Hanwon 14:2 - Bible

² Tɔ̃yâ-tua kɛ́ɛ a ǹɛ́ a gɛɛ ƃaa-kɛ-maa káa íyêei Ɣâla Yâwɛɛ mɛni ma, kɛ́lɛ núui dûa-pere fé sã́a-nii a ǹɛ a gɛɛ ƃaa kɛ́-maa fé ǹyêei m̀ɛni ma.

Yálá laawoo hɛɓɛ (dc)

² Nui a hiɛ a ɉaŋąą, a ɲɔw Yai-Laa ɓa. Túwɔ́ pələ ɲɔ̨n gulɔmun yɛ tɛɠɛ ɓo ɉu.

Yálá laawoo hɛɓɛ

² Nui a hiɛ a ɉaŋąą, a ɲɔw Yai-Laa ɓa. Túwɔ́ pələ ɲɔ̨n gulɔmun yɛ tɛɠɛ ɓo ɉu.

Hanwon 14:2 ပူးပေါင်းရင်းမြစ်များ

Samia Veerɛi 12:9

Ya íŋɛi naɣîŋ Yâwɛɛ ŋɔwóoi mɛi íkɛ mɛni nyɔ́mɔɔ kɛ̀ la lé mɛni ma? Ya gɛ́ Amɔŋ-ƃelai da Yuraya paa a ƃóa-sɔ̂kpɔ ya ŋɔnɛnîi síɣe a ípɔɔ.

Tɔɔɓɛlaa dɔlɔɔ 3:6

Saloma è mò ǹyɛɛi, “Ńâŋ Deeƃé íyee mu nuui è kɛ̀ a núu-sãa ǹyaŋ è mɛnii kɛ̀ í mò mai. Mɛ̀ni ƃé í íwɛli-kɛ-maai lɛ̀ la ma, ǹyaŋ íkaa nîi ŋwɛli kɛ́-maai ŋí lɛ̂ia lóŋ-surɔŋ tɛ̀ɛ bɔ́ nyíi gáa nâa a kâloŋ bɔ́ɔ ŋá.

Tɔɔɓɛlaa veelɛ 17:34

Díkaa niî dítûa-pere pɔlɔ-ŋai kɛ̂i sâai ŋí ma. Dífa Yâwɛɛ fɛ̀li nɔ́ tí kpaa máŋ dí ŋɔtɔ̂ŋ-ŋai mɛi káa da ŋɔlia-woo-ŋai nyii-ŋai è dɛ̀ɛ Zeeka ŋɔsuui pɔi, nyii è ǹáa maa fâleŋ a Eezuɛ.

Zôo 1:1

Nalôŋ tɔnɔ è wɔ́lɔ kɛ̀ naa, ǹáa ƃé kɛ̀ a Zôo. È wɔ́lɔ kɛ̀ a Ɔzi lɔii su nuu. Nalôŋ ŋí a kâa yao Ɣâla ma, kili-tɔɔ maa kɛ́ ƃò ǹyêei.

Zôo 12:4

Ǹúui nyii kélee a Ɣâla fɛ̀li gíli tɔ̂ɔ ma a gɛɛ é ŋ̀óo su tooi, m̀arâai da gɛ̀ nɔ́ a díɣɛlɛ maa sɛŋ, berei máŋ deniŋ ƃôɔɔi la, a Ɣâla fɛli gɛ́ ŋ̀óo mɛnii.

Zôo 28:28

“Ɣâla è m̀o núu-kpune ma a gɛɛ à kɛ̀ ŋ̀wɛ̂lii é táre sɔlɔ ƃó, fɛ̂ɛ é yao ǹyaa Ɣâla ma. À kɛ̀ ŋ̀wɛ̂lii a gɛɛ é táre, fɛ́ɛ é bôlu tɔɔ mɛni nyɔ́mɔɔ kɛ́ɛ ma.”

Mąątɛ̨nɛ̨ 112:1

Ka Yâwɛɛ láa maa tɛ́. Lûwa káa ǹúui ma a ƃaa kɛ́-maa tɛ̂ɛ Yâwɛɛ pɔ́i, gɛ́ ŋɔtɔ̂ŋ-ŋai mɛi kâai.

