Gɛlaɠaa 7:30 - Bible

³⁰ “Kóraŋ buu náaŋ tɛɛ pôlu ma, Ɣâla-taa kela è pà bɔ́ Sana Yeei maa Fɛ̃yɛ-kpalaŋ su. Ŋ̀âla-taa kelai ŋí è kɛ̀ ŋɔŋ-leŋ su ɣalêŋ kpɔlɔ su.

Yálá laawoo hɛɓɛ (dc)

³⁰ «Kwɛlan bow nąąn dɛɛ pulu, malaka ta ə gbɔwɔ lɛ Moisə ɓa nwɔ̨n nən gɛnɛ̨ hu, nɔi pun ɉu, Sinai yee nwuɔ̨ wulu lon da ɓa.

Yálá laawoo hɛɓɛ

³⁰ «Kwɛlan bow nąąn dɛɛ pulu, malaka ta ə gbɔwɔ lɛ Moisə ɓa nwɔ̨n nən gɛnɛ̨ hu, nɔi pun ɉu, Sinai yee nwuɔ̨ wulu lon da ɓa.

Gɛlaɠaa 7:30 ပူးပေါင်းရင်းမြစ်များ

Tɔɔɓɛlaa dɔlɔɔ 19:8

Nya ƃe è mù sìɣe é ǹáa míi. Gɛ́ɛ mii-sɛŋ a gbonôi kpànaŋ, è sìa a fólo kûu buu náaŋ da kpíni kûu buu náaŋ é lɛ́ɛ la zu é seri Sânai, Ɣâla ŋɔyéei ma.

Mąątɛ̨nɛ̨ 66:12

Í gɛ̀ kúkpɔara-ƃelai dí ƃɔ́rɔŋ kûa. Kú tɛ̀ɛ ŋɔŋ da ya-fɛ̂ɛ su. Kɛ́lɛ ya pá a kûa ŋuŋ ma ƃô kwaa ma.

Lɛɛ gbɔwɔ ɓa 3:6

Ńyãa ƃa ínâŋ-ni dí Ɣâlai, Eberaɣɛ̃ɛ Ŋɔɣâlai, Aise Ŋɔɣâlai da Zeeka Ŋɔɣâlai.” Nya ƃe Mose è ŋ̀ɛ́i lòo. Kpɛ́ni fêi, è kɛ̀ yaôi a gɛɛ é Ɣâla ŋɛ́i káa.

Lɛɛ gbɔwɔ ɓa 7:7

Mose è nâa kɛ̀ a kóraŋ buu lɔ́ɔlu mɛi saaƃa, Eelɔŋ kɛ́ ƃò a kóraŋ buu lɔ́ɔlu mɛi saaƃa káo saaƃa a tãi dí li la Gâloŋ pɔ́i.

Azaya 43:2

Kà kɛ̀ tɛɛ̂i ya-ɣiliŋ kpanaŋ su, sɛŋ da fé pâi kɛ̂i a káa. Ŋa pâi kɛ̂i kákɔlɛ. Mɛni kpânaŋ da fé pâi wɔ́lɔ káyee mɛi ɣâlei. Ka sìa ŋɔŋ su vé pâi kákêreni. Su-kɔ̂ɔŋ kpanaŋ da fé pâi wɔ́lɔ káyee mɛi ɣalei.

Azaya 63:9

é díkula dímɔ̃lɛ-laai su. Ɣâla-taa kêla fé m̀ɛnii ŋí kɛ́ ní. Kɛ́lɛ Yâwɛɛ ǹyaa kpîŋ ƃé díŋuŋ mâ ƃò. È díŋuŋ mâ ƃò ŋɔmaloŋ kâai da ŋɔwɛli kɛ́-maai sârai. A wɔ́lɔ dímɛi kâa nɔ́ a bɔlɔ.

Danîa 3:27

Gâloŋ loŋ-sinaa maa-ŋuŋ-ŋai, ǹɔii kpiniŋ tɛi-tɛi mɛi-ƃelai, ǹɔii kpîniŋ mɛi-ƃelai kɔlɛ ma-ƃelai, gâloŋ lia-woo ƃó-ƃelai, kélee dí pà dítinaŋ a dia. Dí gàa a gɛɛ ŋ̀ɔŋ fé mɛni da kɛ́ ní a dia. Díŋuŋ-leɣa da maa ɣiri-sãai kɛ̀ diai da fé kéreŋ-ni. Ŋɔŋ kûŋ fé tela kɛ́ ní dîa.

