Lɛɛ gbɔwɔ ɓa 32:14 - Bible

¹⁴ Nya ƃe Yâwɛɛ è ǹíi maa fàleŋ. Vé ŋɔ́nɔ m̀ɛnii kɛ́ ní a ǹûai nyii è kɛ̀ ŋ̀wɛ̂lii a gɛɛ é gɛ́ a diai.

Yálá laawoo hɛɓɛ (dc)

¹⁴ Mɛ̨nį nwąnąąi Yai-Laa ə kɛi pa naai nwɔ nu huwui ɓa, ə yili həɠə mą.

Yálá laawoo hɛɓɛ

¹⁴ Mɛ̨nį nwąnąąi Yai-Laa ə kɛi pa naai nwɔ nu huwui ɓa, ə yili həɠə mą.

Lɛɛ gbɔwɔ ɓa 32:14 ပူးပေါင်းရင်းမြစ်များ

Zɛnɛse 6:6

Nya ƃe malôŋ è tòo Yâwɛɛ ma a gɛɛ è núu-kpune kpɛ̀tɛ ǹɔii ma nyii ǹíi sòli a ŋánaai.

Samia Veerɛi 24:16

Ŋ̀âla-taa kelai kɛ́ɛ a ǹyée sã́a Zerusâlɛŋ mɛi-pere a gɛ́ɛ é naa su-karai, Yâwɛɛ è ǹíi pène ǹyɛɛ m̀ai, “É lɛ́ɛ nâa tí. Nyíŋi gula kɛ̂ɛ ƃoɔɔ̂i. Íyee síɣe pôlu.” Ŋâla-taa-kelai ŋí è kɛ̀ Zɛbusa naloŋ Arana ŋɔsí-sãa táŋ kwaai ma.

Kɔlɔnikɔ Maa-ŋuŋ 21:15

Nya ƃe Yâwɛɛ è ŋɔkélai tɛ̀ɛ a gɛ́ɛ é Zerusâlɛŋ su kara. Kɛ́lɛ ŋ̀âla-taa kelai kɛ́ɛ kɛ̀ m̀ɛnii ŋí kɛ̂i, Yâwɛɛ è naa kàa ǹíi é tóo pôlu. È m̀o ŋ̀âla-taa kelai ma ǹyɛɛi, “É naa lɛɛ tí. Nyíti aâ táma!” Ŋ̀âla-taa kelai è kɛ̀ tɔ̂ɔni Arauna ŋɔmii-sɛŋ tânii kɔlɛ ma. Arauna è kɛ̀ a Zɛbu-nuu.

Mąątɛ̨nɛ̨ 106:23

Ɣâla kɛ́ɛ a ǹíi ŋwána dîa a gbɛtɛ a gɛɛ é dísu karai, ŋɔtíi kɛ́ nuui Mose è lɔ̀ díloai da Ɣâla ni é dímaa kpera-fei kɛ́ a gɛɛ vé gɛ̀ tí.

Mąątɛ̨nɛ̨ 106:45

Vé wɔ́lɔ nia ní gono têei ma è gɛ̀i, kpɛ́ni fêi, ŋɔwɛli kɛ́-maai su kɛ̂tɛi dímɛni ma.

Lɛɛ gbɔwɔ ɓa 33:13

Mɛni ma, ŋa ífɛlîi nâa, à kɛ̀ ŋa ƃɛlɛ-see sɔlɔ ƃó íyêei, ínîa-mɛnii lɛ́ nâa mâ a gɛɛ ŋá gɔ́lɔŋ ŋa ƃɛlɛ-see sɔlɔ ƃó íyêei. É lɛ́ɛ íkili ŋá a gɛɛ ǹûai ŋí díkaa máŋ a ínûa.”

Ɉeremi 18:8

à kɛ̀ m̀aa lɔii-ŋuŋ tí a bôlu tɔ̀ɔ m̀ɛni nyɔ́mɔɔi ma, gɛ̀ ní ḿve pâi m̀ɛnii kɛ̂i la é pîlaŋ mai.

Ɉeremi 26:13

M̀ɛni ma, ka kátûa-pere maa fáleŋ a ǹɛ́lɛɛ, ká Káɣâlai Yâwɛɛ wóo mɛ́ni. Kà gɛ̀ tí, gɛ̀ ní a pâi ǹíi maa fálenîi. Vé pâi kákula-maa kɛ̂i a m̀ɛni kpɔ̂lui nyíi-ŋai è mò a gɛɛ a pâi ǹâai kâai.

Ɉeremi 26:19

Tãi m̀ɛnii ŋí è kɛ̀ lai, Ɛsekaya da ǹûai dífe Maka paa ni. Ka gɔ́lɔŋ a gɛɛ Ɛsekaya a kâa yào Yâwɛɛ ma, gɛ́ kɔ̀ a gɛɛ é Yâwɛɛ nîa mɛni kɛ́. M̀ɛni ma, Yâwɛɛ è ǹíi maa sôŋ vé mɛni kpɔ̂lu láa ní Zuda ma yɛ̂ɛ berei è mò la a maa-ŋuŋ. À kɛ̀ kwa kpéŋ ɣàle Zɛlemaya ma, gɛ̀ ní kwa pâi mɛni kpɔ̂lu lâai kúa kpîŋ kûa!”

