Lɛɛ gbɔwɔ ɓa 13:12 - Bible

¹² ka kálônii-sinaai maa-ŋuŋ-ŋai tɛ́ɛ Yâwɛɛ pɔ́. Kátaa tulɛ-ŋai dílônii-sirɛi maa-ŋuŋ-ŋai díkaa a Yâwɛɛ pɔ́ɔ.

Yálá laawoo hɛɓɛ (dc)

¹² Ka lon ɉinąą dɔlɔɔɠaa kəlee tɛɛ Yai-Laa pɔ, ə mą kɛ a ka yəi taatɛlɛɛ lon dɔlɔɔɠaai a ɉilɛ, nwɔɔ li.

Yálá laawoo hɛɓɛ

¹² Ka lon ɉinąą dɔlɔɔɠaa kəlee tɛɛ Yai-Laa pɔ, ə mą kɛ a ka yəi taatɛlɛɛ lon dɔlɔɔɠaai a ɉilɛ, nwɔɔ li.

Lɛɛ gbɔwɔ ɓa 13:12 ပူးပေါင်းရင်းမြစ်များ

Nehemi 10:36

Kwa pâi pâi a kúlônii-sinaai maa-ŋuŋ-ŋai da kútaa tûlɛ-ŋai dílônii maa-ŋuŋ-ŋai zâla láa soŋ-ƃelai pɔ́ tíi kɛ̂i Kúɣâlai ŋɔpɛ́rɛi mu, yɛ̂ɛ berei bɔ̃yɛ̂ɛi ŋɔ́nɔ la Mose ŋɔtɔ̂ŋ sui.

Nehemi 10:37

Kwa pâi pâi a kúsama-sãai ŋí zâla láa soŋ-ƃelai pɔ́ tíi kɛ̂i Kúɣâlai ŋɔpɛ́rɛi mui. Dia ƃa kúfilaƃa-fũa lɛ́lɛɛ-ŋai maa-ŋuŋ-ŋai, kúsi-sãai m̀á maa-ŋuŋ-ŋai, kúŋwã̂ai da kúɔle-wulɔ ninai. Daa-ŋai kwa kpalaŋ ŋá tii kɛ̂i zu a tɛ̀ɛ-ŋai, kwa pâi kúsi-sãai buu ɣelei kulâi ǹaa kú dɛ̀ɛ Liiva-ŋai pɔ́. Zãâi ŋí kula mɛ̂ni káa a Liiva-ŋai maa mɛni.

Lɛɛ gbɔwɔ ɓa 13:1

Yâwɛɛ è mò Mose ma ǹyɛɛi,

Lɛɛ gbɔwɔ ɓa 13:2

“Eezuɛ-ŋai dílônii-sinaai maa-ŋuŋ-ŋai kélee tɛ́ɛ ḿbɔ. Eezuɛ-ŋai dílônii-sinaai maa-ŋuŋ-ŋai da dítaa-tulɛ-ŋai dílônii maa-ŋuŋ-ŋai nyii-ŋai díkaa a dísîrɛi díkaa a ḿbɔɔ.”

Lɛɛ gbɔwɔ ɓa 22:28

“Ífe lòno a nyɔ́mɔɔ é pîlaŋ Ɣâla ma. Ífe ínûai túɛ-nuu làraŋ.

Lɛɛ gbɔwɔ ɓa 22:29

“Pá a í mii-sãa sama-sɛŋ, kpele-sɛŋ sama-sɛŋ, da ɔle-wurɔ sama-sɛŋ, a tãi gáa a sɛŋ í dítɛɛ lai. “Íloŋ-surɔ̂ŋ maa-ŋuŋ tɛ́ɛ ḿbɔ.

Lɛɛ gbɔwɔ ɓa 34:19

“Núu-loŋ kélee da sua-loŋ kélee maa-ŋuŋ káa a ḿbɔɔ. Niŋa, ƃála da taa-tulɛ-sii kélee díloŋ-sîrɛi maa-ŋuŋ-ŋai kélee.

Lɛɛ gbɔwɔ ɓa 34:20

Kɛ́lɛ ka pâi wɔ́lɔ káwɛlɛ-sôoi ǹóŋ-sirɛ maa-ŋuŋ yâi pôlu a ƃála tɛɛ bɔ́ɔ ŋá. Ǹyaŋ ka wàla ǹyá pôlu, gɛ̀ ní fɛ̂ɛ ŋá ká kɔŋ ɣále. Fɛ̂ɛ ká kálônii-sinaai maa-ŋuŋ-ŋai kélee yá pôlu. “Núu da fé pà ŋɛ́i-tuɛ a ǹyée fôlo, fɛ̂ɛ sama-sɛŋ é kɛ́ ǹyêei.

