Galatə 2:9 - Bible

⁹ Dí m̀ɛlɛ-seei kàa Ɣâla e dɛ̀ɛ ḿbɔi. Tãi dí nyíŋi kélee kàa lai, Zĩi da Sîfa é pɛ́lɛ Zɔ̂ŋ ma, nyíi-ŋai kɛ̀ a núu-tuɛ-ƃela kpanaŋɔɔ-ŋai, dí díyêei sèe kúmu a gɛ́ɛ ku li Zɛ̃tai-ŋai pɔ naa, dîa-máŋ dí li diai pɔ naa dífe kpɛtɛ níi;

Yálá laawoo hɛɓɛ (dc)

⁹ Ɛlɛɛ, mɛ̨inɛ̨ɛ̨i Yálá ə gɛ mą́ą́, di ɉukɔlɔn, Ɉakə, Sefasə da Ɉaan, diɛi kɛ di kɔ́lɔnŋąą yɛ gbɔn ɉu kɔwɠaa, di di yee laa ku yəi, ɲą́ą́ kwa Barnabasə, yili a nɛ yɛ kwa diɛni ku woo tɔɔi aa kɛ tanɔ̨n, ə gɛ, kwəli huwu takpɛliɠaa pɔ, diɛi tii, di li gɛ́nɛ̨lɛa pɔ pələ.

Yálá laawoo hɛɓɛ

⁹ Ɛlɛɛ, mɛ̨inɛ̨ɛ̨i Yálá ə gɛ mą́ą́, di ɉukɔlɔn, Ɉakə, Sefasə da Ɉaan, diɛi kɛ di kɔ́lɔnŋąą yɛ gbɔn ɉu kɔwɠaa, di di yee laa ku yəi, ɲą́ą́ kwa Barnabasə, yili a nɛ yɛ kwa diɛni ku woo tɔɔi aa kɛ tanɔ̨n, ə gɛ, kwəli huwu takpɛliɠaa pɔ, diɛi tii, di li gɛ́nɛ̨lɛa pɔ pələ.

Galatə 2:9 ပူးပေါင်းရင်းမြစ်များ

Tɔɔɓɛlaa veelɛ 10:15

Tãi Zewu è kùla la naa gɛ́ lìi, da Lika ǹóŋ Zɛonada dí kòyaŋ nyii kɛ̀ liî nàa kâai. Zewu è ǹáa tí mà é marê kɛ́ ǹyɛɛ mai, “Íkaa ŋáƃelai ma yɛ̂ɛ berei ŋ́gaa la íƃelai mai?” Zɛonada è zu tòo ǹyɛɛi, “Óowei, ŋ́gaa íƃelai ma.” Zewu è zu tòo ǹyɛɛ mai, “À kɛ̀ íkaa ŋáƃelai ma, gɛ̀ ní íyee tɛ́ɛ ḿbɔ́.” Zɛonada è ǹyée tòo Zewu yêei. Nya ƃe Zewu è kpɔŋ mâa tɛ̀ɛ Zɛonada pɔ́ é dɛ́ ŋɔkɔ́-kɔ-keleŋ su.

Maafîu 16:18

Ŋá ŋɔnɔ m̀ó yâ a gɛɛ íkaa a Pitɛ. Ŋa pâi ŋátoli-kpɔŋ tɔɔ̂i gɔnii ŋí ŋá. Ǹyaŋ Dɛ̂ƃele ŋɔwala-walai fé pâi ǹyée m̀ɛi ɣálêi.

Lukə 22:8

Zîsɛ e Pitɛ da Zɔ̂ŋ tɛ̀ɛ, ǹyɛɛi, “Ka lí, ka dɛɛ-mɛi-kuui ŋɔmii-sɛŋ kpɛtɛ kúmɛni ma a gɛɛ ku m̀ii.”

Ɉaan 1:42

E pà la Zîsɛ pɔ. Zîsɛ e gàa e m̀o ma, “Ya ƃa Samaŋ, Zɔ̂ŋ ǹóŋ? Da pâi kɛ̂i yâ Sîfa” (zu-kulai ƃa Kɔni).

Gɛlaɠaa 12:17

Kɛ́lɛ, è ǹyée lɛ̀ dîa a gɛ́ɛ dí dímɛi sáa. È mò dîa berei Kúnuu-namui è gùla la gbini-pɛrɛi mui. Ǹyɛɛ dîai, “Ka lí ka mɛni-ŋai ŋí lɛ́ Zĩi ma da kúƃarâai.” Gɛ́ɛ tí è kùla naa é lí kwaa da kpɛ́ni ma.

