Lɛɛ gbɔwɔ ɓa 6:1 - Bible

¹ Nya ƃe Yâwɛɛ è mò Mose mà ǹyɛɛi, “Ƃa pâi nâa gâai mɛnii ŋa pâi gɛ̂i a Gâloŋ. Ŋa pâi gɛ̂i a wála-wala-laa a gɛɛ é dílɛɛ naa dí lí. Ŋa pâi máŋ gɛ̂i a wála-wala-laa é díkula ŋɔlɔii su”

Yálá laawoo hɛɓɛ (dc)

¹ Yai-Laa yɛ mą: «Mɛ̨nįi gáá pai naai Eziptə tɔɔmun ma, ə́ kaa kɛa pai gaai. Hvo kɛli da di yee tɔɔ gwąną, ya ɓə a gɛ ə di lɛɛ laa di li; yee tɔɔ gwąną mɛ̨nį laa a too ɉu, ya ɓə gaa pai di kpɛi la nwɔ lɔi hu.»

Yálá laawoo hɛɓɛ

¹ Yai-Laa yɛ mą: «Mɛ̨nįi gáá pai naai Eziptə tɔɔmun ma, ə́ kaa kɛa pai gaai. Hvo kɛli da di yee tɔɔ gwąną, ya ɓə a gɛ ə di lɛɛ laa di li; yee tɔɔ gwąną mɛ̨nį laa a too ɉu, ya ɓə gaa pai di kpɛi la nwɔ lɔi hu.»

Lɛɛ gbɔwɔ ɓa 6:1 ပူးပေါင်းရင်းမြစ်များ

Tɔɔɓɛlaa veelɛ 7:19

Gâloŋ mɛi káa-nuu kɛ́tɛi ŋí è mò ŋâla-naloŋ ma ǹyɛɛi, “Ḿve láa ní la! À nɛ̃ɛ ma kpîŋ Yâwɛɛ é tínaa ŋ̀ele-kɔlɔŋ lá ƃó a gɛɛ mii-sɛŋ é pú ǹíi ma, va pɔ̂ri mii-sɛŋ kɛ́ɛ tí kɛ̂i a gɛɛ é tínaa kɛ́ naa!” Ŋâla-naloŋ è ŋ̀óo su tòo ǹyɛɛi, “Ƃa pâi gâai é kɛ́, kɛ́lɛ ífe pâi maa mii-sɛŋ da miî.”

Tɔɔɓɛlaa veelɛ 7:2

Gâloŋ mɛi káa-nuu kɛ́tɛi kɛ̀ naa gâloŋ kɔlɛi è zu tòo ǹyɛɛi, “Ḿve láa-ni la! A nɛ̃ɛ ma kpîŋ Yâwɛɛ é ŋ̀ele kɔ̂lɔŋ lá ƃó a gɛɛ mii-sɛŋ é pú ǹɔii ma, va pɔ̂ri mii-sɛ̂ŋ kɛ́ɛ tí kɛ̂i a gɛɛ é tínaa kɛ́ naa!” Ilasa è ŋ̀óo su tòo ǹyɛɛi, “Ƃa pâi gâai é kɛ́, kɛ́lɛ ífe pâi maa mii-sɛŋ da miî.”

Kɔlɔnikɔ Veerɛi 20:17

Káfe pâi kɔ̂i gɔ́i ŋí su. Katɔɔ kátɔɔ̂i a gbanaŋɔɔ ká gáa berei Yâwɛɛ a pâi káŋuŋ ma ƃôi la káai a Zuda da Zerusâlɛŋ-ƃelai. Káfe yào, kálii fé tòo pôlu. Ka tínaa lí kátɔɔ díperei. Yâwɛɛ a pâi kɛ̂i ká pôlu.’ ”

Mąątɛ̨nɛ̨ 12:5

Yâwɛɛ è mò ǹyɛɛi, “Ŋánûai da mɔ̃lɛ̂i, zɛŋ da ŋ̀wɛ̂lii dí zɔlɔ ƃôi, dífa zɔlɔ ƃô. M̀ɛni ma, ŋa pá nâa ḿu siɣêi, ŋá díŋuŋ ma ƃó yɛ̂ɛ berei da ŋ̀wɛ́lii lai.”

