Ɛsdrasə 6:15 - Bible

¹⁵ Dí kpɛ̀ɛ Ŋ̀âla-pɛrɛ Kɛ́tɛi ŋí tɔ̂ɔ ma a ŋ̀áloŋ da dòli a Ada ŋɔfóloi zaaƃa ɣele, Gâloŋ Darɔ ŋɔkâloŋ laa koraŋ ǹɔ́ɔlu mɛi dai su.

Yálá laawoo hɛɓɛ (dc)

¹⁵ Di bɛlɛ́ tɔɔlaa kulɔ a Dariusə nwɔ tɔɔlaa gwɛlan mɛ̨ida nąą, a ɲąnin ŋɛ̨i da kɛ mą Adarə, nwɔ hvóló haaɓa yələ.

Yálá laawoo hɛɓɛ

¹⁵ Di bɛlɛ́ tɔɔlaa kulɔ a Dariusə nwɔ tɔɔlaa gwɛlan mɛ̨ida nąą, a ɲąnin ŋɛ̨i da kɛ mą Adarə, nwɔ hvóló haaɓa yələ.

Ɛsdrasə 6:15 ပူးပေါင်းရင်းမြစ်များ

Tɔɔɓɛlaa dɔlɔɔ 8:63

Saloma è kɛ-zu-tɔnɔɔ sala-ŋa kùla Yâwɛɛ ma. Niŋa sîrɛ wála buu feerɛ káo feerɛ (22,000), ƃála da ƃoli wála ŋuŋ tɔnɔ pôlu buu feerɛ (120,000). Nya ƃe gâloŋ da Eezuɛ-ƃelai kélee dí Ŋ̀âla-pɛrɛ Kɛ́tɛi tɛ̀ɛ Yâwɛɛ pɔ́.

Ɛsdrasə 4:24

Ǹûai dí kpèra Ŋ̀âla-pɛrɛ Kɛ́tɛi tɔɔ-mɛni ma a tãi su kôyaa. Kɛ́lɛ dí ŋɔ́nɔ díi kɔ́ɔ pîlaŋ Pɛsia kaloŋ Darɔ ŋɔkâloŋ-laa kòraŋ veerɛi su.

Ɛsdrasə 5:16

Nya ƃe Sɛbasa è pà é Ŋ̀âla-pɛrɛi kɔ́ɔ pîlaŋ. É kúla tãi tí ma é tóo sâa ma, díkaa nîi dɔɔ̂i dífe niî kpɛɛ ní ma.’ ”

Ɛsdrasə 9:9

Kú kɛ́ a luɛ-ŋa, kɛ́lɛ ífe íyee kula ní kú mù. Í gɛ̀ Pɛsia kaloŋ-ŋai dí wála-wala làa tɛ̀ɛ kúpɔ a gɛɛ kú Ŋ̀âla-pɛrɛ Kɛ́tɛi tɔ́ɔ pôlu nyíi nûa dí wɔ́lɔ ŋ̀oloi. Ya gɛ́ kwa kɛ́ Zerusâlɛŋ taa-leei da Zuda lɔii gwaa kélee su ŋuŋ-ma ƃô su.

Ɛstɛrə 3:13

Dí gɔlɔ-ŋai ŋí tɛ̀ɛ ǹɔii kpîniŋ-ŋai lá túɛ-ƃelai kélee pɔ́ naa a tɛɛ-ŋa. Gɔlɔi ŋí wóo ƃé kɛ̀ a gɛɛ dí fólo tɔnɔ siɣe dí Zuda-ŋai kélee paa, ǹúu kpaya-kpayai da bɛlɛ-pɛlɛi, a ŋ̀áloŋ buu káo feerɛi nyii Ibulu-ŋai da dòli a Adai ŋɔfólo puu káo saaƃa ɣele ti-ti, dí díkɔ̃lîŋ kélee síɣe.

Ɛstɛrə 3:7

Gâloŋ Atasɛra ŋɔkâloŋ laa kóraŋ buu káo feerɛi ŋɔɣáloŋ maa-ŋuŋ nyii da dòli a Nisãŋ Ibulu-wooi sui, Emaŋ è ŋɔnûai marê kɛ̀ a gɛɛ dí tãi lɛ́ mà a pɔ̂ri ǹûai ŋí su-karai lai. Nya ƃe dí kpɛɛŋ tôo nyii a dòli a Puriŋ Ibulu-wooi su a gɛɛ dí ŋ̀ele kúui kɔ́lɔŋ. Gbɛ̀ɛŋ è ǹɛ a gɛɛ dí m̀ɛnii ŋí kɔ́ɔ pîlaŋ a ŋ̀áloŋ puu káo feerɛi ŋɔfólo puu káo saaƃa ɣele. Da ŋ̀áloŋ ŋí toli a Adai Ibulu-wooi su.

