Lɛɛ gbɔwɔ ɓa 13:3 - Bible

³ Nya ƃe Mose è mò ǹûai dîa ǹyɛɛi, “Ŋele-kûui ŋí é lɛ́ɛ kákili ŋá nyii ká kùla la Ize lɔii su ǹuɛ-laai sui. Kpɛ́ni fêi, Yâwɛɛ è kákùla naa a ŋɔwála-wala-laai. Káfe kpólo mìi nyii tɛ́-sɛŋ káa zui.

Yálá laawoo hɛɓɛ (dc)

³ Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Yálá laawoo hɛɓɛ

³ Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Lɛɛ gbɔwɔ ɓa 13:3 ပူးပေါင်းရင်းမြစ်များ

Zɛnɛse 15:16

Ílônii díwɔ̂ lonii lônii díɣeniɛi su, da pâi pâi pôlu ƃɛ́, kpɛ́ni fêi, Amɔra-ŋai díŋwana-lɔɔi fé niî kpɛɛ ní.”

Kɔlɔnikɔ Maa-ŋuŋ 16:12

Káai a Zeeka ŋɔsuui su-ƃelai, káai a Ɣâla ŋɔtíi kɛ́-ƃelai, káai a Eezuɛ ŋɔsuui su-ƃelai Ɣâla a kásiɣe zui, ŋ̀ɛi kɛ́-maa-ŋai Ɣâla è gɛ̀i, gíli é lɛ́ɛ káŋa da m̀ɛni ŋá téɛɛi è gɛ̀i.

Nehemi 1:10

“Kúnuu-namui, íkpɔɔi nuai Eezuɛ-ŋai ká ŋí. Í dí kùla luɛ laa su díkpɔara-ƃelai yêei a íwala-wala laa kɛ́tɛi.

Nehemi 9:10

Í zûgbɛlɛ-gbɛlɛ mɛni da ŋɛi kɛ́-maa-ŋa kɛ̀ a Ize kaloŋ, ǹyée mu-ƃelai da ŋɔlɔii su-ƃelai kélee, kpɛ́ni fêi, í gàa berei dí ŋ̀wana lɔ̂ɔ tua-ŋa kɛ̀ la a kúnûa pɔ̂lɔ-ŋai. Í ílaa lɛ́lɛɛ lɛ̀ɛ Eezuɛ-lonii lá a maa tãi ti, ǹyaŋ sâa ƃa sâa gáa naa.

Mąątɛ̨nɛ̨ 105:5

Káai a Eberaɣɛ̃ɛ nyii kɛ̀ a Ɣâla ŋɔtíi kɛ̀-nuui ŋɔsuui su-ƃelai, káai a Zeeka ŋɔsuui su-ƃelai nyii-ŋai Ɣâla a dísiɣe zui, ŋ̀ɛi-kɛ-maa-ŋai Ɣâla è gɛ̀i, maa mɛ̂ni kíli é lɛ́ɛ kákili ŋa, da mɛni ŋá téɛɛi nyii è gɛ̀i.

Mąątɛ̨nɛ̨ 114:1

Eezuɛ-ŋai kuláa Ize lɔii sui, Zeeka ǹônii kɛ́ɛ da kula ŋɔ̃ya lɔii tí sui,

Mąątɛ̨nɛ̨ 136:11

È Eezuɛ-ŋai kùla Ize lɔii su. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

Mąątɛ̨nɛ̨ 136:12

È díkùla naa a ŋɔwála-wala-laai. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

Mąątɛ̨nɛ̨ 89:14

Íwala-wala-laai kpóŋ seêi ƃa tɔ̃yâ-laa da tɔ̃yâ mɛni ŋá téɛɛ. Ítûa pere kélee káa a wɛli kɛ́-maa da teniŋ ƃô-laa.

