Gɛlaɠaa 15:8 - Bible

⁸ Ǹyaŋ Ɣâla nyíi núu-kpune líi su kɔ́lɔŋ a ǹɛ kpɔ́ a zu ponoɔɔ a gɛ́ɛ gáa tí, è M̀ɔlêŋ Maa Waai tɛ̀ɛ dípɔ yɛ̂ɛ nɔ́ berei è dɛ̀ɛ la kúpɔi.

Yálá laawoo hɛɓɛ (dc)

⁸ Yálái a nu lii hu mɛ̨nį kaa, ə tɔɔ di pulu, a Kili-Mąąhəɠɛɛ tɛɛi ə mo di pɔ yɛ bələi ə dɛɛ la gu pɔ.

Yálá laawoo hɛɓɛ

⁸ Yálái a nu lii hu mɛ̨nį kaa, ə tɔɔ di pulu, a Nįį-Mąąhəɠɛɛ tɛɛi ə mo di pɔ yɛ bələi ə dɛɛ la gu pɔ.

Gɛlaɠaa 15:8 ပူးပေါင်းရင်းမြစ်များ

Tɔɔɓɛlaa dɔlɔɔ 8:39

gɛ̀ ní lɛɛ Ɣâla-taa í mɛni, í dísu-mɛni lɛɛ, í dûa kɛ́. Ǹúui kélee dímɛnii su-too dîɛ tɛi-tɛi yɛ̂ɛ berei dítûa-pere káa lai nyíi nɔ́ í núu líi su-mɛni kɔ́lɔŋ, kpɛ́ni fêi, ƃía tɔnɔ nɔ́ ƃé núu-kpune líi su-mɛni kélee kɔ́lɔŋ.

Kɔlɔnikɔ Maa-ŋuŋ 28:9

“Ńoŋ Saloma, ínâŋ-ni Díɣâlai kɔ́lɔŋ, ítii kɛ́ mi a ílii kélee. Íkili kúla kpɔ́ ítii kɛ́ mi, kpɛni fêi, Yâwɛɛ è núu líi su mɛni kélee da ŋɔkili-ŋa siai kɔ́lɔŋ. A kɛ̀ yâ gɔ̀ri, yâ pâi gâai. Kɛ́lɛ, a kɛ̀ yâ ípolu tɔɔ m̀a, a pâi ípilii kpɔ́ wɔ́lɔ-wɔlɔ da wɔ́lɔ-wɔlɔ.

Kɔlɔnikɔ Maa-ŋuŋ 29:17

Ŋáɣâlai, ŋá gɔ́lɔŋ a gɛ́ɛ yâ núu líi su kâa ǹyaŋ ílii a ǹɛ̃ɛ diai da tùa a teniŋ ƃó perei dímɛni ma. Ǹyaŋ ŋá zãai ŋí kélee tɛɛ a teniŋ ƃo pere é kúla ńii su. Ŋa ŋɔ́nɔ berei káa ínûai díkaa ƃɛ́i da sama-sãa tɛɛ̂i la ípɔ gɛ́ kùla dílii su a lii-nɛ̃ɛ perei.

Mąątɛ̨nɛ̨ 44:21

gɛ̀ nî ya gɔ́lɔŋ, kpɛ́ni fêi, í kúlii su mɛni kélee kɔ́lɔŋ.

Ɉeremi 11:20

Kɛ́lɛ, óo Ŋ̀wála-wâla kélee Yâwɛɛi, yái ya mɛni-ŋa tèe a teniŋ ƃô perei, íkɛ núu líi da gíli su kɔ̀ɔŋ, tɔɔ ŋá í mɛni kpa kuláai pɔ́ɔ káa dîa, kpɛ́ni fêi, ŋ́ɛi káa í mɛni ŋá téɛɛi perêi.

Ɉeremi 17:10

Ńyãa Yâwɛɛ ƃa núu líi su kàa, ŋ́gɛ núu líi su kɔ̀ɔŋ. Ŋà núu ŋɔmɛnii ŋá tèe yɛ̂ɛ berei ŋɔkɛ-ɣeniɛi káa lai, yɛ̂ɛ berei a tûa lai.”

Ɉeremi 20:12

Ŋ̀wála-wâla kélee Yâwɛɛi, ya núu su kɔ̀ɔŋ a tɔ̃yâ pere. Í m̀ɛnii kɔ́lɔŋ gáa dí líi su, da díkili ŋái. M̀ɛni ma, tɔɔ ŋá íkaa í mɛni kpa kula ŋ́gbɔara-ƃelai dîa, kpɛ́ni fêi, ŋa ŋámɛnii láa íŋɛi.

