Lɛɛ gbɔwɔ ɓa 20:5 - Bible

⁵ Ífe pɛ̀lɛ díkɔɔ mu kpaa máŋ í dífɛli. Kpɛ́ni fêi, ńyãai a Yâwɛɛ Íɣâlai, ŋgáa a tólo Ɣala. Ŋa lóŋ-naŋ-ŋa kélee dísɔnyɔ̂ŋ maa tɔ̂ŋ pú dílônii dîa. Ŋa bù dílônii díwɔ-lônii dîa da díwɔ lonii nyii-ŋai da ŋ́gbɔarai.

Yálá laawoo hɛɓɛ (dc)

⁵ 'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Yálá laawoo hɛɓɛ

⁵ 'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Lɛɛ gbɔwɔ ɓa 20:5 ပူးပေါင်းရင်းမြစ်များ

Samia Veerɛi 21:1

Deeƃé kɛ́ɛ a kâloŋ, puru è tòo ǹɔii ma kóraŋ saaƃa yée mu. Nya ƃe è Yâwɛɛ fɛ̀li Yâwɛɛ ǹyɛɛ m̀ai, “Puru káa ǹɔii su, kpɛ́ni fêi, ŋãa káa Sɔ̂ɔ yée ma da ŋɔpɛ́rɛi mu-ƃelai Gibiyɔŋ-ŋai paa mɛni ma.”

Samia Veerɛi 21:6

ǹônii-sinaai ǹɔ́ɔlu mɛi feerɛ ƃé kwa wɛ̂lii í dítɛɛ kúpɔ a gɛ́ɛ kú dísɛ̂lɛŋ Yâwɛɛ ŋɛ́i Yâwɛɛ ŋɔyéei ma Giƃiyɔŋ.” Gâloŋ ǹyɛɛ dîai, “Ŋa pâi dítɛɛ̂i kápɔ.”

Tɔɔɓɛlaa dɔlɔɔ 19:10

È zu tòo, “Ŋá Yâwɛɛ, ŋ̀wála-wala kélee Ɣalai maa mɛni sòŋ a gbanaŋɔɔ. Eezuɛ-ŋai da díyee kúla í kpanaŋ-wooi mu, da íɣâla-teƃele-ŋai wólo da ílono kɛ́-ƃelai páa a ƃóa-sɔ̂kpɔ. Ńyãa tɔnɔ ƃé lɛ̀ɛ ǹyaŋ da kɔ̂i a gɛ́ɛ dí ḿbaa máŋ.”

Tɔɔɓɛlaa dɔlɔɔ 21:29

“Ƃa berei káa Eɣa a gbîŋ maa yéŋ la ŋɛ́i-tuɛi? M̀ɛni ma, fé pâi pâi bɔ́ a mɛni kpɔ̂lu ŋɔɣele-ŋai ma. Kɛ́lɛ ŋa pâi pâi a maa mɛni kpɔlui ŋɔpɛ́rɛi ma a ǹóŋ ŋɔɣele-ŋai ma. Ŋa pâi ŋɔsuui kélee su karâi.”

Tɔɔɓɛlaa veelɛ 17:35

Yâwɛɛ è Kpanaŋ-woo kɛ̀ díyêei é mó dîa ǹyɛɛi, “Káfe Ɣâla da kpɛ́ni-ŋa fɛ̀li. Káfe pìlaŋ káŋume ŋá díŋɛi-tuɛ kpaa máŋ ká tíi kɛ́ dîɛ kpaa máŋ ká sâla-ŋa kula dîa.

Tɔɔɓɛlaa veelɛ 17:41

Ǹûai tí dí Yâwɛɛ fɛ̀li, kɛ́lɛ dí díɣâla-pɔkɔŋ-ŋai fɛ̀li máŋ. É kúla tãi tí ma é tóo sâa ma, dísuui su-ƃelai díkaa nîi mɛni tɔnɔi ŋí kɛ̂i.

Tɔɔɓɛlaa veelɛ 23:26

Kɛ́lɛ Yâwɛɛ líi è kɛ̀ niî a ŋwánaa a ŋá ŋánaa Zuda-ƃelai dîa kpɛ́ni fêi, Manasɛ è mɛni nyɔ́mɔɔ támaa kɛ̀ la.

