Ɛsdrasə 7:6 - Bible

^6-7 Ɛzura è kɛ̀ a dareɛ́ɛ a ŋ̀ánaa. E kɛ̀ a gili-ŋa ponoɔɔ Eezuɛ Ɣalai Yâwɛɛ ŋɔtɔ̂ŋ kɔlɔi mɛni su, nyíi è dɛ̀ɛ Mose pɔi. Ŋɔɣâlai Yâwɛɛ è lûwa làa ma. Zãâi kélee è Pɛsia kaloŋ marê kɛ̀ mɛni mai, è dɛ̀ɛ bɔ́. Ɛzura è kùla Babelɔŋ é lí Zerusâlɛŋ. È lì naa a Gâloŋ Atasɛra ŋɔkâloŋ-laa koraŋ ǹɔ́ɔlu mɛi feerɛi su. È lì a Eezuɛ nuu-kpulu-ŋa naa. Ǹúu kpulu-ŋai ŋí ƃé kɛ̀ a zâla láa soŋ-ƃelai, Liiva-ŋai, Ŋ̀âla-pɛrɛi mu wule too-ƃelai, Ŋ̀âla-pɛrɛi mɛi káa-ƃelai da tíi kɛ́ kpakolo-ŋa.

Yálá laawoo hɛɓɛ (dc)

⁶ Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Yálá laawoo hɛɓɛ

⁶ Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Ɛsdrasə 7:6 ပူးပေါင်းရင်းမြစ်များ

Zɛnɛse 32:28

Ńyɛɛ ma, “Dífe pâi ŋɔ́nɔ wɔ́lɔ ítôlii a Zeeka fɛ̂ɛ Eezuɛ, kpɛ́ni fêi, ya kɔ́ Ɣâla pɔ́ da núu-kpune, ǹyaŋ íyee a tɛ́ɛ dîa.”

Ɛsdrasə 5:5

Kɛ́lɛ Ɣâla è tɔ̀ɔ Zuda-ŋai ŋí láa túɛ-ƃelai pôlu. Pɛsia nuu kpaya-kpayai dí gbɛ̀tɛ a gɛɛ dífe mɛni da kɛ̀ a Zuda-ŋai é lɛ́ɛ la zu dí kɔlɔ pɔ̃yɛ Gâloŋ Darɔ pɔnaa dí ǹá woo mɛni.

Ɛsdrasə 6:22

Dí Dɛ́-sɛŋ féu kpoloi maa kûui kɛ̀ ŋɔnɔ. Dí ǹíi-nɛ̃ɛi ŋí kùla a fólo lɔ́ɔlu mɛi feerɛ. Dí lii-nɛ̃ɛ kùla kpɛ́ni fêi, Yâwɛɛ è Pɛsia kaloŋ líi mù sìɣe é kpɔŋ maa tɛɛ dípɔ Eezuɛ Ɣalai ŋɔpɛ́rɛi tɔ̂ɔ pôlu mɛni ma.

Ɛsdrasə 7:21

“Ŋa wála-wala laa tɛɛ̂i ǹɔii ŋɔsɛŋ-kao lâai kɛ́-kwaai ma mɛi káa-ƃela láa túɛ-ƃelai pɔ́ Yufeletii Ya-leei ŋɔfólo liî-pere lɔii su a gɛɛ zɛŋ kélee Ɛzura a ŋ̀wɛ̂lii tíi kɛ́ mɛni mai, dí dɛ̀ɛ bɔ́ a maa félaa. Dífe maa tînaŋ. Ɛzura káa a sâla láa soŋ-nuu, gɛ́ ƃò a Ɣâla nyii gáa Ɣâla-taai, ŋɔtɔ̂ŋ lɛ́-nuui da.

