Lɛɛ gbɔwɔ ɓa 13:14 - Bible

¹⁴ Kálônii-sinaai da kámarê kɛ̀ tínaa-tuɛ-pere dîyɛɛ kâa, ‘Nyíŋi su-kulai ƃa lé?’ Ka m̀ó dîa kâa. ‘Yâwɛɛ è wɔ́lɔ kúkùla luɛ-laa su.

Yálá laawoo hɛɓɛ (dc)

¹⁴ «Ka lonnii da ka mąnįn kɛ tinąą tɔwɔ pələ, diɛ kɛ mą: ‹Lə mɛ̨nį ɓa ka káá gɛi ti?› Ka kɛ diɛ: ‹Yai-Laa nwɔ huwalawalai hɛn da hva tɔɔ na, ɉaalai hu ɓə ə ku kulɔ la luwɔlaahu Eziptə.

Yálá laawoo hɛɓɛ

¹⁴ «Ka lonnii da ka mąnįn kɛ tinąą tɔwɔ pələ, diɛ kɛ mą: ‹Lə mɛ̨nį ɓa ka káá gɛi ti?› Ka kɛ diɛ: ‹Yai-Laa nwɔ huwalawalai hɛn da hva tɔɔ na, ɉaalai hu ɓə ə ku kulɔ la luwɔlaahu Eziptə.

Lɛɛ gbɔwɔ ɓa 13:14 ပူးပေါင်းရင်းမြစ်များ

Zɛnɛse 30:33

Tínaa tuɛ-pere ƃa pâi gɔ̂lɔnii à kɛ̀ ńzãâi. Tãi ƃa pâi pâi la a gɛɛ í ŋáfela-fei su káai, à kɛ̀ ƃà ƃoli kélee kàa naa nyii vé pɔ̃yɛ ní, kpaa máŋ ƃála nyii vé tɛi níi, gɛ̀ ní ŋá ŋûma.”

Kɔlɔnikɔ Maa-ŋuŋ 16:12

Káai a Zeeka ŋɔsuui su-ƃelai, káai a Ɣâla ŋɔtíi kɛ́-ƃelai, káai a Eezuɛ ŋɔsuui su-ƃelai Ɣâla a kásiɣe zui, ŋ̀ɛi kɛ́-maa-ŋai Ɣâla è gɛ̀i, gíli é lɛ́ɛ káŋa da m̀ɛni ŋá téɛɛi è gɛ̀i.

Nehemi 1:10

“Kúnuu-namui, íkpɔɔi nuai Eezuɛ-ŋai ká ŋí. Í dí kùla luɛ laa su díkpɔara-ƃelai yêei a íwala-wala laa kɛ́tɛi.

Mąątɛ̨nɛ̨ 136:11

È Eezuɛ-ŋai kùla Ize lɔii su. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

Mąątɛ̨nɛ̨ 145:4

Núu sûu tɔnɔ a pâi ílaa maa tɛ̂i m̀ɛnii kpaya-kpayai ya gɛ̂i, m̀ɛni ma díƃarâai dîa. Dia máŋ dí m̀ó díƃarâai dîa. Da pâi ítii kpaya-kpayai maa mɛ̂ni ƃôi.

Mąątɛ̨nɛ̨ 78:4

Kúfe pâi ǹoôi kúnîa-pɛlɛɛi dîa. Kwa pâi môi dîa, diaŋ dí m̀ó díwɔ̂ lonii dîa. Kwa pâi Yâwɛɛ ŋɔwála-wala-laai da gɛ́-mɛni kpaya-kpayai maa mɛni ƃôi dîa, da mɛni maa pɔlɔ-pɔlɔ-ŋai a gɛ́i.

Lɛɛ gbɔwɔ ɓa 10:2

A gɛɛ ŋɔ́nɔ í pɔ̂ri môi ílônii dîa da ílônii-díwɔ̂ lonii berei ŋá ŋáwala-wâlai lɛ̀ la dîa a tãi ŋá ŋ̀ɛi-kɛ-maa-ŋai ŋí kɛ̀ la dísamai. Kákelee ka pâi gɔ́lɔŋnîi a gɛɛ ńyãa ƃa Yâwɛɛ.”

