Filipə 4:1 - Bible

¹ Mɛni ma, ŋánûa, káai ŋa káwɛli ni, ŋ́gɛ ŋ̀wɛli a gɛ́ɛ ŋá kákaâi, ŋálii-nɛ̃ɛi da ŋákâloŋ-bɔrɔi, ka tɔɔ a gbanaŋɔɔ Kúnuu-namui kponôi, ŋáwɛli-kɛ-maa-ƃelai.

Yálá laawoo hɛɓɛ (dc)

¹ Yili ɓa tii, nąn nonnii, nwɛ́likɛmąą nuą, gáá kpɔ bɔ ŋą́ ɲɛ̨́i tɔɔ kaa, káái a nwɔ́ kwəinɛ̨ɛ̨ da nwɔ́ɔ́ ɲɛ̨i pono, 'ká tɔɔ kpɔ tii gbąą, gu Nąmu nwɛi hu, nwɛ́likɛmąą nuą.

Yálá laawoo hɛɓɛ

¹ Yili ɓa tii, nąn nonnii, nwɛ́likɛmąą nuą, gáá kpɔ bɔ ŋą́ ɲɛ̨́i tɔɔ kaa, káái a nwɔ́ kwəinɛ̨ɛ̨ da nwɔ́ɔ́ ɲɛ̨i pono, 'ká tɔɔ kpɔ tii gbąą, gu Nąmu nwɛi hu, nwɛ́likɛmąą nuą.

Filipə 4:1 ပူးပေါင်းရင်းမြစ်များ

Zôo 31:36

Gɛ̀ ní ŋâi pà ǹâai ŋ́gâraŋ ŋá, ŋá lí la a gɛɛ núu kélee é gáa. Ŋâi pà ǹɔ̂i ŋ́ûa yɛ̂ɛ kâloŋ-ƃɔrɔ.

Mąątɛ̨nɛ̨ 125:1

Diai dí kíli tɔɔ̂i Yâwɛɛ mai, díkaa yɛ̂ɛ Zãiyɔŋ yêei, nyii va pɔ̂ri wɔ́lɔ tûmoi, kpaa máŋ é kúla dɔɔ̂i.

Mąątɛ̨nɛ̨ 27:14

Láa a Yâwɛɛ maa mɛ̂ni. Kili kɛ-zu é kɛ́ íyêei, ílii fé tòo pôlu. Ye ílii kpéle í m̀aa kpɛ́ŋ.

Maafîu 10:22

Ǹyaŋ núu kélee a pâi kákpɔarâi ńaai mɛni ma. Kɛ́lɛ, ǹúui a ǹíi kpèle é lɛ́ɛ la zu gbɛɛ-ŋai é serii, a pâi ƃálôi.

Ɉaan 8:31

Zîsɛ e mò Zûu-ŋai dia, diai dí làa lai, ǹyɛɛ dîa, “À kɛ̀ kà lɛ̀ɛ ŋ́ooi su kákaa a ŋápôlu-ƃela kpîŋ.

Gɛlaɠaa 11:23

Báa kɛ̀ naai, m̀ɛni lɛ́lɛɛ-ŋai Ɣâla è gɛ̀ naa ǹûai dîɛi naa kàa, ǹíi é nɛ̃ɛ. È dília-woo ƃò a gɛ́ɛ dí fɔlɔ-fɔlɔ dílaa-lai su Kúnuu-namui mɛni ma.

Gɛlaɠaa 14:22

Dí gɛ̀ Zia-ƃelai kponôi é kpanaŋ dí dílii kúla a lii kpele woo-ŋa a gɛ́ɛ dí tɔ́ɔ a gbanaŋɔɔ dílaa-lai su. Dí mò dîa máŋ a gɛ́ɛ fɛ̂ɛ kú tɛ́ɛ mɛni-soli támaa su kú lɛ́ɛ pâi liî Ɣâla ŋɔkâloŋ-laai su.

Gɛlaɠaa 2:42

Dí dítãi dámaa pù sɛŋ maa kɔ́riɛɛ su zia-ƃelai yée mu. Da dia-ni díkɛ̀ díkîe ma dí ɣala fɛli gîe ma díkɛ dílaa mii gîe ma.

Lomaŋ 2:7

Diai da mɛni lɛ́lɛɛ kɛ̀ a lii-kpele díkɛ folo-laa kɔ̀ri, ƃaa kɛ́-maa, da wɔ́lɔ-wɔlɔ fulu-laai, Ɣâla a pâi wɔ́lɔ-wɔlɔ fulu-laa tɛɛ̂i dípɔ.

Korɛntə dɔlɔɔ 15:58

Mɛni ma, ŋáwɛli-kɛ-maa-ƃelai, ka fɔlɔ-fɔlɔ, káfe síɣe kátɔɔ̂i. Ka Kúnuu-namui ŋɔtíi kɛ́ nɔ́ a tãi kélee. Ka gɔ́lɔŋ a gɛ́ɛ kátii fe kpɛni-kpɛni Kúnuu-namui kponôi.

Korɛntə dɔlɔɔ 16:13

Ka kámɛi káa, ká tɔ́ɔ a gbanaŋɔɔ kálaa-lai su, lii-kpele é kɛ́ káyêei, kákponôi é kpanaŋ.

