Lɛɛ gbɔwɔ ɓa 3:7 - Bible

⁷ Nya ƃe Yâwɛɛ è mò m̀a ǹyɛɛi, “Ŋa ŋánûai dímɛni-sôlii káa nyii-ŋai díkaa Ize. Ŋa díwɔlɔ-wooi mɛ́ni kpɔŋ-maa mɛni ma dímɔ̃lɛ-ƃelai yêei. Ŋá dímɔ̃lɛi kɔ́lɔŋ.

Yálá laawoo hɛɓɛ (dc)

⁷ Yai-laa yɛ mą: «Bələi di kaa nwɔ́ nuąi mɔ̨nɔ̨ ɓoi la Eziptə, ŋą́ą́ nąą kaa, ŋą́ą́ di wɔlɔ woo mɛ̨n, di mɔ̨nɔ̨ ɓo nuą yee mu. Ŋą́ą́ di wɔ mɔ̨nɔ̨i kaa.

Yálá laawoo hɛɓɛ

⁷ Yai-laa yɛ mą: «Bələi di kaa nwɔ́ nuąi mɔ̨nɔ̨ ɓoi la Eziptə, ŋą́ą́ nąą kaa, ŋą́ą́ di wɔlɔ woo mɛ̨n, di mɔ̨nɔ̨ ɓo nuą yee mu. Ŋą́ą́ di wɔ mɔ̨nɔ̨i kaa.

Lɛɛ gbɔwɔ ɓa 3:7 ပူးပေါင်းရင်းမြစ်များ

Zɛnɛse 16:11

Ŋ̀âla-taa-kelai è mò mà ŋɔnɔ ǹyɛɛi, “Gáa íkoo káa yâ, ǹyaŋ ƃa pâi lóŋ-surɔ̂ŋ maa sɔlɔ ƃôi. Ƃa pâi ǹáa seêi a Isimai. Kpɛ́ni fêi, Yâwɛɛ a ŋ̀óli tɔ́ɔ ímɛni-solii ma.

Zɛnɛse 18:21

ŋa pâi liî naa ŋá gáa à kɛ̀ m̀ɛni-ŋai ŋí díkaa a tɔ̃yâ. À kɛ̀ vé tí, ŋa pâi gɔ̂lɔnii.”

Zɛnɛse 21:17

Ɣâla è ǹôloŋ wɔ́lɔ-woo mɛ̀ni. Nya ƃe Ŋ̀âla-taa-kelai è Eega tòli ǹyɛɛ mai, “Eega, lé ƃé kɛ̂i a yá? Ífe yào, kpɛ́ni fêi, ƃɛ́i ǹôloŋ káa naai, Ɣâla a ŋ̀ɔ́lɔ-woo mɛni.

Zɛnɛse 29:32

Nya ƃe Liɛ è koo sîɣe é lóŋ-surɔ̂ŋ maa sɔlɔ ƃó é ǹáa sée a Lubiŋ ǹyɛɛi, “Yâwɛɛ a ŋámɛni-solii káa, mɛni ma ŋásurɔ̂ŋ a pâi ŋ́wɛ̂lii.”

Zɛnɛse 31:12

Nya ƃe è mò ḿâ ǹyɛɛi, ‘Íŋuŋ mu síɣe í kwaa káa. Daa-tulɛ sirɛ-ŋai tɛ̂i záa-ŋai diai, dípɔ̃yɛɛi. Ńyãa ƃé gɛ̂i nyíŋi kɛ́ kɛ̀, kpɛ́ni fêi, ŋa berei káa Laƃaŋ a tûai la a yái.

Zɛnɛse 31:42

Èî kɛ̀ ńâŋ Aise Ŋɔɣâlai nyii è vɛ̀lii da Eberaɣɛ̃ɛ Ŋɔɣâlai èî wàla kɛ́ ḿbôlu, tɔ̃yâ ma íi ńdɛ̂ɛ pôlu a ńyee fólo. Kɛ́lɛ Ɣâla è ŋámɛni-solii kâa da díi-ŋai ŋá gɛ̀i, mɛni ƃé è lòno la ípɔ sâa gbínii su.”

Samia Veerɛi 22:28

Ya dîai ŋuŋ ma ƃò da tûa a maa yêŋ perei, íkɛ zu-mɛni kɛ̂tɛ-ƃelai maa yêŋ.