Zooɛ 2:13

Ka kálii su waa, kɛ́lɛ ká seɣe-ŋai fêi.” Ka tínaŋ Yâwɛɛ, ká Ɣâla pɔ́ naa pere, kpɛ́ni fêi, zɔŋ lɛ̂lɛɛi gɛ́ núu malôŋ kàa. Va ǹíi ŋwàna a maa félaa ǹyaŋ ŋɔwɛli kɛ́-maai káa nɔ́ naa wɔ́lɔ-wɔlɔ, gɛ́ sɔnyɔ̂ŋ su mɛni lɛ̀ɛ.

Amɔsə 7:3

Malôŋ è tòo Ɣâla Yâwɛɛ ma m̀ɛnii ŋí ma, ǹyɛɛi, “Vé pâi kɛ̂i.”

Amɔsə 7:6

Malôŋ è tòo Ɣâla Yâwɛɛ ma m̀ɛnii ŋí ma máŋ, ǹyɛɛi, “Nyíŋi fé pâi kɛ̂i máŋ.”

Zôna 3:10

Tãi Ɣâla è mɛnii kâa la ǹûai da gɛ̂i, berei dí dípôlu tɔ̀ɔ la dítûa-pere nyɔ̂ŋ-ŋai dîai, è ǹíi ma fâleŋ m̀ɛni nyɔ́mɔɔi mɛni ma è kɛ̀ pâi gɛ̂i a diai. Ve ŋɔ́nɔ mɛni nyɔ́mɔɔ kɛ́ ní a dia.

Zôna 4:2

È Yâwɛɛ fɛ̀li ǹyɛɛi, “Ŋá kɛ̀ a gɔ́lɔŋɔɔ a gɛɛ íkaa a ƃɛlɛ-see da maloŋ-kâa Ɣala, ífaa ílii ŋwàna a maa félaa, wɛli-kɛ-maa kɛ̀ ƃò íyêei, ƃa ílii maa fâleŋ ífaa núu ŋɔsɔnyɔ̂ŋ su too. M̀ɛnii ŋá kɛ̀ ŋ́gili ŋá siâi ma tãi ŋá kɛ̀ niî la ŋalɔii sui nyaa ká ŋí. M̀ɛnii ŋí ƃe gɛ̀ ŋá pú ŋá lí Sipîŋ.

Lonon mo 14:20

Nya ƃa Yâwɛɛ è Mose wóo su tòo ǹyɛɛ mai, “Ŋa pâi dísɔnyɔ̂ŋ su-mɛni lɛɛ̂i yɛ̂ɛ berei í mò lai.

Dutɛrɔnome 10:10

“Ŋá gɛ̀ ǹyéei ma a ɣele kûu buu náaŋ da kpíni kûu buu náaŋ. Ǹyaŋ Yâwɛɛ è ŋ̀óli tɔ̀ɔ ḿâ. Vé kɛ́ ní a ǹíi láa mɛ̂ni a gɛɛ é kásu kara.

Dutɛrɔnome 32:26

Ŋa pâi dítaa-tâai, ŋá gɛ́ dímaa mɛni kíli é kpɛ́ɛ núu-kpune kíli ŋá.

Dutɛrɔnome 32:36

Yâwɛɛ a pâi ŋɔnûai dímɛnii ŋá têei é dímalôŋ káa a gàa a gɛɛ pɔ̂ri mâa fé ŋɔ́nɔ díyêei. A pâi dímalôŋ kâai. Dí tɔnɔ kpîŋ da fé pâi lɛɛ̂i a nɛ̃ɛ ma dí kɛ́ a luɛ-ŋa kpaa máŋ díŋuŋ ma ƃoɔɔ.

Nwun mąąɓo 2:18

Yâwɛɛ a kâa Eezuɛ-ŋai láa túɛ-nuu lɛ̀, a tɔ̀ɔ m̀aa nuui pôlu a gɛ́ɛ é díŋuŋ ma ƃó díkpɔara-ƃelai yêei. A kâa tɔ̀ɔ ǹúu láa túɛ-ƃelai ŋí pôlu é lɛ́ɛ la zu díwɔ̂ tãi é kpɛ́ɛ. Yâwɛɛ a kâa kɛ̀ dímalôŋ kâai, kpɛ́ni fêi, da kâa kɛ̀ wɔ̂lɔi m̀a dímɛni sôlii su.

Samuɛlə dɔlɔɔ 15:11

“Sɔ̂ɔ aâ ŋóo píli. Malôŋ toɔɔ̂i ḿâ a gɛ́ɛ ŋá gɛ̀ a kâloŋ.” Samia è líi è tòo pôlu é pɛ́lɛ wɔ̂lɔi ma é lɛ́ɛ la zu ɣele é ƃɔ́.