Lɛɛ gbɔwɔ ɓa 40:34 - Bible

³⁴ Ŋ̀ele-kɔlɔŋ kolei è Bɛ́rɛi mɛi pɛ̀lɛ. Ǹyaŋ Yâwɛɛ ŋɔfólo-laai è bɛ́rɛi láa fɛ̀ɛ.

Yálá laawoo hɛɓɛ (dc)

³⁴ Túlɔ kpinįn ə pɛlɛ gee kaa kələ mɛ̨i, Yai-Laa nwɔ mąąwiɛ ə bɛlɛ́ laa hvɛɛ.

Yálá laawoo hɛɓɛ

³⁴ Túlɔ kpinįn ə pɛlɛ gee kaa kələ mɛ̨i, Yai-Laa nwɔ mąąwiɛ ə bɛlɛ́ laa hvɛɛ.

Lɛɛ gbɔwɔ ɓa 40:34 ပူးပေါင်းရင်းမြစ်များ

Samia Veerɛi 7:6

Fé tá nyíi ní pɛ́rɛ mu é síɣe tãi ma ŋá Eezuɛ-ŋai kùla la Ize lɔii su é tóo sâa ma. Kɛ́lɛ ŋ́gaa nɔ́ wɔ́lɔ sia-sîai ŋ́gɛ nyìi ƃûu mu.

Kɔlɔnikɔ Veerɛi 7:2

Yâwɛɛ ŋɔmaa-waa-laai é Ŋ̀âla-pɛrɛ Kɛ́tɛi láa fɛ̀ɛ kpɔ́ zâla-laa soŋ-ƃelai dífe pɔri ní lɔ̂i naa.

Mąątɛ̨nɛ̨ 26:8

Óo Yâwɛɛ, ŋá ípɛrɛi wɛ́lini, da ƃɛ́i ífolo-laai káa naai.

Lɛɛ gbɔwɔ ɓa 14:24

È kɛ̀ a ɣele-wala pɛpɛ Yâwɛɛ é ŋ̀ɛ́i pìlaŋ ǹɔii ma ŋ̀ele-kɔlɔŋ kolei su da ŋɔŋ-leŋ é Ize kɔ́ kɔ́-ƃelai káa è díkɛ wúlee.

Lɛɛ gbɔwɔ ɓa 16:10

Tãi Eelɔŋ è kɛ̀ lônoi la Eezuɛ-ŋai kélee pɔ́i, dí kɛ̀ vɛ̃ɛ-kpâlaŋ su-pere kâai, ǹyaŋ Yâwɛɛ ŋɔfólo-laai è kùla díŋɛi ɣele-kɔlɔŋ kole su.

Lɛɛ gbɔwɔ ɓa 25:8

M̀ó dîa dí kwaa ma waa mâ kpɛ̀tɛ maa mɛni ma a gɛɛ ŋá kɛ́ naa dísama.

Lɛɛ gbɔwɔ ɓa 29:43

Nàa ƃé ŋa pâi Eezuɛ-ŋai kâai naa. Nàa ƃe ŋa pâi m̀aa waâi a ŋáfolo-laai.

Lɛɛ gbɔwɔ ɓa 33:9

Tãi Mose a kâa lɔ̀ la Bɛrɛi ŋí mui, ŋ̀ele-kɔlɔŋ kolei a kâa yèŋ é tɔ́ɔ gbôŋ lá, Yâwɛɛ kɛ́ ƃo zu gɛ lòno Mose pɔ́.

Azaya 57:15

“Ŋ́gaa a Ŋ̀âlai nyíi dɛ̂ɛi ɣelêi wɔ́lɔ-wɔlɔ da wɔ́lɔ-wɔlɔi, nyíi ǹáa maa waai. Ŋ́gaa ɣele ma wɔ́lɔ-wɔlɔ da wɔlɔ-wɔlɔ. Ŋ́gɛ̂i káa ŋ̀elêi su póŋ-poŋ gwaa maa waai ma. Kɛ́lɛ ŋ́gaa diai sáma dímaa yeŋɔɔi, díkɛ dílii maa fâleŋ a gɛ́ɛ ŋá dílaa-laai, da díkili-kɛ-zui su-kpanaŋ.