Ɉaan 21:17

E mò ŋɔ́nɔ ma a zaaƃa-ɣelei, ǹyɛɛi, “Samaŋ, Zɔ̂ŋ ǹóŋ, í ŋ́wɛli ni?” Pitɛ malôŋ e tòo ma, kpɛ́ni fêi, e m̀arê kɛ̀ a zaaƃa-ɣelei, ǹyɛɛ ma, “Í ŋ́wɛli ni?” Nya ƃe e mò ma, ǹyɛɛi, “Ŋánuu-namui, í mɛni kélee kɔ́lɔŋ; í gɔ́lɔŋ a gɛɛ ŋá íwɛli ni.” Zîsɛ e mò ma, nyɛɛi, “Ŋáƃala-ŋai ŋá kɔ́ŋ.

Ɉaan 5:37

Nàŋ-nuui ǹyaŋ ńdɛ̀ɛi, ǹyaa kpîŋ a ḿaa-sere-faa kɛ́. Káfe tá wɔ́lɔ ŋ̀óo mɛni ni. Káfe tá wɔ́lɔ gbɛtɛ-pere kaa ni.

Gɛlaɠaa 1:24

Dí Ɣâla fɛ̀li, dîyɛɛi, “Kúnuu-namui, ƃiai í núu kélee líi su kɔ́lɔŋ, ǹúu feerɛi ŋí nyíi lɛ́ kûa ya ziɣe zui,

Gɛlaɠaa 10:47

“Ǹûai ŋí dia máŋ daâ M̀ɔlêŋ Maa Waai sɔlɔ ƃó nɔ́ yɛ̂ɛ berei kú zɔlɔ ƃò lai. Núu da a pɔ̂ri kúkperâi a gɛ́ɛ kúfe díbatâi kɛ a yá?”

Gɛlaɠaa 14:3

Ǹaa-la-ƃelai dí ɣele kûu támaa sìɣe naa dí lóno kpɔ́ a lii-kpele pere Kúnuu-namui mɛni ma, nyíi ŋɔƃɛlɛ-sêe-wooi m̀aa sêre-faa kɛ̀ a ŋɛi-kɛ-maa da mɛni kpaya-kpaya-ŋa kɛ́ɛ dísârai.

Gɛlaɠaa 15:28

Ǹɛ́lɛɛi kɛ̀ M̀ɔlêŋ Maa Waai mɛni ma da kûa a gɛ́ɛ kúfe kpîri wuyɛɛ sèe káŋûa é tɛ́ɛ mɛni lɛ́lɛɛ-ŋai ŋí dîa.

Gɛlaɠaa 2:4

È kɛ̀ tí díkelee dílaa è fɛ̀ɛ a M̀ɔlêŋ Maa Waai. Gɛ́ɛ tí dí pɛ̀lɛ lônoi a sii-woo da kpɛ́ni-ŋa, yɛ̂ɛ berei M̀ɔlêŋ è m̀aa wála-wala tɛ̀ɛ la dípɔi.

Gɛlaɠaa 4:31

Ɣâla fɛ́liɛɛ dîɛi, ƃɛ́i dí kɛ̀ a díŋaa tɛ́ɛ naa gîe mai naa è tùmo díkelee kpɔ́ dílaa è fɛ́ɛ a M̀ɔlêŋ Maa Waai dí Ɣâla ŋɔwóoi ƃó a lii-kpele pere.

Hebreu 2:4

Ɣâla è maa-sere-faa kɛ̀ máŋ a ŋɛ́i-kɛ-maa-ŋa, da mɛni kpaya-kpaya, da wála-wala-sii tamaa-ŋa, é pɛ́lɛ M̀ɔlêŋ Maa Waai ŋɔsama-sãai dîa nyíi-ŋai Ɣâla è díŋaa kɔ̀lɛ yɛ̂ɛ berei gbîŋ nia-mɛnii káa lai.

Hebreu 4:13

Fúlu-sɛŋ kélee da fé loo ní ma, kɛ́lɛ, gélee puɔɔ̂i fíyeŋ ŋá ŋ̀ɛi-tuɛ, nyíi gáa a ǹúui kwa dîa-ni kwa tíi kɛ̀i.

M̀ɛni-lɛɛi 2:23

Ǹyaŋ ŋa pâi ŋɔnîa-pɛlɛɛi paâi. Kôrai-toli-kpɔŋ-ŋai kélee da pâi gɔ́lɔnîi a gɛɛ ńyãa ƃa ǹúui a kíli kélee su kàa da líi kéleei, ǹyaŋ ŋa pâi sɛŋ kélee tɛɛ̂i núu pɔ́ tɛi-tɛi yɛ̂ɛ berei ŋɔtíi káa lai.

Samuɛlə dɔlɔɔ 16:7

Yâwɛɛ ǹyɛɛ m̀ai, “Samia, íkili fé kɛ̀ Ilai ma, kpɛ́ni fêi, ǹɛ̂lɛɛi, mu siɣeɛ́ɛi. Ǹyaa fêi. Nûa da núu ŋɔmɛni ŋá tèe berei ma da gàa lai, kɛ́lɛ ŋa nûa dímɛnii ŋá tèe yɛ̂ɛ berei dílii káa lai.”