Lɛɛ gbɔwɔ ɓa 3:12 - Bible

¹² Ɣâla ǹyɛɛ mai, “Ŋa pâi kɛ̂i íkɔlɛ. Ŋ̀ɛi-kɛ-maai ká ŋí nyii pâi ǹɛ̂i a gɛɛ ŋa ítɛɛ̂i. Ƃà kùla a ǹûai Ize, ƃà pà a dia, ka ḿvɛli ǹyéei ŋí ma.”

Yálá laawoo hɛɓɛ (dc)

¹² Yálá yɛ Moisə ɓa: «Gáá ə́ pɔ. Yá pa Israɛlə nu huwu kulɔi Eziptə, ɲeei ŋɛ̨i ɓa ɓə ka tí laa Yálá ɓa; yili pɔ pələ ɓə yá gɔlɔn na yɛ́ ɲą́ą́ ɓə ə́ tɔɔ.»

Yálá laawoo hɛɓɛ

¹² Yálá yɛ Moisə ɓa: «Gáá ə́ pɔ. Yá pa Israɛlə nu huwu kulɔi Eziptə, ɲeei ŋɛ̨i ɓa ɓə ka tí laa Yálá ɓa; yili pɔ pələ ɓə yá gɔlɔn na yɛ́ ɲą́ą́ ɓə ə́ tɔɔ.»

Lɛɛ gbɔwɔ ɓa 3:12 ပူးပေါင်းရင်းမြစ်များ

Zɛnɛse 15:1

Mɛni-ŋai ŋí kélee pôlu ma, Yâwɛɛ è lòno Eberaŋ pɔ́ zĩ̂a su ǹyɛɛ mai, “Eberaŋ, ífe yào. Ŋa pâi ímaa kɔ̃ɔ̂i. Ífela-fei a pâi kɛ̂i a gɛ́tɛ.”

Zɛnɛse 15:8

Kɛ́lɛ Eberaŋ è mò ma ǹyɛɛi, “Óo Yâwɛɛ Ɣâla, ŋa pâi gɔ́lɔŋ-pere kɛ̂i léŋ a gɛɛ ǹɔii a pâi kɛ̂i a ḿbɔɔ?”

Zɛnɛse 26:3

Kɛ́ nɔ́ a ŋɔ̃ya ǹɔii ŋí su. Ŋa pâi kɛ̂i íkɔlɛ, ŋá lûwa láa yâ. Kpɛ́ni fêi, ŋa pâi ǹɔii-ŋai ŋí kélee tɛɛ̂i ípɔ ka ísuui. Ŋa pâi gbanaŋ-wooi ŋàa-see kɛ̂i nyii ŋá gɛ̀ ínâŋ Eberaɣɛ̃ɛ yêei.

Zɛnɛse 31:3

Nya ƃe Yâwɛɛ è mò Zeeka ma ǹyɛɛi, “Lí pôlu ínâŋ-ni dílɔii su ínûai pɔ́ naa. Ŋa pâi kɛ̂i íkɔlɛ.”

Tɔɔɓɛlaa veelɛ 19:29

Nya ƃe Azaya è mò gâloŋ Ɛsekaya ma ǹyɛɛi, “Ŋa pâi ŋɛi-kɛ-maa lɛ̂i yâ é pîlaŋ mɛnii ma pâi kɛ̂i. Góraŋ ŋí su, ya pâi sí-sãa miî nyii pâi soôi díkpɔɔi yee mai. Góraŋ nyíti su, ya pâi zí-sãai miî pâi nyíti-ŋai pɔ́ɔ ŋái. Kɛ́lɛ góraŋ zaaƃai su, ya pâi íkpîŋ si-sãa da ƃa-kpɔmɔ-kpalaŋ-ŋa sîi, ǹyaŋ ya pâi díkulâi í dímii.

Kɔlɔnikɔ Maa-ŋuŋ 9:20

Ilieza ǹóŋ Fineɣa kɛ́ɛ kɛ̀ a é wɔ́lɔ kɛ̀ a ziɣãŋ mɛi-kaa-ƃelai láa tuɛi ǹúui, Yâwɛɛ è kɛ̀ bôlu.

