Ifisiɛŋ 1:10 - Bible

¹⁰ Ɣâla a gbɛtɛ gíli ŋá a gɛ́ɛ tãi à sèri, é ŋ̀elei-su-sãai da ǹɔii-ma-sãai kélee pu gîei Kôrai kponôi.

Yálá laawoo hɛɓɛ (dc)

¹⁰ Mɛ̨nį kəlee laa kulɔ ɲələ; gaa pai yələkɔlɔn ɉu hɛnŋaa da lɔi mɛ̨i hɛnŋaa ɲąąkpɔn ɉii nwun nąmu tanɔ̨n ɲee mu, ya ɓaa a Kristə.

Yálá laawoo hɛɓɛ

¹⁰ Mɛ̨nį kəlee laa kulɔ ɲələ; gaa pai yələkɔlɔn ɉu hɛnŋaa da lɔi mɛ̨i hɛnŋaa ɲąąkpɔn ɉii nwun nąmu tanɔ̨n ɲee mu, ya ɓaa a Kristə.

Ifisiɛŋ 1:10 ပူးပေါင်းရင်းမြစ်များ

Zɛnɛse 49:10

Zuda ŋɔkâloŋ-wurii fé pâi kulâi ǹyêei. Ŋɔsuui su ƃelai da pâi wɔ́lɔ kɛ̂i nɔ́ a kâloŋ ŋa. Lɔii-ŋuŋ ŋai da pâi kɛ̂i nɔ́ ŋuŋ-fela-fei tɛɛ̂i bɔ́.

Danîa 2:44

Gâloŋ-ŋai ŋí dítãi ma, ŋ̀elei-su Ɣalai a pâi kâloŋ-laa da seêi. Núu da fé pâi wɔ́lɔ pɔrîi zu-karai kpaa máŋ é ǹyée mɛi ɣále. A pâi gâloŋ-laa-ŋai tí kélee pûi gɔ́ɔ mu é dí fṹa-fûa. A pâi kɛ̂i naa wɔ́lɔ-wɔlɔ da wɔlɔ-wɔlɔ.

Amɔsə 9:11

Maa-ɣelei tí ŋa pâi Deeƃé ŋɔpɛ́rɛi siɣêi ŋá dɔɔ, nyii doɔ̂i, ŋá bɛ́ŋ pɛ́lɛ, ŋá mu siɣe ŋá dɔɔ yɛ̂ɛ berei è wɔ́lɔ kɛ̀ a dɔɔ́ lai,

Malasi 3:1

Ŋ̀wála-wâla kélee Yâwɛɛ a môi ǹyɛɛi, “Ŋa pâi ŋáworɛ̂-woo ƃó-nuui tɛɛ̂i a gɛɛ é ŋáperei su kpɛtɛ. À kɛ̀ tí, Ŋ̀âlai ka gɔ̂rii a pâi pâi Ŋɔpɛ́rɛi Kɛ́tɛi mu a maa félaa. Gɛ̀ ní ŋ̀orɛ̂-woo ƃó-nuui ka wɔ́lɔ berei kâai, a pâi pâi é ŋáworɛ̂-wooi ƃó kâa.”

Maafîu 25:32

Da pâi ŋ̀éniɛi-su-ƃelai kélee ŋá tɛ̂i díkîe-ma ŋ̀ɛi tuɛ. Ǹyaŋ a pâi díkulâi díkîe-ni sama, yɛ̂ɛ berei m̀ála mɛi-kaa-nuui a m̀ála-ŋai kûla la m̀oli-ŋai samai.

Markə 1:15

ǹyɛɛi, “Ɣâla ŋɔkâloŋ-laai a lɛɣɛ a tɔ̃yâ kpîŋ. Ka kálii pene ká láa a Duŋ Lɛ́lɛɛi maa mɛni.”

Korɛntə dɔlɔɔ 10:11

Ǹyaŋ mɛni-ŋai ŋí dí kɛ̀ a dia a gɛ́ɛ é kɛ́ a mɛni kɔɔŋ-maa. Kɛ́lɛ, dí dípɔ̃yɛ̂ kútare tɔɔ mɛni ma, kúai ŋ̀éniɛi gbɛɛ-ŋai a pâi kúpɔi.

Korɛntə dɔlɔɔ 11:3

Kɛ́lɛ, ŋa ŋ̀wɛ̂lii ka táre zu a gɛ́ɛ núu kélee ŋuŋ-tuɛ-nuu ƃa Kôrai, nɛnî ŋuŋ-tuɛ-nuu ƃa ŋɔsurɔ̂ŋ, Kôrai-nuu tuɛ-nuu ƃa Ɣâla.

