Ifisiɛŋ 1:11 - Bible

¹¹ Dí kúwɔ̂i lɛ̀ kûa Kôrai kponôi. Dí kúlɛ̀ nàa tuɛ, yɛ̂ɛ berei ŋɔsapoi káa lai, nyíi a mɛni kélee kɛ̀ yɛ̂ɛ berei ŋɔnîa-mɛnii ŋɔmɛni kpɛtɛɛi káa lai.

Yálá laawoo hɛɓɛ (dc)

¹¹ Yaa ti ɉu lɔ ɓə, gu gu wɔɔ nąą kɔlɔɓo laa, a nui a mɛ̨nį kəlee hee kpəlin na kɛ, a niiɓa, yɛ bələi ə gbɛa gu həɠə la ɉu.

Yálá laawoo hɛɓɛ

¹¹ Yaa ti ɉu lɔ ɓə, gu gu wɔɔ nąą kɔlɔɓo laa, a nui a mɛ̨nį kəlee hee kpəlin na kɛ, a niiɓa, yɛ bələi ə gbɛa gu həɠə la ɉu.

Ifisiɛŋ 1:11 ပူးပေါင်းရင်းမြစ်များ

Zôo 12:13

Táre da wála-wala-laa káa Ɣâla yêei. Mɛni kpɛtɛɛ da mɛni ŋákaa káa ǹyêei.

Zôo 33:29

“Ɣâla a m̀ɛnii ŋí kɛ́ gîe mɛi a dámaa,

Mąątɛ̨nɛ̨ 37:18

Diai da Yâwɛɛ wóo mɛnii, a pâi kɛ̂i a gbáaŋɔɔ dímɛni ma. Ǹyaŋ ǹɔii a pâi kɛ̂i a dípɔɔ wɔ́lɔ-wɔlɔ da wɔlɔ-wɔlɔ.

Hanwon 8:14

Lia-woo káa ńa da mɛni ŋá-teɛɛ a zã́a, mɛni ŋá-kaa bɛlɛ́ɛ wála-wala-laa ma.

Azaya 25:1

Yâwɛɛ, yá ƃa Ŋáɣâlai. Ŋa pâi ƃaa kɛ́-maa tɛɛ̂i ípɔ, ŋá ílaa maa tɛ́. Ya mɛni kpaya-kpayaa mĩli-miliɛɛ támaa kɛ́. M̀ɛni kpaya-kpayaa mĩli-miliɛ-ŋai ŋí káa a m̀ɛnii í gbɛ̀tɛ tãi su-kôyaa tɛɛ pôlu ma.

Azaya 28:29

Dárei ŋí kélee a kûla Ŋ̀wála-wâla kélee Yâwɛɛ yêei. Da fa wɔ́lɔ fɛ̀ɣɛ.

Azaya 5:19

Da kɛ̂ môi dîyɛɛ, “Tɔɔ Eezuɛ Ŋɔɣâlai é m̀ɛnii kɛ́ wɛ̀ a maa félaa. Tɔɔ é ŋɔkono-teei ŋàa-see kɛ́ wɛ̀ a maa félaa a gɛɛ kú nàa káa kúa kpîŋ. Tɔɔ Eezuɛ Ŋɔɣâla Maa Waai é ŋɔmɛni kpɛtɛɛi ŋàa sèe kɛ́. Tɔɔ kú m̀ɛni káa gáa gíli-ŋai.”

Ɉeremi 23:18

Ŋá mò, “Ɣâla ŋɔlóno kɛ́-ƃelai ŋí dɔnɔ kpîŋ fé niî táre ní Yâwɛɛ ŋɔlîa-wooi su. Dí ta dɔnɔ kpîŋ fé niî ŋɔworɛ̂-wooi mɛni ní kpaa é táre zu. Dífe niî ŋ̀óo mɛni ní kpaa dí díwoli tɔ́ɔ m̀ɛnii ma a m̀ôi.

Ɉeremi 32:19

Ya mɛni kpɛ̂tɛ a táre pere, íkɛ mɛni kpaya-kpaya-ŋa kɛ̀. Ya núu kélee kpɔ́ kɛ́-mɛni kàa, íkɛ núu kélee féla fè dítûa-pere ma.

Zakari 6:13

Ǹyaa ƃa ǹúui pâi ŋápɛrɛi tɔɔ̂i é ƃaa-kɛ́-maa sɔlɔ ƃó nyii gáa gâloŋ mɛ̂ni mai, ǹyaŋ a pâi kɛ̂i ŋɔnûai mɛi. Ǹyaŋ sâla-láa-soŋ-nuu a pâi kɛ̂i tɔɔ̂ni ŋɔkâloŋ-see-seŋ kɔlɛ, ǹyaŋ da ǹyaa da pâi tíi kɛ̂i gîe ma woo-lâa-maa su da lii-sêe.’

