Hanwon 6:17 - Bible

¹⁷ Su mɛni kɛ̂tɛ, lɛ́ɛ kɛ́ɛ, núui zɔŋ fé mai paá,

Yálá laawoo hɛɓɛ (dc)

¹⁷ Ɲɛ̨i tɛɠɛɓo ɉu, nu ɓowo laaləi, kwəi kwələmun ɲąmą pu yee,

Yálá laawoo hɛɓɛ

¹⁷ Ɲɛ̨i tɛɠɛɓo ɉu, nu ɓowo laaləi, kwəi kwələmun ɲąmą pu yee,

Hanwon 6:17 ပူးပေါင်းရင်းမြစ်များ

Tɔɔɓɛlaa veelɛ 21:16

É kúla nyíti-ŋai kélee pôlu, Manasɛ è núu támaa pàa nyii-ŋai dísɔŋ fé kɛ́ ní zu. Ǹûai ŋí díkɛ̀ kpɔ́ a dí támaa a sɛŋ dí ŋãa kpôloŋ kɛ́ tɛ̀ɛ Zerusâlɛŋ taa-leei su, é síɣe daai ƃéla tɔnɔ ma é tóo gbéli ma. Zuda-ƃelai dí pìlaŋ gɔ́ɔ pɔ̂ɔi dísɔnyɔ̂ŋ kɛ́, dí Yâwɛɛ wóo píli. Vé fáa ní ma a gɛɛ diai dísɔŋ fé dîai é dí maa-kɔ̃ɔ.

Tɔɔɓɛlaa veelɛ 24:4

Ŋuŋ kpîŋ ƃa ǹûai è dí pàa nyii-ŋai dí sɔŋ fé kɛ́ ní zui. Yâwɛɛ fé kɛ́ ní pâi mɛnii ŋí su-mɛni lɛɛ̂i.

Mąątɛ̨nɛ̨ 10:4

Dísu-mɛni kɛ̂tɛi. Dífe kpáaŋ ní Yâwɛɛ mɛni ma. Da kɛ̀ m̀ôi dîyɛɛi, “Ɣâla fé ɣele ma.”

Mąątɛ̨nɛ̨ 101:5

Ǹúui kélee a gɔlɛ maa-nuu láa kàrai, ŋa pâi maa-nuui su karâi. Fé pâi ńyee seêi yoŋka-nuu da su-mɛni kɛ̂tɛ-nuu da kélee mu.

Mąątɛ̨nɛ̨ 131:1

Óo Yâwɛɛ, ŋa ńyee kula ŋá ŋɛi-tɛ̂-tuai mu, ŋá ḿbôlu tɔɔ ŋá wôya tua-ŋai ma. Ŋ́gili fé tɔɔ ní mɛni kpaya-kpaya-ŋa dîa, kpaa máŋ mɛni mĩli-mĩliɛɛ ŋaa ma.

Mąątɛ̨nɛ̨ 18:27

Ya diai ŋuŋ ma ƃò da tûa a maa yêŋ perei, í kɛ́ zu-mɛni kɛ́tɛ-ƃelai maa yêŋ.

Mąątɛ̨nɛ̨ 31:18

Ǹɛɛ naa ǹɛ́ɛ-ƃelai lá é tɛ́, zu-mɛni kɛ̂tɛ-ƃelai, da diai dí deniŋ ƃô-ƃelai woo-nyɔŋ fei.

Mąątɛ̨nɛ̨ 5:6

Yâ ǹɛ́ɛ-ƃelai su-kara. Ífe wɛ́lini a núu paa-ƃela da núu pɛlɛ-ƃela.

Mąątɛ̨nɛ̨ 5:7

Kɛ́lɛ íwɔlɔ-wɔlɔ wɛli-kɛ-maai sarâi, ŋa pâi kɛ̂i a ípɛrɛi mu nuui da. Ŋa pâi kɛ̂i ífɛlîi ípɛrɛ maa waai ŋɛ́i-tuɛ. Ŋa pâi pîlanii ŋ́ume ŋá, ŋá ƃaa kɛ́-maa tɛ́ɛ ípɔ.

