Lɛɛ gbɔwɔ ɓa 15:16 - Bible

¹⁶ Yao da lii-sɛlɛŋ dí kɛ̀ dîa. Íyee ŋɔwála-walai, Óo Yâwɛɛ È díkɛ̀ dí dímɛi sáa a yao, é lɛ́ɛ la zu ínûai dí tɛ́ɛ, nyii-ŋai díkaa a ípɔɔi.

Yálá laawoo hɛɓɛ (dc)

¹⁶ Ɲɔw aa di hu pu diɛ, Ə́ wɔ yee walawala laa aa di mąą ɲɔw, daa di kpuwulu kɛ, yɛ kwɛni. Di kaa pai lɛɛi tí, ə lɛɛ ɉu Yai-Laa Ə́ wɔ nu huwui ə tɛɛ; a Ə́ wɔ nu huwui Ə́ di həɠə ɉu, di tɛɛ.

Yálá laawoo hɛɓɛ

¹⁶ Ɲɔw aa di hu pu diɛ, Ə́ wɔ yee walawala laa aa di mąą ɲɔw, daa di kpuwulu kɛ, yɛ kwɛni. Di kaa pai lɛɛi tí, ə lɛɛ ɉu Yai-Laa Ə́ wɔ nu huwui ə tɛɛ; a Ə́ wɔ nu huwui Ə́ di həɠə ɉu, di tɛɛ.

Lɛɛ gbɔwɔ ɓa 15:16 ပူးပေါင်းရင်းမြစ်များ

Zɛnɛse 35:5

Tãi Zeeka-ni dí kɛ̀ liî lai, yao kɛ́tɛ è pà daa-ŋai su-ƃelai kponôi, nyii-ŋai kɛ̀ naa kɔlɛ mai. Ǹyaŋ dífe pɔ̂ri ní Zeeka-ni kpɛ̂i.

Samia Veerɛi 7:23

Lɔii-ŋuŋ da fé naa é kɛ́ yɛ̂ɛ Eezuɛ nyíi í zu-ƃela kùla luɛ-laa su í díkɛ a ínûai. Í mɛni kpaya-kpaya támaa kɛ̀ dîɛ. Í díŋuŋ ma ƃò lɔii-ŋuŋ támaa yêei da díɣâla-ŋai.

Mąątɛ̨nɛ̨ 105:38

Díkɛɛ kulâi naai, Ize-ŋai dí kɛ̀ a dílii nɛ̃ɛ, kpɛ́ni fêi, dí kɛ̀ yaôi dîa.

Mąątɛ̨nɛ̨ 74:2

Ínûai í dísìɣe zu tãi su kôyaa tɛɛ pôlu mai, dímaa mɛ̂ni kíli é lɛ́ɛ íkili ŋá. Í díkùla luɛ-laa su í dí kɛ́ a íkpɔɔi nua. Zãiyɔŋ Yeei íseêi è wɔ́lɔ kɛ̀ naai, maa mɛ̂ni kíli é lɛ́ɛ íkili ŋá.

Mąątɛ̨nɛ̨ 89:14

Íwala-wala-laai kpóŋ seêi ƃa tɔ̃yâ-laa da tɔ̃yâ mɛni ŋá téɛɛ. Ítûa pere kélee káa a wɛli kɛ́-maa da teniŋ ƃô-laa.

Lɛɛ gbɔwɔ ɓa 11:7

Kɛ́lɛ, ɣîla kpîŋ fé pâi kpêɣei Eezuɛ-ŋai da dítaa-tulɛ-ŋai dîa. Ka pâi gɔ́lɔnîi nyíŋi su a gɛɛ ńyãai Yâwɛɛ, ŋà Ize-ŋai loai láa da Eezuɛ-ŋai.’ ”

Lɛɛ gbɔwɔ ɓa 15:13

Ǹûai í díŋuŋ ma ƃòi, ƃa tɔɔ dítuɛ a ímaloŋ-kâa wɛli-kɛ-maai. Berei a lî íkɛ̂i maa waai mai, ƃa ǹɛ́ dîa a íwala-walai.

Lɛɛ gbɔwɔ ɓa 15:5

Ǹyái è dímɛi pɛ̂lɛ. Dí yéŋ ǹya-kaoi ma yɛ̂ɛ kɔni.

Lɛɛ gbɔwɔ ɓa 15:6

“Óo Yâwɛɛ, ílaa-mii-yee maa pɔlɔ-pɔlɔɔi. A íkpɔara ƃelai su kara.

