Ɛsdrasə 8:21 - Bible

²¹ Kú kɛ́ɛ ǹyá-leei kɔlɛ nyii a lî Aava taa-leei ma perei, ŋá m̀o ǹûai dîa a gɛɛ kú sûŋ siɣe, kú ƃaa kɛ́-maa tɛ́ɛ Ɣâla pɔ́, kú marê kɛ́ a gɛɛ è kú téniŋ tɔ́ɔ kú sia-perei su, é kú maa kɔ̃ɔ kwa kúnîa pɛlɛi da kúkɔ̃liŋ kélee.

Yálá laawoo hɛɓɛ (dc)

²¹ Ŋą́ loloɓo Ahawa ya kwɛlɛ, gɛ diɛ, ku hin nɔ, ə gɛ, ku ku mąą yɛɛ Yálá lííla, ə gə ə hvaa mą ku ɉiɛ kulɔ a nɛlɛɛ kwa ku lonnii da ku tiɛ̨ɠaa.

Yálá laawoo hɛɓɛ

²¹ Ŋą́ loloɓo Ahawa ya kwɛlɛ, gɛ diɛ, ku hin nɔ, ə gɛ, ku ku mąą yɛɛ Yálá lííla, ə gə ə hvaa mą ku ɉiɛ kulɔ a nɛlɛɛ kwa ku lonnii da ku tiɛ̨ɠaa.

Ɛsdrasə 8:21 ပူးပေါင်းရင်းမြစ်များ

Kɔlɔnikɔ Veerɛi 20:3

Zeosafa kɛ́ɛ a m̀ɛnii ŋí mɛ́nii, è yào kpɔ́ a ŋánaa. Nya ƃe è nâa gbɛ̀tɛ gíli-ŋa a gɛ́ɛ é Yâwɛɛ marê kɛ́. È nâa mò a gɛ́ɛ Zuda-ƃelai kélee dí sûŋ siɣe.

Kɔlɔnikɔ Veerɛi 20:4

Zuda-ƃelai kélee díkùla Zuda taa-lêe-ŋai su dí díŋaa tɛ́ gîe ma a gɛ́ɛ dí Yâwɛɛ marê kɛ́ é kpɔŋ-ma tɛɛ dípɔ.

Ɛsdrasə 8:15

Nya ƃe ŋá gɛ̀ ǹûai dí díŋaa tɛ́ gîe mà ǹya-leei kɔlɛ nyii a lî Aava taai ma perei. Kú gɛ̀ naa a ɣele kûu saaƃa. Ŋá gàa a gɛɛ zâla laá soŋ-ƃelai nɔ́ ƃé kɛ̀ naa. Kɛ́lɛ Liiva-ŋai da fé kɛ́ ní naa.

Ɛsdrasə 8:31

Kú kùla ǹyá lêei kɔlɛ nyii a lî Aava taai ma perei, kú lí pôlu Zerusâlɛŋ a ŋ̀áloŋ maa ŋuŋ ŋɔfólo puu káo feerɛ ɣele. Kúɣâlai è kú maa kɔ̃ɔ kúkpɔara-ƃelai yêei da sɛŋ nyɔ́mɔɔ da kpɛ́ni-ŋa kúsia perei su.

Nehemi 9:1

Ŋ̀áloŋ tɔnɔi ŋí ŋɔfólo buu feerɛ káo náaŋ ɣele, Eezuɛ-ŋai dí díŋaa tɛ̀ gîe ma kwaa tɔ̂nɔ ma dí kùla zîi da kpɛ́ni-ŋai sama. Dí sûŋ siɣe, dí maloŋ tôo-maa seɣe too dîa, dí pɔ̂rɔ sia díŋûa a gɛɛ dí ǹɛ́ a gɛɛ malôŋ toɔɔ̂i dîa dísɔnyɔ̂ŋ mɛni ma. Eezuɛ lonii kélee dí dí mu sìɣe dí tɔ́ɔ dí dísɔnyɔ̂ŋ-ŋai ƃó da zɔnyɔ̂ŋ-ŋai dínâŋ pɔ̂lɔ-ŋai dí wɔ́lɔ gɛ̀i.

Ɛstɛrə 4:16

“Lí í Zuda-ŋai kélee ŋáa tɛ́ díkîe ma Susa taa-leei su ka dîa-ni ká sûŋ siɣe ḿɛni ma. Ka sûŋ siɣe a fólo saaƃa. Kwa ńyee mu-ƃelai kwa pâi gɛ̂i tí máŋ. Zûŋ ŋá ɣále tãi ŋa pâi liî gâloŋ pɔ́ naa berei máŋ vé tí la dɔ̂ŋ lá-woo mai. À kɛ̀ ŋa pâi saâi m̀ɛnii ŋí su, gɛ̀ ní é kɛ́ tí.”

Mąątɛ̨nɛ̨ 137:1

Kú kɛ́ɛ seêni ǹyá-lee ŋai kɔlɛ Babelɔŋ lɔii sui, kú wɔ̀lɔ tãi Zãiyɔŋ mɛni kíli è tòo la kú ŋái.

