Galatə 4:3 - Bible

³ Bere nɔ́ ƃe kúa máŋ; tãi ku kɛ̀ la a nîa-pɛlɛɛi, ku kɛ̀ la a luɛ-ŋa ŋ̀éniɛi su-ƃelai tûa-perei yée mu.

Yálá laawoo hɛɓɛ (dc)

³ Ɛlɛɛ, guɔ kpɛlimąn, gu kɛ a lɛapɛlɛɛi di kaa ɲɛnɛ̨ɛ̨ ŋɛ̨i hu hɛnŋaa yee mu, yɛ luwɔɠaa.

Yálá laawoo hɛɓɛ

³ Ɛlɛɛ, guɔ kpɛlimąn, gu kɛ a lɛapɛlɛɛi di kaa ɲɛnɛ̨ɛ̨ ŋɛ̨i hu hɛnŋaa yee mu, yɛ luwɔɠaa.

Galatə 4:3 ပူးပေါင်းရင်းမြစ်များ

Maafîu 11:28

Ka pá ḿbɔ, káai kélee ka mɔ̃lɛ̂i, da káai tĩa wiɛɛ káa káyêei. Ǹyaŋ ŋa pâi fii-tɔɔ tɛɛ̂i kápɔ.

Ɉaan 8:31

Zîsɛ e mò Zûu-ŋai dia, diai dí làa lai, ǹyɛɛ dîa, “À kɛ̀ kà lɛ̀ɛ ŋ́ooi su kákaa a ŋápôlu-ƃela kpîŋ.

Gɛlaɠaa 15:10

M̀ɛni ma, lé mɛni ƃé ka Ɣâla su kɔɔ̂nii la, kákɛ tĩa wuyɛ tɛɛ Zia-ƃelai pɔ́ nyíi kúnâŋ pɔlɔ-ŋai dífe wɔ́lɔ pɔ̂ri ní ziɣêi, kpaa máŋ kúa kpîŋ?

Lomaŋ 7:14

Ku gɔ́lɔŋ a gɛ́ɛ dɔ̂ŋ a kûla M̀ɔlêŋ yêei; kɛ́lɛ, ŋ́gaa nɔ́ a núu-kpune. Dí ŋ́gɔ̀lɛ yɛ̂ɛ luɛ a gɛ́ɛ ŋá tíi kɛ́ sɔnyɔ̂ŋ mi.

Lomaŋ 8:15

Kpɛ́ni fêi, káfe luɛ-laa maa-pere sɔlɔ ƃo ni, a gɛ́ɛ ka too ŋɔ́nɔ pôlu yao su. Kɛ́lɛ, ka loŋ-laa maa-pere sɔlɔ ƃó, nyíi a gɛ̀ ku m̀ó, kûɛ, “Aƃa! Kúnâŋ!”

Korɛntə veelɛ 11:20

Ka fâa ma à kɛ̀ núu à ká kɛ̀ a ŋɔluɛ-ŋa, é ǹîa kɛ́ kákɔ̂liŋ su, núu à woya kɛ̀ a káa, núu à gbîŋ kɛ̀tɛ kámɛi, núu à tela kálôkwa káŋɛi.

Galatə 2:4

Dífe nyíŋi kɛ́ ni, berei máŋ diai díkpîŋ kɛ̀ a káƃarâa woya-pere sui dí pà la loo-pere su a gɛ́ɛ dí kúŋuŋ ma-ƃoi káa nyíi gáa kúyêei Zîsɛ Kôrai kponôi a gɛ́ɛ dí li a kúa luɛ-laa sui,

Galatə 3:19

Dɔ̂ŋ ŋɔsapoi ƃa ŋaŋ a le? Ɣâla e dɛɛ sɔnyɔ̂ŋ mɛni ma, é lɛ́ɛ la zu ǹóŋ é pá nyíi dí gono-teei kɛ̀ ǹyêei; dí dɛ̀ɛ a Ɣâla-taa-kela-ŋa ǹúu-loai-nuui sârai.

Galatə 4:2

Kɛ́lɛ, gáa mɛi-kaa-pere su é lɛ́ɛ la zu tãi ǹâŋ e ǹɛ̂i, e seri.

