Hanwon 15:8 - Bible

⁸ Ŋwana-lɔ̂ɔ-nuu ŋɔsâla-sãai ƃɛlɛ kpɛɛ̂i Ɣâla Yâwɛɛ koi, kɛ́lɛ tɔ̃yâ-nuu ŋɔɣâla-fɛli-wooi a ǹíi làa.

Yálá laawoo hɛɓɛ (dc)

⁸ Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Yálá laawoo hɛɓɛ

⁸ Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Hanwon 15:8 ပူးပေါင်းရင်းမြစ်များ

Samia Veerɛi 15:12

Tãi è kɛ̀ zâla-láa soŋ-nuuii kulâi lai è Aitofɛ, nyíi kɛ̀ a Gilo-nuui worɛ̂ tɛ̀ɛ. È kɛ̀ a Deeƃé lia-woo ƃó-nuu. È kɛ̀ a Gilo taa-leei su nuu. Dɔɔ maai ŋí su è kɛ̀ kpananii núu támaa dí kɛ́ pà Asalɔŋ pɔ́-naa pere.

Tɔɔɓɛlaa dɔlɔɔ 3:10

Yâwɛɛ líi è làa a gɛ́ɛ Saloma è m̀arê kɛ̀ mɛ̀nii ŋí mɛni ma.

Kɔlɔnikɔ Maa-ŋuŋ 29:17

Ŋáɣâlai, ŋá gɔ́lɔŋ a gɛ́ɛ yâ núu líi su kâa ǹyaŋ ílii a ǹɛ̃ɛ diai da tùa a teniŋ ƃó perei dímɛni ma. Ǹyaŋ ŋá zãai ŋí kélee tɛɛ a teniŋ ƃo pere é kúla ńii su. Ŋa ŋɔ́nɔ berei káa ínûai díkaa ƃɛ́i da sama-sãa tɛɛ̂i la ípɔ gɛ́ kùla dílii su a lii-nɛ̃ɛ perei.

Mąątɛ̨nɛ̨ 141:2

Íyee sée ŋá ɣâla fɛli wooi mu yɛ̂ɛ kéreŋ-sɛŋ kúŋ nɛ̃ɛ nyii da dɛ̀ɛ ípɔ. Tɔɔ ŋà ńyee tɛ̀ ɣelêi, é kɛ́ yɛ̂ɛ zâlai da gùla yâ a ɣele wûlii.

Mąątɛ̨nɛ̨ 17:1

Óo Yâwɛɛ, íwoli tɔ́ɔ ŋatɔ̃yâ làa wɔlɔ-wooi ma. Íwoli tɔ́ɔ ŋá Ɣâla fɛli-wooi ma nyii ve kulâi núu pɛlɛ-nuu lái.

Hanwon 10:24

Zɛŋ tɔ̃yâ-nuu a ŋ̀wɛ̂lii, a zɔlɔ ƃò, kɛ́lɛ zɛŋ ŋwana-lɔ̂ɔ-nuu a yâo mai, ǹyaa nɔ́ ƃé a zɔlɔ ƃô.

Hanwon 15:29

Ɣâla Yâwɛɛ a ŋ̀óli tɔ̀ɔ tɔ̃yâ-nuu ŋɔɣâla-fɛli-wooi ma, kɛ́lɛ va ŋ̀óli tɔ̀ɔ ŋwana-lɔ̂ɔ-nuu wóo ma.

Hanwon 15:7

Táre-nuu a lia-woo lɛ́lɛɛ kɛ̀, kɛ́lɛ lia-woo lɛ́lɛɛ fé ƃoo-nuu lá.

Hanwon 21:27

Ŋwana-lɔ̂ɔ-nuu ŋɔsâla-sɛŋ ƃɛlɛ fé Ɣâla Yâwɛɛ koi, ŋuŋ kpîŋ-kpiŋ ƃa à kɛ a zâlai kpîŋ kùla a kíri-pere.

Hanwon 21:3

Ɣâla Yâwɛɛ è tɔ̃yâ-laa da sã́a-laa wɛlini é tɛ́ɛ sâla-kuláa ma.

Hanwon 28:9

Ǹúui va ŋ̀óli tɔ̀ɔ dɔ̂ŋ mai, ŋɔɣâla fɛli-wooi ƃɛlɛ kpɛɛ̂i Ɣâla koi.

Ikilisiati 5:1

Kà lì Ɣâla ŋɔpɛ́rɛi mu, ka kámɛi káa. Kà lì ka káwoli tɔ́ɔ a ǹɛ́lɛɛ. Káfe kákili tɔ̀ɔ kásâla kula sãai dîa, yɛ̂ɛ berei m̀oo-ƃelai da gɛ̀ lai. Dífe gɔ́lɔŋ a gɛɛ da mɛni nyɔ́mɔɔ kɛ̂i.

Wɛli 2:14

Ŋá wɛli kɛ́-maa nuui, íkaa yɛ̂ɛ tòloŋ nyii a ǹoo gɔni wôloi su ǹyéei pɛ̂rɛ mai. Tɔɔ ŋá íŋɛi káa. Wule tóo, ŋá íwoo mɛ́ni, kpɛ́ni fêi, íwoo nɛ̃ɛ̂i, íŋɛi lâai lɛ́lɛɛ.

