Hanwon 8:17 - Bible

¹⁷ Diai ŋ́wɛlinii, ŋá díwɛli-ni, diai da ŋ́gɔ̂rii, da ŋ́gâa.

Yálá laawoo hɛɓɛ (dc)

¹⁷ Nuąi da nwɛ́lilakɛ, diɛ gwɛ́li a di lii kəlee, da gáá.

Yálá laawoo hɛɓɛ

¹⁷ Nuąi da nwɛ́lilakɛ, diɛ gwɛ́li a di lii kəlee, da gáá.

Hanwon 8:17 ပူးပေါင်းရင်းမြစ်များ

Kɔlɔnikɔ Veerɛi 34:3

Gɛɛ gâloŋ-laai su ŋɔkóraŋ ǹɔ́ɔɔlu-mɛi saaƃai, tãi ŋí su è kɛ̀ niî a ǹyaŋkpa. È nâa pɛ̀lɛ ǹâŋ pɔlɔi Deeƃé Ŋɔɣâlai fɛlíɛɛ ma. Góraŋ buu-káo feerɛi su, è nâa pɛ̀lɛ ŋ̀âla da kpɛ́ni-ŋai fɛli kwâa-ŋai mâ su karâi. È ŋâla-nɛnii Asira ŋ̀ɛi-kɛ-maa wurii, ŋâla-pɔkɔɔŋ nyii-ŋai dí gbɛ̀tɛ a wurii da nyii-ŋai dí dɔɔ̂i kélee kulâi Zuda da Zerusâlɛŋ.

Mąątɛ̨nɛ̨ 91:14

Ɣâla è mò ǹyɛɛi, “Diai ŋ́wɛlinii, ŋa pâi díŋuŋ maa ƃôi. Diai ŋ́gɔlɔŋ, ŋa pâi dí maa kɔ̃ɔ̂i.

Hanwon 1:28

m̀aa tãi tí ƃé ka pâi táre maa mare-kɛɛ kɛ̂i la, kɛ́lɛ fé pâi káwoo su toôi. Ka pâi ŋ́gɔ̂rii kwaa kélee mà, kɛ́lɛ káfe pâi ŋ́gâai.

Hanwon 2:4

Gɔ́ri a gbanaŋɔɔ yɛ̂ɛ berei nûa da káne kɔ̀ri lai, kpaa máŋ yɛ̂ɛ diai da tɔɔ-sãa sɔ̃ɔ kpanaŋɔɔ kɔ̀ri nyii gáa loo-perei.

Hanwon 2:5

À kɛ̀ ƃà gɛ̀ tí, gɛ̀ ní ƃa pâi Ɣâla Yâwɛɛ ŋɔyao-maai ŋá kâai, í ŋɔ́nɔ táre m̀aa mɛ̂ni su.

Hanwon 4:6

Ífe kùla táre pôlu. A pâi ímɛi kâai. Ŋ̀wɛ́li, a pâi ímaa kɔ̃ɔ̂i.

Hanwon 8:16

Ńyãa ƃa wála-wala-laa tɛ̀ɛ gâloŋ-ŋai pɔ́, da diai kélee díkaa a gɔmɛnɛi ŋuŋ-tuɛ-ƃelai.

Ikilisiati 12:1

Núu-tɔɔ-ŋa, káfe ǹɛɛ naa ɣéniɛ su-sãai maa lii-nɛ̃ɛi é gɛ́ ká nia kákpɛtɛ-nuui ma. Ka gɛ́ tí, tãi ka pâi lii la kápɔlɔ yêe lai, ka pâi môi kâai, “Kúfe kúɣeniɛi ŋãa-nɛ̃ɛ kula ní.”

Wɛli 3:4

Ŋá tɛ̀ɛ kpɔ́ nɔ́ dîa ŋá gáa. Ŋá kpùlɔŋ ma, ḿve fáa ní mà é lí, ŋá pá la ńee ŋɔpɛ́rɛi mu ƃɛ́i, dí wɔ́lɔ ḿaa sɔlɔ ƃô naai.

Azaya 45:19

Fé lóno ní loo-pêre su, kpaa máŋ ŋá lóno ƃɛ́i ǹaa kpîniɛi. Ḿve m̀ó ní Zeeka ǹônii dîa a gɛ́ɛ dí ŋ́gɔri kpɛ́ni-kpɛni. Ńyãai a Yâwɛɛi, ŋà tɔ̃yâ ƃò. M̀ɛnii gáa a tɔ̃yâi, ǹyaa ƃé ŋa ǹɛ.”

