Lɛɛ gbɔwɔ ɓa 19:5 - Bible

⁵ Mɛni ma kà ŋ́oo mɛ̀ni ká ŋátɔ̂ŋ-ŋai mɛi káa, gɛ̀ ní ka pâi kɛ̂i a ŋánûa kpîŋ-ŋa núu-sii kélee sáma. Ǹɔii kélee káa a ḿbɔɔ.

Yálá laawoo hɛɓɛ (dc)

⁵ Ə həɠə yiihu ɓa, ka ka wəli tɔɔ nwóó ɓa, kaa lɛɛ nwɔ́ mįnɛ̨i pulu, ka kɛ a gwɛ́lin gɛnɛ̨mun, nu huwuɠaa kəlee lɔwai; mąąhɔlɔɓo, ɲą́ą́ ɓə lɔi kəlee kaa a nwɔ́ɔ́.

Yálá laawoo hɛɓɛ

⁵ Ə həɠə yiihu ɓa, ka ka wəli tɔɔ nwóó ɓa, kaa lɛɛ nwɔ́ mįnɛ̨i pulu, ka kɛ a gwɛ́lin gɛnɛ̨mun, nu huwuɠaa kəlee lɔwai; mąąhɔlɔɓo, ɲą́ą́ ɓə lɔi kəlee kaa a nwɔ́ɔ́.

Lɛɛ gbɔwɔ ɓa 19:5 ပူးပေါင်းရင်းမြစ်များ

Zɛnɛse 17:9

Nya ƃe Ɣâla è mò Eberaɣɛ̃ɛ ma ǹyɛɛi, “A kɛ̀ a yá, ƃa pâi ŋákpanaŋ-wooi ŋaa-see kɛ̂i. Ísuui é ŋaa-see kɛ́ ípôlu ma, é seri dísuui kóyaŋ ma.

Tɔɔɓɛlaa dɔlɔɔ 8:53

Yá ƃé dísìɣe zu ǹɔii-ŋûŋ-ŋai kélee sáma ŋ̀éniɛi su a gɛ́ɛ díkaa a ípɔɔ-sɛŋ, yɛ̂ɛ berei í mò la íyee mu-nuui Mose sârai a ŋ̀elei. Óo wála-wala kélee Yâwɛɛ, yá ƃé kúnâŋ-ni kùla Ize.”

Kɔlɔnikɔ Maa-ŋuŋ 17:22

Yâ Eezuɛ-ŋai kɛ́ a ínûa wɔ́lɔ-wɔlɔ da wɔ́lɔ-wɔlɔ. Yái íkaa a Yâwɛɛ ya nâa kɛ́ a Díɣâla.”

Zôo 41:11

Gbɛ̂ɛ ƃa tá sɛŋ da tɛɛ ḿbɔ a gɛɛ ŋá vela fé m̀ɛni mai? Zɛŋ kélee gáa ɣele mai, gáa a ḿbɔɔ.

Zôo 41:3

A pɔ̂ri í marê kɛ̂i a gɛɛ ízu mɛ̂ni lɛɛ? A pɔ̂ri lônoi ípɔ a la-nɛ̃ɛ-maa wôo a gɛɛ é ílii kúla?

Mąątɛ̨nɛ̨ 135:4

È Zeeka da Eezuɛ-ŋai sîɣe zu a ǹyaa kpîŋ ŋɔnûa.

Mąątɛ̨nɛ̨ 24:1

Ŋ̀éniɛi káa a Yâwɛɛ pɔ́ɔ da zu sãa kélee é pɛ́lɛ núu-kpune ma.

Mąątɛ̨nɛ̨ 25:10

Yâwɛɛ tûa-pere kélee káa a wɛli kɛ́ maa kpanaŋɔɔ da teniŋ ƃô-laa diai mɛni ma da ŋɔkpanaŋ-wooi mɛi kâa dí kɛ́ sìa a ŋɔtɔ̂ŋ-wooi.