Tɔɔɓɛlaa veelɛ 5:18

Ŋá ŋ̀wɛ̂lii Yâwɛɛ é ńyãai a íyee-mu-nuui ŋ́zu-mɛ̂ni lɛɛ mɛni tɔnɔi ŋí mɛni ma. Nya ƃa, tãi Asiria kaloŋ nyii gáa a ŋánuu-namui a lí a ńyãa Asiria lɔii ŋɔɣâlai Limɔŋ ŋɔpɛ́rɛi mu vɛ̀li mɛni ma, Gâloŋ ǹyaŋ a tíɣiŋ ma kwa ǹyaa kú kúmaa pɛ́lɛ gɔ́ɔ mu, ŋá kili-kɛ-zui ƃa a gɛɛ Yâwɛɛ a pâi ŋ́zu-mɛ̂ni lɛɛ̂i.”

Tɔɔɓɛlaa veelɛ 5:27

Neema ŋɔkpono ma kɔlɔ-fela nyɔ́mɔɔi a pâi í sonîi ka ísuui su-ƃela kélee wɔ́lɔ-wɔlɔ da wɔ́lɔ-wɔlɔ.” Geaza è kùla Ilasa ŋɛ́i é lí ǹyaŋ gbono ma kɔlɔ-fela nyɔ́mɔɔi è zòŋ. Gbono ma gwaa kélee è kole-kole yɛ̂ɛ yee kôle pé-pe.

Kɔlɔnikɔ Veerɛi 25:14

Tãi Amazia è Idɔŋ-ŋai pàa lai, gɛɛ lenêi pôlui, è Siɛ-ŋai díɣâla-ŋai sìɣe. È lì a dia é dí síɣe a gbîŋ ɣala-ŋa é pɛ́lɛ dífɛliɛɛ ma. A kâa kɛ̀ kéreŋ-sala kulâi dîa.

Kɔlɔnikɔ Veerɛi 7:19

Kɛ́lɛ à kɛ̀ ya tìanŋ í ípôlu tɔɔ ŋátɔ̂ŋ-ŋai kélee ma nyii-ŋai ŋá dɛ̀ɛ ípɔi, í lí íkɛ Ɣâla da kpɛ́ni-ŋa fɛ̀li,

Zôo 21:19

“Í mò yɛ̂ɛ Ɣâla a pâi dísɔnyɔ̂ŋ maa tɔ̂ŋ kpɛ̂i dínîa-pɛlɛi dîa. Tɔɔ Ɣâla é ǹâŋ-ƃelai kula maa kɛ́ a gɛɛ dí dísɔnyɔ̂ŋ kɔ́lɔŋ.

Zôo 5:4

Dínîa-pɛlɛɛ-ŋai díkaa nɔ́ wɔ́lɔ mɛni kpɔ̂lu su. Mɛni a wɔ́lɔ lɛɛ dîa mɛni-saa ƃó-kere-ŋai mu. Núu da fé naa é tɔ́ɔ díƃela ma-pere.

Mąątɛ̨nɛ̨ 109:14

Tɔɔ zɔnyɔ̂ŋ-ŋai ŋɔnûai dí gɛ̀i, maa mɛ̂ni kíli é lɛ́ɛ Yâwɛɛ kíli ŋá, vé ǹee su mɛni lɛ̀ɛ zɔnyɔ̂ŋ-ŋai è gɛ̀i m̀ɛni ma.

Mąątɛ̨nɛ̨ 78:58

Dí díkpîŋ ɣala-ŋa fɛli kwaa-ŋa ma kpɛ̀tɛ, díkɛ díkpîŋ kpɛtɛ ɣâla-ŋai fɛli naa.

Mąątɛ̨nɛ̨ 79:8

Ífe kúkula maa kɛ̀ zɔnyɔ̂ŋ kúnâŋ pɔlɔ-ŋai dí gɛ̀i m̀ɛni ma. Kúmalôŋ káa, kili-kɛ-zu fé ŋɔ́nɔ kúyêei.

Mąątɛ̨nɛ̨ 81:15

Diai kélee dí tɔɔ̂i Yâwɛɛ mai, da pâi pîlanii díŋume ŋá ŋ́gɔɔ mu a ŋumɛ-pere da yao. Díkula maa kɛ́ɛ kɔ́yɛ̃ŋ fé pâi wɔ́lɔ kɛ̂i ma.