Azaya 6:4

Díwoo è gɛ̀ Yâwɛɛ Ŋɔpɛ́rɛi kɛ́ tùmo-tumo é síɣe bɛ́rɛ-kâŋ kɔ́ɔ pîlanii. Bɛ́rɛi mu gwaa kélee è kpìni a luri.

Izikiɛ 10:4

Yâwɛɛ ŋɔfólo-laai è nâa kùla ŋ̀âla-taa kôoŋ-sãai mɛi é lí bɛ́rɛi lá-ƃerei. Ŋ̀ele-kɔ̂lɔŋ kolei è bɛ́rɛi láa fɛ̀ɛ. Yâwɛɛ ŋɔfólo-laai é Ŋ̀âla-pɛrɛ Kɛ́tɛi ŋɔsiɣãŋ láa fɛ̀ɛ.

Levetekɔ 16:2

È mò Mose ma ǹyɛɛi, “M̀ó ílîa Eelɔŋ ma a gɛɛ vé pà nɔ́ gwaa ma waai ma nyii zeɣe belai káa sɛlɛnii naa ŋɛ́i tuɛ maloŋ kaa see-sɛŋ ŋɛ́i-tuɛ, nyii gáa see-ni gono-tee gâlai mɛi. Da pâi yenii maloŋ kaa see-sɛŋ ŋí mai ŋ̀ele kɔlɔŋ kolei su. À gɛ̀ tí a pâi saâi.

Egaa 2:7

Ǹyaŋ ŋa pâi ǹɔii-ŋûŋ-ŋai kélee túmo-tûmoi dí pá a dítɔɔ-sãai ƃɛ́ ŋá ƃɛ́rɛi ŋí láa fɛ́ɛ a sɛŋ lɛ́lɛɛ-ŋa.

Egaa 2:9

Bɛ́rɛ ninai a pâi fôloi é tɛ́ɛ bɔ́lɔi ma. Ŋa pâi tɔɔ-laa tɛɛ̂i ŋánûai pɔ́ da lii-sêe gwaa ŋí ma.”

Lonon mo 7:89

Tãi Mose è lɔ̀ la Zua kɔlɔ seɣe pɛrɛ maa waai mu a gɛɛ é lóno Yâwɛɛ pɔ́i, è Yâwɛɛ wóo mɛni é kúla gãla lá-tɛ-sɛŋ mɛi-pere ŋâla-taa koôŋ-sɛŋ pɔkɔɔŋ-ŋai loai gɛ́ lòno bɔ́.

Lomaŋ 9:4

Díkaa a Eezuɛ-ŋa, dia ƃe Ɣâla ŋɔlóŋ-laai káa a dípɔɔ, da ŋɔfólo-laai, ŋɔkpanaŋ-woo-ŋai, dɔ̂ŋ tɛ̂ɛi, da Ɣâla-fɛli-pere, da gono-tee woo-ŋai;

M̀ɛni-lɛɛi 15:8

Ŋ̀âla-pɛrɛi è kɛ̀ kpɔ́ a ǹaa fɛ́ɛ a luru nyii kɛ̀ kulâi Ɣâla ŋɔfólo-laai da ŋɔwála-wâla-laai sui. Núu da fé kɛ́ ní pɔ̂rii lɔ̂i Ŋ̀âla-pɛrɛ Kɛ́tɛi mu é lɛ́ɛ la zu Ŋ̀âla-taa-kela lɔ́ɔlu mɛi féerɛi dímɛni-kpɔ̂lu-sii lɔ́ɔlu mɛi féerɛi é kpɛ́ɛ.

M̀ɛni-lɛɛi 21:3

Nya ƃe ŋá wóo su kɛ́tɛ mɛ̀ni é kúla gâloŋ see-sɛŋ ma, nyɛɛi, “Gáa, Ɣâla-kɛi káa núu-kpune sama. A pâi kɛ̂i dísama, dí kɛ́ a ŋɔnûa, ǹyaŋ Ɣâla ǹyaa kpîŋ a pâi kɛ̂i dísama é kɛ́ a Díɣâla.