Lɛɛ gbɔwɔ ɓa 15:26

Ǹyɛɛ diai, “À kɛ̀ kà ŋ̀óo mɛ̀ni kpɔ́ a ǹɛ́lɛɛ ńyãa Yâwɛɛ Káɣâlai, ka mɛni-ŋai kɛ́ ŋá ŋ̀wɛ̂lii ká gɛ́i ká ŋátɔ̂ŋ-ŋai kélee mɛi káa, gɛ̀ ní fé pâi tɔ̂ŋ kpɛ̂i kâa a gɔlɔ-fela sîi ŋai ŋá dɛ̀ɛ Ize-ŋai mɛni mai. Ńyãa ƃa Yâwɛɛ nyii káƃaloi.”

Lɛɛ gbɔwɔ ɓa 23:22

Kɛ́lɛ à kɛ̀ kà ŋ̀óo mɛ̀ni, ká mɛnii kélee kɛ́ a mò kâai, gɛ̀ ní ŋa pâi kɛ̂i a kákpɔara-ƃelai díkpɔara-nuu, ŋá tɔ́ɔ diai dîa da tɔ̂ɔ kâai.

Lɛɛ gbɔwɔ ɓa 24:7

È Gbanaŋ-wooi maa kɔlɔi sìɣe é ǹóno ǹûai kélee dí mɛni. Nya ƃe dí mò dîyɛɛi, “Mɛni-ŋai kélee Yâwɛɛ è mòi kwa pâi gɛ̂i kú ŋ̀óo mɛni.”

Lɛɛ gbɔwɔ ɓa 34:9

È mò ǹyɛɛi, “À kɛ̀ ílii lâai kpɔ́ m̀aa mɛni ma a ǹɛ́lɛɛ, gɛ̀ ní Óo Yâwɛɛ ŋa ímarê kɛ̂i a gɛɛ kwa kâa-ni kú lí. Ǹûai ŋí ŋuŋ su kpanaŋɔ̂ɔi. Kɛ́lɛ kúsɔnyɔ̂ŋ su-mɛni lɛɛ í kúsiɣe a ínûa.”

Lɛɛ gbɔwɔ ɓa 6:7

Ŋa pâi kásiyêi a ŋánûa, ŋá kɛ́ a Káɣâla. Ka pâi gɔlɔnîi a gɛɛ ŋ́gaa a Yâwɛɛ Káɣâlai nyii kákùla m̀ɛni-kpɔlui su nyii Ize-ŋai dí ǹaa kâai.

Lɛɛ gbɔwɔ ɓa 8:22

Kɛ́lɛ maa-ɣelei tí Gosɛŋ lɔii nyii ŋánûai díkaa zui, ŋa pâi mà a gɛɛ ǹilî-ŋai da fé lì naa, a gɛɛ í gɔ́lɔŋ ŋgáa a Yâwɛɛ ǹɔii ŋí su.

Lɛɛ gbɔwɔ ɓa 9:29

Mose ǹyɛɛ mai, “Tãi ŋa pâi kúlâi la daa-leei ŋí sui, ŋa pâi ǹyée sãai Yâwɛɛ pɔ́naa. Nya ŋ̀ele-gpanai a pâi kperâi. São fé ŋɔ́nɔ pâi pûi a gɛɛ ká gɔ́lɔŋ a gɛɛ ǹɔii káa a Yâwɛɛ pɔ́ɔ.

Wɛli 8:12

Ƃía óo Saloma, zɛŋ kao kole kpua-kpua wála tɔnɔi (1,000) é lɛ́ɛ íyêei, ŋuŋ feerɛi é lɛ́ɛ kpâlaŋ mɛi káa-ƃelai yêei. Kɛ́lɛ ŋá kpɔmɔ-kpâlaŋ káa nɔ́ a ńyãa tɔnɔ ḿbɔɔ.

Azaya 1:19

À kɛ̀ kà fàa mà, woo mɛni kɛ́ ƃò káyêei, ka pâi ǹɔii ŋí ŋ̀úlɔ kpelêi.

