Hanwon 22:4 - Bible

⁴ Ǹúui ǹíi ma yeŋɔɔ̂i gɛ́ ŋɔ́nɔ yào Ɣâla Yâwɛɛ mai, a tɔɔ-laa sɔlɔ ƃô, ƃaa-kɛ-maa da fúlu-laa.

Yálá laawoo hɛɓɛ (dc)

⁴ Nui a gbɔwɔ mąą yɛɛ Yai-Laa yee mu, yɛ ɲɔw mą, vɛla ɓaa yee la hvólóon, mąąwiɛ, da lamun yɛnɛ̨ɛ̨.

Yálá laawoo hɛɓɛ

⁴ Nui a gbɔwɔ mąą yɛɛ Yai-Laa yee mu, yɛ ɲɔw mą, vɛla ɓaa yee la hvólóon, mąąwiɛ, da lamun yɛnɛ̨ɛ̨.

Hanwon 22:4 ပူးပေါင်းရင်းမြစ်များ

Hanwon 19:23

Ɣâla Yâwɛɛ ŋɔyao-maai a pâ a fúlu-laa su kôyaa. Ǹúui a gíli pù mai, a líi-laa sɔlɔ ƃô. Mɛni nyɔ́mɔɔ fé pâi pâi bɔ́.

Hanwon 21:20

Táre-nuu a gɔ̂liŋ mɛi kâa, ƃoo-nuu kɛ́ ŋ̀ɔ́i su kàra.

Hanwon 21:21

Ǹúui a tɔ̃yâ-laa da maloŋ-kaa kɔrii, a fúlu-laa da ƃaa-kɛ-maa sɔlɔ ƃô.

Hanwon 22:3

Táre-nuu a mɛni kpɔ̂lu maa lâa, kɛ́lɛ ǹúui táre fé ŋ̀uŋ sui, a pîli nɔ́ zu gɛ́ mɛni-soli kàa.

Hanwon 22:5

Ŋalêŋ da ƃáre díkaa wôya-nuu sia-pere su. Ǹúui à ŋ̀wɛ̀li é ŋɔfúlu-laai maa kɔ̃ɔi, tɔɔ é zu kula naa ma.

Hanwon 29:23

Su-mɛni kɛ̂tɛ a núu su kàra, kɛ́lɛ ǹúui ǹíi-maa yeŋɔɔ̂i a ƃaa-kɛ-maa sɔlɔ ƃô.

Hanwon 3:16

Táre a fúlu-laa su kôya tɛ̀ɛ núu pɔ́ a ǹáa mii-yee. Gɛ́ tɔɔ-laa da ƃaa-kɛ-maa tɛ̀ɛ núu pɔ́ a gɔɔ-yee.

Hanwon 31:30

Nɛnî lóno-woo lɛ́lɛɛ ǹá a núu pɛ̀lɛ. Núu ŋɔlɛ́lɛ-laa kɛ́ pù, kɛ́lɛ nɛnî nyii a yâo Ɣâla Yâwɛɛ mai, nûa da ǹáa-maa tɛ̀.

Azaya 33:6

A pâi káŋuŋ ma ƃôi. A pâi ká maa kɔ̃ɔ̂i, é táre da kili-ŋa-pôno tɛɛ kápɔ. Yâwɛɛ ƃé ka vɛ̀li.

Azaya 57:15

“Ŋ́gaa a Ŋ̀âlai nyíi dɛ̂ɛi ɣelêi wɔ́lɔ-wɔlɔ da wɔ́lɔ-wɔlɔi, nyíi ǹáa maa waai. Ŋ́gaa ɣele ma wɔ́lɔ-wɔlɔ da wɔlɔ-wɔlɔ. Ŋ́gɛ̂i káa ŋ̀elêi su póŋ-poŋ gwaa maa waai ma. Kɛ́lɛ ŋ́gaa diai sáma dímaa yeŋɔɔi, díkɛ dílii maa fâleŋ a gɛ́ɛ ŋá dílaa-laai, da díkili-kɛ-zui su-kpanaŋ.

Danîa 4:36

“Tãi ŋá pà la pôlu ŋánuu-kpune kɔlɔi sui, ŋá ƃaa kɛ́-maa-laai, ŋáfolo-laai, ŋákɛtɛ-laai da ŋákâloŋ-laai dí pà ŋɔ́nɔ ḿbɔ pôlu. Ńia-woo ƃó-ƃelai da ŋátii kɛ́-ƃela kpaya-kpayai kélee dí díyee sèe ḿû. Dí gâloŋ-laai tɛ̀ɛ ḿbɔ pôlu. Ŋáƃaa kɛ́-maai su è kɛ̀tɛ é tɛ́ɛ bɔlɔi ma.

Maafîu 6:33

Kɛ́lɛ, ka ŋɔkâloŋ-laai kɔ́ri da ŋɔtɔ̃yâ-laai fulɔi. À kɛ̀ ti, gɛ̀ ní, zãâi ŋí kélee a pâi kɛ̂i a kápɔɔ.

Timote dɔlɔɔ 4:8

kpɛ́ni fêi, berei núu kpono mɛi-kaa lɛ́lɛɛ̂i lai, bere nɔ́ ƃe Ɣâla-mɛni lɛ́lɛɛ̂i la pere-sii kélee su máŋ, kpɛ́ni fêi, a kono-tèe kɛ̀ vulu-laai ŋí mɛni ma da vulu-laai pâi pâi máŋ.

Zĩi 4:10

Ka kákpîŋ maa yéŋ Kúnuu-namui ŋɛ́i-tuɛ, gɛ̀ ní a pâi kámaa tɛ̂i.

Zĩi 4:6

Kɛ́lɛ, Ɣâla a ƃɛlɛ-sêe támaa tɛ̀ɛ; mɛni ma Ŋ̀âla-kɔlɔi a mò, nyɛɛi, “Ɣâla tɔɔ̂i ǹyoŋka-ƃelai dîa, gɛ ƃɛlɛ-sêe tɛɛ maa-yeŋ-ƃelai pɔ.”