Izikiɛ 16:20

“Gɛɛ tíi, í nîa-pɛlɛɛi nyii-ŋai í dísɔlɔ ƃô ḿîi kula a sâla íɣâla-pɔɔkɔŋ-ŋai dîa. Nyíti fé kɛ ni a mɛni nyɔmɔɔ mɛ̂ni mâ?

Izikiɛ 44:30

Ká kasí-sãai m̀á m̀aa-ŋuŋ da zâla-sii nyii kélee ka gulai káa a zâla láa-soŋ-ƃelai pɔɔ. Gáa a sɛŋ ká kákpolo-ŋai m̀aa ŋuŋ tɛ́ɛ zâla láa-soŋ-ƃelai pɔ́. Ka gɛ̀ tí, lûwa a pâi kɛ̂i kápɛrɛi ma.

Levetekɔ 27:26

“Vɛnɛ-sɛŋ lonii maa-ŋuŋ-ŋai kélee káa a Yâwɛɛ pɔ́ɔ. M̀ɛni ma, núu da fé da tɛ̂ɛ bɔ́ a kili-kula sama-sɛŋ. A nɛ̃ɛ ma é kɛ́ a niŋa-loŋ, ƃála-loŋ kpaa máŋ ƃoli-loŋ gáa a Yâwɛɛ pɔ́ɔ.

Lonon mo 18:15

“Núu-kpune da taa-tulɛ dílônii maa-ŋuŋ-ŋai kélee nyii-ŋai da dítɛ̀ɛ ḿbɔi, díkaa a ípɔɔ. Kɛ́lɛ fɛ̂ɛ í íyee sée núu-kpune ǹônii maa-ŋuŋ-ŋai díŋuŋ-ma-ƃo fela-fei mu. Íyee sée daa-tulɛ lônii maa-ŋuŋ-ŋai díŋuŋ-ma ƃó fela-fei mu nyii-ŋai dímaa fé waa nii.

Lonon mo 3:12

“Gáa, ŋa Livai-ŋai síɣe Eezuɛ-ŋai dílonii-sinaa maa-ŋuŋ-ŋai pɔ́ɔ ŋa a gɛɛ dí kɛ́ a ḿbɔɔ.

Lonon mo 3:13

Kpɛni fêi, dílonii-sinaa maa-ŋuŋ-ŋa kélee díkaa a ḿbɔɔ. Ŋelei ŋá Ize-lonii-sinaa maa-ŋuŋ-ŋai kélee pàa la Ize lɔii sui, ŋá Eezuɛ lonii-sinaa maa-ŋuŋ-ŋai da dítaa-tulɛ-ŋai dílônii maa-ŋuŋ-ŋai sìɣe a ḿbɔɔ. Díkaa a ḿbɔɔ. Ńyãa ƃa Nuu-namui.”

Lonon mo 8:17

Kpɛni fêi, Eezuɛ ǹônii-sinaai maa-ŋuŋ-ŋai kélee díkaa a ḿbɔɔ. Vóloi ŋá Ize-ŋai dílônii-sinaai maa-ŋuŋ-ŋai kélee pàa la Ize lɔii sui, ŋá Eezuɛ-ŋai dílônii-sinaai maa-ŋuŋ-ŋai da dítaa-tulɛ-ŋai dílônii maa-ŋuŋ-ŋai sìɣe a ḿbɔɔ.

Lukə 2:23

(yɛ̂ɛ berei bɔ̃yɛɛ̂i la Kúnuu-namui ŋɔtɔ̂ŋ sui, ǹyɛɛi, “Lóŋ-surɔŋ vulɔ-fulɔi kélee a koo-ƃɔlɔŋ lá ƃôi da pâi dólîi a maa waa Kúnuu-namui mi”)

Dutɛrɔnome 15:19

“Kátaa-tulɛ lonii sirɛ maa-ŋuŋ-ŋai kélee káa a maa waa Káɣâlai Yâwɛɛ mɛni ma. Káfe tíi da kɛ̀ a maa ǹiŋa lonii sirɛi kpîŋ da, káfe tela m̀ála lonii sirɛ maa-ŋuŋ-ŋai da léɣa tèe ma.