Hanwon 19:12 - Bible

¹² Kâloŋ ŋɔlii-ŋwana káa yɛ̂ɛ yala-sulu kpéɣe-woo, kɛ́lɛ à kɛ̀ ǹíi lâai íyêei, gáa yɛ̂ɛ lúu a pù sí-sɛŋ ma.

Yálá laawoo hɛɓɛ (dc)

¹² Tɔɔmun a níiholi, gaa yɛ Yala a kɛi kpəɠi, Kɛlaa, a ɲɛ̨i lɛlɛɛ hee yɛ́, gaa yɛ nɛnɲá.

Yálá laawoo hɛɓɛ

¹² Tɔɔmun a níiholi, gaa yɛ Yala a kɛi kpəɠi, Kɛlaa, a ɲɛ̨i lɛlɛɛ hee yɛ́, gaa yɛ nɛnɲá.

Hanwon 19:12 ပူးပေါင်းရင်းမြစ်များ

Zɛnɛse 27:28

Ɣâla é lúu kúla ŋ̀elei su é ǹɔii lɛ́lɛ, é mii-sɛŋ támaa tɛ́ɛ ípɔ da ŋwãai!

Samia Veerɛi 23:4

gáa yɛ̂ɛ ɣele ƃɔ̂i kwaa ponoɔɔ, gɛ́ ƃò yɛ̂ɛ fólo ǹɛnɛŋ a pìlaŋ ɣele-kɔlɔŋ kole ma, da tuna nyíi a gala-ŋai kɛ̀ dí pɔmûŋ.’

Ɛstɛrə 1:12

Kɛ́lɛ tãi ǹûai ŋí dí lì la dí m̀ó Vasiti mai, vé gɛ́ ní é pá. Nya ƃe gâloŋ è ǹíi ŋwàna a ŋ̀ánaa.

Ɛstɛrə 7:8

Gâloŋ páa pôlui, è Emaŋ kàa pɛlɛ̂ni Ɛtɛ kɔ́ɔ mu. Tãi gâloŋ è nàa kàa lai, è làɣi ǹyɛɛi, “Nalôŋ ŋí a ŋ̀wɛ̂lii é ŋánɛnîi tée perêi a ŋ́ɛi-tuɛ, ŋápɛrɛi mu?” Ǹûai dí gâloŋ wóo mɛni ɣelêi-pere. Nya ƃe dípà naa ŋáa ma dí Emaŋ soŋ dí seɣe kpíniŋ a ŋuŋ.

Mąątɛ̨nɛ̨ 133:3

Gáa yɛ̂ɛ lúu nyii gáa pûi Ɛmɔŋ yêei ma, gɛ́ pù Zãiyɔŋ yee-ŋai dîa. Ƃɛ́ ŋí ƃé Yâwɛɛ è góno tèe naa a gɛɛ é ŋɔlûwai tɛ́ɛ naa, nyii gáa a fúlu-laa nyii gɔ̃yɛŋ fé mai.

Mąątɛ̨nɛ̨ 72:6

Tɔɔ gâloŋ maa mɛ̂ni é kɛ́ yɛ̂ɛ fólo lá-ƃoɔɔ tuna nyii à pù, sí-sãa líi a lâai. É kɛ́ yɛ̂ɛ lúu nyii a ǹɔii yɔ̂ɔ, sí-sãa díkɛ kpɛ̀tɛ ma a ǹɛ́lɛɛi.

Hanwon 20:2

Kâloŋ ŋɔlii-ŋwana káa yɛ̂ɛ yala-sulu kpéɣe-woo. Ƃà ǹíi ŋwàna, ƃa íkpîŋ ŋuŋ lá píli.

Hanwon 28:15

Ŋwana-lɔɔ kaloŋ nyii gáa gôlo-ƃelai mɛi, gáa yɛ̂ɛ yala-sulu kpeɣeɛɛ kpaa máŋ ditala nyii puru káa mai.

Ikilisiati 8:4

Wála-wala-laa káa kâloŋ yêei. Gbɛ̂ɛ ƃa pɔ̂ri kulâi ŋ̀óo mu kpaa máŋ é m̀arê kɛ̂i?

Azaya 18:4

Yâwɛɛ è m̀o ḿâ ǹyɛɛi, “Ŋa pâi lɛɛ̂i ḿbɔ-taa ŋá ŋ́ɛi pîlaŋ ǹɔii mâ ḿɛi saa yɛ̂ɛ fólo ŋɔzizi ƃé tɛ̂i a fólo-ŋa, ŋ́gɛ ƃò yɛ̂ɛ lúu a kɛ̀ pûi a sí-sãa ƃá kula tãi.

Danîa 5:19

M̀ɛnii ŋí è gɛ̀ lɔii-ŋuŋ támaa su-ƃela dí kɛ́ ŋumɛ mâa tɛ̀ɛ bɔ́ díkɛ yào m̀a. Diai è kɛ̀ ŋ̀wɛ̂lii é dípaai, è dípâa. Diai è kɛ̀ ŋ̀wɛ̂lii dí lɛ́ɛ a dífului, è dí lɛ̀ɛ a dífulu. Diai è kɛ̀ ŋ̀wɛ̂lii é ƃaa kɛ́-maa tɛ́ɛ dípɔ kpaa máŋ é ƃɛlɛ-too sɛ̂lɛŋ diai, è gɛ̀ tí.

Danîa 6:24

Gâloŋ è mò a gɛɛ diai kélee pà a Danîa sɔŋ, dí dípili ǹyala-sului loai su, da dínɛyâai é pɛ́lɛ dílônii dîa. Dí díkelee pìli naa. Dí piliɛɛ ǹóai sui, dí lɛ́ɛ pâi serîi ǹóai kpɔ́ŋ ma, ǹyala-sulu-ŋai dí dísu tée-tee a gbua-kpua.

Osia 14:5

Ŋa pâi kɛ̂i yɛ̂ɛ lúu Eezuɛ-ŋai yêei. Da pâi poâi yɛ̂ɛ wúru. Dísame a pâi lɔ̂i ǹɔii mu yɛ̂ɛ wúru.

Mise 5:7

À kɛ̀ tí, Zeeka ŋɔnûai lɛ̀ɛ pôlui, da pâi liî lɔii da kpɛ́ni ŋa su. Da pâi kulâi naa yɛ̂ɛ lúu da tuna da kùla Yâwɛɛ yêei dí pú kala ma nyii va núu maa-kpɛ̂ŋ kpaa máŋ núu-kpune ǹônii.

Dutɛrɔnome 33:28

Eezuɛ a pâi kɛ̂i wɔlɔ-wɔlɔ lii-sèe su. Díkɛ̀ ǹɔii su nyii mii-sɛŋ da ŋwãai díkɛ̀ naai, ƃɛ́ɛi lúu a pâi kɛ̂i pûi naa dísi-sãai diai.