Lɛɛ gbɔwɔ ɓa 12:41

Yâwɛɛ è Eezuɛ-ŋai kélee kùla Ize lɔii su a góraŋ ŋuŋ náaŋ pôlu buu saaƃai (430) kpɛɛ ŋá ɣele títi.

Lɛɛ gbɔwɔ ɓa 13:3

Nya ƃe Mose è mò ǹûai dîa ǹyɛɛi, “Ŋele-kûui ŋí é lɛ́ɛ kákili ŋá nyii ká kùla la Ize lɔii su ǹuɛ-laai sui. Kpɛ́ni fêi, Yâwɛɛ è kákùla naa a ŋɔwála-wala-laai. Káfe kpólo mìi nyii tɛ́-sɛŋ káa zui.

Lɛɛ gbɔwɔ ɓa 13:8

Ka m̀ó kálôni-sinaai dîa a gɛɛ kákaa nyíŋi kélee kɛ̂i m̀ɛni-ŋai mɛ̂ni mà Yâwɛɛ è gɛ̀ kûɛ tãi kú kùla la Ize lɔii sui.

Lɛɛ gbɔwɔ ɓa 13:9

Gúui ŋí é kɛ́ a ŋɛi-kɛ-maa káyeêi. É kɛ́ yɛ̂ɛ kili-too-ŋa sɛŋ nyii gbulɔŋɔɔi káyee mà gɛ ƃò kátôŋ lá a gɛɛ Yâwɛɛ ŋɔtɔ̂ŋ é kɛ́ nɔ́ ká lá a tãi kélee. Kpɛ́ni fêi, è kákùla Ize lɔii su a ŋɔwála-wala-laai

Lɛɛ gbɔwɔ ɓa 20:2

“Ńyãa ƃa Yâwɛɛ Ɣâla nyii íkùla ǹuɛ-lâai su Ize lɔii sui.

Lɛɛ gbɔwɔ ɓa 6:1

Nya ƃe Yâwɛɛ è mò Mose mà ǹyɛɛi, “Ƃa pâi nâa gâai mɛnii ŋa pâi gɛ̂i a Gâloŋ. Ŋa pâi gɛ̂i a wála-wala-laa a gɛɛ é dílɛɛ naa dí lí. Ŋa pâi máŋ gɛ̂i a wála-wala-laa é díkula ŋɔlɔii su”

Lɛɛ gbɔwɔ ɓa 6:6

Mɛni ma, m̀ó Eezuɛ-ŋai dîa yɛ̂ɛi, ‘Ńyãa ƃa Yâwɛɛ. Ŋa pâi kákulâi mɛni-solii su nyii Ize-ŋai da dɛɛ̂i kápɔi. Ŋa pâi kákulâi díyêei ǹuɛ-laai su. Ŋa pâi ŋáwala-wala-yeei sãai mɛni ŋá-teɛɛ su ŋá kákùla díyêei.

Lɛɛ gbɔwɔ ɓa 6:7

Ŋa pâi kásiyêi a ŋánûa, ŋá kɛ́ a Káɣâla. Ka pâi gɔlɔnîi a gɛɛ ŋ́gaa a Yâwɛɛ Káɣâlai nyii kákùla m̀ɛni-kpɔlui su nyii Ize-ŋai dí ǹaa kâai.

Ɉeremi 34:13

“Ńyãa Yâwɛɛ nyii gáa a Eezuɛ Ŋɔɣâlai, ŋá kpanaŋ-woo kɛ̀ kánâŋ pɔlɔ-ŋai yêei a tãi ŋá díŋuŋ-ma ƃò la ŋá díkula Ize lɔii su ƃɛ́i dí kɛ̀ naa luɛ-laa sui. Ŋá mò dîa a gɛɛ,

Danîa 9:15

“Óo Kúnuu-namui Ɣâla, yá ƃe kú kùla Ize lɔii su a íwala-wala yeei. Nyàŋ maa laai tí káa sâa yâ nyii pâi kɛ̂i naa wɔ́lɔ-wɔlɔ da wɔ́lɔ-wɔlɔi. Kwa sɔnyɔ̂ŋ kɛ́ a yá.