Mąątɛ̨nɛ̨ 5:8

Yâwɛɛ, ńdeniŋ tɔ́ɔ a ítɔ̃yâ tua-perei, kpɛ́ni fêi, ŋ́gbɔara-ƃelai tâmaai. Ítûa-perei su sã́a ḿberêi a gɛɛ ŋá sía zu.

Mąątɛ̨nɛ̨ 5:9

Tɔ̃yâ da kélee fé ŋ́gbɔara-ƃelai da kponôi. Mɛni su-kara mɛni nɔ́ ƃé gáa dílii su. Díkɔŋ su-wolo káa yɛ̂ɛ ƃolôŋ lá-ƃoɔɔ. Díwoo nɛ̃ɛ̂i núu wôlii, kɛ́lɛ gáa a núu pɛ́lɛ-woo da núu su-kara woo-ŋa.

Mąątɛ̨nɛ̨ 8:2

Nîa-pɛlɛɛ da kwâtara-ŋa kélee da ílaa maa tɛ̀ wule-woo-ŋa su. Ya íkpɔara-ƃelai kélee su kàra. Díta fa pɔ̂ri mɛni da kɛ̂i a yá.

Hanwon 3:6

Tɔɔ Ɣâla Yâwɛɛ é íteniŋ tɔ́ɔ íkɛ-mɛni kélee su. A pâi pere sã́a lɛ̂i yâ.

Azaya 30:21

Kà kɛ̀ sia-siâi, ka kɛ́ tɛ̀ ká kɛ́ yèŋ, ka pâi kɛ̂i ŋ̀óo mɛnîi kápôlu-pere, gɛ́ káteniŋ tɔ̀ɔ ǹyɛɛ kâai, “Berei ká ŋí, ka tɛɛ la.”

Azaya 35:8

Pere-lêe a pâi kɛ̂i ƃɛ́i nûa da kâa kɛ̀ yaôi a gɛ́ɛ dí tɛ́ɛ naai. Maa pere-leei ŋí láa ƃé pâi kɛ̂i a, “Bere-lêe Maa Waai.” Vé pâi kɛ̂i a sɔnyɔ̂ŋ-nuu tɛɛ pêre. Ɣâla ƃé pâi kɛ̂i nûa téniŋ tɔɔ̂i berei ŋí su. Ǹúui kpîŋ táre da fé ŋ̀uŋ sui, a pâi pɔ̂ri tɛɛ̂i a berei ŋí.

Azaya 42:16

“Ŋa pâi tɔɔ̂i ŋánûa ŋɛ́i púɔɔ-ŋai túɛ, ŋá tɛ́ɛ a dia a berei dífe tá tɛ̀ɛ ní lai. Ŋa pâi díkpinii kɛ̂i a kwaa ponoɔɔ. Ŋa pâi bere kilɛ-kilɛ-ŋai su sãâi. Ŋákono teei ká ŋí, ǹyaŋ fé pâi wɔ́lɔ m̀aa fálenîi.

Azaya 49:10

Puru da kpele wɛ̂li fé pâi wɔ́lɔ dípaâi. Dífe pâi wɔ́lɔ kɛ̂i vɛ̃ɛ-kpâlaŋ su fólo kɛ́ dí kêreŋ. A pâi kɛ̂i tí, kpɛ́ni fêi, dílaa túɛ nuui a pâi kɛ̂i a díwɛliɛɛ. A pâi liî a dia ya-ɣɛ̂li pɛlɛɛ-ŋa ma.

Azaya 58:3

Da kɛ̀ m̀ôi dîyɛɛi, “Kwa kɛ̀ sûŋ siɣêi, Yâwɛɛ fé zu kɔ́lɔŋ lé mɛni ma? Kwa puru siɣêi ǹyaŋ vé ŋ̀óli tɔɔ̂i kûa lé mɛni ma?” Yâwɛɛ è m̀o dîa ǹyɛɛi, “Dɔ̃yâi ƃa kà kɛ̀ sûŋ siɣêi, ka kɛ̂ kánîa mɛni-ŋa kɛ̂i, ká kɛ́ diai lûaŋ da kɛ̂ tíi kɛ̂i kâai.

Azaya 58:5

Kà kɛ̀ sûŋ siɣêi, ka kákpîŋ mɔ̃̀lɛ. Ka luu sîa kâa, ká malôŋ tôo-maa sêɣe tòo kâa, ká káŋuŋ ma pîlaŋ yɛ̂ɛ wúru-lâa. Nyíŋi ƃé kà dòli a suŋ siɣɛɛ́i? Ka gâai kà gɛ̀ tí, ńii a pâi lâai káyêei?

Ɉeremi 10:23

Óo Yâwɛɛ, ŋá gɔ́lɔŋ a gɛɛ núu kpune ŋɔkɛ ɣéniɛi fé gbîŋ wála-wala laai su. Núu-kpune fa pɔ̂ri gbîŋ mɛni kpɛtɛ̂i a ǹɛ́lɛɛ a gɛɛ é mɛi káa.