Ɛsdrasə 7:28

Ɣâla ŋɔƃɛlɛ-seei sârai, Pɛsia kaloŋ, ŋɔlia-woo ƃó-ƃelai da ŋɔtíi láa túɛ-ƃelai kélee da díyee sée ḿu. Ŋáɣâlai Yâwɛɛ a ńii kúla a gɛɛ ŋa Eezuɛ-ŋai kɛ́ gɔ́-soŋ laai sui, dílaa túɛ-ƃelai dámaa líi kúla kwa dîa-ni kwa lene pôlu Zerusâlɛŋ.”

Ɛsdrasə 7:5

Buki è kɛ̀ a Abisua ǹóŋ, Abisua kɛ́ ƃò a Finiya ǹóŋ. Pineya è kɛ̀ a Ilieza ǹóŋ, nyíi kɛ̀ a Eelɔŋ ǹóŋ-surɔŋ.

Ɛsdrasə 8:1

Tãi Gâloŋ Atasɛra è kɛ̀ la a kâloŋ Pɛsia lɔii mɛi, Ɛzura da ǹûai kùla gɔ-soŋ-laai su Babelɔŋ dí pá pôlu Zerusâlɛŋ, dísuui láa túɛ-ƃelai láa káa ŋí:

Ɛsdrasə 8:18

Nya ƃe Ɣâla ŋɔmaloŋ kâai sârai, dí Sɛribia tɛ̀ɛ. Sɛribia è kɛ̀ a gbonôi kpanaŋɔɔ. È kùla Mai ŋɔsuui su. È kɛ̀ a Liiva nuu. È lì a kpakolo puu káo lɔ́ɔlu mɛi saaƃa nyii-ŋai kɛ̀ a ǹônii da ŋɔkáayɔɔ-ŋai.

Ɛsdrasə 8:22

Ŋá kɛ̀ ŋumɛ̂i a gɛɛ ŋá gâloŋ marê kɛ́ a gɛɛ é kɔ́ kɔ́-ƃela tɛ̀ɛ kúpɔ a gɛɛ dí kú mɛi káa kúsiai su. Ŋá gɛ̀ tí kpɛ́ni fêi, ŋá mò ma a gɛɛ diai kélee dí lâai a Kúɣâlai, a dí maa kɔ̃̂ɔ. Diai da dípôlu tɔ̀ɔ mai, a díkula maa kɛ̂.

Ɛsdrasə 8:31

Kú kùla ǹyá lêei kɔlɛ nyii a lî Aava taai ma perei, kú lí pôlu Zerusâlɛŋ a ŋ̀áloŋ maa ŋuŋ ŋɔfólo puu káo feerɛ ɣele. Kúɣâlai è kú maa kɔ̃ɔ kúkpɔara-ƃelai yêei da sɛŋ nyɔ́mɔɔ da kpɛ́ni-ŋa kúsia perei su.

Nehemi 12:26

Ǹûai ŋí dí wɔ́lɔ kɛ̀ ɣele ma a Zasua ǹóŋ-surɔŋ Zioakiŋ nyii kɛ̀ a Zosada ǹóŋ ŋɔlóŋ ŋɔtãi. È kɛ̀ máŋ a tãi Niɛmaya è kɛ̀ la a ǹɔii mɛi kâloŋ, da tãi Ɛzura è kɛ̀ la a sâla láa soŋ-nuu gɛ́ ƃò ŋɔ́nɔ a Dɔ̂ŋ lɛ́ nuui.

Nehemi 12:36

Zɛkɛraya ŋɔnúu suui su-ƃelai lɛ̂ɛ bôlui ƃa Simaya, Azaria, Milalai, Gilalai, Maai, Natɛnia, Zuda da Anani. Ɣale sãâ è kɛ̀ díkelee díyêei díkɛ ŋ̀ale yɛ̂ɛ nyii Ɣâla ŋɔnúui Gâloŋ Deeƃé a kâa kɛ̀ ŋàlei. Dɔ̂ŋ lɛ́-nuui Ɛzura ƃé kɛ̀ gbɔ̀ŋ nyíŋi láa túɛ díkɛ lì.