Gɛlaɠaa 13:17

Eezuɛ-ƃelai Díɣâlai è wɔ́lɔ kúnâŋ-ni ɣɛ̀ɛ zu é ǹûai kɛ́ a núu kpaya-kpaya díkɛɛ Ize lɔii sui. È ŋɔ́nɔ díkùla naa a ŋɔwála-walai.

Dutɛrɔnome 5:15

Ka gɔ́lɔŋ a gɛɛ ká kɛ̀ a luɛ-ŋa Ize lɔii su. Káɣâlai Yâwɛɛ ƃé kákùla naa é pá a káa a ŋɔwála-walai. Mɛni ƃé a m̀ôi la kâa a gɛɛ ká ŋ̀elei kûui ŋí mɛi káa a maa waa.

Dutɛrɔnome 5:6

‘Ńyãa ƃa Káɣâlai Yâwɛɛ nyii kákula ǹuɛ-laai su Ize lɔii sui.

Dutɛrɔnome 6:12

Mɛni ma, káfe ǹia Káɣâlai Yâwɛɛ ma. Ǹyaa ƃé kákùla ǹuɛ-laa su Ize lɔii su.

Zasua 22:24

Kú gɛ̀ tí, kpɛ́ni fêi, kúfe ŋ̀wɛ̂lii kánîa-pɛlɛɛi dí tínaa mó kúwɔ̂ nia-pɛlɛɛi dîa dîyɛɛi, ‘Eezuɛ Ŋɔɣâlai Yâwɛɛ fé a kápɔɔ!

Zasua 24:17

kpɛ́ni fêi, Kúɣâlai Yâwɛɛ ƃé kúnâŋ pɔlɔ-ŋai kûla Ize lɔii su ǹuɛ-laai su é ŋɛi kɛ́-maa támaa kɛ́ kúŋɛi. È kúmɛi kâa kúkɛɛ tɛɛ̂i ǹɔii-ŋûŋ-ŋai sámai.

Zasua 4:6

Gɔni-ŋai ŋí da pâi kɛ̂i a ŋɛi kɛ́-maa kasama tãi ká nia-pɛlɛɛi da pâi kámâre kɛ̂i la dîyɛɛi, ‘Gɔni-ŋai ŋí díkaa tɔɔni ƃɛ́ lé mɛni ma?’

Nwun mąąɓo 2:12

Dí kpèra Yâwɛɛ, dínûa pɔlɔ-ŋai Díɣâlai fɛliɛɛ ma nyíi kɛ̀ a Ŋ̀âlai nyíi díkùla Ize lɔii sui. Dí nâa pɛ̀lɛ Ɣâla da kpɛ́ni-ŋa fɛliɛɛ ma. Ŋ̀âla-ŋai ŋí díkɛ̀ a díkɔlɛ ma-ƃelai díwɔ̂ ɣala-ŋai. Tãi díkɛ̀ ŋ̀âla-ŋai ŋí fɛlîi lai, è gɛ̀ Yâwɛɛ é ǹíi ŋ̀wána dîa a ŋ̀ánaa.

Nwun mąąɓo 6:8

Yâwɛɛ è ŋɔlóno kɛ́-nuui tɛ̀ɛ Eezuɛ-ŋai pɔ́-naa. Ŋ̀orɛ̂-wooi ká ŋí è dɛ̀ɛ lai, “Ńyãa ƃa káai a Eezuɛ Káɣâlai da Kánuu-namui Yâwɛɛ. Ka káwoli tɔ́ɔ ḿâ. Ká kɛ̀ a luɛ-ŋa Ize-ƃelai yêei. Ŋá kákùla ǹuɛ-laai su ŋá kámaa kɔ̃ɔ é lɛ́ɛ la zu ŋá pá a káa ǹɔii ŋí ma. À kɛ̀ lɔii ŋuŋ da su-ƃela da tɔ̀ɔ kâa, ŋa kpɔ̀ŋ kâa ŋá káŋuŋ ma ƃó, ká dílɔii kúla díyêei.