Tɔɔɓɛlaa veelɛ 13:4

Zɛoazi è Yâwɛɛ fɛ̀li kpɔŋ-maa mɛni ma, ǹyaŋ Yâwɛɛ è berei kâa Gâloŋ Azae è kɛ̀ Eezuɛ-ŋai sonîi la a nyɔ́mɔɔi. È Zɛoazi ŋɔfɛli-wooi mɛ̀ni é zu tòo

Tɔɔɓɛlaa veelɛ 20:5

Yâwɛɛ è dɛ̀ɛ pôlu Ɛsekaya pɔ́ naa a ŋorɛ̂-wooi ŋí, “Ɛsekaya, íkaa a ŋánûai Eezuɛ láa-tuɛ nuu, ǹyaŋ Ńyãa ƃa Yâwɛɛ Ɣâla nyii ínâŋ pɔlɔi Deeƃé è kɛ̀ vɛ̀lîi. Ŋa ífɛli-wooi mɛ́ni, ǹyaŋ ŋa íkaa íkɛ wɔ̀lɔ ḿâ. Ŋa pâi íƃâloi a gɛɛ fólo saaƃa a tɛ̀ɛ ƃa pâi pɔrîi liî ŋápɛrɛ kɛ́tɛi lá a gɛɛ í ḿvɛli naa.

Nehemi 9:9

Í gàa berei Ize lɔii su-ƃelai dí wɔ́lɔ kúnûa pɔlɔ-ŋai mɔ̃lɛ lai. Tãi dí pà la Ǹyúo Kpɔ̂lui lái, í díwɔlɔ wooi mɛ̂ni.

Mąątɛ̨nɛ̨ 106:44

Kɛ́lɛ nyíŋi kélee su, Yâwɛɛ fé wɔ́lɔ ǹyée kùla ní dímu. È ŋ̀óli tɔ̀ɔ díwɔlɔ woo ma, é díkula mɛni kpɔ̂lu-ŋa su.

Mąątɛ̨nɛ̨ 12:6

Yâwɛɛ ŋɔkono-tee-ŋai maa waâi. Dímaa waâi yɛ̂ɛ káne a kùla gbɛtɛ kwaa ma a nina, da m̀aa kîiŋ gîei lɔ́ɔlu mɛi feerɛ.

Mąątɛ̨nɛ̨ 142:3

Tãi ŋámɔ̃leŋ fíi a kɛ̂ kpɛɛ̂i lai, ǹyaa ƃé m̀ɛnii kɔ́lɔŋ a pɔ̂ri gɛ̂i. Berei nyii ŋa tɛ̂ɛ lai, ŋ́gbɔara-ƃelai da ƃáre tɛ̀ naa lòo-pere su ḿɛni ma.

Mąątɛ̨nɛ̨ 145:19

Diai da dòlii a lii sêe tɛ̀ɛ dí pɔ́. A díwɔlɔ-wóo m̀ɛni é díŋuŋ ma ƃó.

Mąątɛ̨nɛ̨ 22:24

Va ǹyée kùla gôlo-ƃelai mu da diai da mɔ̃lɛ̂i. Va bôlu fé dîɛ. Dà dòli kpɔŋ mâa mɛni ma, a díwoo su tòo.”

Mąątɛ̨nɛ̨ 34:4

Ŋá Yâwɛɛ fɛ̀li, ǹyaŋ è ŋ́oo su tòo. È gɛ̀ ǹyaoi kélee é kúla ŋ́gbonôi.

Mąątɛ̨nɛ̨ 34:6

Diai pɔ̂ri mâa fé dîɛi, da vɛ̀li, a pâi díwoo mɛ̂nii. A díkùla dímɛni kpɔ̂lu-ŋai su.

Mąątɛ̨nɛ̨ 35:22

Kɛ́lɛ yá, óo Yâwɛɛ, yá kpîŋ yâ m̀ɛnii ŋí naa káa. M̀ɛni ma, Ǹuu-namui, ífe lɛ̀ɛ a ímɛi sâa, kpaa máŋ í ímaa kôya ḿâ.

Mąątɛ̨nɛ̨ 9:14

Yà gɛ̀ tí, ŋa pâi ílaa ma tɛ̂i Zerusâlɛŋ, ŋa m̀ɛni-ŋai ƃó nûa dîa ŋa ílaa ma tɛ̂i m̀ɛni mai. Ŋa pâi ílaa ma tɛ̂i, kpɛ́ni fêi, yâ ŋ́uŋ ma ƃó.

Lɛɛ gbɔwɔ ɓa 1:11

Mɛni ma dí díkɛ̀ a luɛ-ŋa. Dí nûa pú dímɛi a gɛɛ dí Pitɔŋ da Laŋse tɔɔ mì, nyii-ŋai kɛ̀ a daa-lee-ŋai ƃɛ́i è mii-sãai ŋá tɛ̀ naa gîe mai.