Lɛɛ gbɔwɔ ɓa 18:8

Nya ƃe Mose è mɛni-ŋai kélee ƃò m̀ɔ̂lɔ ma nyii Yâwɛɛ è gɛ̀ a Ize Kâloŋ, Eezuɛ-ŋai mɛni mai. È mɛni-soli-ŋai kélee mɛni ƃò mà nyii-ŋai kùla dîa berei su, da berei Yâwɛɛ è díŋuŋ ma ƃò la Ize-ŋai yêei.

Lɛɛ gbɔwɔ ɓa 20:2

“Ńyãa ƃa Yâwɛɛ Ɣâla nyii íkùla ǹuɛ-lâai su Ize lɔii sui.

Lɛɛ gbɔwɔ ɓa 23:20

“Ka gáa ŋa pâi ŋákelai tɛ́ɛ̂i é tɔ́ɔ kátuɛ é kámɛi káa berei mâ é pá a káa ƃɛ́i ŋa nàa kpɛtɛi.

Lɛɛ gbɔwɔ ɓa 23:22

Kɛ́lɛ à kɛ̀ kà ŋ̀óo mɛ̀ni, ká mɛnii kélee kɛ́ a mò kâai, gɛ̀ ní ŋa pâi kɛ̂i a kákpɔara-ƃelai díkpɔara-nuu, ŋá tɔ́ɔ diai dîa da tɔ̂ɔ kâai.

Lɛɛ gbɔwɔ ɓa 23:27

“Diai kélee da tɔ̂ɔ kâai ŋa pâi díkɛ̂i dí yao ḿâ. Diai kélee ka kɔ́ dípɔi, ŋa pâi díkili ŋá tɛ̂i. Ŋá kákpɔara-ƃelai kɛ́ dí pú ká tuɛ.

Lɛɛ gbɔwɔ ɓa 6:7

Ŋa pâi kásiyêi a ŋánûa, ŋá kɛ́ a Káɣâla. Ka pâi gɔlɔnîi a gɛɛ ŋ́gaa a Yâwɛɛ Káɣâlai nyii kákùla m̀ɛni-kpɔlui su nyii Ize-ŋai dí ǹaa kâai.

Azaya 51:10

Yá ƃé gɛ̀ yúo é kpála é tóo gáo ma, í pere láa zâmai, a gɛ́ɛ diai í díŋuŋ ma ƃoi, dí tɛ́ɛ naa.

Azaya 63:12

Mí ƃé Yâwɛɛ nyii mɛni kpaya-kpaya kɛ̀ a ŋɔwála-wâla laai Mose sarâi, gɛ́ ǹyuoi ŋáa kɔ̀lɛ, gɛ́ tɔ̀ɔ ŋɔnûai túɛ díkɛ tɛ̀ɛ ǹyái loai a gɛ́ɛ ǹûa díkɛ ǹáa maa tɛ̂ wɔ́lɔ-wɔlɔ da wɔ́lɔ-wɔlɔ.” Yâwɛɛ kɛ́ɛ dítuɛi, díkɛ̀ siâi, dífa kâreŋ yɛ̂ɛ lɔɔ-sôo-ŋa ƃé kîrɛ siɣêi, dífa kâreŋ.

Ɉeremi 31:11

Ŋá Eezuɛ-ƃelai ŋuŋ-maa ƃò, ŋá díkula lɔii-ŋuŋ wála-walaa yêi.

Izikiɛ 16:8

“Tãi ŋa ŋɔ́nɔ tɛ̀ɛ la yâi, ŋa gàa a gɛɛ tãi a seri a gɛɛ í nâa kɛ́ a surɔŋ-pɛrɛ mu ǹuu. Nya ƃe ŋá í mɛi pɛlɛ a ŋá seɣei ŋá íkaŋ loo ŋá kpanaŋ-woo kɛ̀ í yêei a gɛɛ kwa yâ kúkɛ tua-laa ma. Íkɛ a ḿbɔɔ.” Ŋ̀wála-wâla kélee Yâwɛɛi ƃé mò tí.

Gɛlaɠaa 20:28

M̀ɛni ma, ka kámɛi káa da Kôrai-ƃela kpului kélee, nyíi-ŋai M̀ɔlêŋ Maa Waai a kákɛ a dímɛi-ƃela a gɛ́ɛ ka Kúnuu-namui ŋɔtóli-kpɔŋ su-ƃelai ŋá kɔ́ŋ, nyíi è díyà a gbɔɔi ŋãai.