Lɛɛ gbɔwɔ ɓa 23:24

Káfe pɛ̀lɛ díɣâla-ŋai kɔ́ɔ mu kpaa máŋ ka dífɛli kpaa máŋ ka tûa yɛ̂ɛ dîa. Kɛ́lɛ ka díɣâla-ŋai kélee su kara ká díkɔni-ŋai wólo nyii-ŋai da dísiɣe a maa waai.

Lɛɛ gbɔwɔ ɓa 34:14

“Káfe Ɣâla da kpɛ́ni fɛ̀li. Kpɛ́ni fêi, Ńyãai a Yâwɛɛ, ŋgáa a tólo Ɣâla.

Hanwon 8:36

Kɛ́lɛ diai dífe pâi ŋ́gâai, da díkpîŋ ŋwàna, diai kélee ŋ́gbɔarâi, díkɛ saa wɛ̂li.”

Azaya 44:15

A ŋ̀úrui gbua da-ŋa kpɛ̀tɛ a ɣâla pɔkɔɔŋ-ŋa, é da-ŋa kɛ́ a kɔi. Nyíi a gɛ̀ a kɔi, a ŋɔŋ tôo ma gɛ́ gɔ́lɔ ƃo ma, gɛ́ kpólo kpɛ̀tɛ da-ŋa ŋá. Nyíi a gbɛ̀tɛ a ɣâla pɔkɔɔŋ, ǹyaa ƃé a kɛ̂ vɛlîi.

Azaya 44:19

Da fa gíli ŋá sìa ǹyɛɛi, “Zɛŋ ŋí ŋá gbɛ̀tɛ, ŋ́gɛ vɛ̀lii, gbua da-ŋa nɔ́ ƃé ŋa ŋɔŋ tôo dîa, ŋ́gɛ ŋ́gɔlɔ ƃó m̀a, ŋ́gɛ kpólo kpɛ̀tɛ m̀a, ŋ́gɛ sua ŋɔ̂ŋ m̀aa ŋɔ́ŋ ŋá. Wúru gbua-ŋa ƃé ŋa toôi díkɔɔ mu ŋ́gɛ dífɛlii.”

Ɉeremi 2:9

“M̀ɛni ma, ńyãa Yâwɛɛ, ŋa pâi ŋánûai sɔŋ lâai ŋɔ́nɔ. Ŋa pâi dínuu-suui-ŋai sɔŋ lâai.

Ɉeremi 32:18

Ya íwɛli kɛ́-maai lɛ̂ núu wála támaa ma, íkɛ nûa kula ma kɛ̂ zɔnyɔ̂ŋ-ŋai dínuu pɔ̂lɔ-ŋai dí gɛ̀i mɛ̂ni ma. Íkaa a Ɣâla nyíi gɛ̂tɛi, ŋ̀wála-walaa. Yá ƃa Ŋ̀wála-wâla kélee Yâwɛɛ.

Izikiɛ 18:19

“Kɛ́lɛ ka pâi mòi kaai, ‘Lé ƃe kɛ ǹoŋ-nuui fé mɔ̃lɛ ni ǹâŋ ŋɔmɛni nyɔ́mɔɔi maa mɛ̂ni mai?’ A kɛ ǹoŋ-nuui è teniŋ ƃô tua kɛ́, ǹyaŋ gɛ ŋatɔ̂ŋ ŋai mɛi káa a ǹɛ́lɛɛ, a pâi lɛɛ tí-ti ƃôi ɣele ma.

Izikiɛ 18:2

“Zaŋ ŋí yà zɔɔ é pîlaŋ Eezuɛ mai zukulâi ƃa lé? ‘Ǹáŋ-ƃelai dí gbɔmɔ-ƃa kponai mii, kɛ́lɛ ǹîa-pɛlɛɛi ƃe dínyiŋ-ŋa è kpona.’