Gɛlaɠaa 13:48

Zɛ̃tai-ŋai kɛ́ɛ da nyíŋi mɛ́nii, dílii è nɛ̃ɛ, dí Kúnuu-namui ŋɔwóoi ŋɔfólo-laai maa tɛ. Diai kélee è kɛ̀ a sɛŋ a gɛ́ɛ dí ŋ̀wɔ́lɔ-wɔlɔ fulu-laai sɔlɔ ƃoi, dí làa la.

Gɛlaɠaa 2:23

Dí gɔ̀lɛ yɛ̂ɛ berei Ɣâla è gbɛtɛ la gíli ŋái, ka gɛ ŋ̀wana-lɔɔ-ƃela dí gbamo wúru su-tíyeŋɔɔ ma dí bàa,

Gɛlaɠaa 20:27

Fé niî kpera ní Ɣâla ŋɔnîa-mɛnii kélee lɛ̂i kâa.

Gɛlaɠaa 20:32

Ǹyaŋ ŋa kátɛɛ Ɣâla pɔ́ da ŋɔƃɛlɛ-see wooi. Pɔri káa mì a gɛ́ɛ é káƃɔlɔ kámɔ̂leŋ su, é ŋɔ́nɔ kákɛ a pɔɔ-sɛŋ mɛi-ƃela diai kélee sáma dímaa waâi.

Gɛlaɠaa 26:18

a gɛ́ɛ í díŋɛi lá ƃo í díkula kpinîi í pa a dia kwaa-ponoɔ su í díkula Sêtɔŋ ŋɔwála-walai su í pa a dia Ɣâla pɔ, a gɛ́ɛ dí sɔnyɔ̂ŋ su-mɛni-lɛɛ maa sɔlɔ ƃo. A gɛɛ ŋɔ́nɔ dí kwaa ma sɔlɔ ƃo diai sama, nyíi-ŋai dímaa waâi a naa-laai gáa díyêei ḿɛni mai.’

Gɛlaɠaa 4:28

Dí díŋaa tɛ̀ ma a gɛ́ɛ dí m̀ɛnii kɛ́ í gbɛtɛ a íwala-walai nàa túɛ a gɛ́ɛ é kɛ́i.

Lomaŋ 11:34

“Gbɛ̂ɛ ƃa wɔ́lɔ Nuu-namui ŋɔkili-ŋa-siai kɔlɔŋ, kpaa máŋ, gbɛ̂ɛ ƃa wɔ́lɔ kɛ́ a ǹia-woo ƃo-nuu?”

Lomaŋ 8:17

À kɛ̀ ǹyaŋ kúkaa a ǹônii, kúkaa a pɔɔ-sɛŋ-namela, nya ƃa kwa Kôrai-ni kúkaa a Ɣâla ŋɔpɔɔ-sɛŋ-namela, à kɛ̀ kwà dîa-ni kwà mɛni-soli kàa, a gɛ́ɛ kwà dîa-ni kúfolo-laai maa é tɛ́.

Lomaŋ 8:28

Ku gɔ́lɔŋ a gɛ́ɛ diai dí Ɣâla wɛli ni mɛni kélee a kɛ̂ gîe ma a ǹɛ́lɛɛ dímɛni ma, nyíi-ŋai e dítoli yɛ̂ɛ berei ŋɔsapoi káa lai.

Lomaŋ 8:29

Kpɛ́ni fêi, diai è díkɔ̀lɔŋ a maa-ŋuŋ è dísèe díŋuŋ ŋá máŋ a maa-ŋuŋ a gɛ́ɛ dí ƃóloŋ Ǹóŋ ma a gɛ́ɛ Ǹóŋ é kɛ́ a ǹóŋ maa-ŋuŋ ǹeɣe-ni sama.

Lomaŋ 8:30

Diai e dísèe díŋuŋ ŋá a maa-ŋuŋ e dítoli máŋ; diai e dítòlii, e díkɛ̀ a tɔ̃yâ-ƃela; diai e díkɛ̀ a tɔ̃yâ-ƃelai, e folo-laa tɛ̀ɛ dípɔ máŋ.

Lomaŋ 9:11

Berei máŋ dífe niî kɛ̀ nîa-pɛlɛɛi maa sɔlɔ ƃo ni lai, ǹyaŋ nîa-pɛlɛɛi kpîŋ dífe niî kɛ̀ mɛni lɛ́lɛɛ kpaa máŋ mɛni nyɔ́mɔɔ kɛ́ níi, Kúnuu-namui e mo Lubɛkɛ ma, “Nìa-nuui a pâi tíi kɛ̂i ǹeɣe-nuui mi.” Ɣâla a pâi kɛ̂i nɔ́ niî núu lɛ̂i yɛ̂ɛ berei a ŋ̀wɛ̂lii lai. Ve pâi dílɛ̂i díkɛ-mɛni ma, kɛ́lɛ, a pâi dílɛ̂i nɔ́, kpɛ́ni fêi, a dítoli.

Galatə 3:18

Kpɛ́ni fêi, à kɛ̀ bɔɔ-sɛŋ a kûla dɔ̂ŋ su, gɛ̀ ní va kûla gono-teei su ŋɔ́nɔ; kɛ́lɛ, Ɣâla e dɛ̀ɛ Eberaɣɛ̃ɛ pɔ kono-tee su.

