Gɛlaɠaa 19:9 - Bible

⁹ Kɛ́lɛ, dílii su è kɛ̀ a gbanaŋɔɔ dífe láa ní la. Dí kɛ̀ mɛni nyɔ́mɔɔ ƃôi gbɔŋ ŋɛ́i-tuɛ gɛ́ pìlaŋ Berei ma. Pɔ̂ɔ è kùla dísama é Zîsɛ ŋɔpôlu-ƃelai síɣe da dia-ni díkɛ Zîsɛ maa mɛni ƃo Taranu kɔlɔ-pɛrɛi mu (é síɣe vólo-nɛnɛŋ ma é tóo ŋ̀ele-wulii foloi ma).

Yálá laawoo hɛɓɛ (dc)

⁹ Kɛlaa, nu taɠaa di kɛli di kili walawala, di hvo kɛli tí, di hvo nwoo kaa a tɛ̨ą, yaamun, di kɛli Yálá nwɔ pələi laa ɲɔ̨nwɔ̨ɔ̨ɓo ɲąąkpɔn ɉu; yili ɓa, Polə da nuąi tii di taɠa. Yili pulu, ə galan nɛa həɠə, yɛ kalan gɛ diɛ hvoló tɛitɛi yee mu Tiranɔsə nwɔ lakwɛli kələi mu.

Yálá laawoo hɛɓɛ

⁹ Kɛlaa, nu taɠaa di kɛli di kili walawala, di hvo kɛli tí, di hvo nwoo kaa a tɛ̨ą, yaamun, di kɛli Yálá nwɔ pələi laa ɲɔ̨nwɔ̨ɔ̨ɓo ɲąąkpɔn ɉu; yili ɓa, Polə da nuąi tii di taɠa. Yili pulu, ə galan nɛa həɠə, yɛ kalan gɛ diɛ hvolo tɛitɛi yee mu Tiranɔsə nwɔ lakwɛli kələi mu.

Gɛlaɠaa 19:9 ပူးပေါင်းရင်းမြစ်များ

Tɔɔɓɛlaa veelɛ 17:14

Kɛ́lɛ Eezuɛ-ŋai dífe woo-mɛni kɛ́ ní. Dí kɛ̀ nɔ́ a díwôlii kpɔ́lɔɔ yɛ̂ɛ dínâŋ-pɔlɔ-ŋai nyii-ŋai dífe fáa ní ma a gɛɛ dí Yâwɛɛ Díɣâla fɛ́li.

Kɔlɔnikɔ Veerɛi 30:8

Káfe ŋuŋ-su kpânaŋ kula yɛ̂ɛ berei kánâŋ ni díwɔlɔ gɛ̀ lai. Ka Yâwɛɛ wóo mɛni. Ka pá Ŋ̀âla-pɛrɛ Kɛ́tɛi la nyíi aâ m̀aa wáa wɔ́lɔ-wɔlɔ da wɔlɔi. Ka tíi kɛ́ Káɣâlai mî a gɛ́ɛ é ŋɔlii-ŋwanâi ŋá ŋánai kúla kâa.

Kɔlɔnikɔ Veerɛi 36:16

Kɛ́lɛ, dí ɣɛlɛ-maa kula Ɣâla ŋɔlo-kɛ-ƃelai kponoi. Dífe díyee see ní ŋ́oo mu. Díkɛ ɣɛlɛ-maa kulâi ŋɔlóno-kɛ ƃelai kponôi é lɛɛ la zu Yâwɛɛ é ǹíi ŋwana dîa nyíi gula-maa fé kɛ ni ma.

Nehemi 9:29

Í ínûai lia-woo ƃò a gɛɛ dí díyee sée pôlu ítɔ̂ŋ-ŋai mu. Kɛ́lɛ díwolii kpɔ̂lɔ kɛ̀. Dífe díyee see ní dímu. Ǹúu-kpune mɛi káa tɔŋ-ŋai í dɛ̀ɛ dípɔ a gɛɛ dí kɛ́ sia a dia díkɛ̀ ɣéniɛi sui, dí díyee kùla dímu. Dí kɛ̀ nɔ́ sɔnyɔ̂ŋ kɛ̂i.