Dutɛrɔnome 11:25

Núu da líi fé pâi kpelêi é kɔ́ pɛ́lɛ kâa. Káɣâlai Yâwɛɛ a pâi kámaa kɔ̃ɔ̂i ƃɛ́i kélee kà lì naai.

Dutɛrɔnome 2:25

É síɣe sâa ma é lí tuɛ-pere, ŋa pâi yao kɛ́tɛ pûi ŋ̀éniɛi su-ƃelai kélee kponôi. Da kátuŋ mɛ̀ni da pâi kpɛ̃linii dílii é tóo pôlu ká mɛni ma.

Dutɛrɔnome 2:4

M̀ó ǹûai dîa yɛ̂ɛi, ‘Ka pâi tɛɛ̂i ká káayɔɔi Isɔɔ ǹônii sinaai dílɔii su pere nyii-ŋai díkaa ǹyée lɔii su Idɔŋ. Da pâi kɛ̂i yâoi kâa. Mɛni ma, ka kámɛi káa.

Dutɛrɔnome 32:6

Vela-fei ka pâi dɛɛ̂i Yâwɛɛ pɔ́i, ǹyaa ƃei ƃoo-ƃela? Vé a kánâŋ nyii kákpɛtɛi? Nya ƃe kákpɛ̀tɛ é ká seêi kɛ́ ma.

Dutɛrɔnome 32:9

Yâwɛɛ líi-ma-ƃelai ƃé kɛ̀ a Eezuɛ-ŋai, Zeeka kɛ́ ƃò a gɔ̃liŋ kpîŋ.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ ku kɛ́ a ŋɔnûa kpîŋ-ŋa tíi lɛ́lɛɛ kɛ-mɛni ma.

Zasua 2:9

ǹyɛɛ dîai, “Ŋá gɔ́lɔŋ a gɛ́ɛ Yâwɛɛ a ǹɔii ŋí tɛ́ɛ kápɔ. Kámaa tûŋ a seri kûa ǹyaŋ kúkelee kúkaa nâa yaôi kâa,

Zasua 4:24

È gɛ̀ tí a gɛ́ɛ ǹûai kélee ɣele mai dí gɔ́lɔŋ a gɛ́ɛ Yâwɛɛ wála-wâlai. È gɛ̀ tí a gɛ́ɛ ka yao ǹyaa Yâwɛɛ Káɣâlai ma wɔ́lɔ-wɔlɔ da wɔ́lɔ-wɔlɔ.”

Piɛrə dɔlɔɔ 2:9

Kɛ́lɛ, kákaa a lɛ́-nuu-suu, ka ƃo a sâla láa soŋ-nuu-suu kɛ́tɛ, ka ƃo a lɔii-ŋuŋ maa waa, ka ƃo a Ɣâla kpîŋ-nua, a gɛɛ ǹúui kákùla kpíni sú é pá a káa ŋɔkwaa-ponoɔ kɛ́tɛ lɛ́lɛɛi sui, ka ŋɔtûa-pere kɛ́tɛ lɛ́lɛɛ-ŋai maa-mɛni ƃó.

Piɛrə veelɛ 2:1

Ɣâla maa-wôya lono-kɛ́-ƃela dí dímu siɣe máŋ ǹûai sama, yɛ̂ɛ berei nɔ woya-sɛŋ lɛ-ƃela da pâi kɛ̂i la kásama, nyíi-ŋai pâi lɛ́ɛ-sɛŋ lɛ̂i a loo-pere, nyíi a pâ a su-karai. Da Mɛi-nuui maa-sia tòo máŋ nyíi díyài, díkɛ pâ a su-kara a maa félaa dia kpîŋ dîa.

Samuɛlə dɔlɔɔ 2:9

“A pâi dɔ̃yâ-ƃelai mɛi kâai. Kɛ́lɛ a pâi zɔnyɔ̂ŋ-ƃelai tɛɛ̂i kpînii. Díta fé pâi pɔrîi ŋɔkpɔara-nuu yée mɛi ɣâlei a gbîŋ wala-wala.

Samuɛlə dɔlɔɔ 25:37

Kɛ́lɛ tãi ǹɔ́ɔi è tèe la ma a ŋ̀ele-walai, Aƃigee è mɛni-ŋai kɛ̂i gélee ƃò ma. Líi kɔlɔ-fela è kɛ̀ ma. Nya ƃe è làa kpɔ́ gbìŋ ŋá tɔŋ yɛ̂ɛ kɔni.