo-laai ma Kôrai kponôi, ǹyaa kpîŋ a pâi kámaa waâi, é kátɔɔ̂i kpanaŋ, é kákponôi kpanaŋ.