Mąątɛ̨nɛ̨ 86:17

Óo Yâwɛɛ, ímɛni lɛ́lɛɛi maa ŋɛi-kɛ-maai lɛ́ ḿâ, a gɛ̂ɛ diai ḿɛlɛ kpɛɛ̂i díkoi díŋumɛ, tãi da gàa la a gɛɛ ya ŋánɛnɛ, yɛ̂ kpɔŋ mâa tɛɛ ḿbɔi.

Lɛɛ gbɔwɔ ɓa 18:5

Mose mɔ̂lɔ Zɛtulo è pà a Mose ŋɔnɛnîi da ǹônii-sinaai ƃɔ́ vɛ̃ɛ-kpâlaŋ su, ƃɛ́i è ŋɔƃûui pù naa Ɣâla ŋɔyéei mai.

Lɛɛ gbɔwɔ ɓa 3:1

Mose è nâa kɛ̀ m̀ɔ̂lɔ Zɛtulo ŋɔƃála-ŋai mɛi kâai. Zɛtulo è kɛ̀ a Midiaŋ sala láa-soŋ-nuu kɛ́tɛi. Mose è lì a m̀ála-ŋai vɛ̃ɛ-kpâlaŋ pôlu é pá Ɣâla ŋɔyéei ma nyii da dòli a Sanai.

Lɛɛ gbɔwɔ ɓa 3:13

Nya ƃe Mose è mò Ɣâla ma ǹyɛɛi, “À kɛ̀ ŋà lì Eezuɛ-ŋai pɔ́ naa ŋá m̀ó dîa a gɛɛ dínâŋ-ni Díɣâlai ƃé ńdɛ̀ɛ dípɔ naa, da ímarê kɛ̀ dîyɛɛ, ‘Ǹyáa ƃa gbɛ̂ɛ?’ Lé ƃé ŋa pɔ̂ri môi dîa?”

Lɛɛ gbɔwɔ ɓa 33:14

Yâwɛɛ è mò ǹyɛɛ, “Ŋa pâi kɛ̂i íkɔlɛ ŋá gɛ́ íyee é tɛ́ɛ íkpɔara-ƃelai dîa.”

Lɛɛ gbɔwɔ ɓa 4:12

Mɛni ma lí. Ŋa pâi kpɔnîi yâ í lóno. Ŋa pâi m̀ɛnii lɛ̂i yâ ƃa pâi môi.”

Lɛɛ gbɔwɔ ɓa 4:15

M̀ɛnii ƃa ŋ̀wɛ̂lii í mói, ƃa pɔ̂ri môi mà a gɛɛ é mó. Ŋa pâi kpɔnîi káfeerɛ kâa ŋá m̀ɛnii ƃó kâa ka pâi m̀ôi da m̀ɛnii ka pâi gɛ̂i.

Lɛɛ gbɔwɔ ɓa 8:27

Fɛ̂ɛ nɔ́ kú ɣele kûu saaƃa sia kɛ́ vɛ̃ɛ-kpâlaŋ su a gɛɛ kú sâla kula Yâwɛɛ Kúɣâla mâ yɛ̂ɛ berei è mò la kûai.”

Azaya 37:30

Nya ƃe Azaya è mò Gâloŋ Ɛsekaya ma ǹyɛɛi, “Ŋa pâi ŋɛi-kɛ-maa lɛ̂i yâ nyii pâi ǹɛ̂i a gɛɛ m̀ɛni-ŋai ŋa m̀ôi, da pâi kɛ̂i. Góraŋ ŋí da góraŋ tí pâi, ya pâi sí-sãa miî nyii-ŋai pâi sôoi díkpɔɔi yee mai. Kɛ́lɛ góraŋ zaaƃai su, ya pâi íkpîŋ si-sãa da ƃá-kpɔmɔ-kpâlaŋ-ŋa sîi, í m̀á kúlu í mii.