Galatə 4:4

Kɛ́lɛ, tãi kpîŋ páai, Ɣâla e Ǹóŋ tɛ̀ɛ, nyíi nɛnî e zɔlɔ ƃôi. E pà dɔ̂ŋ yée mu. E pà a gɛ́ɛ e diai maa tée dí kɛ̀ dɔ̂ŋ mui,

Ifisiɛŋ 1:22

Ɣâla a sɛŋ kélee pú gɔ́ɔ mu, a gɛ́ a zãâi kélee mɛi-nuu Kôrai-toli-kpɔŋ mɛni ma,

Ifisiɛŋ 2:15

E Zûu-ŋai dítɔ̂ŋ-ŋai kpera da dísu-woo-ŋai kélee a ŋɔfúlu-laai tɛ̂ɛi, a gɛ́ɛ ǹyaa kpîŋ sârai é núu nina tɔnɔ kpɛtɛ núu feerɛ pɔ́ɔ ŋá. Berei ti ƃe a lii-sêe kɛ̀ la.

Ifisiɛŋ 3:15

nyíi núu-suu kélee gáa Ɣâla-taa da ǹɔii ma dílaa-seei a kûla ǹyêei,

Ifisiɛŋ 3:2

Tɔ̃yâ ma ka mɛni berei Ɣâla a ŋɔƃɛlɛ-sêei tɛ́ɛ la ḿbɔ a gɛ́ɛ ŋá tíi kɛ́ kàai,

Kolosə 1:16

kpɛ́ni fêi, sɛŋ kélee e kpɛtɛ gbonôi, ŋ̀elei su-sãai kélee da ǹɔii ma-sãai kélee, nyíi-ŋai kwa díkâa da nyíi-ŋai kúfa díkaâi, é máŋ kɛ́ a kâloŋ-laa, kpaa nuu-namu-laa, kpaa nuu-mɛi-ƃela, kpaa máŋ wála-wala-ƃela-sɛŋ kélee e kpɛ̀tɛ zarâi, m̀aa-mɛni ma.

Kolosə 1:20

Ɣâla a pá pôlu a sɛŋ kélee gbîŋ pɔ Kôrai kponôi, à nɛ̀ɛ ma kpîŋ é kɛ́ ǹɔii ma ƃɛ kpaa máŋ ɣelei-pere. E lii-sêe kɛ̀ a ŋɔŋãai puɔɔ ŋɔsaa-wurii ma.

Kolosə 3:11

Zɛŋ kpɛtɛɛ ninai ŋí su ŋa-kɔlɛ-mɛni fe núu-sii kélee loai, a nɛ̃ɛ ma kpîŋ é kɛ́ a Gurii-nuu kpaa Zûu-nuu, núu kpɛtɛɛ kpaa ǹúui fe kpɛtɛ níi, ŋɔ̃yâ, Setiyeŋ-nuu, luɛ, da núu ŋuŋ ma ƃoɔ. Kɛ́lɛ, Kôrai ƃa gélee, gɛ ƃo gélee su.

Hebreu 1:2

Kɛ́lɛ, ŋ̀ele kpɛɛ-ŋa-ŋai ŋí su Ɣâla a lóno kúpɔ Ǹóŋ sârai. È nɛ̀ a gɛɛ é kɛ́ a sɛŋ kélee-namu nyíi. È ŋ̀éniɛi kpɛ̀tɛ zarâi.

Hebreu 11:40

Kpɛ́ni fêi, Ɣâla è mɛni lɛ́lɛɛ kàa nàa tuɛ kúmɛni ma a gɛɛ kwa dîa-ni kú kɛ́ a maa-waa-ƃela gîe ma.

Hebreu 9:10

Kɛ́lɛ, díkaa nɔ́ mii-sɛŋ mɛni ma, kpele-sɛŋ, da núu-waa-pere-sii da kpɛni-ŋa, é pɛ́lɛ núu kpono ŋɔtɔ̂ŋ-ŋai dîa nyíi-ŋai da bù ǹûai dîa é lɛ́ɛ la zu mɛni maa-faleŋ tãi é seri.

Piɛrə dɔlɔɔ 1:20

Ɣâla è kɛ̀ a gɔ́lɔŋɔɔ nàa túɛ ŋ̀éniɛi kɔ́ɔ pîlaŋ tãi é lɛ́ɛ serii. Kɛ́lɛ, è ǹɛ a tãi gbɛɛ ŋá kámɛni ma.

M̀ɛni-lɛɛi 5:9

Ǹya ƃe dí kɛ̀ wule nina toôi, díyɛɛi, “Ímaa nɛɛ̂i a gɛɛ í gɔlɔi siɣe, í gɔlɔ lá-tɛ-sãai kúla ńâ. Kpɛ́ni fêi, dí ípàa, ya núu-kpune ŋuŋ ma ƃó a íŋãai Ɣâla mɛni ma, da kûla nuu-suu kélee su, sii-woo kélee su, da núu kélee, é pɛ́lɛ lɔii-ŋûŋ kélee ma.