Gɛlaɠaa 1:11 - Bible

¹¹ dîyɛɛ dîai, “Galalii-ƃela, lé ƃé ka tɔ̂ɔni kákɛ ŋ̀elei su kàai? Zisɛi ŋí tɛ̀ ŋ̀elei sui, a pâi pâi nɔ́ bere sîi tɔnɔi ŋí su ká gàa la gɛ́ tɛ̀ ŋ̀elei sui.”

Yálá laawoo hɛɓɛ (dc)

¹¹ di mo galan nɛa ti diɛ, diɛ kɛ diɛ: «Galile nuą, lə mɛ̨nį ɓa ka káá lɔ ɓɛ, ka ɲɛ̨i heɛ ɲələ kpala? Jesus ŋɛ̨i ka ɲɛ̨i ə lɛɛ mą ə tɛ yələkɔlɔn ɉu, bələi lɔ ti ə tɛ la, bələ lɔ ɓə gaa pai pai la.»

Yálá laawoo hɛɓɛ

¹¹ di mo galan nɛa ti diɛ, diɛ kɛ diɛ: «Galile nuą, lə mɛ̨nį ɓa ka káá lɔ ɓɛ, ka ɲɛ̨i heɛ ɲələ kpala? Jesus ŋɛ̨i ka ɲɛ̨i ə lɛɛ mą ə tɛ yələkɔlɔn ɉu, bələi lɔ ti ə tɛ la, bələ lɔ ɓə gaa pai pai la.»

Gɛlaɠaa 1:11 ပူးပေါင်းရင်းမြစ်များ

Maafîu 16:27

Núu-kpune Ǹóŋ a pâi pâi a Ŋɔɣâla-taa kela-ŋai Ǹâŋ ŋɔfólo-laai su, gɛ̀ ní, a pâi núu kélee fela fêi tɛi-tɛi ŋɔtii-kɛ-pere ma.

Maafîu 16:28

Tɔ̃yâ ma, ŋá m̀ó kâa, núu da-ni díkaa tɔɔ ni ƃɛ dífe pâi saâi fɛ̂ɛ dí núu-kpune Ǹóŋ káa pâi ŋɔkâloŋ-laai su.”

Maafîu 24:30

A kɛ̀ tí, Núu-kpune Ǹóŋ maa-ŋɛi-kɛ-maai a pâi kulâi ŋelei su. Nuu-sii kélee a pâi wɔ́lɔ̂i ŋ̀éniɛi ŋí su, ǹyaŋ da pâi Núu-kpune Ǹóŋ kâai gɛ pa ŋele-kɔlɔŋ kole-ŋai su a wala-wala-laa da fólo-laa kɛ́tɛ.

Maafîu 25:31

“Kɛ́lɛ, tãi núu-kpune Ǹóŋ a pâi pâi la ŋɔfólo-laai su da Ŋ̀âla-taa kela-ŋai kéleei, a pâi seêi ŋɔfólo-laai su-kaloŋ-see-sɛŋ ŋá.

Markə 13:26

M̀ɛni-ŋai ŋí kélee da kpaa kɛ̀, da pâi núu-kpune Ǹóŋ kâai, gɛ́ yèŋ ɣele-kɔlɔŋ kole su, wála-wala-laa kpaya-kpaya da fólo-laa kɛ́ ƃò bôlu.

Markə 14:70

Kɛ́lɛ, è ŋɔ́nɔ zìa tòo. Nàa guro kɛ́ɛ tíi, diai kɛ̀ tɔɔ̂ni nàa kɔlɛ mai, dí mò ŋɔ́nɔ Pitɛ ma, dîyɛɛi, “Tɔ̃yâ ma, íkaa a dítɔnɔ da kpɛ́ni fêi, íkaa kpɔ́ a Galalii-nuu.”

Markə 16:19

Kúnuu-namu Zîsɛ kɛ́ɛ a lóno dípɔi, è tɛ̀ Ɣâla-taa, é sée Ɣâla láa-mii-yee mɛi.

Lukə 21:27

Gɛ̀ ní, da pâi núu-kpune Ǹóŋ kâai gɛ pa ɣele-kɔlɔŋ kole su a wala-wala-laa da folo-laa kɛ́tɛ.

Lukə 24:5

díkɛɛ yaôi, dí díŋuŋ ma pìlaŋ ǹɔii ma. Zinâai dí mò dîa, dîyɛɛi, “Le ƃe kɛ̀ ka nuu-fului kɔ́rîi zaa-ƃelai samai? (Ve ƃɛ, aâ m̀u siɣe.)