Lɛɛ gbɔwɔ ɓa 12:15

Yâwɛɛ è mò ǹyɛɛi, “Ka tɛ́-sɛŋ féu kpolo mii a ɣele-kûu lɔ́ɔlu mɛi feerɛ. Ka dɛ́-sãai kélee kúla kápɛrɛ-ŋai mu a ŋ̀ele kúui maa-ŋuŋ. Kpɛ́ni fêi, à kɛ̀ núu da kélee à kpólo mìi nyii tɛ́-sɛŋ káa zui, é síɣe ŋ̀ele kûui maa-ŋuŋ ma é seri mɛi feerɛi ma, gɛ̀ ní maa nuui tí fé pâi ŋɔ́nɔ kɛ̂i a Eezuɛ-ŋai da.

Lɛɛ gbɔwɔ ɓa 12:17

Ka dɛ́-sɛŋ féu kpoloi maa kûui mɛi káa, kpɛ́ni fêi, maa ɣelei tí ƃé ŋa pâi kákelee kákulâi la Ize lɔii su. Mɛni ma fɛ̂ɛ kásuui kélee é ŋ̀ele kûui ŋí mɛi káa ká, zìɣe a ɣele kɛ́tɛ wɔlɔ-wɔlɔ da wɔlɔ-wɔlɔ.

Lɛɛ gbɔwɔ ɓa 12:19

Tɛ́-sãa da kélee fé lɛ̀ɛ kápɛrɛ-ŋai mu a fólo lɔ́ɔlu mɛi feerɛ. Kpɛ́ni fêi, à kɛ̀ núu da kélee à kpólo mìi nyii tɛ́-sɛŋ káa zui, gɛ̀ ní maa nuui tí fé pâi ŋɔ́nɔ kɛ̂i a Eezuɛ-ŋai da, a nɛ̃ɛ ma kpîŋ é kɛ́ a ŋɔ̃ya kpaa máŋ é kɛ́ a ǹɔii-lôŋ da.

Lɛɛ gbɔwɔ ɓa 12:2

“Ŋáloŋ ŋí a pâi kɛ̂i a góraŋ kɔ́ɔ-pîlanii ɣaloŋ kámɛni ma. A pâi kɛ̂i a ŋáloŋ maa-ŋuŋ kámɛni ma góraŋ su.

Lɛɛ gbɔwɔ ɓa 12:41

Yâwɛɛ è Eezuɛ-ŋai kélee kùla Ize lɔii su a góraŋ ŋuŋ náaŋ pôlu buu saaƃai (430) kpɛɛ ŋá ɣele títi.

Lɛɛ gbɔwɔ ɓa 12:42

Gbínii tí ƃé Yâwɛɛ è kɛ̀ maa kpɛ̂nii a gɛɛ é Eezuɛ-ŋai kúla la Ize lɔii su. Ǹyaŋ Eezuɛ-ŋai suu kélee è maa kpinii tí sìɣe a ɣele kɛ́tɛ Yâwɛɛ mɛni ma.

Lɛɛ gbɔwɔ ɓa 12:8

Fɛ̂ɛ dí zuai ŋɔ́ŋ dí mii a gbínii tí. Dí mii a kpólo nyii tɛ́-sɛŋ fé zu da tuma-lâa ŋwánaa.

Lɛɛ gbɔwɔ ɓa 13:14

Kálônii-sinaai da kámarê kɛ̀ tínaa-tuɛ-pere dîyɛɛ kâa, ‘Nyíŋi su-kulai ƃa lé?’ Ka m̀ó dîa kâa. ‘Yâwɛɛ è wɔ́lɔ kúkùla luɛ-laa su.

Lɛɛ gbɔwɔ ɓa 13:9

Gúui ŋí é kɛ́ a ŋɛi-kɛ-maa káyeêi. É kɛ́ yɛ̂ɛ kili-too-ŋa sɛŋ nyii gbulɔŋɔɔi káyee mà gɛ ƃò kátôŋ lá a gɛɛ Yâwɛɛ ŋɔtɔ̂ŋ é kɛ́ nɔ́ ká lá a tãi kélee. Kpɛ́ni fêi, è kákùla Ize lɔii su a ŋɔwála-wala-laai

Lɛɛ gbɔwɔ ɓa 20:2

“Ńyãa ƃa Yâwɛɛ Ɣâla nyii íkùla ǹuɛ-lâai su Ize lɔii sui.