Nehemi 2:12

Ḿve m̀ɛnii ŋí ƃó ní núu da kélee ma nyii Ɣâla è nɛ̀ ḿâ a gɛɛ ŋá gɛ́ Zerusâlɛŋ taa-leei mɛni mai. Vólo saaƃai ŋí kpɛɛ ŋa kpinii sáma, ŋá mu sìɣe kwa ḿƃarâi da-ni kú lí. Ŋ̀wɛlɛ sooi nyii ŋá kɛ̀ see ni bôlui, nya nɔ́ ƃé kú lì la.

Nehemi 2:18

È kɛ̀ tí, ŋá mò dîa berei Ɣâla è kpɔŋ la ḿâ da m̀ɛnii gâloŋ è mòi. Dí ŋ́oo su tòo dîyɛɛi, “Kwaa pɛ́lɛ daai tɔɔ̂i pôlu lonii ma!” Dí díkpîŋ kpɛ̀tɛ díi kɛ́ mɛni ma.

Nehemi 2:8

Ŋá gâloŋ marê kɛ̀ máŋ a gɛɛ é kɔlɔ tɛ́ɛ ḿbɔ ŋà lì ŋá dɛɛ Asafa pɔ́ wúru-ƃela mɛni ma. Asafa ƃé kɛ̀ a ǹɔii ŋɔwolâ kɛ́tɛi láa túɛ nuui. Ŋ̀úru ƃela-ŋai ŋí da-ŋa da pâi kɛ̂i Ŋ̀âla-pɛrɛ Kɛ́tɛi maa kóli konaŋ-ŋai kpɛtɛ mɛni ma, da-ŋa kɛ́ ƃò Zerusâlɛŋ taa-leei maa kóli gala-ŋai kpɛtɛ mɛni ma da bɛ́rɛi ŋa pâi kɛ̂i mui gbɛ̀tɛ mɛni. Gâloŋ è m̀ɛnii kélee kɛ̀ mî ŋá marê kɛ̀ dímɛni mai, kpɛ́ni fêi, Ɣâla è kɛ̀ ŋ́gɔlɛ.

Nehemi 4:15

Kú kpɔara-ƃelai dí m̀ɛni a gɛɛ kwa dí mɛni kpɛtɛɛ nyɔ́mɔɔi kɔ́lɔŋ. Dí gɔ̀lɔŋ máŋ a gɛɛ m̀ɛni kpɛtɛɛ nyɔ́mɔɔi dí gɛ̀ é pîlaŋ kûai, Ɣâla a zu kàra. È kɛ̀ tí, kúkelee kú lì pôlu ziɣãŋ tɔɔ tîi ma.

Nehemi 8:1

Ŋ̀áloŋ ǹɔ́ɔlu mɛi feerɛi su, Eezuɛ-lonii kélee kùla gɔ-soŋ-laai sui, dí nâa kɛ̀ a dí séɛɛ dí taa-ŋai su. Ŋ̀áloŋ tí ŋɔfóloi maa-ŋuŋ, dí kélee dí díŋaa tɛ̀ díkîe ma ziɣãŋ lá da ǹaa tòli a Ǹya Siɣãŋ lá Zerusâlɛŋ taa-leei sui. Dí mò zâla láa soŋ-nuui Ɛzura ma nyii kɛ̀ a dɔ̂ŋ lɛ́-nuui dîyɛɛ mai, “Pá a dɔ̂ŋ kɔlɔi nyii Yâwɛɛ è wɔ́lɔ dɛ̀ɛ Eezuɛ-ŋai pɔ́ Mose sârai, í ǹóno kûɛ.”