Lɛɛ gbɔwɔ ɓa 1:8

Nya ƃe kâloŋ nina è kɛ̀ Ize lɔii mɛi, nyii vé kɛ́ ní a Zosɛ kɔ́lɔŋɔɔi.

Lɛɛ gbɔwɔ ɓa 22:23

Ka dísôŋ a nyɔ́mɔɔ, ǹyaŋ da wɔ̀lɔ ḿâ, ŋa pâi díwɔlɔ-woo mɛnîi,

Lɛɛ gbɔwɔ ɓa 33:13

Mɛni ma, ŋa ífɛlîi nâa, à kɛ̀ ŋa ƃɛlɛ-see sɔlɔ ƃó íyêei, ínîa-mɛnii lɛ́ nâa mâ a gɛɛ ŋá gɔ́lɔŋ ŋa ƃɛlɛ-see sɔlɔ ƃó íyêei. É lɛ́ɛ íkili ŋá a gɛɛ ǹûai ŋí díkaa máŋ a ínûa.”

Lɛɛ gbɔwɔ ɓa 5:10

Nya ƃe díi-mɛi-ƃelai da díyee mu-ƃelai tii-kɛ ƃelai dí lí dí mó ǹûai dîa dîyɛɛi, “Gâloŋ è mò kûa ǹyɛɛi, ‘Káfe ŋɔ́nɔ kala-kpala tɛ̀ɛ ǹûai pɔ́.

Lɛɛ gbɔwɔ ɓa 5:6

Diai kɛ̀ Eezuɛ-ŋai mɛi a gɛɛ dí tíi kɛ́ a diai, Gâloŋ è mò dîa da díikɛ-ƃelai nyii-ŋai kɛ̀ a Eezuɛ-ŋai ǹyɛɛ diai,

Azaya 63:9

é díkula dímɔ̃lɛ-laai su. Ɣâla-taa kêla fé m̀ɛnii ŋí kɛ́ ní. Kɛ́lɛ Yâwɛɛ ǹyaa kpîŋ ƃé díŋuŋ mâ ƃò. È díŋuŋ mâ ƃò ŋɔmaloŋ kâai da ŋɔwɛli kɛ́-maai sârai. A wɔ́lɔ dímɛi kâa nɔ́ a bɔlɔ.

Lonon mo 20:16

Ǹyaŋ tãi kú wɔ̀lɔ la Yâwɛɛ ma a gɛɛ é kpɔ́ŋ kûai, è kúwoo mɛ̀ni é ŋɔkélai tɛ́ɛ nyii kúkùla Ize lɔii sui. Ǹyaŋ kúkaa nâa ƃɛ́ Kedɛ taai su ílɔii koyaŋ ma.

Gɛlaɠaa 7:34

Ŋa ŋánûai dímɛni-solii káa, nyíi-ŋai díkaa Izei. Ŋa díŋuŋ su-saa wooi mɛni, ǹya ƃé ŋa pá a gɛ́ɛ ŋá díŋuŋ ma ƃo. Pá ŋa pâi ítɛɛ̂i Ize.’

Hebreu 4:15

Kpɛ́ni fêi, zâla láa soŋ-nuui gáa kúyêei vé a zâla láa soŋ-nuui nyíi pɔ̂ri fé mì a gɛɛ é kúmalôŋ káa kúfii-kpɛɛi sui, kɛ́lɛ, gáa a zâla láa soŋ-nuui nyíi su-kɔɔŋ è pà bɔ̀ pere-sii kélee su yɛ̂ɛ kúai. É máŋ kɛ́ tí vé sɔnyɔ̂ŋ kɛ́ ní.

Samuɛlə dɔlɔɔ 9:16

“Ŋaâ gáa berei ŋánûai da mɔ̃lɛi lai. Ŋaâ díwoo mɛni berei da kpɔŋ ḿâa wɛ̂lii lai. Tínaa ɣele à kɛ̀ ŋí, ŋa pâi naloŋ tɔnɔ tɛɛ̂i nyíi pâi kulâi Bɛŋsima ŋɔsuui su. A pâi ŋánûai ŋuŋ ma ƃôi é díkula Felesia-ŋai yée mu. Ŋa ŋ̀wɛ̂lii í ɔle wulɔ pú ŋ̀ûa é nɛ́ a gɛ́ɛ ǹyaa ƃé pâi kɛ̂i a dílaa túɛ-nuu.”