Hanwon 1:11

À kɛ̀ da mò dîyɛɛ, “Pá kwáa lí kú núu kɔ́ri kú baa. Kwaa kúloo kwaa núu sóŋ nyii vé mɛni nyɔ́mɔɔ kɛ́ níi.

Hanwon 1:16

Díkpɛtɛ̂ɛi mɛni nyɔ́mɔɔ kɛ́-mɛni ma. Díkɔɔ maa felâai a gɛɛ dí núu páa.

Hanwon 12:22

Lɛ́ɛ-nuu ƃɛlɛ fé Ɣâla Yâwɛɛ koi, kɛ́lɛ diai da tûa sãa kɛ̀i, ǹíi lâai dí mɛni ma.

Hanwon 14:5

Núu sãa a tɔ̃yâ-sere-faa kɛ̀, kɛ́lɛ wôya-nuu a wôya-sere faa kɛ̀.

Hanwon 16:5

Ɣâla Yâwɛɛ ŋɛ́i seɛɛ̂i tɛ-ŋɛi kɛ́-nuu ma, vé pâi pûi ŋɔtɔ̂ŋ-kpɛ-maai yêei.

Hanwon 17:7

Gáa a mɛni kuláa a núu a gɛɛ ƃoo-nuu é táre-woo ƃó, gúlaa a núu a kâloŋ é lɛ́ɛ kɛ́.

Hanwon 21:4

Ŋwana-lɔ̂ɔ-nuu ŋɔfúlu-lai mɛi káa-sɛŋ ƃa ŋɛi-naŋiŋ-mɛi da yoŋka téɛɛ. Nyíŋi ǹyaŋ káa a sɔnyɔ̂ŋ.

Hanwon 26:28

Ǹúui ƃa gbɔarai, ǹyaa ƃé ƃa lɛ́ɛ kɛ̀ a ǹáa. La-nɛ̃ɛ-maa-woo a pâ a mɛni su-karaa.

Hanwon 28:17

Núui a núu pàai, tɔɔ é pú é lɛ́ɛ naa é sáa. Núu da fé kpɔ̀ŋ mà.

Hanwon 30:13

Núu sîi da-ni káa naa da díŋɛi pìli ɣelêi a díƃarâa, díkɛ díŋɛi nìiŋ a dia.

Hanwon 6:16

Mɛni lɔ́ɔlu mɛi feerɛ káa naa Ɣâla Yâwɛɛ a díkpɔara, vé wɛli ní a dia:

Azaya 1:15

“A nɛ̃ɛ ma kpîŋ ká kɛ́ ḿvɛ̀li, kákɛ káyee tɛ̀ ɣelêi, ŋa pâi ŋɛ́i loôi kâa, kpɛ́ni fêi, ŋãa támaa káa káyee ma.

Azaya 2:11

Ɣele a pâi tãi Yâwɛɛ a pâi núu-kpune ŋɔsu-mɛni kɛ̂tɛi da ŋɔyoŋka mɛni-ŋai kélee kperâi. Yâwɛɛ ǹyaa tɔ̂nɔ kpéŋ nɔ́ ƃé núu-kpune a pâi kɛ̂i ǹáa maa tɛ̂i, gɛ́ ƃaa kɛ́ maa tɛ̂ɛ bɔ́.

Azaya 3:16

Yâwɛɛ è m̀o ǹyɛɛi, “Zerusâlɛŋ nɛyãai yoŋkai. Da kɛ̀ siâi, da dí díkoôŋ tɔ̀ɔ dîa, díŋɛi piliɛɛ ɣelêi. Da kɛ̀ siâi, dígôo yɔlɛ-ŋai da kɛ̂ díkoo kɔŋna, díyee kaƃaa dípôlu pere, dí kɛ́ ŋɛ́i gbana pìli.