Gɛlaɠaa 15:13

Tãi dí kpɛ̀ɛ la a lónoɔɔi, Zĩi è lòno ǹyaa máŋ, ǹyɛɛi, “Sinâa da ŋánûa, ka káwoli tɔ́ɔ ŋ́oo ma.

Gɛlaɠaa 15:7

Díkɛɛ sîa támaa toôi, Pitɛ è sìɣe é tɔ́ɔ ǹyɛɛ dîai, “Sinâa da ŋánûa, ka gɔ́lɔŋ a gɛ́ɛ kóraŋ támaa tɛ̂ɛi pôlu ma, Ɣâla a wɔ́lɔ ńɛ kásama a gɛ́ɛ Zɛ̃tai-ŋai dí Duŋ Lɛ́lɛɛi mɛni ńa dí láa la.

Gɛlaɠaa 4:36

Zosɛ nyíi zia-ƃelai dí ǹáa sèe a Banaba (zu-kulâi ƃa lii-lɔ-loŋ), nyíi kɛ̀ a Liiva-nuui, bɔ́-taai kɛ́ ƃò a Sapɔrɔi,

Lomaŋ 1:5

Zîsɛ è ḿɛlɛ sèe é ńziɣe a ŋɔpôlu-ƃelai dɔnɔ a gɛ́ɛ ǹɔii-ŋûŋ-ŋai su-ƃelai kélee dí woo mɛni kɛ́ kili-kɛ-zu kɛ́ ƃò díyêei.

Lomaŋ 12:3

Ŋa mò núu kélee ma, m̀ɛlɛ-seei su nyíi dɛɛ̂i ḿbɔi, a gɛ́ɛ káfe kákpîŋ kàa a gɛ́tɛ é tɛ́ɛ berei ma kákaa lai. Kɛ́lɛ, ka kákili ŋá sia a ǹɛ́lɛɛ, yɛ̂ɛ berei Ɣâla a laa-la kɔɔ̂ŋ la núu kélee mɛni mai.

Lomaŋ 15:15

Kɛ́lɛ, ŋa kɔlɔ pɔ̃yɛ káa a lii-kpele-pere e pîlaŋ la mɛni-ŋa dîa nyíi-ŋai ŋa ŋ̀wɛ̂lii é lɛ́ɛ kákili ŋái. Ŋá nyíŋi kɛ̀ m̀ɛlɛ-seei mɛni ma Ɣâla e dɛɛ ḿbɔ

Korɛntə dɔlɔɔ 15:10

Kɛ́lɛ, Ɣâla ŋɔƃɛlɛ-sêei su, ŋ́gaa yɛ̂ɛ berei ŋ́gaa lai, ǹyaŋ ŋɔƃɛlɛ-sêei gáa ḿɛni mai ve kɛ́ ni kpɛni-kpɛni. Kɛ́lɛ, ŋá tíi támaa kɛ̀ e tɛ́ɛ díkelee dîa, berei máŋ la ńyãa fe gɛ níi, kɛ́lɛ, Ɣâla ŋɔƃɛlɛ-sêei ƃe gɛ, nyíi gáa ḿbôlui.

Korɛntə veelɛ 11:5

Gáa ŋ́gili ŋá a gɛ́ɛ fe a nuu-doo-mu pere-sii kélee su zia-ƃelai ŋí sama nyíi-ŋai da dí-kpîŋ kɛ̀tɛi.

Korɛntə veelɛ 12:11

Ŋá ŋ́gbîŋ kùla a ƃoo-nuu! Kɛ́lɛ, káa ƃe ŋ́gɛ ŋá gɛ́ ti, kpɛ́ni fêi, káa ƃêi pɔ̂ri ńɛ̂i. Kpɛ́ni fêi, fe a núu-doo-mu pere-sii kélee su zia-ƃelai ŋí sama nyíi-ŋai da díkpîŋ kɛ́tɛ̂i, berei máŋ ŋ́gaa la nɔ́ kpɛni-kpɛni.

