Gɛlaɠaa 12:3 - Bible

³ È ŋɔ́nɔ kɔ̀ a gɛ́ɛ é Pitɛ soŋ, kpɛ́ni fêi, è gàa a gɛ́ɛ Zĩi paa mɛni è kɛ̀ a Zûu-ŋai líi-laa mɛni. È kɛ̀ a Dɛ́-sɛŋ fé kpoloi maa kûui.

Yálá laawoo hɛɓɛ (dc)

³ Gaa Herodə ə mo yɛ yili aa nɛ̨ɛ̨ Ɉuifəɠaa diɛ, ə mo di Piɛrə yaa kpɛli ɉon; nąąlɔwai ə kɛ a ɉɛlii da kɛ bui a lɛɠɛi dɛ-hɛn və ɉu, bui lɔwai.

Yálá laawoo hɛɓɛ

³ Gaa Herodə ə mo yɛ yili aa nɛ̨ɛ̨ Ɉuifəɠaa diɛ, ə mo di Piɛrə yaa kpɛli ɉon; nąąlɔwai ə kɛ a ɉɛlii da kɛ bui a lɛɠɛi dɛ-hɛn və ɉu, bui lɔwai.

Gɛlaɠaa 12:3 ပူးပေါင်းရင်းမြစ်များ

Mąątɛ̨nɛ̨ 76:10

Ya gɛ̀ núu à kɛ̀ a ǹíi ŋwánaa, é ílaa maa tɛ́. Diai dífa sâa ílii ŋwânai sui, da íɣele kûu maa waa-ŋai mɛi kâa.

Lɛɛ gbɔwɔ ɓa 23:15

Ka dɛ́-sɛŋ féu kpoloi maa kûui mɛi káa. Yɛ̂ɛ berei nɔ́ ŋá m̀ó la kâai, ka dɛ́-sɛŋ féu kpoloi míi a ɣele-kûu lɔ́ɔlu mɛi feerɛ tãi ma ŋá nɛ̀ Abi-ɣaloŋ sui. Kpɛ́ni fêi, ka kùla Ize lɔii su maa-ɣaloŋ tí su. Núu da fé pà ŋɛ́i a ǹyée fôlo.

Maafîu 26:17

Dɛ́-sɛŋ fé kpoloi maa-kûu-ɣelei duɛ-tuɛi ma, Zîsɛ ŋɔpôlu-ƃelai dí pà bɔ, dîyɛɛ mai, “Mí ta ƃe ya ŋ̀wɛ̂lii a gɛɛ kú nàa kpɛ̀tɛ yɛ̂ Dɛɛ-mɛi Kûui su-mii-sɛŋ mii mɛni mai?”

Ɉaan 12:43

Kpɛ́ni fêi, dí núu-kpune ŋɔlaa-maa-tɛi wɛ̀li é tɛ́ɛ Ɣâla ŋɔlaa-maa-tɛi ma.

Ɉaan 19:11

Zîsɛ e ŋ̀óo su tòo, ǹyɛɛ ma, “Wala-wala kélee fei pɔ̂ri kɛ̂i íyeêi ḿɛi, fɛ̂ɛ e kula Ɣâla yêei; maa-mɛni ma diai ńdɛ̀ɛ ípɔi dísɔnyɔ̂ŋ su kɛ́tɛ̂i.”

Ɉaan 21:18

Tɔ̃yâ kpîŋ, ŋa m̀ó yâ, tãi í kɛ̀ a lôloŋ í seɣe tôo yâ, í sía ƃɛ́i í ŋ̀wɛli; kɛ́lɛ, tãi yà pɔ̀lɔ lai, ya pâi íyee tɛ̂i ɣelêi. Núu da kpɛ́ni a pâi seɣe toôi yâ é lí a yá ƃɛi ífe ŋ̀wɛ̂lii í lí naai.”

Gɛlaɠaa 12:4

È zòŋ é bù kpini-pɛrɛ mu. È dɛ̀ɛ ǹɔii maa kpɛ́ nuu-kpulu seêi náaŋ pɔ́ (ǹáaŋ kɛ́ ƃo gbulu tɔnɔ su) a gɛ́ɛ dímɛi káa. È kɛ̀ gíli ŋá a gɛ́ɛ Dɛɛ-mɛi kûui à tɛ̀ɛ, é gula é pá la ǹûai ŋɛ́i.

Gɛlaɠaa 2:14

Kɛ́lɛ, Pitɛ è kɛ̀ tɔ̂ɔni da Zîsɛ ŋɔpôlu-ƃelai buu kao tɔnɔi é ŋ̀óo tɛ̀ ɣelêi é mó dîa, ǹyɛɛi, “Zûu sinaa da káai kákaa Zerusâlɛŋ, tɔɔ nyíŋi é kɛ́ a kákɔlɔŋ mɛni, ká káwoli tɔɔ ŋ́oo ma.

Gɛlaɠaa 20:6

Dɛ́-sɛŋ fé kpoloi maa ɣele kûui pôlu ma, kú kùla Felepâ kú yá ŋá-keleŋ sìɣe. Ɣele kûu lɔ́ɔlu yée mu kú sèri dîa Toroɛ. Kú ɣele kûu lɔ́ɔlu mɛi feerɛ kɛ̀ naa.

Gɛlaɠaa 24:27

Kóraŋ feerɛ tɛ̂ɛi pôlu ma, Pɔ̂siɛ Fɛtɔ e Feli pɔ́ɔ-ŋa siɣe; kɛ́lɛ, Feli è kɛ̀ ŋ̀wɛ̂lii a gɛ́ɛ e mɛni lɛ́lɛɛ kɛ́ Zûu-ŋai dîɛ, nya ƃe, e Pɔ̂ɔ lɛ̀ɛ gbini-pɛrɛi mu.

Gɛlaɠaa 25:9

Kɛ́lɛ, Fɛtɔ è kɛ̀ ŋ̀wɛ̂lii è Zûu-ŋai líi láa. È mò Pɔ̂ɔ ma ǹyɛɛi, “Ya ŋ̀wɛ̂lii a gɛ́ɛ í lí Zerusâlɛŋ a gɛ́ɛ ŋá kámɛnii su káa naa?”

Gɛlaɠaa 4:13

Ǹúu Pɔlɔ-ŋai kɛ́ɛ da gáa a gɛ́ɛ berei máŋ Pitɛ da Zɔ̂ŋ dífe kɛ́ díkɛ̀ lônoi a líi-kpele perei, dílaa è kpala dîa. Dí nâa gɔ́lɔŋ a gɛ́ɛ dí kɛ̀ Zîsɛ pôlu-ƃelai da.

Galatə 1:10

Ŋ́gaa ŋɛi lɛ́lɛɛ̂i núu-kpune yêei, kpaa Ɣâla? Kpaa máŋ ŋ́gaa kɔ̂i a gɛ́ɛ ŋá núu-kpune líi láa? Ŋâi kɛ̀ núu-kpune líi lâai, fêi pɔ̂ri kɛ̂i a Kôrai yée-mu-nuu.

Tɛsalonikə dɔlɔɔ 2:4

kɛ́lɛ, yɛ̂ɛ berei Ɣâla e kúlɛ̀ la a gɛ́ɛ e Duŋ Lɛ́lɛɛi lɛɛ kúyêei, bere nɔ́ ƃe kwa lôno la, kúfa núu-kpune líi làa, kɛ́lɛ, kwa Ɣâla líi làa, nyíi a kúlii-ŋai su kɔ̀ɔŋ.