Azaya 3:9

Dí su-ɣɛ̂ɛ mɛni kɛ́ɛi a pâi dílɛ̂i. Da dísɔnyɔ̂ŋ-ŋai lɛ́ banaŋ ma yɛ̂ɛ berei Sodɔŋ-ƃelai dí gɛ̀ lai. Kpalo-ƃelâi dîa. Kɛ́lɛ, dia ƃé pà la díkpîŋ pɔ́.

Ɉeremi 26:15

É lɛ́ɛ kákili ŋá a kɛ̀ kà ḿbàa, gɛ̀ ní mɛni-ŋaa téɛɛ a pâi kɛ̂i naa ká mɛ̂ni ma. Kpɛ́ni fêi m̀ɛnii ka pâi ḿbaâi m̀ɛni mai, vé a ńzɔŋ. Kà ḿbàa, gɛ̀ ní ka pâi mɛni lɛɛ̂i daa lêei ŋí su-ƃela kélee dîa. Tɔ̃yâ ma, Yâwɛɛ ƃé ńdɛ̀ɛ a gɛɛ ŋá ŋ̀orɛ̂-wooi ŋí ƃó kâa.”

Ɉaan 8:44

Ká kùla kánâŋ Dɛ̂ƃele kponôi, ǹyaŋ ka ŋ̀wɛ̂lii a gɛɛ ká kánâŋ nîa mɛnii kɛ́. E kɛ̀ a núu-paa-nuu a maa-ŋuŋ. Ǹyaŋ ŋɔmɛni fe tɔ̃yâ pôlu. Kpɛ́ni fêi, tɔ̃yâ kélee da fe gbonôi. A lɛ́ɛ kɛ̀, a lôno nɔ ŋɔkɛ-perei su, kpɛ́ni fêi, gáa a lɛ́ɛ-nuu, gɛ ƃo ŋɔ́nɔ a lɛ́ɛ ǹâŋ.

Dutɛrɔnome 19:10

Ka gɛ́ tí a gɛɛ ǹúu a núu pàa nyii vé gíri-ni é gɛi, a pɔ̂ri pûi é li naa dífa lâa zoŋ lâ berei su dí bàa m̀ɛnii su nyii zɔŋ fé zui. Ka gɛ̀ tí a gɛɛ Káɣâlai Yâwɛɛ fâa lá kásɔŋ siɣe lâ núu paa mɛni mâ ǹɔii su nyii è dɛ̀ɛ kápɔ a gɛɛ kásee zui.

Dutɛrɔnome 27:25

“ ‘Náɣaŋ káa ǹúui ma a sɛŋ-kâo sòŋ a gɛɛ é núu da ŋɔfúlu-laai láŋ.’ “Ǹûai kélee da pâi m̀ôi dîyɛɛi, ‘É kɛ́ tí.’

Piɛrə dɔlɔɔ 5:5

Káai kákaa a ǹúu tɔɔ-ŋai máŋ ká kɛ́ ǹúu-pɔlɔ-ŋai mu a bere-sii tí. Kákelee ka kámaa ɣiri a maa-yeŋ-lii kákîe-ni mɛni ma, kpɛ́ni fêi, “Ɣâla tɔɔ̂i yoŋka-nuu ma, kɛ́lɛ, a ƃɛlɛ-sêe tɛ̀ɛ maa-yeŋ-nuu pɔ.”

M̀ɛni-lɛɛi 22:15

Diai da mɛni maa faleŋ, tɛli-kpɛ́-ƃela, wulu-wulu kɛ́-ƃela, núu-paa-ƃela, ɣâla-pɔɔkɔ̂ŋ fɛli-ƃela, da diai kélee dí wôya-mɛni wɛ́li ni, díkɛ maa kɔ̂rii díkaa daa-leei ŋɔsiɣaŋ pôlu pere.