Azaya 41:10

Ŋ́gaa kákɔlɛ, káfe yào! Ńyãa ƃa Káɣâlai, sɛŋ da fé pâi ká m̀aa yaôi! Ŋá pâi kákponôi kpananîi, ŋá kpɔŋ mâa tɛ̀ɛ ká pɔ́. Ŋá pâi kámaa kɔ̃ɔi ŋá ká káŋuŋ ma ƃó.

Azaya 43:2

Kà kɛ̀ tɛɛ̂i ya-ɣiliŋ kpanaŋ su, sɛŋ da fé pâi kɛ̂i a káa. Ŋa pâi kɛ̂i kákɔlɛ. Mɛni kpânaŋ da fé pâi wɔ́lɔ káyee mɛi ɣâlei. Ka sìa ŋɔŋ su vé pâi kákêreni. Su-kɔ̂ɔŋ kpanaŋ da fé pâi wɔ́lɔ káyee mɛi ɣalei.

Azaya 7:14

M̀ɛni ma, Ǹuu-namui ǹyaa kpîŋ a pâi ŋɛi-kɛ-maa sîi da kɛ̂i káŋɛi. Nɛnî-kpela tɔnɔ da a pâi koo siɣêi é lóŋ-surɔ̂ŋ maa sɔlɔ ƃó. Da pâi ǹáa seêi a Imayuwɛ.

Ɉeremi 1:8

Ífe yào dîa, kpɛ́ni fêi, ŋa pâi kɛ̂i ípôlu ŋ́gɛ ímɛi kâa. Ńyãai ŋ́gaa a Yâwɛɛ, ńyãa ƃé mò tí.”

Lonon mo 16:28

Nya ƃe Mose è mò ǹyɛɛi, “Berei ka pâi gɔ̂lɔnii la a gɛɛ Yâwɛɛ ƃé ńdɛɛ a gɛɛ ŋá díi-ŋai ŋí kɛ́, kɛ́lɛ fé díkɛ̂i ŋ́gbɔɔi yee mai, nya ka ŋí.

Lonon mo 23:21

Ŋa gáa a gɛɛ Eezuɛ ŋɔtínaa tuɛ-pere, Mɛni kpɔ̂lu fé pâi kulâi mà, kpaa máŋ mɛni-sôli. Yâwɛɛ, Díɣâlai káa díkɔlɛ. Da mò dîɛ ǹyaa ƃa Díkâloŋ ma.

Maafîu 28:20

M̀ɛni-ŋai kélee ŋá mò kâai, ka ǹɛ̂ dîa dí dímɛi káa. Ka gáa, ŋ́gaa kápôlu a tãi kélee é tóo la ŋ̀éniɛi kpɛ̀ɛ ŋá ma.”

Markə 16:20

Nya ƃe ŋɔpôlu-ƃelai dí kùla naa dí lí, dí Ɣâla-woo ƃó kwaa kélee ma. Kúnuu-namui kɛ́ díkɔlɛ, gɛ́ tɔɔ ŋ̀orɛ̂-wooi pôlu a ŋɛ́i-kɛ-maa-ŋa kɛ́ɛ. É kɛ́ ti.]

Gɛlaɠaa 11:21

Kúnuu-namui ŋɔwála-walai è kɛ̀ díkɔlɛ. Núu támaa dí làa la dí pá Kúnuu-namui pɔ́-naa pere.

Gɛlaɠaa 7:7

Ɣâla è mò, ǹyɛɛ, ‘Ǹɔii-ŋuŋ da pâi ǹuɛ-laai kɛ̂i zui, ŋa pâi ŋɔmɛni ŋá têei. Nàa pôlu ma da pâi kulâi maa lɔii-ŋuŋ su, dí pá ƃé dí tíi kɛ́ mî.’

Lomaŋ 8:31

Lé ŋaŋ ƃe kwa pâi m̀ôi e pîlaŋ nyíŋi ma? À kɛ̀ Ɣâla káa kúmɛni ma, gɛ̀ ní gbɛ̂ɛ ƃe dɔɔ̂i kûa?