Izikiɛ 20:7

Ŋa mò dîa a gɛɛ dí ŋ̀âla pɔɔkɔŋ nyɔ́mɔ-ŋai píli nyii ŋai da kúu kɛ̀ dîa a tãi kéleei dífe dí maa tĩ̂a kàra a Ize-ɣala pɔɔkɔŋ-ŋai, kpɛ́ni fêi ńyãa ƃa Yâwɛɛ nyii gáa a Díɣâlai.

Izikiɛ 39:25

Ŋ̀wála-wâla kélee Yâwɛɛ è mò ǹyɛɛ, “M̀ɛni ma ŋa pâi nâa Zeeka ŋɔsuui su-ƃelai malôŋ kâai, ŋá Eezuɛ see pôlu díseêi. À kɛ̀ tí, gɛ̀ ní ŋa pâi ńaa maa waai maa kɔ̃ɔ̂i.

Izikiɛ 8:3

È sɛŋ da kɛ́ɛ yɛ̂ɛ ǹúu yèe sãa, é ŋ́zôŋ a ŋuŋ-leɣa. Mɔ̃lêŋè ńdɛ ŋ̀elei su, é pá a ńyãa zĩ̂a su Zerusâlɛŋ. È ŋ́zeɣe é lí a ńyãa bɛrɛ mu pere siaŋ ŋɔkpôŋ lá ƃelei nyii kɛ̀ yá-ŋua pere Ŋ̀âla-pɛrɛ Kɛ́tɛi mai. Ɣâla pɔɔkɔŋ kɛ́tɛ tɔnɔ è kɛ̀ gwaai ŋí mâ nyii gɛ̀ Yâwɛɛ é ǹíi ŋwana kpɔ́ a ŋanaai.

Danîa 1:2

Kúnuu-namui Ɣâla è gɛ̀ é Zɛoakiŋ soŋ é Ŋ̀âla-pɛrɛ Kɛ́tɛi mu sãai da-ŋa sìɣe. E zãai ŋí sìɣe é lí a dia Babelɔŋ ŋɔɣâla-pɛrɛi mu. È dí pù ƃɛ́i ma a kâa ŋɔɣâla-pɛrɛ kɛ́tɛi mu-sãai pûi kɛ̀ naai.

Danîa 3:18

A nɛ̃ɛ ma kpîŋ vé gɛ̀, kúfe pâi wɔ́lɔ tíi kɛ̂i íɣâla-ŋai da mì kpaa máŋ kú pɛ́lɛ ígôo ɣala pɔɔ-kɔɔŋ í gbɛtɛi gɔ́ɔ mu kú vɛli a dɔnɔ kpîŋ.”

Levetekɔ 20:5

gɛ̀ ní ńyãa kpîŋ ŋa pâi ŋ̀ɛ́i seêi maa nuui ḿâ da ŋɔnûai é pɛlɛ diai kélee da pîlaŋ gɔ́ɔ pɔɔi a gɛɛ dí Molɛ fɛlii. Ǹyaŋ dífe pâi ŋɔ́nɔ kɛ̂i a ŋánûai da.

Levetekɔ 26:1

Yâwɛɛ è m̀o ǹyɛɛi, “Káfe ɣâla-pɔkɔɔŋ da kpɛ̀tɛ kámɛni ma. Káfe sɛŋ da pɔkɔɔŋ kpɛ̀tɛ a kɔni ká dɔ̀ɔ kálɔii su kákɛ vɛ̀li. Káfe kɔni-ŋa saá ká dítɔɔ kákɛ dífɛ̀li. Ńyãa ƃa Káɣâlai Yâwɛɛ.

Levetekɔ 26:29

Ŋa pâi gɛ̂i púru é kápaa kákɛ kákpîŋ lonii mîi.

Nahumə 1:2

Yâwɛɛ káa a tólo Ɣala, gɛ́ mɛni nyɔ́mɔɔ kula maa kɛ̂, gɛ́ mɛni gba kùla a lii-ŋwâna pere. Yâwɛɛ a tɔ̂ŋ pù diai dîa mɛni ma dí tɔɔ̂i mai.

Lonon mo 14:18

‘Ńyãai Yâwɛɛ Ɣâlai, ńii ŋwana-laa fé nɛ̃ɛ ní, wɛli-kɛ-maa támaa kɛ́ ƃò ńyêei. Ŋa sɔnyɔ̂ŋ su-mɛni lɛ̀ɛ da tɔɔ-mâ laa. Kɛ́lɛ ŋa pâi lóŋ-naŋ kélee dísɔnyɔ̂ŋ maa-tɔŋ kpɛ̀i dílônii dîa, ŋá gbɛ́ dílonii lônii dîa.’

