Hanwon 10:21 - Bible

²¹ Tɔ̃yâ-nuu lóno-woo a kpɔŋ-maa tɛ̀ɛ núu támaa pɔ́, kɛ́lɛ ƃoo-nuu lóno-woo a gbîŋ pàa.

Yálá laawoo hɛɓɛ (dc)

²¹ Tələnmomun nwoo a liilaa tɛɛ nu pɔ, Kɛlaa, kilikpɛɛgwəi nuą da haa a mɛ̨nį kɔ́lɔn nwɛli.

Yálá laawoo hɛɓɛ

²¹ Tələnmomun nwoo a liilaa tɛɛ nu pɔ, Kɛlaa, kilikpɛɛgwəi nuą da haa a mɛ̨nį kɔ́lɔn nwɛli.

Hanwon 10:21 ပူးပေါင်းရင်းမြစ်များ

Zôo 23:12

M̀ɛnii nyii kélee è mò ḿâ a gɛɛ ŋá gɛ́i, ŋá gélee kɛ̀ a teniŋ ƃô-pere.

Mąątɛ̨nɛ̨ 37:30

Dɔ̃yâ-ƃelai da lôno a táre pere. Fili fé díkɛ mɛni da su.

Hanwon 1:29

Ká táre kpɔ̀ara káfe gbɛtɛ ní kákili ŋá a gɛɛ ká yáo Ɣâla Yâwɛɛ ma.

Hanwon 1:31

M̀ɛni ma zɛŋ ka zii, ka pâi m̀á kulâi, ǹyaŋ kákpɔɔi kɛ́-mɛni-ŋai tí ƃé pâi kákɛ̂i ká kɔ́lɛ.

Hanwon 1:32

Diai dífa mɛni ŋá kàa a ǹɛ́lɛɛi, da pâi saâi kpɛ́ni fêi, da dípôlu tɔ̀ɔ táre ma. Diai dífa mɛni ŋá kàa a ǹɛ́lɛɛi, dítûa-perei ƃé pâi dísu karâi.

Hanwon 10:11

Tɔ̃yâ-nuu lóno-woo a pâ a fúlu-laa, kɛ́lɛ ŋwana-lɔ̂ɔ-nuu lóno-woo a ŋɔsɔnyɔ̂ŋ mɛi pɛ̂lɛ.

Hanwon 12:18

Ƃoo-woo a sôli yɛ̂ɛ ƃóa-sɔ̂kpɔ, kɛ́lɛ táre-woo a núu ƃàlo.

Hanwon 15:4

Ŋanɛ̂nɛ-woo a pâ a ƃalo-laa, kɛ́lɛ ŋwana-lɔ̂ɔ-woo a núu líi su kàra.

Hanwon 15:7

Táre-nuu a lia-woo lɛ́lɛɛ kɛ̀, kɛ́lɛ lia-woo lɛ́lɛɛ fé ƃoo-nuu lá.

Hanwon 17:16

Gáa a ƃoo mɛ̂ni a gɛɛ í sɛŋ kɔ́lɛ ƃoo-nuu ŋɔsɛŋ kɔ́lɔŋ mɛni ma kpɛ́ni fêi táre fé ŋuŋ su.

Hanwon 5:12

Ƃa pâi kɛ̂i môi yɛ̂ɛi, “Ŋ́gula maa kɛ́ɛ mɛni nyɔ́mɔɔ kɛ́ɛ mɛni ma ƃɛlɛ fé ŋ́goi. Lé mɛni ƃé fé núu da kpɛ́ni ŋɔteniŋ tɔɔ-wooi siɣe ní lai?

Hanwon 5:2

a gɛɛ íkíli ŋá sîai é kɛ́ a zãa, ílono-wooi é ítarei lɛ́.

Hanwon 5:23

A pâi saâi, kpɛ́ni fêi, va gbîŋ mɛi kâa. Ŋɔƃoo tûa-perei ƃé pâi ŋuŋ la pilîi.