Nehemi 8:13

Ŋ̀áloŋ ǹɔ́ɔlu mɛi-feerɛi ŋɔfólo feerɛ ɣele, ǹûai dísuui su-ƃelai láa túɛ-ƃelai, zâla láa soŋ-ƃelai da Liivai-ŋai dí pà Ɛzura pɔ́. Dí pà bɔ́ naa a gɛɛ Dɔ̂ŋ Ɣâla è dɛ̀ɛ Mose pɔ́i é ŋ̀á lɛ́ dîa dí táre zu a ǹɛ́lɛɛ.

Nehemi 8:4

Ɛzura è tɛ̀ é tɔ́ɔ ǹyekêŋ ŋá nyii dí dɔ̀ɔ goyɛ̂ŋ ŋí mɛni mai. Zinâai ŋí ƃé kɛ̀ ǹáa mii-yee mɛi pere: Matitaya, Sima, Ananaya, Yuraya, Ɛkiya da Maaseia. Zinâai ŋí dia máŋ dí kɛ̀ tɔɔ̂-ni gɔɔ-yee mɛi-pere: Pidaya, Misayɛ, Makida, Asuŋ, Asibadana, Zɛkɛraya da Mɛsulaŋ.

Nehemi 8:9

Tãi ǹûai dí Mose ŋɔtɔ̂ŋ-ŋai ŋí lóno woo mɛ̀ni lai, díkelee dí wɔ̀lɔ a zu kɛ́tɛ. Nya ƃe Zuda lɔii kpiniŋ mɛi nuui Niɛmaya, zâla láa soŋ nuui Ɛzura, nyii kɛ̀ a dɔ̂ŋ-ŋai lɛ́ nuui dɔnɔi da Liiva-ŋai nyii-ŋai kɛ̀ dɔ̂ŋ-ŋai ŋá lɛ̂i ǹûai dîai, dí mò dîa dîyɛɛi, “Ŋ̀elei ŋí maa waai Káɣâlai Yâwɛɛ mɛni ma. M̀ɛni ma, káfe sèe a malôŋ pere, kpaa máŋ ká wɔ́lɔ.”

Nehemi 9:13

Í kùla ŋ̀elei su póŋ-poŋ, í yéŋ Sana Yeei ma. Í núu-kpune tûa-pere mɛni lɛ́lɛɛ-ŋa lɛ̀ kúnûa pɔ̂lɔ-ŋai dîa, í tɔ̂ŋ lɛ́lɛɛ-ŋa tɛɛ dípɔ.

Mąątɛ̨nɛ̨ 109:27

Gɛ́ ŋ́gbɔara-ƃelai dí gɔ́lɔŋ a gɛɛ yá ƃa ŋ́uŋ ma ƃô-nuui.

Mąątɛ̨nɛ̨ 147:19

È ŋɔworɛ̂-wooi ƃô Zeeka ŋɔsuui su-ƃelai dîa, é ŋɔtɔ̂ŋ da zu mɛni-ŋai ŋá lɛ́ Eezuɛ-ƃelai kpéli-ŋai dîa.

Mąątɛ̨nɛ̨ 45:1

Wóo lɛ́lɛɛ-ŋa da ńii láa fɛ̂ɛ, ŋa kɛ̀ wule toôi gâloŋ ma. Berei kpɔ́ nɔ́ kɔlɔ pɔ̃yɛ-nuu a kɔlɔ-kpáu sìɣe la gbɛtɛɛ kɔlɔ pɔ̃yɛ mɛni mai, bere nɔ́ ƃé ŋ́gbîŋ kpɛtɛ̂ɛi la ŋ̀ulei ŋí too mɛ̂ni ma.

Mąątɛ̨nɛ̨ 80:18

Kúfe pâi ŋɔ́nɔ kúpôlu tɔɔ̂i yâ. Ǹɛɛ naa kúkɛ ƃò ɣele ma. Kwa pâi kɛ̂i nɔ́ ílaa maa tɛ̂i.