Ɛstɛrə 8:12

Ŋ̀ele kûui dí gbɛ̀tɛ a gɛɛ dí Zuda-ŋai su kara lai, nya ƃe kɛ̀ a góraŋ ŋɔɣáloŋ puu káo feerɛi nyii da dòli a Adai ŋɔfólo puu káo saaƃa ɣele. Dí gbɛ̀tɛ a gɛɛ dí m̀ɛnii ŋí kɛ́ Gâloŋ Atasɛra ŋɔlɔii kpîniŋ kélee su.

Ɛstɛrə 9:1

Ŋ̀áloŋ buu káo feerɛi nyii da dòli a Adai ŋɔfólo puu káo saaƃai è sèri. Ŋ̀ele kûui ŋí ƃé kɛ̀ a ŋ̀elei gɔlɔi Pɛsia kaloŋ Atasɛra è dɛ̀ɛ Zuda-ŋai kélee páa mɛni ma ǹɔii kpîniŋ-ŋai sui, dí ŋàa see kɛ́ la. Ŋ̀ele kûu tɔnɔi ŋí ƃé kɛ̀ máŋ a ŋ̀elei Zuda-ŋai díkpɔara-ƃelai díkɛ̀ a díkpɛtɛɛ la a gɛɛ dí díwala-walai kúla díyêei díkɛ ƃò dímɛi. Kɛ́lɛ m̀ɛnii ŋí è pène ŋ̀á a dia, Zuda-ŋai dí díyee mɛi ɣále.

Ɛstɛrə 9:15

Zuda-ŋai dí díŋaa tɛ̀ gîe ma Susa taa-leei su a Ada ɣaloŋ ŋɔfólo puu káo náaŋ ɣele dí kpakolo ŋuŋ saaƃa (300) páa. Kɛ́lɛ dífe díkɔ̃liŋ da siɣe ní.

Ɛstɛrə 9:17

Dí m̀ɛnii ŋí kɛ̀ a Ada ɣaloŋ ŋɔfólo puu káo saaƃa ɣele, dí dífii tɔ́ɔ a ŋɔfólo puu káo náaŋ ɣele. Dí kúu kɛ̀ dí lii-nɛ̃ɛ kula.

Ɛstɛrə 9:19

M̀ɛnii ŋí ƃé a gɛ́ diai a Zuda-ŋai díkaa daa pɛlɛɛ-pɛlɛɛi sui da Ada ŋɔfólo puu káo náaŋ ŋí sìɣe la a ɣele kûu kɛ́tɛ. Da kúu kɛ̀ a ŋ̀ele kûui ŋí, dí lii-nɛ̃ɛ kula dí sama-sãa tɛ̀ɛ díkîe-ni pɔ́.

Ɛstɛrə 9:21

a gɛɛ dí Ada ɣaloŋ ŋɔfólo puu káo náaŋ da gáo lɔ́ɔlui síɣe a ɣele kûu kɛ́tɛ dífulu-laai su a kóraŋ kélee.

Zakari 1:1

Dâlɔ kɛ́ɛ a kâloŋ Pɛsia-lɔii mɛi ŋɔkóraŋ feerɛi ŋɔɣáloŋ lɔ́ɔlu mɛi saaƃa su, Yâwɛɛ è worɛ̂ tɛ̀ɛ a ŋɔlóno kɛ́-nuui Zɛkɛraya nyii kɛ̀ a Beresa ǹóŋ nyii ǹâŋ ŋɔnàŋ láa è kɛ̀ a Idooi.

Zakari 1:16

M̀ɛni ma ŋa pá pôlu Zerusâlɛŋ taa-leei su a gɛɛ ŋá ŋámalôŋ-kâai lɛ́ mà. Ŋá Ɣâla-pɛrɛ kɛ́tɛi a pâi pâi pôlu ŋátaa-lêei é tɔ́ɔ ŋɔ́nɔ pôlu.”

Zakari 4:9

Zɛrubabɛɛ yée ƃé bɛ́rɛi ŋí kɔ́ɔ pìlaŋ. Ǹyaŋ ǹyée nɔ́ ƃé pâi gbɛɛ̂i. À kɛ̀ tí ƃa pâi gɔ́lɔnîi a gɛɛ Yâwɛɛ ƃé ńdɛ̀ɛ kápɔ naa.