Mąątɛ̨nɛ̨ 12:6

Yâwɛɛ ŋɔkono-tee-ŋai maa waâi. Dímaa waâi yɛ̂ɛ káne a kùla gbɛtɛ kwaa ma a nina, da m̀aa kîiŋ gîei lɔ́ɔlu mɛi feerɛ.

Mąątɛ̨nɛ̨ 136:12

È díkùla naa a ŋɔwála-wala-laai. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

Mąątɛ̨nɛ̨ 89:13

Íwala-walai. Íwala-wala-laai su kɛ̂tɛi, gɔ̃yɛŋ fé ma!

Lɛɛ gbɔwɔ ɓa 11:1

Yâwɛɛ è mò Mose mà ǹyɛɛi, “A lɛɛ a tɔ̀ŋ-kpɛ-maa tɔnɔ nyii ŋa pâi pâi la Gâloŋ pɔ́ da Ize lɔii su-ƃelai. Nàa pôlu ma a pâi kálɛɛ̂i naa ká lí. A pâi máŋ kákelee kákpɛ̂i ǹɔii su.

Lɛɛ gbɔwɔ ɓa 12:31

Gbíni tɔnɔi tí su, Gâloŋ è Mose da Eelɔŋ dítòli ǹyɛɛ diai, “Ká Eezuɛ-ŋai ká lí ká kúla ŋánûai sáma. Ka lí ká Yâwɛɛ fɛli yɛ̂ɛ berei ká mò lai.

Lɛɛ gbɔwɔ ɓa 12:33

Nya ƃe Ize-ŋai dí ǹûai kɛ́ a gɛɛ dí kúla dí ǹɔii su a màa felaa. Ize-ŋai dí mò diɛi, “Ka lɛ̀ɛ ƃɛ́ gɛ̀ ní kúkelee kwa pâi saâi.”

Lɛɛ gbɔwɔ ɓa 12:39

Nya ƃe dí díkpolo-ŋai kpɛ̀tɛ nyii-ŋai dí kula la Ize lɔii sui. Dífe gbóloi ŋí kpɛtɛ ní Ize lɔii su, kpɛ́ni fêi, dí kùla naa a kîrɛ. Pere fé kɛ́ ní díyêei a gɛɛ dí mii-sɛŋ kpɛtɛ dímɛni ma.

Lɛɛ gbɔwɔ ɓa 13:14

Kálônii-sinaai da kámarê kɛ̀ tínaa-tuɛ-pere dîyɛɛ kâa, ‘Nyíŋi su-kulai ƃa lé?’ Ka m̀ó dîa kâa. ‘Yâwɛɛ è wɔ́lɔ kúkùla luɛ-laa su.

Lɛɛ gbɔwɔ ɓa 13:16

Fɛ̂ɛ gúui ŋí é kɛ́ a ŋɛi-kɛ-maa káyêei. É kɛ́ yɛ̂ɛ kili-too-ŋa sɛŋ nyii gbulɔŋɔɔi káyee ma da kátôŋ lá. Kpɛ́ni fêi, a pâi ǹɛ̂i kûa a gɛɛ Yâwɛɛ è kúkùla Ize lɔii su a ŋɔwála-wala-laai.’ ”

Lɛɛ gbɔwɔ ɓa 13:3

Nya ƃe Mose è mò ǹûai dîa ǹyɛɛi, “Ŋele-kûui ŋí é lɛ́ɛ kákili ŋá nyii ká kùla la Ize lɔii su ǹuɛ-laai sui. Kpɛ́ni fêi, Yâwɛɛ è kákùla naa a ŋɔwála-wala-laai. Káfe kpólo mìi nyii tɛ́-sɛŋ káa zui.

Lɛɛ gbɔwɔ ɓa 13:9

Gúui ŋí é kɛ́ a ŋɛi-kɛ-maa káyeêi. É kɛ́ yɛ̂ɛ kili-too-ŋa sɛŋ nyii gbulɔŋɔɔi káyee mà gɛ ƃò kátôŋ lá a gɛɛ Yâwɛɛ ŋɔtɔ̂ŋ é kɛ́ nɔ́ ká lá a tãi kélee. Kpɛ́ni fêi, è kákùla Ize lɔii su a ŋɔwála-wala-laai

Lɛɛ gbɔwɔ ɓa 14:13

Nya ƃe Mose è mò dîa ǹyɛɛi, “Káfe yào. Ka tɔ́ɔ tɔ̂ŋ ká Yâwɛɛ ŋɔƃálo-laai káa a pâi dɛɛ̂i kápɔ sâai. Kpɛ́ni fêi, Ize-ŋai ŋí ka díkâai sâai, káfe pâi ŋɔ́nɔ wɔ́lɔ díkâai.