Ifisiɛŋ 1:14

M̀ɔlêŋ Maa Waai ƃa nɛ̀ nàa tuɛ a gɛ́ɛ kwa pâi kúpɔɔ-sɛŋ sɔlɔ ƃôi Ɣâla yêei, ku lɛ́ɛ pâi zɔlɔ ƃôi. Mɛni ma kwa ǹáa maa tɛ̂ ŋɔfólo-laai mɛni ma.

Ifisiɛŋ 1:18

a gɛ́ɛ é kákili ŋá pono a gɛ́ɛ ka gɔ́lɔŋ zɛŋ gáa a gíli-kɛ-zui nyíi a kátoli mai da ŋɔfólo-laa pɔɔ-sɛŋ kɛ́tɛi nyíi gáa Ŋ̀âla-ƃelai kponôi,

Ifisiɛŋ 1:5

A kúlɛ nàa tuɛ a gɛ́ɛ kúkɛ a ǹônii Zîsɛ Kôrai sârai, yɛ̂ɛ berei ŋɔnîa-mɛni lɛ́lɛɛi káa lai,

Ifisiɛŋ 1:8

nyíi e dɛ̀ɛ kúpɔ kpɔ́ a dámaa táre-sii kélee su da mɛni ŋá káai.

Ifisiɛŋ 1:9

A ŋɔnîa-mɛnii su-loo-mɛnii lɛ́ kûa, yɛ̂ɛ berei ŋɔnîa-mɛni lɛ́lɛɛi káa la, nyíi gáa a ŋɔmɛni kpɛ́tɛɛi Kôrai kponôi.

Ifisiɛŋ 3:11

Nyíŋi è kɛ̀ yɛ̂ɛ berei Ɣâla ŋɔwɔlɔ-wɔlɔ mɛni-kpɛtɛɛi káa la nyíi e gɛ̀ Kúnuu-namui Zîsɛ Kôrai sârai,

Dutɛrɔnome 4:20

Kɛ́lɛ Yâwɛɛ è ká kùla m̀ɛni-kpɔlui su Ize é pá a káa é kákɛ a gbɔ́ɔi ŋɔnûa. Ǹyaŋ bere ƃé gáa la sâa.

Kolosə 1:12

ka sɛɣɛi-fei tɛɛ Nàŋ-nuui pɔ nyíi kúkpɛtɛ a gɛ́ɛ ku kɛ́ a Ŋ̀âla-ƃelai dítûa-perei da kɛ-ƃela gwaa-ponoɔi sui.

Kolosə 3:24

Ka gɔ́lɔŋ a gɛ́ɛ ka pâi bɔɔ-sɛŋ sɔlɔ ƃôi Kúnuu-namui yêei a káfela-fei. Kákaa tíi kɛ̂i Kúnuu-namui Kôrai mi.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ ku kɛ́ a ŋɔnûa kpîŋ-ŋa tíi lɛ́lɛɛ kɛ-mɛni ma.

Taitɔ 3:7

a gɛɛ é kúkɛ a tɔ̃yâ-ƃela a ŋɔƃɛlɛ-sêei kú kɛ́ a pɔɔ-sɛŋ mɛi-ƃela yɛ̂ɛ berei ŋwɔlɔ-wɔlɔ fúlu-laai ŋɔkili-kɛ-zui káa lai.

Hebreu 6:17

Mɛni ma tãi Ɣâla è kɛ̀ ŋ̀wɛ̂lii a gɛɛ é ǹɛ́ bɔɔ-sɛŋ sɔlɔ ƃo-ƃela dîa a gɛɛ ŋɔsapoi maa fa fâleŋ. È ǹɛ dîa a zu ponoɔ foo-woo su,

Zĩi 2:5

Ka káwoli tɔ́ɔ, ŋáwɛli-kɛ-maa-ƃelai. Ɣâla fé gôlo-ƃelai lɛ́ ní ŋ̀éniɛi ŋí su a gɛɛ dí tɔɔ laa-la su dí kɛ́ a Gâloŋ-laai sɔlɔ-ƃo-ƃela, nyíi è maa-kono-tee kɛ̀ diai yêei dí ŋ̀wɛli ní?

Piɛrə dɔlɔɔ 1:4

kwa kɛ́ a pɔɔ-sɛŋ sɔlɔ ƃo-ƃela nyíi va wɔ́lɔ tɛ̀ɛ, m̀aa fé kara ni, vé tela pâi karâi, ǹáâi kɛɛ̂i Ɣâla-taa kámɛni ma,

Piɛrə dɔlɔɔ 3:9

Káfe mɛni nyɔ́mɔɔ su tòo a mɛni nyɔ́mɔɔ, kpaa máŋ ka larâŋ pɔ́ɔ kúla a larâŋ. Kɛ́lɛ, nyíi ka pɔ̂ri gɛ̂i, ǹyaa ƃa ká lûwa láa mà, kpɛ́ni fêi, da kátoli nyíŋi ma, a gɛɛ ká lûwa sɔlɔ ƃó.