Korɛntə veelɛ 8:4

Dí kúkperâi fè kpɔ́ a gbanaŋɔɔ a gɛ́ɛ da pɔ̂ri kɛ̂i a Ŋ̀âla-ƃelai díkpɔŋ-maa-ƃela da

Galatə 1:16

ǹíi è làa a gɛ́ɛ e Ǹóŋ lɛ̀ ḿâ a gɛ́ɛ ŋá maa-mɛni ƃó Zɛ̃tai-ŋai sáma, ǹyaŋ fé ŋuŋ pîlaŋ ní a núu-kpune da,

Galatə 1:18

Kóraŋ saaƃa tɛ̂ɛi pôlu ma ŋá lì Zerusâlɛŋ Sîfa naa kâai, ŋá gɛ́ naa a ɣele kûu puu kao lɔ́ɔlu.

Galatə 2:1

Kóraŋ puu kao náaŋ pôlu ma, kwa Banaba ku li ŋɔ́nɔ Zerusâlɛŋ, ŋá Taitɔ siɣe máŋ kwa ǹyaa ku li.

Galatə 2:2

Ɣâla ƃe ńɛ̀ a gɛ́ɛ ŋá lí; ǹyaŋ ŋá Duŋ Lɛ́lɛɛi làa díŋɛi nyíi ŋá maa-mɛni ƃò Zɛ̃tai-ŋai samai (kɛ́lɛ, diai kɛ̀ a núu-tuɛ-ƃelai ŋá nâa díŋɛi kútee-tee-kwaa ma) a gɛ́ɛ gîrɛi ŋa ziɣêi, kpaa máŋ gîrɛi ŋá zìɣei, fe zìɣe kpɛni-kpɛni.

Galatə 6:3

Kpɛ́ni fêi, à kɛ̀ núu da a gíli ŋá sìa a gɛ́ɛ gáa a núu kɛ́tɛ, ǹyaŋ núu kɛ́tɛ fei, gáa gbîŋ pɛlɛ̂i.

Ifisiɛŋ 2:20

Kákaa nɔ́ yɛ̂ɛ pɛ́rɛ nyíi dɔɔ̂i Zîsɛ ŋɔsia-ƃelai mɛi da Ɣâla ŋɔlóno kɛ́-ƃelai. Zîsɛ Kôrai ǹyaa kpîŋ káa a bɛ́rɛi zonoŋ-su-kɔnii.

Ifisiɛŋ 3:8

Ɣâla e m̀ɛlɛ-seei ŋí tɛ̀ɛ ḿbɔ a gɛ́ɛ ŋa Kôrai ŋɔtɔɔ-laai maa-mɛni ƃo Zɛ̃tai-ŋai dîa, nyíi dɛɛ̂i kúkili-ŋa-siai mai, berei máŋ ŋ́gaa la a Ɣâla ŋɔnûai kélee dídoo-mui.

Kolosə 1:29

Nyíŋi mɛni ma ŋa tíi kɛ̂i, ŋ́gɛ kɔ kpɔ́ a ŋwála-walai kélee e bu ŋ́gbonôi kpɔ́ a gbanaŋɔɔi.

Timote dɔlɔɔ 3:15

à kɛ̀ ḿba-mɛnii à tòo pôlu, ká gɔ́lɔŋ berei ka pɔri tuâi la Ŋâla-pɛrɛ mu-ƃelai sama nyíi gáa a vulu-laa-Ɣalai ŋɔtóli-kpɔŋ, nyíi gáa a dɔ̃yâi soŋ-wuru da gɔ́ɔ pîlanii.

Zɔ̂ŋ Maa-ŋuŋ 1:3

nyíi kwa gáa, kwa mɛ̀nii, kwa m̀ôi kâa máŋ a gɛɛ kwa kâa-ni kú kɛ́ zu tɔnɔɔ. Ǹyaŋ kwa Nàŋ-nuui da Ǹóŋ Zîsɛ Kôrai-ni kúkaa zu tɔnɔɔ.

M̀ɛni-lɛɛi 3:12

Ǹúui a yee-tɛɛ-maa kɛ̂i, ŋa pâi gɛ̂i a Ŋáɣâlai ŋɔkwaa maa waai soŋ-kɔni. Va wɔ́lɔ ŋɔ́nɔ kùla mu, ǹyaŋ ŋa pâi Ŋáɣâlai láa pɔ̃yɛ̂i maa-nuui ma da Ŋáɣâlai ŋɔtaai nyíi da dòli a Zerusâlɛŋ ninai, nyíi kùla Ŋáɣâlai yêei Ɣâla-taai, da ńyãa kpîŋ ńaa ninai.