Azaya 41:8

“Kɛ́lɛ Eezuɛ-ŋa, kákaa a ŋátii kɛ́-ƃela. Kákaa a ŋáwɛli kɛ́ maa nuui Eberaɣɛ̃ɛ ŋɔsuui su-ƃela. Ŋá kásìɣe zu a gɛ́ɛ ká kɛ́ a ŋátii kɛ́-ƃela.

Azaya 43:1

Eezuɛ-ŋa, Yâwɛɛ nyii núu-kpune kpɛ̀tɛi, a m̀ôi kâa ǹyɛɛi, “Káfe yào. Ŋa pâi káŋuŋ maa ƃôi kákpɔara-ƃelai yêei. Ńyãa ƃé kásìɣe zu a gɛ́ɛ ká kɛ́ a ŋátii kɛ́-ƃela. Kákaa a ḿbɔɔ.

Azaya 56:4

Yâwɛɛ a m̀ôi maa surɔ̂ŋ kpîŋ ma ǹyɛɛi, “Yà Ŋáfii-tɔɔ-ɣelei mɛi kâa, í m̀ɛni-ŋai kɛ́ nyíi-ŋai da ńii làai, í ŋákono-têe wooi mɛi káa a teniŋ ƃô pere,

Ɉeremi 10:16

Kɛ́lɛ Zeeka Ŋɔɣâlai fé yɛ̂ɛ ŋ̀âla-pɔɔkɔŋ-ŋai ŋí. Kpɛ́ni fêi, ǹya ƃé sɛŋ kélee kpɛ̀tɛ, é pɛlɛ Eezuɛ-ŋai dîa nyíi-ŋai díkaa a bɔɔi. Ǹáa ƃa Ŋ̀wâla-wala kélee Yâwɛɛ.

Ɉeremi 13:11

Berei kpasa bɛ̂rɛ a kânaŋ la núu lèŋei, bere ƃé ŋá kɛ̀ ŋ̀wɛ̂li a gɛɛ Eezuɛ da Zuda-ƃelai díkanaŋ la ḿâ kpáŋ-kpaŋ. Ŋá gɛ̀ tí a gɛɛ dí kɛ́ a ŋánûa, dí gɛ́ nûa dí ńaa maa tɛ́, díƃâa kɛ́ ḿâ. Kɛ́lɛ, dífe díwoli tɔɔ ní ḿâ.”

Ɉeremi 7:23

Kɛ́lɛ dɔ̂ŋ ŋá dɛ̀ɛ dípɔi ƃa, ‘Ka ŋ́oo mɛ́ni, gɛ̀ ní ŋa pâi kɛ̂i a Káɣâlai, káaŋ kákɛ ƃò a ŋánûa. Ka tûa yɛ̂ɛ berei ŋá ǹɛ la kâai, gɛ̀ ní ká kɛ̀ ɣéniɛi a pâi kɛ̂i a ǹɛ́lɛɛ.’

Izikiɛ 16:8

“Tãi ŋa ŋɔ́nɔ tɛ̀ɛ la yâi, ŋa gàa a gɛɛ tãi a seri a gɛɛ í nâa kɛ́ a surɔŋ-pɛrɛ mu ǹuu. Nya ƃe ŋá í mɛi pɛlɛ a ŋá seɣei ŋá íkaŋ loo ŋá kpanaŋ-woo kɛ̀ í yêei a gɛɛ kwa yâ kúkɛ tua-laa ma. Íkɛ a ḿbɔɔ.” Ŋ̀wála-wâla kélee Yâwɛɛi ƃé mò tí.

Levetekɔ 20:24

Kɛ́lɛ ŋá ŋ́gono tèe káyêei a gɛɛ ŋa pâi ǹɔii ŋí tɛɛ̂i, kápɔ a kápɔɔ. Ǹɔii nyii ǹáa fɛɛ̂i a ŋíni ya da kɔ̃́iŋ wulɔi. Ńyãa ƃa Yâwɛɛ, Káɣâlai, nyii kákùla ǹûai samai.

Amɔsə 3:2

“Káa nɔ ƃe ŋá kalɛ̀ ǹɔii-ŋûŋ-ŋai kélee sama. M̀ɛni ma ŋa pâi tɔ̂ŋ kpɛ́i kâa kásɔnyɔ̂ŋ-ŋai kélee mɛni ma.