Azaya 55:6

Ka tínaŋ a Yâwɛɛ pɔ́ naa pere ká kɛ́ vɛ̀li a ɣele kélee. Ka dóli tãi ǹɛɣɛ̂i la a káai.

Maafîu 6:33

Kɛ́lɛ, ka ŋɔkâloŋ-laai kɔ́ri da ŋɔtɔ̃yâ-laai fulɔi. À kɛ̀ ti, gɛ̀ ní, zãâi ŋí kélee a pâi kɛ̂i a kápɔɔ.

Markə 10:14

M̀ɛnii ŋí naa káa Zîsɛ mii, è ǹíi ŋwàna é m̀o dîa ǹyɛɛi, “Ka ǹîa-pɛlɛɛi lɛ́ɛ naa dí pá ḿbɔ, káfe díkpera, kpɛ́ni fêi, ǹúu kɛ́ɛ-ŋai ŋí ƃé Ɣâla ŋɔkâloŋ-laai káa dímɛni ma.

Ɉaan 14:21

“Ǹúui nyii a ŋátɔ̂ŋ-ŋai sìɣe é mɛi káai, ǹyaa ƃe e ŋ́wɛli ni. Ǹúui nyii ǹyaŋ e ŋ́wɛli ni, Ńâŋ a pâi ŋ̀wɛ̂lii, ńyaŋ ŋa pâi ŋ̀wɛ̂lii ŋa ŋ́gbîŋ lɛ mà.”

Ɉaan 14:23

Zîsɛ e ŋ̀óo su tòo, ǹyɛɛi, “À kɛ̀ núu da à ŋ́wɛ̀li, a pâi ŋ́ooi mɛi kâai. Ńâŋ a pâi ŋ̀wɛ̂lii, gɛ̀ ní kwa pâi pâi bɔ ku kúkɛ̂i kpɛtɛ ǹyêei.

Ɉaan 16:27

kpɛ́ni fêi, Nàŋ-nuui ǹyaa kpîŋ e káwɛli ni, kpɛ́ni fêi, ka ŋ́wɛli, ka láa la a gɛɛ ŋá kùla Nàŋ-nuui pɔ naa.

Ɉaan 5:4

Kpɛ́ni fêi, Kúnuu-namui Ŋɔɣâla-taa-kelai a kâa lì a tãi da bóai ti su e ǹyái tumo. Núu nyii kélee a kâa pìlaŋ zu a maa-ŋuŋ ǹyái túmoɔ pôlu mai, a ƃàlo gɔlɔ-felai nyii kélee yêei kɛ̀ mài.]

Ɉaan 7:37

Gúui ŋɔɣele-kuui kpɛɛ ŋái ma, ŋelei gɛ́tɛ-ɣelei, Zîsɛ e tɔ̀ɔ e laɣi, “Núu da kélee kpele-wɛli à gɛ̀, tɔɔ e pa ḿbɔ e gbele.

Zĩi 1:5

À kɛ̀ táre à wàla kɛ́ káyêei, ka Ɣâla marê kɛ́, nyíi a sɛŋ tɛ̂ɛ núu kélee pɔ́ kpɛ́ni-kpɛni va maa-lôno kɛ̀ mài, gɛ̀ ní a pâi dɛɛ̂i kápɔ.

Zɔ̂ŋ Maa-ŋuŋ 4:19

Wɛli-kɛ-maa káa kúyêei, kpɛ́ni fêi, ǹyaa fulɔi è kúwɛ̀li.

Samuɛlə dɔlɔɔ 2:30

Mɛni ma, Ńyãa Yâwɛɛ, Eezuɛ-ŋai Díɣâlai, ŋá ŋ́gono tèe a gɛɛ ínûai da ínâŋ-ni dínûai da pâi kɛ̂i a ŋásâla láa soŋ-ƃela wɔ́lɔ-wɔlɔ da wɔlɔ-wɔlɔ. Kɛ́lɛ ŋa môi yâ a gɛ́ɛ dîai nɔ́ da ƃaa-kɛ́-maa tɛ̀ɛ ḿbɔi, dia nɔ́ ƃé ŋa pâi ńyee seêi dímu ŋá dîai kula maa kɛ́ da tɔ̂ɔ ḿâi.