Lɛɛ gbɔwɔ ɓa 20:8

“Vii-tɔɔ-ɣelei é lɛ́ɛ íkili ŋá í mɛi káa a maa waa.

Lɛɛ gbɔwɔ ɓa 23:15

Ka dɛ́-sɛŋ féu kpoloi maa kûui mɛi káa. Yɛ̂ɛ berei nɔ́ ŋá m̀ó la kâai, ka dɛ́-sɛŋ féu kpoloi míi a ɣele-kûu lɔ́ɔlu mɛi feerɛ tãi ma ŋá nɛ̀ Abi-ɣaloŋ sui. Kpɛ́ni fêi, ka kùla Ize lɔii su maa-ɣaloŋ tí su. Núu da fé pà ŋɛ́i a ǹyée fôlo.

Lɛɛ gbɔwɔ ɓa 3:20

Mɛni ma ŋa pâi tíi kɛ̂i a ŋáwala-wâla-laai ŋá tɔ̀ŋ-kpɛ-maa tɛ́ɛ Ize pɔ́ a ŋ̀ɛi-kɛ-maa-ŋai ŋa pâi gɛ̂i. Gɛ̀ ní a pâi ká lɛɛ̂i naa ká lí.

Lɛɛ gbɔwɔ ɓa 34:18

“Ka Dɛ́-sɛŋ féu kpoloi maa-kûui mɛi káa. Ka mii a fólo lɔ́ɔlu mɛi feerɛ Abi-ɣaloŋ su, yɛ̂ɛ berei ŋa mò la kâai. Kpɛ́ni fêi, maa ɣaloŋ tí ƃé ká kùla la Ize lɔii su.

Lɛɛ gbɔwɔ ɓa 6:1

Nya ƃe Yâwɛɛ è mò Mose mà ǹyɛɛi, “Ƃa pâi nâa gâai mɛnii ŋa pâi gɛ̂i a Gâloŋ. Ŋa pâi gɛ̂i a wála-wala-laa a gɛɛ é dílɛɛ naa dí lí. Ŋa pâi máŋ gɛ̂i a wála-wala-laa é díkula ŋɔlɔii su”

Lɛɛ gbɔwɔ ɓa 6:6

Mɛni ma, m̀ó Eezuɛ-ŋai dîa yɛ̂ɛi, ‘Ńyãa ƃa Yâwɛɛ. Ŋa pâi kákulâi mɛni-solii su nyii Ize-ŋai da dɛɛ̂i kápɔi. Ŋa pâi kákulâi díyêei ǹuɛ-laai su. Ŋa pâi ŋáwala-wala-yeei sãai mɛni ŋá-teɛɛ su ŋá kákùla díyêei.

Lɛɛ gbɔwɔ ɓa 6:7

Ŋa pâi kásiyêi a ŋánûa, ŋá kɛ́ a Káɣâla. Ka pâi gɔlɔnîi a gɛɛ ŋ́gaa a Yâwɛɛ Káɣâlai nyii kákùla m̀ɛni-kpɔlui su nyii Ize-ŋai dí ǹaa kâai.

Lɛɛ gbɔwɔ ɓa 7:4

Gâloŋ fé pâi ŋ̀óli tɔɔ̂i káwoo mâ. Gɛ̀ ní ŋa pâi nyée lâai Ize mɛi a mɛni ŋá-teɛɛ ŋá ŋakɔ́ kɔ́-ƃelai kúla Ize lɔii su, nyii-ŋai dí káa a Eezuɛ-ŋai.