Mąątɛ̨nɛ̨ 95:8

“Káfe kɛ̀ a wolii kpɔ̂lɔ-ƃela yɛ̂ɛ kánâŋ pɔlɔ-ŋai kɛ̀ Mɛriƃa a tãi dí kɛ̀ la vɛ̃ɛ-kpâlaŋ su Massai.

Hanwon 8:34

Lûwa káa diai dîa da ŋ́oo mɛni, dí kɛ́ ƃò tɔɔ̂ni ŋákpôŋ lá a ɣele kélee, dí kɛ́ ḿaa kpɛ̂ŋ ŋápɛrɛi lai.

Azaya 8:14

Ŋámaa wâa-laai su kɛ̂tɛi. Ŋ́gaa yɛ̂ɛ kɔni nyíi nûa da kâreŋ la díkɛ tooi. Ŋ́gaa yɛ̂ɛ ƃáre Zuda da Zerusâlɛŋ-ƃelai mɛ̂ni ma.

Ɉeremi 19:15

“Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai ǹyɛɛ, ŋa pâi pâi a m̀ɛni ŋáa téɛɛi nyíi kélee ŋá gbɛ̀tɛ é pîlaŋ daa-lêei ŋí ma da zu-ƃela kélee. Kpɛ́ni fêi, díwôlii kpɔ̂lɔɔi. Dífa ŋ̀wɛli dí díwoli tɔ́ɔ ḿâ.”

Ɉeremi 7:26

Kɛ́lɛ, dífa díwoli tɔ̀ɔ ḿâ, kpaa dí ŋ́oo mɛni. Kɛ́lɛ da kɛ̂ nɔ́ ŋuŋ-su kpânaŋ kulâi. Da mɛni nyɔ́mɔɔ ŋánaa kɛ́ a tɛɛ dínâŋ pɔlɔ-ŋai dîa.”

Maafîu 15:14

Ka dílɛɛ naa. Díkaa a ŋɛ́i-pu-ƃela tuɛ-ƃela ŋɛ́i puɔɔ. Ǹyaŋ à kɛ̀ ŋɛ́i-pu-nuu a pere kûla a m̀arâŋ-ŋɛi-pu-nuu, dífeerɛ da pâi toôi lôai.”

Maafîu 16:4

Ŋ̀éniɛi ŋí su ŋ̀wana-lɔ̂ɔ-ƃela da wulu-wulu kɛ-ƃela, díkaa ŋɛi-kɛ-maa kɔ́rîi, ǹyaŋ dífe pâi ŋɛi-kɛ-maa tɔnɔ kpîŋ kâai é kúla Zôna ŋɔŋɛi-kɛ-maai pôlu.” Nya ƃe è dílɛ̀ɛ naa é lí.

Maafîu 26:55

Maa-aƃai mâ Zîsɛ è mò gbɔŋ-su-ƃelai dîa, ǹyɛɛi, “Ká pà ḿbɔ yɛ̂ɛ núu a pà ŋuma-nuu pɔ a ƃóa-sɔkpɔ da wúru-gbua a gɛɛ ká ńzoŋ? Ŋá sèe Ŋ̀âla-pɛrɛ Kɛ́tɛi mu ŋ́gɛ Ɣâla-mɛni lɛ a ɣele kélee ǹyaŋ káfe ńzoŋ ni.

Ɉaan 12:40

“A díŋɛi pú, a dílii kpánaŋ, a gɛɛ dífe láa kwaa káa la a díŋɛi, dífe lâa mɛni siɣe la dílii su, a gɛɛ dí tinaŋ ḿbɔ-pere a gɛɛ ŋa díƃalo.”