Lɛɛ gbɔwɔ ɓa 15:6

“Óo Yâwɛɛ, ílaa-mii-yee maa pɔlɔ-pɔlɔɔi. A íkpɔara ƃelai su kara.

Lɛɛ gbɔwɔ ɓa 7:4

Gâloŋ fé pâi ŋ̀óli tɔɔ̂i káwoo mâ. Gɛ̀ ní ŋa pâi nyée lâai Ize mɛi a mɛni ŋá-teɛɛ ŋá ŋakɔ́ kɔ́-ƃelai kúla Ize lɔii su, nyii-ŋai dí káa a Eezuɛ-ŋai.

Lɛɛ gbɔwɔ ɓa 7:5

Ize-ŋai da pâi gɔ́lɔnîi a gɛɛ ŋgáa a Yâwɛɛ ŋa pâi nyée làai Ize mɛi a mɛni ŋá-teɛɛ ŋá Eezuɛ-ŋai kúla dísamai.”

Azaya 63:12

Mí ƃé Yâwɛɛ nyii mɛni kpaya-kpaya kɛ̀ a ŋɔwála-wâla laai Mose sarâi, gɛ́ ǹyuoi ŋáa kɔ̀lɛ, gɛ́ tɔ̀ɔ ŋɔnûai túɛ díkɛ tɛ̀ɛ ǹyái loai a gɛ́ɛ ǹûa díkɛ ǹáa maa tɛ̂ wɔ́lɔ-wɔlɔ da wɔ́lɔ-wɔlɔ.” Yâwɛɛ kɛ́ɛ dítuɛi, díkɛ̀ siâi, dífa kâreŋ yɛ̂ɛ lɔɔ-sôo-ŋa ƃé kîrɛ siɣêi, dífa kâreŋ.

Lonon mo 11:23

Nya ƃe Yâwɛɛ è mò Mose ma ǹyɛɛi, “Gáa íkili-ŋa a gɛɛ ŋáwala wala-laai kóyaŋ káa ma? Ƃa pâi gâai à kɛ̀ mɛnii ŋá mòi a pâi kɛ̂i kpaa máŋ vé pâi kɛ̂i.”

Lonon mo 23:23

Núu ŋɔsále nyɔ́mɔɔ kpaa máŋ wulu-nuu Fa sɛŋ tá kɛ̀ a Eezuɛ ŋɔnûai. Dímaa tɛli kpɛ́ɛ káa nɔ́ kpɛ́ni-kpɛni. Nûa da pâi môi dîyɛɛi, ‘Ka mɛnii káa Ɣâla a gɛ́ dîɛi.’

Gɛlaɠaa 13:17

Eezuɛ-ƃelai Díɣâlai è wɔ́lɔ kúnâŋ-ni ɣɛ̀ɛ zu é ǹûai kɛ́ a núu kpaya-kpaya díkɛɛ Ize lɔii sui. È ŋɔ́nɔ díkùla naa a ŋɔwála-walai.

Dutɛrɔnome 32:39

“ ‘Ka gáa, ńyãa tɔnɔ nɔ́ ƃa Ɣâla. Ɣâla da kpɛ́ni fé naa é kúla ḿbôlu. Ńyãa ƃa fúlu-laa tɛ̀ɛ núu pɔ́ ŋ́gɛ zìɣe pôlu. Ŋa núu ŋwàna, ŋá m̀álo. Núu da fa pɔ̂ri kulâi ńyêei a gbîŋ wàla-wala.

Dutɛrɔnome 4:34

Ɣâla da a tá kɔ́ a gɛɛ é lɔii-ŋuŋ da kula lɔii-ŋa sáma a su-kɔɔŋ kɛ́ɛ, ŋɛi-kɛ-maa, kɔ́ a ŋɔwála-wala yeei, kpaa máŋ mɛni mili-mili-ŋa kɛ́ɛ yɛ̂ɛ berei Káɣâlai Yâwɛɛ è gɛ̀ la káŋɛi-tuɛ Ize lɔii sui?