Ɉeremi 34:13

“Ńyãa Yâwɛɛ nyii gáa a Eezuɛ Ŋɔɣâlai, ŋá kpanaŋ-woo kɛ̀ kánâŋ pɔlɔ-ŋai yêei a tãi ŋá díŋuŋ-ma ƃò la ŋá díkula Ize lɔii su ƃɛ́i dí kɛ̀ naa luɛ-laa sui. Ŋá mò dîa a gɛɛ,

Danîa 9:15

“Óo Kúnuu-namui Ɣâla, yá ƃe kú kùla Ize lɔii su a íwala-wala yeei. Nyàŋ maa laai tí káa sâa yâ nyii pâi kɛ̂i naa wɔ́lɔ-wɔlɔ da wɔ́lɔ-wɔlɔi. Kwa sɔnyɔ̂ŋ kɛ́ a yá.

Maafîu 10:12

Kà lɔ̀ bɛ́rɛi mu, ka laa-ti-maa kɛ́.

Lukə 22:19

Nya ƃe e kpólo sìɣe, tãi e sɛɣɛi-fei tɛ̀ɛ lai e zu ɣale, e dɛɛ dípɔ, ǹyɛɛi, “Ŋ́gbonôi ká ŋi [nyii a tɛɛ kámɛni mai. Ka nyiŋi kɛ́ ŋ́gili e lɛɛ káŋa.”

Korɛntə dɔlɔɔ 11:24

tãi e sɛɣɛi-fei tɛ̀ɛ lai, e zu ɣale, ǹyɛɛi, “Ŋ́gbonôi ká ŋí nyíi gáa kámɛni mai. Ka nyíŋi kɛ́ ŋ́gili é lɛ́ɛ kákili-ŋá.”

Korɛntə dɔlɔɔ 5:8

Mɛni ma kwaa ku gúui kɛ́ kúfe gɛ a gbólo-tɛ-sɛŋ pɔlɔi nyíi gáa a mɛni nyɔ́mɔɔ da lii-ŋwana, kɛ́lɛ, ku gɛ́ a dɛ-sɛŋ-fe-zu-kpoloi nyíi gáa a tenîŋ-ƃo-laa da tɔ̃yâ-laai.

Ifisiɛŋ 1:19

da ŋɔkôya-fe-maa wála-wala kɛ́tɛi gáa kúkponôi kúai laa-la káa kúyêei, yɛ̂ɛ berei ŋɔtíi kɛɛi káa la ŋɔwála-wâla kɛ́tɛi sui.

Dutɛrɔnome 13:10

Ka zɔɔ a kɔni é lɛ́ɛ la zu é sáa, kpɛ́ni fêi, a ŋ̀wɛ̂lii é kákula Káɣâlai Yâwɛɛ pôlu nyii kákùla ǹuɛ-laai su Izei.

Dutɛrɔnome 13:11

Ka gɛ̀ tí, gɛ̀ ní Eezuɛ-ƃelai kélee da mɛ̀ni da pâi yaôi. Ǹyaŋ a kɛ̀ tí, núu da líi fé pâi kpelêi é mɛni kɛ́ɛ tí da kɛ́ ŋɔ́nɔ.

Dutɛrɔnome 13:5

Fɛ̂ɛ ká Ɣâla ŋɔlóno kɛ́-nuui tí kpaa máŋ zee-wôo su-kula-nuui tí páa, kpɛ́ni fêi, dɔɔ̂i Káɣâlai Yâwɛɛ ma nyii káŋuŋ ma ƃò é kákula ǹuɛ-laai su Izei. A gɛ́ ka tɔɔ Káɣâlai ma. Fɛ̂ɛ ká gula kásama.

Dutɛrɔnome 13:6

“À kɛ̀ a kákpɔɔi saaƃɔlɔ nɛni kpaa surɔ̂ŋ, káloŋ surɔ̂ŋ kpaa nɛni, kálii ma nɛni kpaa káwɛli kɛ-maa nuu da à pà kápɔ loo-pêre su ǹyɛɛ kâai, ‘Kwaa lí kú ɣâla da kpɛ́ni fɛli. Ŋ̀âlai ŋí káa a Ɣâla nyii ka kánâŋ-ni káfe gɔ́lɔŋ.’