Gɛlaɠaa 11:26

Sɔ̂ɔ káa m̀ii, è pà la Ɛŋtiɔ. È kɛ̀ tí dí gɛ̀ naa a kóraŋ tɔnɔ Kôrai-toli-kpɔŋ su-ƃelai sáma, dí sɛŋ lɛ́ dámaa ɣele dîa. Ɛŋtiɔ ƃé dí Zîsɛ ŋɔpôlu-ƃelai tòli naa a Kôrai-ƃela a maa-ŋuŋ.

Gɛlaɠaa 14:4

Kɛ́lɛ, daa-ƃelai díkɛ̀ a díŋaa kɔlɛɛ. Gbulu tɔnɔ è kɛ̀ Zûu-ŋai pôlu, gbulu tɔnɔ kɛ́ ƃo zia-ƃelai pôlu.

Gɛlaɠaa 17:4

Da-ni líi maa è fàleŋ dí pá Pɔ̂ɔ ŋɔƃélai ma pere da Salɛ, yɛ̂ɛ berei Gurii Ɣâla mɛni kɛ́-ƃelai dámaa nyíi-ŋai kɛ̀ a Kôrai-ƃelai, dí gɛ̀ da ǹɛyâa kpaya-kpayai dámaai.

Gɛlaɠaa 19:23

Maa tãi tɔnɔi tí mɛni kpɔ̂lu mɛni támaa làa Ɛfesɛ-ƃelai dîa é pîlaŋ Berei ma.

Gɛlaɠaa 19:30

Pɔ̂ɔ è kɛ̀ ŋ̀wɛ̂lii é lí goyâŋ su. Kɛ́lɛ, Zîsɛ ŋɔpôlu-ƃelai dífe ǹɛɛ ni naa é lí.

Gɛlaɠaa 20:31

Mɛni ma ka kámɛi káa. É lɛ́ɛ kákili ŋá a gɛ́ɛ kóraŋ saaƃa yée mu ŋá kɛ̀ nɔ́ kálôa-woo ƃôi a ɣele kélee a ŋɛ́i-ya máŋ.

Gɛlaɠaa 22:4

Ŋá Berei ŋí kpɔ̀ara ŋá zu-ƃelai da-ni paa máŋ. Ŋá sinâa da nɛyâa ɣìri ŋá dípili kpini-pɛrɛ mu.

Gɛlaɠaa 24:21

é kúla mɛni tɔnɔi ŋí pôlu ŋá làɣi la, ǹyɛɛi, ‘M̀u-siɣe saa-yeei mɛni ƃé díkaa ŋámɛnii ŋá têei la sâa.’ ”

Gɛlaɠaa 28:22

Kɛ́lɛ, kwa ŋ̀wɛ̂lii ku íwoo mɛni ku gáa berei íkili-ŋa-siai káa lai. Kpɛ́ni fêi, à kɛ̀ a Kôrai-ƃela-kpului ŋí mɛni, ku gɔ́lɔŋ da mɛni nyɔ́mɔɔ ƃo e pîlaŋ ma kwaa kélee ma.”

Gɛlaɠaa 7:51

“Wolii-kpɔlɔ-ƃela, káai Ɣâla fé kálii su, kpaa máŋ káfa ŋ̀óo mɛnii, ka tɔɔ M̀ɔlêŋ Maa Waai ŋɔtíi tuɛ a tãi kélee. Berei kánâŋ-ni dí tùa lai, bere nɔ́ ƃé kákaa tuâi la.

Gɛlaɠaa 9:2

a gɛ́ɛ é kɔlɔ kúla ǹyêei é lí la Dimɛika Ŋ̀âla-fɛli kêre-ŋai mu a gɛ́ɛ à núu da kélee kàa nyíi gáa a ǹúu-kpului, nyíi da kɛ̂ ma Berei, zu-nuu da, à kɛ̀ a nɛnî kpaa máŋ surɔ̂ŋ, é zoŋ é ŋìri é pá la Zerusâlɛŋ.