Amɔsə 6:1

“Kpalo ƃêlai diai dîa díkaa fii-tɔ̂ɔ ma Zãiyɔŋ, da diai gáa díkili ŋá a gɛɛ díkaa maa-kɔ̃ɔ-pere su Sameria Yeei mai, da ǹɔii-ŋûŋ-ŋai su-nuu kpaya-kpayai, nyii-ŋai Eezuɛ ǹônii dí pa dípɔi!

Malasi 3:17

Ŋ̀wála-wâla kélee Yâwɛɛ a môi ǹyɛɛi, “Da pâi kɛ̂i a ḿbɔɔ kpîŋ-kpiŋ, ŋ̀ele-kûui ŋa pâi pâi lai. Ŋa pâi dímalôŋ kâa yɛ̂ɛ berei ǹaŋ-nuui a ǹóŋ malôŋ kàa la nyii a tíi kɛ̀ mìi.

Korɛntə dɔlɔɔ 10:26

Kpɛ́ni fêi! “Ǹɔii káa a Kúnuu-namui pɔ́ɔ da zu-sãa kélee.”

Korɛntə dɔlɔɔ 10:28

Kɛ́lɛ, à kɛ̀ núu da à mò kâa, “Da zuai ti kùla a sâla,” gɛ̀ ní ka kákili ŋá sía e pîlaŋ m̀aa-nuui ti ma nyíi mò kâai, da ŋɔkili-ŋa-siai,

Dutɛrɔnome 10:14

Ǹɔii da ŋ̀elei díkaa a Yâwɛɛ pɔ́ɔ da dísu sãa kélee.

Dutɛrɔnome 11:27

Lûwa a pâi kɛ̂i kâa à kɛ̀ kà dɔ̂ŋ-ŋai mɛi kaa nyii Káɣâlai Yâwɛɛ a sâa dɛɛ̂i kápɔi.

Dutɛrɔnome 14:2

Kpáni fêi, kákaa a maa wâa-ƃela Yâwɛɛ ŋɛ́i-tuɛ. Aâ kásiɣe zu núu-kpune kélee sáma ŋ̀éniɛi su a gɛɛ ká kɛ a gbîŋ ŋɔnûa.

Dutɛrɔnome 14:21

“Fɛnɛ-sɛŋ nyii a gbâa saai káfe zua da mìi. Ka pɔ̂ri dɛɛ̂i ŋɔ̃ya-ŋai da pɔ́ kátaa-ŋai da su, kpaa ka gɔlɛ diai dîa da kûla lɔii-ŋuŋ da kpɛ́ni-ŋai sui. Kɛ́lɛ, kákaa a núu maa waa-ŋa Káɣâlai Yâwɛɛ ŋɛ́i-tuɛ. “Káfe ƃoli-loŋ kpaa máŋ ƃála-loŋ ɣìli a ǹee ŋíni-ya.

Dutɛrɔnome 26:18

Nyaa máŋ a môi sâa a gɛɛ kákaa a ŋɔnûa, ká kɛ́ ƃò ǹyêei yɛ̂ɛ laai-kɛ-sɛŋ mɛni kpanaŋɔɔ yɛ̂ɛ berei è góno-tee la kánâŋ-ni yêei. Fɛ̂ɛ ka ŋɔtɔ̂ŋ-ŋai mɛi káa.

Dutɛrɔnome 26:19

A m̀ôi a gɛɛ a pâi ka kɛ̂i ǹɔii-ŋûŋ-ŋai mɛi. Ǹyaŋ da pâi ƃaa kɛ́-maa tɛɛ̂i kápɔ. Ka pâi kɛ̂i a ŋɔnûa maa-waa-ŋa yɛ̂ɛ berei è góno tèe lai.”

Dutɛrɔnome 28:1

“À kɛ̀ ka káwoli tɔ̀ɔ dɔ̂ŋ-ŋai dîa ŋa dɛɛ̂i kápɔ sâai, ka sía a díwoo yɛ̂ɛ berei ŋa môi la kâai, Káɣâlai Yâwɛɛ a pâi kákɛ̂i ǹɔii kélee mɛi ŋ̀éniɛi su.