Hanwon 3:6

Tɔɔ Ɣâla Yâwɛɛ é íteniŋ tɔ́ɔ íkɛ-mɛni kélee su. A pâi pere sã́a lɛ̂i yâ.

Azaya 50:2

“Lé ƃé gɛ̀ ŋá pà fé núu da káa níi? Lé ƃé gɛ̀ núu da fé ŋ́oo su too níi? Ka ǹɛ̂i ḿâ fa pɔ̂ri káŋuŋ ma ƃôi? Kpaa máŋ káŋuŋ maa ma ƃó wala-wala fé ńyêei? Ŋa gɛ̀ yúo é kpála, ŋá gɛ́ ya-lêe-ŋa dípene a vɛ̃ɛ-kpâlaŋ-ŋa su, ǹaa su nyɛ̃ɛ-ŋai dí sáa.

Azaya 59:1

Ka gɔ́lɔŋ a gɛ́ɛ sɛŋ da fé naa nyíi a Yâwɛɛ perêi kpàaŋ núu da ŋuŋ ma ƃó mɛni ma, kpaa máŋ ŋ̀óli tíniŋɔɔ, va ká fɛli-wôoi mɛ̂ni.

Ɉeremi 8:8

Ka pɔ̂ri môi léŋ kâa kákaa a táre-ƃela, ŋátɔ̂ŋ káa káyêei? Ka gɛ́ gɔlɔ-pɔ̃yɛɛ-ƃelai díkaa nâa lɛ́ɛ kɔlɔ pɔ̃yɛ̂ɛi.

Maafîu 13:52

Nya ƃe è mò dîa, ǹyɛɛi, “Mɛni ma kɔlɔ-pɔ̃yɛ-nuu kélee nyii dí gɛ̀ a Ŋ̀âla-taa kâloŋ-laai su-nuui dai, gáa yɛ̂ɛ pɛ́rɛ-namu nyii a sɛŋ nina da sɛŋ pɔlɔ kùla ŋɔlaai-kɛ-kwaai mai.”

Maafîu 23:2

“Gɔlɔ-pɔ̃yɛ-ƃelai da Faresii-ŋai da see Mose ŋɔsee-sɛŋ ŋá,

Maafîu 28:20

M̀ɛni-ŋai kélee ŋá mò kâai, ka ǹɛ̂ dîa dí dímɛi káa. Ka gáa, ŋ́gaa kápôlu a tãi kélee é tóo la ŋ̀éniɛi kpɛ̀ɛ ŋá ma.”

Korɛntə dɔlɔɔ 1:20

Dare-nuui kɔɔ? Gɔlɔ-pɔ̃yɛ-nuui kɔɔ? Ŋ̀éniɛi ŋí su yeli-tɔɔ-nuui kɔɔ? Diai da díkpîŋ kula a tare-ƃela ǹɔii ŋí sui, Ɣâla fe gɛ̀ ní dí kɛ́ a ƃoo-ƃela?

Korɛntə dɔlɔɔ 15:1

Ŋánûa, ŋ́gaa nâa Duŋ Lɛ́lɛɛi toôi kákili ŋá, nyíi ŋá mò kâai, nyíi máŋ ka zɔlɔ ƃô kákaa zui.

Dutɛrɔnome 28:1

“À kɛ̀ ka káwoli tɔ̀ɔ dɔ̂ŋ-ŋai dîa ŋa dɛɛ̂i kápɔ sâai, ka sía a díwoo yɛ̂ɛ berei ŋa môi la kâai, Káɣâlai Yâwɛɛ a pâi kákɛ̂i ǹɔii kélee mɛi ŋ̀éniɛi su.

Dutɛrɔnome 4:5

“Ŋa dɔ̂ŋ-ŋai ŋá lɛ́ kâa da mɛni-saa ƃó pere yɛ̂ɛ berei Yâwɛɛ è mò la mâi. Ka lí ká tíi kɛ́ a dia ƃɛ́i ka pâi kɛ̂i naai.