Ɉaan 14:3

Ǹyaŋ ŋà lì ŋà kwaa maa kpɛ̀tɛ kámaa mɛni ma, ŋa pâi pôlu ŋɔ́nɔ ŋa kásiɣe ká kɛ́ mâ a gɛɛ ƃɛi ŋa naai káa máŋ ká kɛ́ naa.

Gɛlaɠaa 1:2

é lɛ́ɛ la zu dí dɛ́ ɣelêi. É lɛ́ɛ pâi tɛ̂i ŋ̀elei su, è bàma ŋɔsia-ƃelai dîa M̀ɔlêŋ Maa Waai sârai, nyíi-ŋai a wɔ́lɔ dísiɣei.

Gɛlaɠaa 1:22

é sìɣe tãi Zɔ̂ŋ è kɛ̀ ɣâla-woo ƃôi la é pîlaŋ batâi ma ma é tóo tãi ma Zîsɛ è kùla la kúsama é tɛ́ ŋ̀elei sui fɛ̂ɛ nɔ́ ǹûai ŋí dɔnɔ é kɛ́ a m̀u-siɣe saa-yeei maa sêre-ŋai da.”

Gɛlaɠaa 1:9

Gɛ́ɛ a nyíŋi ƃói, dí lɛ̀ɛ gâai e tɛ ŋ̀elei su ŋ̀ele-kɔlɔŋ kolei è gula díŋɛi.

Gɛlaɠaa 13:31

È kùla nûa ŋɛ́i a ɣele kûu támaa. Da ǹûai ŋí da-ŋa wɔ́lɔ kùla Galalii da pá Zerusâlɛŋ. Dia ƃa maa sêre-ŋa Eezuɛ.

Gɛlaɠaa 2:7

Dí díkili ŋá sìa laa-kpala maa pere su, dîyɛɛi, “Kɛrɛ̂e, diai kélee ǹônoi kɛ̂i díkaa a Galalii-ƃela?

Gɛlaɠaa 3:12

Pitɛ kɛ́ɛ a nàa kâai, è lòno ǹûai pɔ́, ǹyɛɛi, “Eezuɛ-ƃela kála kpâlai kâa a nyíŋi lé mɛni ma? Kpaa máŋ, ka káŋuŋ maa lâai kûa lé mɛni ma, yɛ̂ɛ ǹyaa ƃé kú gɛ̀ é sía a kúkpɔɔi wála-walai kpaa máŋ a kúkpɔɔi maa-waa-laai?

Gɛlaɠaa 3:21

Fɛ̂ɛ é lɛ́ɛ Ɣâla-taa é lɛ́ɛ la zu m̀ɛnii kélee ŋ̀aa-see é kɛ́ nyíi Ɣâla è gono tèe la ŋɔlóno kɛ́-ƃela maa waa pɔlɔ-ŋai sârai kóraŋ támaa tɛ̂ɛi pôlu mai.

Tɛsalonikə dɔlɔɔ 1:10

e pɛlɛ berei ma ka Ǹóŋ maa kpɛ̂ŋ la nyíi kùla Ɣâla-taai. Ɣâla e m̀u siɣe saa yêei. Gáa a Zîsɛ nyíi kúkùla Ɣâla ŋɔlii-ŋwanai su nyíi pâi.

Tɛsalonikə dɔlɔɔ 4:16

Kpɛ́ni fêi, Kúnuu-namui ǹyaa kpîŋ a pâi kulâi ŋ̀elei su a lolo-woo da Ŋ̀âla-taa-kela-ŋai dínuu kɛ́tɛi ŋɔtóli-woo da Ɣâla ŋɔtúrii-woo. Zaa-ƃelai nyíi-ŋai díkaa Kôrai kponôi da pâi dímu siɣêi fulɔi;

Hebreu 9:28

bere nɔ ƃe Kôrai nyíi gbîŋ tɛ́ɛ nɔ́ zu tɔnɔ a gɛɛ é núu támaa dísɔnyɔ̂ŋ siɣei, a pâi pâi la a tãi veerɛi. Vé pâi sɔnyɔ̂ŋ mɛni ma, kɛ́lɛ, a pâi diai ƃálôi díkaa m̀aa kpɛnii kpɔ́ a gbanaŋɔɔi.

M̀ɛni-lɛɛi 1:7

Gáa, gáa pâi ɣele-kɔlɔŋ kole-ŋa su, ǹyaŋ ŋɛ́i kélee a pâi gâai diai zɔ̀ɔ a kpálai, ǹyaŋ sîi kélee gáa ǹɔii sui, a pâi wɔ̂lɔi m̀aa mɛ̂ni ma. Bere ƃe a pâi kɛ̂i la. É kɛ́ tí.