Dutɛrɔnome 15:15

Ka gɔ́lɔŋ a gɛɛ ká kɛ̀ a luɛ-ŋa Ize lɔii su Yâwɛɛ Káɣâlai é káŋuŋ maa ƃó. Mɛni ƃé ŋa dɔ̂ŋ ŋí tɛɛ̂i la kápɔ sâa.

Dutɛrɔnome 16:1

“Ka Dɛɛ-mɛi kûui maa lii-nɛ̃ɛ kúla Abi ɣaloŋ su ká mɛi káa a maa waa, ká ƃaa-kɛ-maa tɛ́ɛ Yâwɛɛ pɔ́ kpɛ́ni fêi, Abi ɣaloŋ su ƃé Káɣâlai Yâwɛɛ è kákùla la Ize lɔii su a kpíni.

Dutɛrɔnome 16:12

Ka dɔ̂ŋ-ŋai ŋí mɛi káa a ǹɛ́lɛɛ. Ka gɔ́lɔŋ a gɛɛ ká kɛ̀ a luɛ-ŋa Ize lɔii su.

Dutɛrɔnome 16:3

Káfe Dɛɛ-mɛi kûui maa sâla sãai mìi a kpólo nyii tɛ́-sɛŋ káa zui. Ka gbólo sii ŋí míi a fólo lɔ́ɔlu mɛi feerɛ. Da gbólo sîi ŋí tòli a mɛni sôli káa kpôlo kpɛ́ni fêi, ká kùla Ize a kîrɛ, a gɛɛ gɛ-ɣeniɛ-laai ká kɛ̀ zu Ize da tãi ká kùla la naai maa mɛni kíli é lɛ́ɛ káŋa.

Dutɛrɔnome 24:18

Ka gɔ́lɔŋ a gɛɛ ká kɛ̀ a luɛ-ŋa Ize Káɣâlai Yâwɛɛ é káŋuŋ ma ƃó é kákula naa. Mɛni ƃé ŋa m̀ôi la kâa a gɛɛ ká sía a dɔ̂ŋ-ŋai ŋí wóo.

Dutɛrɔnome 24:22

Ka gɔ́lɔŋ a gɛɛ ká kɛ̀ a luɛ-ŋa Ize lɔii su. Mɛni ƃé ŋa m̀ôi la kâa a gɛɛ ká sía a dɔ̂ŋ-ŋai ŋí wóo.

Dutɛrɔnome 26:8

È kúkùla díyêei a ŋɔwála-wala yeei. È ŋɛi-kɛ-maa támaa kɛ̀ díŋɛi. È gɛ̀ dia máŋ dí mɛni kpɔ̂lu támaa sɔlɔ ƃó. È mɛni mili-mili támaa kɛ̀ a dia.

Dutɛrɔnome 4:34

Ɣâla da a tá kɔ́ a gɛɛ é lɔii-ŋuŋ da kula lɔii-ŋa sáma a su-kɔɔŋ kɛ́ɛ, ŋɛi-kɛ-maa, kɔ́ a ŋɔwála-wala yeei, kpaa máŋ mɛni mili-mili-ŋa kɛ́ɛ yɛ̂ɛ berei Káɣâlai Yâwɛɛ è gɛ̀ la káŋɛi-tuɛ Ize lɔii sui?

Dutɛrɔnome 5:15

Ka gɔ́lɔŋ a gɛɛ ká kɛ̀ a luɛ-ŋa Ize lɔii su. Káɣâlai Yâwɛɛ ƃé kákùla naa é pá a káa a ŋɔwála-walai. Mɛni ƃé a m̀ôi la kâa a gɛɛ ká ŋ̀elei kûui ŋí mɛi káa a maa waa.