Lomaŋ 11:7

Le ƃe ŋaŋ? Eezuɛ-ŋai dí fɛ̀ɣɛ a gɛ́ɛ dí mɛnii sɔlɔ ƃo dí kɛ̀ gɔ́rii. Diai Ɣâla e dílɛ̀i, dí zɔlɔ ƃo. Kɛ́lɛ, ǹúui gbeli-ŋai líi su è kɛ̀ a gbanaŋɔɔ,

Lomaŋ 9:18

Mɛni ma a diai malôŋ kàa a ŋ̀wɛli e dímalôŋ káai, gɛ diai líi kpanaŋ a ŋ̀wɛli é dílii kpanaŋ.

Korɛntə dɔlɔɔ 16:9

Kpɛ́ni fêi, tíi kpanaŋɔɔ kɛ́ɛ ŋɔkpôŋ lá a ƃó ḿberêi naa, ǹyaŋ kúkpɔara-ƃela támaa díkaa naa.

Timote dɔlɔɔ 6:5

díkɛ sîa too ǹûai sama nyíi-ŋai díkili káa kpɛni-kpɛni, dɔ̃yâi fé díyêei. Ǹûai ŋí da gàa a gɛ́ɛ Ɣâla-mɛni-kɛɛ káa a sɛŋ sɔlɔ ƃoɔ maa-pere.

Timote veelɛ 1:15

Í gɔ́lɔŋ a gɛ́ɛ diai kélee díkaa Eesiai, dí dípôlu tɔ̀ɔ mâ, maa-ƃelai da-ni ƃa Fezilɔ da Ɛɛmɔzinii.

Timote veelɛ 3:5

Ɣâla-mɛni-sii da káa díyêei, kɛ́lɛ, díkɛ maa-wála-walai maa sîa tòo. Ífe íyee pu ǹúu-sii kɛɛ-ŋai ti maa-mɛni su.

Timote veelɛ 4:2

Ɣâla ŋɔwóoi ƃó, í tíi kɛ́ a gbanaŋɔɔ a tãi kélee, í nûa dísɔnyɔ̂ŋ lɛ dîa, í lóno nûa pɔ kpɔ́ a gbanaŋɔɔ, í dília-woo ƃó, ífe fɛ̀ɣɛ ílii-kpelei su da ísɛŋ-lɛɛi.

Hebreu 3:13

Kɛ́lɛ, ka kákîe-ni lia-woo ƃó a ɣele kélee, a gɛɛ kátɔnɔ kpîŋ káfe kálii kpanaŋ a sɔnyɔ̂ŋ ŋɔnúu pɛlɛɛ, tãi nɔ́ ŋ̀óoi da kɛ́ mà “sâai” nyii gáa Ŋ̀âla kɔlɔi sui káa niî naa nyíi bîlaŋɔɔi kûai.

Piɛrə veelɛ 2:12

Kɛ́lɛ, ǹûai ŋí nyíi-ŋai díkaa nɔ́ yɛ̂ɛ sua-ŋa nyíi-ŋai dífa díkili-ŋa-siai, da tûa nɔ́ yɛ̂ɛ sua-ŋa nyíi-ŋai da díkaa nɔ́ a gɛɛ dí dísoŋ dí dípaai. Da lóno nyɔ́mɔɔ kɛ̀ mɛni-ŋa sú nyíi-ŋai dífe gɔlɔŋ. Díkpîŋ su-karaai a pâi dísu karâi.

Piɛrə veelɛ 2:2

Núu támaa da pâi pîlanii díwolii-kpɔlɔi pôlu, ǹyaŋ dia ƃe pâi kɛ̂i a ǹûai nyíi-ŋai pâi lóno nyɔ́mɔɔ kɛ̂i é pîlaŋ dɔ̃yâi maa-perei mai.

Zûu 1:10

Kɛ́lɛ, ǹûai ŋí da lóno nyɔ́mɔɔ kɛ̀ é pîlaŋ mɛnii kélee ma dífa târe zui. Ǹyaŋ mɛni-ŋai da târe zu díkpîŋ kponôi yɛ̂ɛ sua-ŋa nyíi-ŋai târe fé díyêei, ǹya ƃa dísu kàra.