Korɛntə veelɛ 1:14

yɛ̂ɛ berei ka táre la zu a gɛ́ɛ kálii é kɛ́ a nɛ̃ɛ kúmɛni ma Zîsɛ Kôrai ŋɔɣelei ma, yɛ̂ɛ berei kúlii a pâi kɛ̂i la a nɛ̃ɛ kámɛni mai.

Galatə 5:1

Ŋuŋ-ma-ƃo-mɛni ma, Kôrai e kúŋuŋ ma ƃò; mɛni ma ka tɔɔ a gbanaŋɔɔ, káfè kɛ̀ ŋɔ́nɔ luɛ-laa ŋɔkpîri wiɛɛi mu.

Filipə 1:27

Ka ǹɛɛ nɔ́ naa kakɛ-ɣeniɛi kɛ-pere é kɛ́ Kôrai ŋɔtuŋ lɛ́lɛɛi ŋɔperei ma, a gɛ́ɛ a ǹɛɛ ma máŋ ŋá pá a gɛ́ɛ ŋá kákaa kpaa máŋ ŋá kɛ́ ŋ́ɛi pôlu, ŋá mɛni a gɛ́ɛ kákaa tɔ̂ɔni a gbanaŋɔɔ mɔ̂leŋ tɔnɔ su a kili-ŋa-sia tɔnɔ, kakɛ mɛni kâa gîe ma Duŋ Lɛ́lɛɛi maa-laa-lai mɛni ma,

Filipə 1:8

Ɣâla káa a ŋásêre a berei ŋa kákelee káwɛ̂lii la a Zîsɛ Kôrai ŋɔwɛli kɛ́-maai.

Filipə 2:16

Ka vulu-laa-wooi sóŋ a gbanaŋɔɔ, a gɛ́ɛ tãi Kôrai ŋɔɣelei a seri lai, ŋá kɛ́ a ńii nɛ̃ɛ a gɛ́ɛ fe kîrɛ siɣe ni kpɛni, kpaa máŋ fe tíi kɛ́ ni kpɛni.

Filipə 2:26

Kpɛ́ni fêi, è kɛ̀ ŋ̀wɛ̂lii é kákelee kákaa kpɔ́ a maa félaa, ǹyaŋ mɛni-kpɔ̂lu è kùla ma, kpɛ́ni fêi, ká mɛ̀ni a gɛ́ɛ è kɛ̀ kɔ́lɛ̂i.

Kolosə 4:12

Zîsɛ Kôrai yée-mu-nuui Ɛpafɔlɛ, nyíi gáa a kátài e fàa kâa. Gáa tɔ̂ɔni kámɛni ma kpɔ́ a gbanaŋɔɔ Ŋɔɣâla fɛliɛɛi su, a gɛ́ɛ ka tɔɔ kpɔ́ a gbanaŋɔɔ ka Ɣâla ŋɔnîa-mɛnii kélee kɔlɔŋ a ǹɛ́lɛɛ.

Tɛsalonikə dɔlɔɔ 3:13

a gɛ́ɛ é kálii su kpanaŋ kámaa e waa kásɔŋ fè kɛ̀ kâa Kúnâŋ Ɣâla ŋɛi a tãi Kúnuu-namui Zîsɛ da ŋɔnûai da kɛ̂ pâi lai.

Tɛsalonikə veelɛ 2:15

Mɛni ma, ŋánûa, ka tɔɔ a gbanaŋɔɔ ká zɛŋ-lɛɛi sóŋ a gbanaŋɔɔ nyíi ku dɛ̀ɛ kápɔ kúlono-wooi su kpaa máŋ kɔlɔ-pɔ̃yɛɛ sui.

Timote veelɛ 2:1

Gɛ̀ ní ńoŋ, ísu é kpanaŋ m̀ɛlɛ-sêei su gáa Zîsɛ Kôrai kponôi,

Hebreu 10:23

Kwaa kúkili-kɛ-zui sóŋ a gbanaŋɔɔ nyíi kwa mòi, kúfe siɣe kútɔɔ̂i, kpɛ́ni fêi, ǹúui gono-teei kɛ̀i, zã́âi.

Hebreu 3:14

Kpɛ́ni fêi, kwa pâi Kôrai sɔlɔ ƃôi, à kɛ̀ nɔ́ kwa kúlaa-lai maa-ŋuŋ sòŋ a gbanaŋɔɔ é seri gɔ̃yɛŋ ma.

Hebreu 4:14

Mɛni ma tãi Ɣâla Ǹóŋ Zîsɛ Kôrai káa la kúyêei a sâla láa soŋ-nuu kɛ́tɛ nyíi tɛ̀ɛ ŋele-ŋai sui, kwaa kúlaa-lai sôŋ a gbanaŋɔɔ.

Piɛrə veelɛ 3:17

Mɛni ma, ŋáwɛli-kɛ-maa-ƃelai, yɛ̂ɛ berei ká nyíŋi kɔ́lɔŋ la nàa tuɛi, ka kámɛi káa, à wàla kɛ̀ tí ŋ̀wana-lɔ̂ɔ-ƃelai dítûa-pere-nyɔŋ a pâi kákulâi berei ma é kákili-tɔɔ-maa tɔnɔi láŋ káyêei.