Lonon mo 14:33

Kánîa-pɛlɛɛi da pâi kɛ̂i a ƃála-mɛi-kaa-ƃela vɛ̃ɛ-kpâlaŋ ŋí su a kóraŋ buu náaŋ. Da pâi mɛni-soli kâai kámɛni ma é lɛ́ɛ la zu kákelee ká sáa. Kpɛni fêi, laa-la fé káyêei.

Lonon mo 25:11

“Mɛnii zâla láa-soŋ-nuu kɛ́tɛi Eelɔŋ ǹóŋ Ilieza ǹóŋ Fineɣa è gɛ̀i nya ƃe gɛ̀ a gɛɛ ŋálii-ŋwanai ŋá é yéŋ Eezuɛ-ŋai mɛni ma. Kpɛni fêi, è ḿaa lii-ŋwana kɛ̀ dísama. Nya ƃe gɛ̀ a gɛɛ ŋálii-ŋwanai fé Eezuɛ-ŋai su kara ní.

Maafîu 4:9

Dɛ̂ƃele è mò ma ǹyɛɛi, “Ŋa pâi zãâi ŋí kélee tɛɛ̂i ípɔ, à kɛ̀ yà tòo ŋ́gɔɔ mu í ḿvɛli.”

Ɉaan 15:18

“À kɛ̀ ǹɔii à kákpɔ̀ara, ká gɔ́lɔŋ a gɛɛ e ŋ́gbɔ̀ara e lɛɛ pâi kákpɔarâi.

Ɉaan 7:7

Ǹɔii fa pɔ̂ri kákpɔarâi. Kɛ́lɛ, a ŋ́gbɔ̀ara. Kpɛ́ni fêi, ŋa maa-sere-faa kɛ̀ a gɛɛ ŋɔtûa-ŋai nyɔ́mɔɔ̂i.

Ɉaan 9:2

Ŋɔpôlu-ƃelai dí m̀arê kɛ̀, dîyɛɛ ma, “Kaamɔ̂ɔ, gbɛ̂ɛ ŋɔsɔnyɔ̂ŋ ƃe gɛ̀ dí nalôŋ ŋi sɔlɔ ƃó a ŋɛi puɔɔ̂i, ǹyaa kpaa ŋɔkáa-ƃela?”

Lomaŋ 1:30

Dí kɛ̀ a laa-kâra-ƃela, Ɣâla kpɔara-ƃela, lii-kɛ̂tɛ-ƃela, su-mɛni kɛ̂tɛ-ƃela, yoŋka-ƃela, díkɛ sɔnyɔ̂ŋ nina kpɛ́-tɛ díkili ŋá, dífa díkaa-ƃela wóo mɛni,

Lomaŋ 8:7

Kpɛ́ni fêi, gili-kɛ-maai gáa núu kpîŋ-tua-perei mɛni mai gáa a Ɣâla kpɔaraa; va lɔ̂ Ɣâla ŋɔtɔ̂ŋ mu, tɔ̃yâ ma va pɔ̂ri kɛ̂i;

Korɛntə dɔlɔɔ 10:22

Kwa kɔ́i a gɛ́ɛ ku Kúnuu-namui kɛ́ e tólo? Kúkpanaŋɔɔ̂i e tɛ́ɛ mà?

Dutɛrɔnome 32:21

Da ŋgɛ́, ŋgɛ́ tólo kùla. Díɣâla da kpɛ́ni-ŋa fɛli mɛnii a gɛ́ ŋa níi ŋwána dîa. Ŋa pâi díkɛi díkɛ tólo kula kpɛ́ni fêi ŋa pâi lûwa toôi ǹɔii ŋûŋ da kpɛ́ni-ŋa dîa. Ŋa pâi gɛ̂i lɔii-ŋuŋ nyii kɛ̂i fé mai é dílii ŋwána. Ŋa pâi dítolo kula ǹɔii-ŋûŋ-ŋai dîa dífa mɛni ŋá kaai.