Azaya 61:8

Yâwɛɛ è mò ǹyɛɛ, “Ŋá teniŋ ƃô-laa wɛ́lini, ŋuma da wôya m̀ɛni ƃɛlɛ fé ŋ́goi. Ŋa pâi ŋánûai féla-fêi a tɔ̃yâ laa, ŋá wɔ́lɔ-wɔlɔ da wɔlɔ-wɔlɔ kpanaŋ-woo kɛ́ díyêei.

Azaya 66:3

“Ǹûai ŋí da m̀ɛni-ŋai ŋí kàa nɔ́ a mɛni fíi kpɛɛ: Ǹúui a sâla kùla a niŋai, m̀aa-nûui a núu kùla a sâla, ǹúui a ƃála-loŋ kùla a sâlai, m̀aa-nûui a ɣîla kɔŋ ɣále, ǹúui a mii-sã̂a sala kùlai, m̀aa-nûui a sâla kùla a ƃoi ŋãa, ǹúui a kéreŋ sãa kúŋ nɛ̃ɛ sala kùlai, a sãâ da kpɛ́ni-ŋa fɛ̀li. Dílii a nɛ̃̂ɛ ɣâla da kpɛ́ni-ŋa fɛlíɛɛ su nyii m̀ɛlɛ fé ŋ́goi.

Ɉeremi 6:20

Ŋ́gbaaŋɔ̂ɔi ká kéreŋ-sɛŋ kúŋ-nɛ̃ɛ-ŋai ká kùla a dîa Siƃai dímɛni ma da zɛŋ kúŋ nɛ̃ɛ-ŋai ka bù kámii-sãai ma nyíi-ŋai ká kùla a dia lɔii su kôya-ŋa sui? Vé tí a dɔnɔ kpîŋ. Ńyee fé kákereŋ sama-sãai dɔnɔ kpîŋ mu. Ká sâla-ŋai dífa tela ńii làa.

Danîa 9:23

Í pɛ̀lɛ kpɔ́ nɔ́ Ɣâla fɛlîi Ɣâla é ífɛli-wooi su-too. Ǹyaa ká ŋí ŋá pà m̀ôi yâ. Ɣâla aâ ǹyée see ímu a gbîŋ-kpîŋ. Zĩai ŋá káa íyee sée ŋ̀orɛ̂-wooi mu.

Levetekɔ 7:18

À kɛ̀ núu da à zuai da m̀ii a ŋ̀eɣe kûui zaaƃa ɣelei, Ɣâla fé pâi ǹyée seêi ǹúui mu dí zâlai kùla m̀ii da ŋɔsama-sɛŋ. Zama-sɛŋ ŋí maa fé pâi kɛ̂i a ŋ̀waa. Ǹúui kélee a da mii, a pâi maa tɔ̂ŋ kpɛ̀ maai sɔlɔ ƃôi.

Mise 6:6

Lé ƃé ŋa pɔɔ̂ri pâi la Yâwɛɛ pɔ́ nyii gáa ŋ̀elei sui, tãi ŋa pâ la vɛlîi? Ŋa pɔ̂ri pâi ŋ̀ɛ́i túɛ a niŋa-loŋ nyii gáa a kóraŋ tɔ̂nɔ a gɛɛ ŋá gúla a kéreŋ sâla?

Mise 6:7

Yâwɛɛ líi a pɔ̂ri lâai à kɛ̀ ŋà pà bɔ́ a ƃála sîrɛ wála támaa, mii wulɔ kɛ́ɛ yɛ̂ɛ ya-lêe wála puu? Ŋa pɔ̂ri ńoŋ maa-ŋuŋ tɛɛ̂i bɔ́ a ŋásɔŋyɔ̂ŋ-ŋai fela fêi?

Egaa 2:14

Nya ƃe Yâwɛɛ è mò Egaa ma ǹyɛɛi, “Bere nɔ́ ƃé gáa la a ǹûai ŋí da ǹɔii-ŋûŋ-ŋai ŋ́ɛi túɛ. Bere nɔ́ ƃé gáa la a díi kélee da gɛ̂i, ǹyaŋ zɛŋ kélee da gùla a sâla ḿâi, maa fé waa ní.”

Malasi 1:10

Ŋ̀wála-wâla kélee Yâwɛɛ ǹyɛɛi, “Eî kɛ̀ núu da káa kásama a gɛɛ é Ŋ̀âla-pɛrɛ Kɛ́tɛi ŋɔkpôŋ-ŋai kélee láa tɛ́ a gɛɛ kafa lâa ŋɔŋ kpɛ́ni-kpɛni too la ŋátêƃelei ŋa. Ńii fé láa ní káyêei. Fé pâi ńyee seêi zama sã̂ai mu ka pâ la ḿbɔi.

Ɉaan 4:24

Ɣâla káa a mɔ̂leŋ. Diai da vɛ̀lii, fɛ̂ɛ dí vɛli mɔ̂leŋ su da tɔ̃yâi.”