Hanwon 15:10 - Bible

¹⁰ Ǹúui a kûla dɔ̃yâ-perei mai, a tɔŋ-kpɛ-maa kɛ́tɛ sɔlɔ ƃô. Ǹúui va ŋwɛ̀li dí ŋɔpɔara-mai lɛ́ mai, a pâi saâi.

Yálá laawoo hɛɓɛ (dc)

¹⁰ Nui a həɠə pələ ɓa, mąąnɛ̨ɛ̨ di ɉutɔɔ a nwalawalaa. Nui hvo bɔ di hvo niɛwoo ɓo, gaa pai haai.

Yálá laawoo hɛɓɛ

¹⁰ Nui a həɠə pələ ɓa, mąąnɛ̨ɛ̨ di ɉutɔɔ a nwalawalaa. Nui hvo bɔ di hvo niɛwoo ɓo, gaa pai haai.

Hanwon 15:10 ပူးပေါင်းရင်းမြစ်များ

Tɔɔɓɛlaa dɔlɔɔ 18:17

Ilaiza káa m̀ii è mò ma ǹyɛɛi, “Ƃía ƃé tí, ƃíai ƃa gɛ́ m̀ɛni nyɔ́mɔɔi kélee kɛ́ kɛ̀ Eezuɛi?”

Tɔɔɓɛlaa dɔlɔɔ 21:20

Eɣa è mò Ilaiza ma ǹyɛɛi, “Gɛ̀ ní, ƃaâ ŋ́gaa ŋákpɔara-nuui!” Ilaiza ǹyɛɛ m̀ai, “Ŋaâ íkaa, kpɛ́ni fêi, ya fáa ma a gɛ́ɛ í mɛni nyɔ́mɔɔ kɛ́ a Yâwɛɛ.

Tɔɔɓɛlaa dɔlɔɔ 22:8

Eezuɛ kaloŋ è Zeosafa wóo su tòo ǹyɛɛ m̀ai, “Nalôŋ tɔnɔ káa niî naa nyíi kwa pɔri tɛɛ̂i gbonôi a gɛ́ɛ kú Yâwɛɛ marê kɛ́, kɛ́lɛ fé ŋ̀wɛ̂li ní kpɛ́ni fêi, va tuɛ mɛni ƃò a ǹɛ́lɛɛ é pîlaŋ mâ fɛ̂ɛ nɔ́ mɛni nyɔ́mɔɔ a tãi kélee. Ǹyaa ƃa Imila ǹóŋ Mikâya.” Zeosafa è zu tòo, “Gâloŋ fé mò tí.”

Zôo 34:27

A gɛ̀ tí kpɛ́ni fêi, dí dípôlu tɔ̀ɔ mà, dífa díwoli tɔ̀ɔ m̀ɛnii mâ è mò dîa a gɛɛ dí gɛ́i.

Mąątɛ̨nɛ̨ 50:17

Káfe fáa ní mà a gɛɛ ŋá káteniŋ tɔɔ. Ká káyee kúla ŋ́oo mù.

Hanwon 1:25

Ka wɔ́lɔ ŋália-woo-ŋai kélee pìli, ka ŋásɛŋ-lɛɛ-ŋai síɣe nɔ́ kpɛ́ni-kpɛni.

Hanwon 1:30

Káfe ŋália-wooi siɣe ní, ká káŋɛi nàɣiŋ ŋáteniŋ-tɔɔ-woo-ŋai mɛi.

Hanwon 10:17

Ǹúui a ŋ̀óli tɔ̀ɔ m̀arâŋ-nuui ŋɔlia-woo mai, a sîa fúlu-laa pere su, kɛ́lɛ ǹúui vá ǹyée sèe ŋɔpɔara mɛni-maai mui, a pɔ̂ara berei ma.

Hanwon 12:1

Ǹúui nyii ŋ̀wɛ̂lii é kɛ́ a dáreɛɛi, ƃa ŋɔpɔara mɛni maai lɛ̀ ma, ǹíi a nɛ̃ɛ, kɛ́lɛ ƃoo-nuu fa ŋ̀wɛli dí ŋɔpɔara mɛni maai lɛ́ ma.

Hanwon 13:1

Táre-loloŋ a ǹâŋ wóo mɛ̀ni, kɛ́lɛ su-mɛni kɛ̂tɛ lòloŋ fa ŋ̀óli tɔ̀ɔ lia-woo ma.

Hanwon 15:11

À kɛ̀ Ɣâla Yâwɛɛ è saa-taa da m̀ɔlɔ̂ŋ su-mɛni-ŋai kɔ́lɔŋ, va pɔ̂ri núu-kpune líi su-mɛnii kɔ́lɔnîi?

Hanwon 15:9

Ɣâla Yâwɛɛ a ŋwana-lɔ̂ɔ-nuu tûa-pere kpɔ̀ara, kɛ́lɛ è tɔ̃yâ-nuu tûa-pere wɛ́li ni.

Hanwon 23:35

Gɛ̀ ní ya pâi môi yɛ̂ɛi, “Dí ǹokwa, kɛ́lɛ dífe ŋwána ní, dí ńzàa, kɛ́lɛ fé gíli kɔlɔŋ ní. Lé tãi ƃé ŋa pâi ŋ́ɛi lá ƃôi lai? Ŋa pâi ŋɔ́nɔ da kpelêi.”

Hanwon 5:12

Ƃa pâi kɛ̂i môi yɛ̂ɛi, “Ŋ́gula maa kɛ́ɛ mɛni nyɔ́mɔɔ kɛ́ɛ mɛni ma ƃɛlɛ fé ŋ́goi. Lé mɛni ƃé fé núu da kpɛ́ni ŋɔteniŋ tɔɔ-wooi siɣe ní lai?

Ɉeremi 2:17

Káa kpîŋ ƃé pà a m̀ɛnii ŋí kákpîŋ kâa, kpɛ́ni fêi, ká kápôlu tɔ̀ɔ Yâwɛɛ ma nyíi gáa a Káɣâlai, tãi è kɛ̀ pâi la a káai.

Izikiɛ 33:9

Kɛ́lɛ à kɛ̀ yà ŋwana lɔ̂ɔ nuui lia-woo ƃò a gɛɛ é bôlu tɔɔ ŋɔsɔnyɔ̂ŋ ma vé ŋ̀óli tɔɔ ní yâ, a pâi saâi ŋɔsɔnyɔ̂ŋ su. Kɛ́lɛ ífe pâi saâi.”

Ɉaan 3:20

Kpɛ́ni fêi, núu kélee a mɛni nyɔ́mɔɔ kɛ̀i, a kwaa-ponoɔ kpɔ̀ara, va pa kwaa-ponoɔ ma, ŋɔtûa nyɔ́mɔɔi fe lâa lɛ́ la.

Ɉaan 7:7

Ǹɔii fa pɔ̂ri kákpɔarâi. Kɛ́lɛ, a ŋ́gbɔ̀ara. Kpɛ́ni fêi, ŋa maa-sere-faa kɛ̀ a gɛɛ ŋɔtûa-ŋai nyɔ́mɔɔ̂i.