Malasi 3:1

Ŋ̀wála-wâla kélee Yâwɛɛ a môi ǹyɛɛi, “Ŋa pâi ŋáworɛ̂-woo ƃó-nuui tɛɛ̂i a gɛɛ é ŋáperei su kpɛtɛ. À kɛ̀ tí, Ŋ̀âlai ka gɔ̂rii a pâi pâi Ŋɔpɛ́rɛi Kɛ́tɛi mu a maa félaa. Gɛ̀ ní ŋ̀orɛ̂-woo ƃó-nuui ka wɔ́lɔ berei kâai, a pâi pâi é ŋáworɛ̂-wooi ƃó kâa.”

Markə 12:26

Kɛ́lɛ, ka mare kɛ̂ɛ kɛ̂i é pîlaŋ zaa-ƃelai mu-siɣe mɛni ma saa yêei. Káfe nîi Mose kɔlɔi m̀ɛ́i lóno ní ǹɔɔi kéreŋ mɛni pɔ́lɔi pɔ̃yɛɛ̂i naai? Nàa ƃé Ɣâla è m̀o naa Mose ma, ǹyɛɛi, ‘Ńyãa ƃa Eberaɣɛ̃ɛ Ŋɔɣâlai, Aise Ŋɔɣâlai da Zeeka Ŋɔɣâlai’?

Lukə 20:37

Mose ǹyaa kpîŋ è nɛ̀ ŋɔmɛni-pɔlɔi su nyii bîlaŋɔɔi gbɔlɔi ma, ƃɛi è Kúnuu-namui tòli naa a Eberaɣɛ̃ɛ Ŋɔɣâlai, Aise Ŋɔɣâlai, da Zeeka Ŋɔɣâlai, a gɛɛ dí zaa-ƃelai mu sìɣe.

Gɛlaɠaa 7:17

“Kɛ́lɛ, gono-teei ŋɔtãi lɛɣɛi, nyíi Ɣâla è gɛ̀ Eberaɣɛ̃ɛ yêei, ǹûai dí ƃûu ƃò Ize dí támaa

Gɛlaɠaa 7:31

M̀ɛnii ŋí naa káa Mose mii, ǹá è kpàla ma. Ǹɛɣɛɛ naa a gɛ́ɛ é naa káai, è Kúnuu-namui wóo mɛ̀ni, ǹyɛɛ mài,

Gɛlaɠaa 7:32

‘Ńyãa ƃa ínâŋ pɔlɔ-ŋai Díɣâlai, Eberaɣɛ̃ɛ Ŋɔɣâlai, Aise Ŋɔɣâlai, da Zeeka Ŋɔɣâlai.’ Mose è kpɛ̃liŋ vé pɔ̂ri ní naa kâai.

Gɛlaɠaa 7:35

“Mosei ŋí dí díyee kula mu, díkɛ m̀o, dîyɛɛi, ‘Gbɛ̂ɛ ƃé íkɛ̀ a núu kɛ́tɛ da mɛni ŋá-tee-nuui?’ Ǹyaa nɔ́ ƃé Ɣâla è dɛ̀ɛ, a gɛ́ɛ é kɛ́ a núu-mɛi-nuu da núu-ŋuŋ ma ƃó-nuu Ŋ̀âla-taa kelai sârai nyíi pà bɔ́ ŋ̀álêŋ kpɔlɔi sui.

Galatə 4:25

Eega maa-mɛni káa nɔ́ yɛ̂ɛ Sana Yeei nyíi gáa Arebia-lɔii sui; m̀óloŋɔɔ̂i Zerusâlɛŋ ma nyíi gáa sâa naai, kpɛ́ni fêi, gáa luɛ-laai da ŋɔnîa-pɛlɛɛi.

Dutɛrɔnome 33:16

Tɔɔ dílɔii é sí-sãa lɛ́lɛɛ tɛ́ɛ kâpɔ. Tɔɔ Yâwɛɛ nyii gbîŋ lɛ̀ ŋ̀úrii su nyii ŋuŋ è kɛ̀ mai, ǹíi é láa nyíŋi mɛni ma. Tɔɔ ǹûwa-ŋai ŋí dí kɛ́ Zosɛ ŋɔnûai dîa. Zosɛ è kɛ̀ a ǹîa da ǹêɣe-ni láa-tuɛ nuu.

Dutɛrɔnome 4:20

Kɛ́lɛ Yâwɛɛ è ká kùla m̀ɛni-kpɔlui su Ize é pá a káa é kákɛ a gbɔ́ɔi ŋɔnûa. Ǹyaŋ bere ƃé gáa la sâa.