Dutɛrɔnome 5:6

‘Ńyãa ƃa Káɣâlai Yâwɛɛ nyii kákula ǹuɛ-laai su Ize lɔii sui.

Dutɛrɔnome 6:12

Mɛni ma, káfe ǹia Káɣâlai Yâwɛɛ ma. Ǹyaa ƃé kákùla ǹuɛ-laa su Ize lɔii su.

Dutɛrɔnome 6:21

Ka mó dîa kâai, ‘Kú wɔ́lɔ kɛ̀ luɛ-laa su Ize kaloŋ yée mu. Kɛ́lɛ Yâwɛɛ è kúkùla naa a ŋɔwála-walai.

Dutɛrɔnome 7:8

Kɛ́lɛ è gɛ̀ tí kpɛ́ni fêi, è káwɛli-ni a gɛɛ ŋɔ́nɔ é gono teei ŋaa-see kɛ́ nyii è gɛ̀ kánâŋ-ni yêei a gɛɛ a pâi díkulâi Ize kaloŋ yêei ǹuɛ-laai su Ize lɔii su.

Dutɛrɔnome 8:14

Ka pâi kɛ̂tɛi kákpîŋ ŋɛ́i ká nia Káɣâlai Yâwɛɛ ma nyii kákùla ǹuɛ-laai su Izei.

Dutɛrɔnome 9:12

“È mò ḿâ ǹyɛɛi, ‘Ye lí pôlu ǹyeei kwára, kpɛ́ni fêi, ínûai í díkùla Ize lɔii sui daâ kɛ́ fili támaa kɛ̂i. Mɛni-ŋai ŋá mò diai daâ gula díwôlii dí kɛ́ ɣâla da kpɛ́ni-ŋa kpɛtɛ díkpîŋ mɛni ma.’

Zasua 24:17

kpɛ́ni fêi, Kúɣâlai Yâwɛɛ ƃé kúnâŋ pɔlɔ-ŋai kûla Ize lɔii su ǹuɛ-laai su é ŋɛi kɛ́-maa támaa kɛ́ kúŋɛi. È kúmɛi kâa kúkɛɛ tɛɛ̂i ǹɔii-ŋûŋ-ŋai sámai.

Nwun mąąɓo 2:12

Dí kpèra Yâwɛɛ, dínûa pɔlɔ-ŋai Díɣâlai fɛliɛɛ ma nyíi kɛ̀ a Ŋ̀âlai nyíi díkùla Ize lɔii sui. Dí nâa pɛ̀lɛ Ɣâla da kpɛ́ni-ŋa fɛliɛɛ ma. Ŋ̀âla-ŋai ŋí díkɛ̀ a díkɔlɛ ma-ƃelai díwɔ̂ ɣala-ŋai. Tãi díkɛ̀ ŋ̀âla-ŋai ŋí fɛlîi lai, è gɛ̀ Yâwɛɛ é ǹíi ŋ̀wána dîa a ŋ̀ánaa.

Nwun mąąɓo 6:8

Yâwɛɛ è ŋɔlóno kɛ́-nuui tɛ̀ɛ Eezuɛ-ŋai pɔ́-naa. Ŋ̀orɛ̂-wooi ká ŋí è dɛ̀ɛ lai, “Ńyãa ƃa káai a Eezuɛ Káɣâlai da Kánuu-namui Yâwɛɛ. Ka káwoli tɔ́ɔ ḿâ. Ká kɛ̀ a luɛ-ŋa Ize-ƃelai yêei. Ŋá kákùla ǹuɛ-laai su ŋá kámaa kɔ̃ɔ é lɛ́ɛ la zu ŋá pá a káa ǹɔii ŋí ma. À kɛ̀ lɔii ŋuŋ da su-ƃela da tɔ̀ɔ kâa, ŋa kpɔ̀ŋ kâa ŋá káŋuŋ ma ƃó, ká dílɔii kúla díyêei.