Ɉeremi 42:3

Íɣâlai Yâwɛɛ fɛli a gɛɛ é berei lɛ́ kûa nyíi kwa pɔ̂ri siâi lai, da m̀ɛnii kwa pɔ̂ri gɛ̂i.”

Danîa 9:3

Nya ƃe ŋá luu sia ḿâ ŋá maloŋ tôo-maa seɣe too ḿâ ŋá suŋ-siɣe ŋá tínaŋ Ǹuu-namui Ɣâla pɔ́ naa pere ŋá vɛli a gbanaŋɔɔ.

Zooɛ 1:14

Ká kpɔŋ tóo Kánuu-namui Ɣâla ŋɔpɛ́rɛi mu, ká ǹúu pɔlɔ-ŋai kélee ŋáa tɛ́ dí kîe ma da ǹɔii su-ƃelai kélee ká suŋ síɣe ká wɔ́lɔ Yâwɛɛ ma.

Levetekɔ 16:29

“Dɔ̂ŋ-ŋai ká ŋí ká dí mɛi káa wɔlɔ-wɔlɔ da wɔlɔ-wɔlɔi. Ŋ̀áloŋ ǹɔ́ɔlu mɛi feerɛi ŋɔfólo puu ɣelei káfe tíi da kélee kɛ̀. Ka sûŋ siɣe káai a Eezuɛ-ŋai ká ŋɔ̃ya-ŋai kélee díkaa kásamai.

Levetekɔ 16:31

Ŋ̀ele kûui ŋí káa a ɣele kûu maa waa kɛ́tɛ nyii fɛ̂ɛ ká sûŋ siɣe ká káfii tɔɔ ka fé tii kélee da kɛ̀. Gàa a tɔ̂ŋ kámɛni ma wɔlɔ-wɔlɔ da wɔlɔ-wɔlɔ.

Levetekɔ 23:29

Ǹúui kélee pâi mii-sɛŋ da miî a ŋ̀elei tí ŋa pâi zu-karâi. Vé pâi wɔ́lɔ kɛ̂i ŋɔnûai sáma.

Zôna 3:5

Ǹyaŋ Ninivɛ-ƃelai dí làa a Ɣâla. Nya ƃe dí gbɛ̀tɛ a gɛɛ ǹûai kélee píli sûŋ su dí maloŋ tôo-maa sêɣe ɣiri dîa é ǹɛ́ a gɛɛ da dí pôlu tɔɔ dísɔnyɔ̂ŋ-ŋai dîa é síɣe ǹúu kpaya-kpayai dîa é tóo bɛlɛ-pɛlɛɛi dîa.

Zôna 3:7

Gâloŋ da ŋɔnúu kpaya-kpayai dí dɛɛ a tɔ̂ŋ a gɛɛ dí doo a lolo dîyɛɛi, “Núu kpaa máŋ fɛnɛ-sɛ̂ŋ da kélee fé ǹáa mìi, kpaa máŋ é yá kpéle.

Lonon mo 14:3

Yâwɛɛ è pà a kúa ǹɔii ŋí su lé mɛni ma? Kwa pâi lɛɛ̂i kɔ̂i dí kúnɛyâai da kúnîa-pɛlɛɛi sóŋ. Ǹɛ̂lɛɛi a gɛɛ kú lí pôlu Ize lɔii su.”

Lonon mo 14:31

Kɛ́lɛ kánîa-pɛlɛɛi ká mò a gɛɛ da pâi kɛ̂i a kɔŋ-sôŋ-ŋai, ŋa pâi pâi a dia ǹɔii mâ ká káyee kùla mui, é kɛ́ a dípɔɔ.

Gɛlaɠaa 2:39

Ɣâla ŋɔkono-teei káa kámɛni ma, kálônii da diai dîa kwaa kôya mai, nyíi-ŋai Kúnuu-namui Ɣâla a pâi dítôlii.”

Nwun mąąɓo 20:26

Eezuɛ-ŋai kélee dí ŋɔ́nɔ lène pôlu Bɛtɛ taai su. Dí sèe naa ǹɔii ma Yâwɛɛ ŋɛ́i túɛ, díkɛ wɔ̀lɔ. Dífe mii-sãa da mii ní a maa ɣêlei tí. Dí kéreŋ sala da lawoi-laa sala kùla Yâwɛɛ ma.

Samuɛlə dɔlɔɔ 7:6

Díkelee dí díŋaa tɛ̀ ma Mêepa Samia kɛ́ ƃò a dílaa-tuɛ nuu. Dí yá kùla ziŋ-yai su dí bú Ǹuu-namui ŋɛ́i-tuɛ a sama-sɛŋ Ǹuu-namui mɛni ma. Maa ɣelei tí núu tɔnɔ da fé mii-sɛŋ da mii ní. Nya ƃe dí mò dîɛi, “Kwa sɔnyɔ̂ŋ kɛ́ a Ǹuu-namui.”