Dutɛrɔnome 28:9

“A pâi ká kɛ̂i a ŋɔnûa maa waa-ŋa yɛ̂ɛ berei è góno tèe la à kɛ̀ ka ŋɔtɔ̂ŋ-ŋai mɛi kâa ká, tûa yɛ̂ɛ berei a ŋ̀wɛ̂lii lai.

Dutɛrɔnome 4:20

Kɛ́lɛ Yâwɛɛ è ká kùla m̀ɛni-kpɔlui su Ize é pá a káa é kákɛ a gbɔ́ɔi ŋɔnûa. Ǹyaŋ bere ƃé gáa la sâa.

Dutɛrɔnome 5:2

Kúɣâlai Yâwɛɛ è ŋ̀óo kɛ̀ kúyêei Olɛ yeei ma.

Dutɛrɔnome 7:6

Kákaa a núu maa waa-ŋa Yâwɛɛ mɛni ma. Káa ƃé a kásiɣe zu a gɛɛ ká kɛ́ a ŋɔnuui gbîŋ-ŋa ɣele ma.

Dutɛrɔnome 9:29

Nyiŋi pôlu mà, díkaa a ínûai, nyii-ŋai dí siɣe zu dí ƃò tela a ípɔ̀ɔ-sɛŋ namela. Í díkula Ize í pà a dia a íwala-wala laai.’

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ ku kɛ́ a ŋɔnûa kpîŋ-ŋa tíi lɛ́lɛɛ kɛ-mɛni ma.

Hebreu 11:8

Laa-la sârai Eberaɣɛ̃ɛ è Ɣâla wóo mɛni tãi Ɣâla è dòli la a gɛɛ é lí kwaa da ma ƃɛi è kɛ̀ pâi nàa sɔlɔ ƃôi ǹyêei, ǹyaŋ è kùla bɔ̀ taai é lí. Kɛ́lɛ, vé kɛ́ ní a ƃɛ́i kɔ́lɔŋɔɔ è kɛ̀ liî naai.

Hebreu 8:9

Vé pâi kɛ̂i yɛ̂ɛ gbanaŋ-wooi ŋá gɛ̀ dínâŋ-pɔlɔ-ŋai yêei a ŋelei ŋá dísòŋ la a díyee ŋá díkula Ize-lɔii sui. Nuu-namui è ŋɔ́nɔ mò a gɛɛ, kpɛ́ni fêi, dífe lɛɛ ní ŋákpanaŋ-woo-kɛɛi su, mɛni ma fé ŋ̀wóli tɔɔ ní dîa.

Zasua 24:24

Ǹûai dí Zasua wóo su tòo dîyɛɛi, “Kúɣâlai Yâwɛɛ nɔ́ ƃé kwa pâi tíi kɛ̂i mì, kú ŋ̀óo ŋ̀aa-see kɛ́.”

Piɛrə dɔlɔɔ 2:9

Kɛ́lɛ, kákaa a lɛ́-nuu-suu, ka ƃo a sâla láa soŋ-nuu-suu kɛ́tɛ, ka ƃo a lɔii-ŋuŋ maa waa, ka ƃo a Ɣâla kpîŋ-nua, a gɛɛ ǹúui kákùla kpíni sú é pá a káa ŋɔkwaa-ponoɔ kɛ́tɛ lɛ́lɛɛi sui, ka ŋɔtûa-pere kɛ́tɛ lɛ́lɛɛ-ŋai maa-mɛni ƃó.

Samuɛlə dɔlɔɔ 15:22

Samia è marê kɛ̀ ǹyɛɛi, “M̀ó ma, sâla kuláa da sama-sɛŋ tɛɛ ƃé ǹɛ̂lɛɛi a Yâwɛɛ nîai? Kpao! Vé ísâla-ŋai wɛ̂lii. A ŋ̀wɛ̂lii a gɛ́ɛ í ŋ̀óo mɛni.