Mąątɛ̨nɛ̨ 25:21

Ŋámɛni lɛ́lɛɛ kɛ́ɛi da ŋáteniŋ ƃô-laai maa mɛ̂ni dí gɛ́ ŋáfulu-laai su é kôya, kpɛ́ni fêi, ŋ́gili tɔɔ̂i nɔ́ yâ.

Hanwon 11:12

Ǹúui a ɣɛ́lɛ-maa kùla m̀arâŋ-nuu kponôi, maa nuui fé táre ní, kɛ́lɛ mɛni-ŋa-kaa-nuu a m̀ɛi sâa.

Hanwon 16:17

Tɔ̃yâ-nuu a bôlu tɔ̀ɔ sɔnyɔ̂ŋ m̀a. Ǹúui a zia pere maa kpɛ̂ɛi, a ŋɔfúlu-laai lâai kɛ̀.

Hanwon 16:6

Ɣâla Yâwɛɛ a laa-la-nuu da tɔ̃yâ-tua kɛ́-nuu dísɔnyɔ̂ŋ su-mɛni lɛ̀ɛ. Núu a yào Ɣâla Yâwɛɛ ma, a ǹyée kùla sɔnyɔ̂ŋ su.

Hanwon 19:1

Ǹɛ̂lɛɛi núu é kɛ́ a gôloɔ deniŋ ƃôɔɔ é tɛ́ɛ la núu kɛ́ɛ m̀oɔɔ ŋ̀ôyaa ma.

Hanwon 2:15

Dítûa-pere fé sã́a ní. Da tûa a wôya-pere.

Hanwon 28:6

Kôlo-nuu sã́a lɛ̂lɛɛi é tɛ́ɛ tɔɔ-nuu ma nyii dûa-pere fé sã́a nii.

Ikilisiati 12:13

Ŋ̀óoi gbɛɛ ŋái ká ŋí. Ka ƃaa kɛ́-maa tɛ́ɛ Ɣâla pɔ́ ká ŋɔtɔŋ-ŋai kélee mɛi káa. Ŋ̀óoi ŋí káa núu-kpune kélee mɛni ma.

Lukə 10:16

“Ǹúui a káwoo mɛ̀nii, a ŋ́oo mɛ̀ni. Kɛ́lɛ, ǹúui a ǹyée kùla kamui, a ǹyée kùla mû. À kɛ̀ ti, ǹúui a ǹyée kùla ḿûi, a ǹyée kùla ǹúui mu ńdɛ̀ɛi.”

Lukə 16:14

Faresii-ŋai nyii-ŋai kɛ̀ a sɛŋ-kao wɛliɛi, dí mɛnii ŋi kélee mɛ̀ni, dí ɣɛlɛ-maa kúla zu.

Gɛlaɠaa 10:22

Dîyɛɛ mài, “Kɔniliɔ, nyíi gáa a ǹɔii ma kpɛ́-ƃelai mɛi-nuui, ƃé kútɛ̀ɛ. Gáa a núu lɛ́lɛɛ, gɛ́ yao Ɣâla ma. Ƃaa kɛ́-maa káa Zûu-ŋai yêei m̀ɛni ma. Ǹyaa ƃé Ɣâla-taa-kela maa waa è mò mà a gɛ́ɛ é ítoli ŋɔpɛ́rɛi lá é íwoo mɛni.”

Gɛlaɠaa 10:35

Kɛ́lɛ, ǹúui kélee à yâo Ɣâla ma lɔii kélee sui, gɛ́ tûa-pere lɛ́lɛɛ kɛi, Ɣâla a ǹyée sèe maa nuui mu.

Gɛlaɠaa 9:31

Kôrai-toli-kpɔŋ-ŋai kɛ̀ Zuda, Galalii da Sameria dí nâa kɛ̀ lii-sêe su. Dí ƃɔlɔ kpɔ́ a zu kɛ́tɛ. Zu-ƃelai dí tàma, kpɛ́ni fêi, ŋumɛ mâa è kɛ̀ díyêei dífulu-laai su Kúnuu-namui mɛni ma da M̀ɔlêŋ Maa Waai.