Dutɛrɔnome 31:23

Yâwɛɛ è mò Nuŋ ǹóŋ Zasua ma ǹyɛɛi, “Ílii kpéle íkɛ yɛ̂ɛ kpakolo. Yá ƃé pâi liî a Eezuɛ-ŋai gono-tee lɔii su. Ŋa pâi kɛ̂i íkɔlɛ.”

Hebreu 13:5

Sɛŋ-kao-wɛli fé kɛ̀ káa káfulu-laai su. Zɛŋ nyíi gáa káyêei, kálii é láa mɛni ma. Kpɛ́ni fêi, Ɣâla è mò, nyɛɛi, “Fé pâi wɔ́lɔ têei yâ, kpaa máŋ fé pâi ńyee kulâi ímu.”

Zasua 1:5

Núu da kélee yée fé pâi pɔrîi yâ ífulu-laai su. Ŋa pâi kɛ̂i íkɔlɛ yɛ̂ɛ berei nɔ́ ŋá kɛ̀ la Mose kɔlɛi. Ḿve pâi teêi ípôlu kpaa máŋ ŋá ḿbôlu tɔɔ yâ.

Nwun mąąɓo 6:12

Nya ƃe Yâwɛɛ ŋɔkélai è kùla Gidiɔŋ ŋɛ́i ǹyɛɛ m̀ai, “Yâwɛɛ káa ípôlu. Íkaa a kɔ-kuluƃa wála-walaa líi kpeleɛɛ.”

Nwun mąąɓo 6:16

Yâwɛɛ è ŋ̀óo su tòo ǹyɛɛ, “Ya pâi pɔrîi Eezuɛ-ŋai ŋuŋ ma ƃôi, kpɛ́ni fêi, ŋa pâi kɛ̂i ípôlu. Ya pâi Mediɛŋ-ŋai yée mɛi ɣâlei a fii kpɛɛ-pere yɛ̂ɛ surɔŋ tɔnɔ kpéŋ ƃé íkaa ǹókwai.”

Nwun mąąɓo 6:17

Gidiɔŋ è Yâwɛɛ wóo su tòo ǹyɛɛ m̀ai, “Naa kpanaŋɔɔ̂i a gɛ́ɛ ŋá láa la a gɛ́ɛ ŋa lônoi yá Yâwɛɛ pɔ́ a tɔ̃yâ. À kɛ̀ gáa tí, mɛni da kɛ́ nyíi pâi ǹɛ̂i a gɛ́ɛ yá ƃa Yâwɛɛ.

Nwun mąąɓo 6:21

Ŋ̀âla-taa kelai è ŋɔtũaŋ pìlaŋ zuai da gbóloi dîa gɔnii ŋá. Ŋɔŋ è tèe gɔnii ma é zuai da gbóloi kélee kéreŋ. Naa kɛ́ɛ tíi, è làŋ Gidiɔŋ ŋɛ́i.

Nwun mąąɓo 7:11

M̀ɛnii ya pâi mɛnîi dílai, ǹyaa ƃé pâi gɛ̂i ílii é kpéle í kɔ́ pɛ́lɛ dîa.” Nya ƃe Gidiɔŋ da ŋɔyée mu-nuui Pura dí yèŋ díkpɔara-ƃelai díƃûui kɔlɛ. Mediɛŋ-ŋai díkɔ kɔ́-ƃelai díkɛ̀ díƃûui maa kpɛ̂i.

Samuɛlə dɔlɔɔ 14:10

Kɛ́lɛ kwa pâi liî nɔ́ à kɛ̀ da kɛ̀ kûa ka ǹyeei tɛ́ ká pá a gɛ́ɛ kú kɔ́. Nyíŋi a pâi ǹɛ̂i kûa a gɛ́ɛ Yâwɛɛ a pâi kpɔnîi kûa kú díyee mɛi ɣále.”