Galatə 4:24

Mɛni-ŋai ŋí káa nɔ́ yɛ̂ɛ saŋ-woo mɛni ŋá lɛ́ mɛni ma. Ǹɛnî feerɛi ŋí díkaa a gbanaŋ-woo kɛ́ɛ feerɛi. Dɔnɔ è kùla Sana Yeei ma, nyíi ŋɔnîa-pɛlɛɛi díkaa a luɛ-ŋai; maa-nuui ƃa Eega.

Galatə 4:25

Eega maa-mɛni káa nɔ́ yɛ̂ɛ Sana Yeei nyíi gáa Arebia-lɔii sui; m̀óloŋɔɔ̂i Zerusâlɛŋ ma nyíi gáa sâa naai, kpɛ́ni fêi, gáa luɛ-laai da ŋɔnîa-pɛlɛɛi.

Galatə 4:31

Mɛni ma, ŋánûa, kúfe a ǹuɛ-nɛnîi lonii, kɛ́lɛ, kúkaa a ŋuŋ-ma-ƃo-nɛnii lonii.

Galatə 4:8

Tãi maa-ŋuŋ, tãi káfe kɛ́ ni a Ɣâla kɔ́lɔŋɔɔ lai, ká kɛ̀ a luɛ-ŋa ɣâla-ŋa yée mu nyíi-ŋai dífe kɛ́ ni ɣele mai;

Galatə 4:9

kɛ́lɛ, ka nâa Ɣâla kɔ́lɔŋ, ǹyaŋ mɛnii gbanaŋɔɔ̂i ƃa, Ɣâla a nâa kákɔlɔŋ. Ka pɔ̂ri tínaŋ-pere kɛ̂i leŋ ŋɔ́nɔ ŋ̀éniɛi-su-ƃelai tua-pere fii-kpɛɛ-ŋai dîa nyíi-ŋai díkaa nɔ́ kpɛni-kpɛni, ká kɛ́ ŋ̀wɛli a gɛ́ɛ ká kɛ́ ŋɔ́nɔ a díluɛ-ŋai?

Kolosə 2:20

À kɛ̀ ka Kôrai-ni ká sàa, ǹyaŋ káŋuŋ ma a nâa ƃó ŋ̀éniɛi su tua-perei yêei, lé mɛni ƃe ŋaŋ kákaa tuâi yɛ̂ɛ kà kɛ̀ a ŋ̀éniɛi pɔ́ɔi? Le-mɛni ƃe ka kákpîŋ kɛ̀ ŋ̀éniɛi su-tɔŋ-ŋai mu,

Kolosə 2:8

Ka kámɛi káa a gɛ́ɛ núu da fe káƃòo a táre-lono-ŋa da núu pɛlɛ-woo kpɛni-kpɛni-ŋa yɛ̂ɛ berei núu-kpune tua-pere káa lai, yɛ̂ɛ bere ŋɔ́nɔ ŋ̀éniɛi su tua-perei káa lai. Dífa Kôrai ŋɔsɛŋ-lɛɛi maa-tua kɛ̀.

Hebreu 5:12

Tãi ŋí su kâi pɔ̂ri kɛ̂i a sɛŋ-lɛ-ƃela, kɛ́lɛ, fɛ̂ɛ núu da é Ɣâla ŋɔtɔ̃yâi maa-mɛni lɛ́ kâa gɔ́ɔ pîlanii ŋɔ́nɔ. Fɛ̂ɛ núu è ká ŋákɔ̂ŋ a ŋíni-ya, kɛ́lɛ mii-sɛŋ kpanaŋ fêi.

Hebreu 7:16

nyíi kɛ̀ a sâla láa soŋ nuui, ve kɛ́ ní nɔ́ a sâla láa soŋ-nuu, kpɛ́ni fêi, dí mò a gɛɛ fɛ̂ɛ sâla láa soŋ-nuu é kúla núu-sii da-ni su, kɛ́lɛ, è kɛ̀ a sâla láa soŋ-nuu a ŋwɔlɔ-wɔlɔ fulu-laai nyíi gɔ̃yɛŋ fé mai ŋɔwala-walai.