Hanwon 6:32

Núui a wulu-wulu kɛ̀ a núu da kpɛ́ni ŋɔnɛnîi, gáa a ƃoo nûu. Ǹúui a gɛ̀ tíi, a gbîŋ ŋuŋ-la pìli.

Ikilisiati 12:11

Táre-nuu wóo káa yɛ̂ɛ ƃála mɛi káa-nuu yêei wuru nyii a ŋɔƃála-ŋai téniŋ tɔ̀ɔ la gɛ́ dímɛi kâa lai. Ŋɔtáre-woo-ŋai su-kpanaŋɔɔi yɛ̂ɛ kɔli nêre. Dáre-woo-ŋai ŋí è kùla Ɣâla yêei nyii gáa a kúkelee kú mɛi káa nuui.

Azaya 5:13

M̀ɛni ma, da pâi liî a dia luɛ-lâa su. Dílaa túɛ-ƃelai da pâi saâi a puru, dínûai dísaa a kpele wɛ̂li.

Ɉeremi 15:16

Tãi ŋá íwoo mɛ̀ni lai, ŋá ńyee sèe mù. Nya ƃe íwooi è gɛ̀ níi é nɛ̃ɛ, kpɛ́ni fêi, ŋ́gaa a ípɔɔ óo Ŋ̀wála-wâla kélee Yâwɛɛ.

Ɉeremi 3:15

Ŋa pâi ká mɛi káa ǹuu tɛɛ̂i nyíi ŋɔkili-ŋa-sîai káa yɛ̂ɛ ŋ́ɔ̂i, nyíi pâi ká mɛi kâai a táre da mɛni ŋá káai.

Osia 4:6

Ŋánûai su a kâra, kpɛ́ni fêi, táre fé díyêei. Káai a zâla láa-soŋ-ƃelai, gáa a kásɔŋ kpɛ́ni fêi, ka kápôlu tɔ̀ɔ ḿâ, ka ŋásɛŋ lɛ́ɛi kpɔara. Berei ka ǹia la ŋátɔ̂ŋ mai, ńyãa máŋ ŋa pâi niâi kálônii dîa.

Maafîu 12:35

Núu lɛ́lɛɛ a pâ a m̀ɛni lɛ́lɛɛi nyii a kúla ŋɔmɛni lɛlɛɛi sui. Núu nyɔ́mɔɔ kɛ́ pa a m̀ɛni nyɔ́mɔɔ nyii a kúla ŋɔmɛni-nyɔ́mɔɔ kɛɛi sui.

Maafîu 13:19

À kɛ̀ núu da à Ɣâla ŋɔkâloŋ-laai maa-wooi mɛ̀ni, ve táre ni zu, gɛ̀ ní, ŋ̀wana-lɔ̂ɔ-nuui a pâ é ŋ̀óoi kúla ǹíi su, nyii kɛ̀ a zíɛ naai. Ŋ̀óoi ŋí ƃa zí-sɛŋ-kaoi nyii tòo berei mai.

Lomaŋ 1:28

È kɛ̀ tí, kpɛ́ni fêi, dífe Ɣâla maa mɛni sìɣe ní a tɔ̃yâ. Ɣâla è nɛ̀ɛ dí díkɛ-ɣeniɛi kɛ́ a kili-ŋa-sia nyɔ́mɔɔ da tua-pere nyɔŋ nyíi m̀aa fé nɛ̃ɛ ní kɛ̀ dí gɛ́i.

Piɛrə dɔlɔɔ 5:2

Ka Ɣâla ŋɔnuu-kpului mɛi káa nyíi kákaa mɛi. Vé a sɛŋ fɛ̂ɛ nɔ́ ká gɛ́, kɛ́lɛ, ka gɛ́ é kúla kálii su yɛ̂ɛ berei Ɣâla a ŋ̀wɛ̂lii ka gɛ lai. Káfe gɛ sɛŋ mɛni ma ŋumɛ-pere su, kɛ́lɛ, ka gɛ́, kpɛ́ni fêi, ka ŋ̀wɛ̂lii kpɔ́ a ŋánaa a gɛɛ ká gɛ́.