Dutɛrɔnome 32:41

ŋa pâi ŋá ƃoa-sɔ̂kpɔi ŋá liî ŋá pá a tɔ̃yâ mɛni ŋánûai sáma. Ŋa pâi díkpâi kulâi díkpɔara-ƃelai dîa, ŋá ŋ́gbɔarai féla fé.

Dutɛrɔnome 4:24

Kpɛ́ni fêi, Yâwɛɛ káa yɛ̂ɛ ŋɔŋ, dóloɔɔ.

Dutɛrɔnome 5:10

Kɛ́lɛ ŋa diai kélee wɛ̀li dí ŋ́wɛlinii dí kɛ́ ŋátɔ̂ŋ-ŋai mɛi kâai.

Dutɛrɔnome 5:9

ká pɛ́lɛ gɔ́ɔ mu ka vɛli, kpɛ́ni fêi, Ńyãai a Káɣâlai Yâwɛɛ ŋ́gaa a tólo ɣala. Ŋa ǹûai dísɔnyɔ̂ŋ gula maa kɛ̀ a dia. Diai da ŋ́gbɔarai ŋá díkula-maa kɛ̀. Ŋa dílônii díwɔ̂ lonii da díwɔ̂ lônii da díwɔ̂ lônii kula-maa kɛ́.

Dutɛrɔnome 6:15

kpɛ́ni fêi, Káɣâlai Yâwɛɛ káa a tólo Ɣâla. Ǹíi a pâi ŋwânai kâa é kásu kara ǹɔii su.

Dutɛrɔnome 7:10

Kɛ́lɛ diai da gbɔarai, a dísu-kara. Vé pâi tãi su-koya siɣêi dísu-kara mɛni ma.

Zĩi 4:4

Núu sã́a fa káa! Káfe gɔlɔŋ a gɛɛ ǹúui a ŋ̀éniɛi kɛ̀ a ŋɔwɛli-kɛ-maa-sɛŋ, gáa a Ɣâla-kpɔara-mɛni? Mɛni ma ǹúui kélee a ŋ̀wɛli a gɛɛ é kɛ́ a ŋ̀éniɛi ŋɔwɛli-kɛ-maa-nuui, a gbîŋ kɛ̀ a Ɣâla-kpɔara-nuu.

Zasua 23:16

À kɛ̀ kà wàla Káɣâlai Yâwɛɛ ŋɔkpanaŋ-wooi ŋ̀aa-see kɛ́, ká kɛ́ ɣâla da kpɛ́ni-ŋa fɛ̀li, a pâi ǹíi ŋwânai é kákula maa kɛ́. À kɛ̀ tí, gɛ̀ ní kátɔ̂nɔ da kpîŋ fé pâi lɛɛ̂i ǹɔii lɛ́lɛɛi ŋí ma è dɛ̀ɛ kápɔi.”

Zasua 23:7

Ǹɔii-ŋuŋ-ŋai lɛ̂ɛ kákɔlɛ mai, káfe da ŋɔɣâla-ŋai da fɛ̀li, kpaa máŋ ká káfoo a díɣâla-ŋai da láa. Da dîa-ni káfe kɛ̀ loai-laa su.

Zasua 24:19

Kɛ́lɛ, Zasua è m̀o ǹûai dîa ǹyɛɛi, “Káfa pɔ̂ri Yâwɛɛ fɛlîi, kpɛ́ni fêi, gáa a Ɣâla nyíi m̀aa waai, gɛ́ ƃò a tólo Ɣala. Vé pâi kásu mɛ̂ni lɛɛ̂i kátua pere nyɔ̂ŋ-ŋai mɛni ma, kpaa kásɔnyɔ̂ŋ-ŋai mɛ̂ni ma.

Nwun mąąɓo 2:19

Kɛ́lɛ dílaa túɛ-nuui a kàa sàa, da lène pôlu ŋɔ́nɔ dísɔnyɔ̂ŋ pɔlɔi su dí sɔnyɔ̂ŋ támaa kɛ́ é tɛ́ɛ dínûa pɔlɔ-ŋa dîa. Da kâa kɛ̀ nɔ́ ɣâla da kpɛ́ni-ŋa fɛlîi dífa têe dísɔnyɔ̂ŋ-ŋai dîa.