Lɛɛ gbɔwɔ ɓa 10:21 - Bible

²¹ Nya ƃe Yâwɛɛ è mò Mose mà ǹyɛɛi, “Íyee sãa ŋ̀elei su a gɛɛ tuna-ya kpini é tóo Ize lɔii su gwaa kélee.”

Yálá laawoo hɛɓɛ (dc)

²¹ Yai-Laa yɛ Moisə ɓa: «'Ə́ yee tɛ ɲələi! Kpini ə pɛlɛ Eziptə lɔi mɛ̨i, nuą diɛ di yee pɛlɛ ɓɛ-ɓɛ.»

Yálá laawoo hɛɓɛ

²¹ Yai-Laa yɛ Moisə ɓa: «'Ə́ yee tɛ ɲələi! Kpini ə pɛlɛ Eziptə lɔi mɛ̨i, nuą diɛ di yee pɛlɛ ɓɛ-ɓɛ.»

Lɛɛ gbɔwɔ ɓa 10:21 ပူးပေါင်းရင်းမြစ်များ

Zôo 5:14

Tãi kwaa a kɛ̂ la a bonoɔɔi, da kɛ̂ nɔ́ kpînii, díkɛ díkɔɔ tùa a vóloi-ŋa yɛ̂ɛ ŋ̀ɛ́i pû-nuu-ƃela ƃé siâi kpînii.

Mąątɛ̨nɛ̨ 105:28

Ɣâla è gɛ̀ kpíni é Ize lɔii mɛi pɛ́lɛ, kɛ́lɛ Ize-ŋai dífe díwoli tɔɔ ní ŋ̀óo ma a gɛɛ dí ǹɛɛ naa Eezuɛ-ŋai dí lí.

Mąątɛ̨nɛ̨ 35:6

Gɛ́ díperêi é kɛ́ a gbiníɛɛ nàa laa-lâa, íkelai kɛ́ ƃò dípôlu gɛ́ díkpɛ̀.

Mąątɛ̨nɛ̨ 78:49

È mɛni kpɔ̂lu támaa làa dîa. È ǹíi ŋwàna kpɔ́ dîa é núu paa ɣâla-taa kela-ŋa too dísama.

Lɛɛ gbɔwɔ ɓa 7:19

Nya ƃe Yâwɛɛ è mò Mose ma ǹyɛɛi, “M̀ó Eelɔŋ ma a gɛɛ é ŋɔsia-wurii síɣe é ǹɛ́ Ize ya-ŋai kélee mɛi, ǹyá-lêe-ŋai, ǹyá-loa-ŋai da bóa-ŋai kélee. Ǹyá-ŋai kélee da pâi penêi a ŋãa. Ǹyá Ize lɔii gwaa kélee a pâi kɛ̂i a ŋãa. Díkpele sɛŋ-folo-ŋai kélee su yà-ŋai máŋ a pâi kɛ̂i a ŋãa.”

Lɛɛ gbɔwɔ ɓa 9:22

Nya ƃe Yâwɛɛ è mò Mose ma ǹyɛɛi, “Íyee tɛ́ ŋ̀elei su. São a pâi pûi Ize lɔii gwaa kélee núu-kpune ma da zua-ŋai é pɛ́lɛ galai kélee ma gbâlaŋ ŋai.”

Hanwon 4:19

Ŋ̀wana-lɔ̂ɔ-ƃelai díperei káa yɛ̂ɛ kpíni kɛ́tɛ. Dífa zɛŋ kâa da kâreŋ lai.

Ikilisiati 2:14

Táre nuu kíli ŋá ponoɔ̂ɔi, kɛ́lɛ ƃoo nûu káa kpînii. É máŋ kɛ́ tí mɛni kpanaŋ a kùla nɔ́ dífeerɛ dîa kpaa máŋ dí sáa.

Ikilisiati 6:4

È pà kpînii é lí pôlu kpînii. Núu da fé ǹáa kɔ́lɔŋ.

Izikiɛ 32:7

Tãi ŋa pâi íkulâi la naai, ŋa pâi ŋ̀ele-kɔlɔŋ mɛi pɛlɛ̂i ŋa gɛ́ bɛ́mɛlɛ̂ŋ-kao-ŋai dífa ŋɔ́nɔ fòlo. Ŋa pâi vóloi mɛi pɛlɛ̂i a ŋ̀ele-kɔlɔŋ kolei. À kɛ̀ tí, ŋáloŋ ǹyaŋ vé pâi fôloi.

Maafîu 27:45

É síɣe aƃai ǹɔɔlu mɛi dai ḿâ ǹɔii gwaa kélee ma è kpìni é lɛ́ɛ la zu aƃai ǹɔɔlu mɛi náaŋ é séri.

Markə 15:33

Aƃai ǹɔ́ɔlu mɛi dai seriɛɛi, ǹɔii gwaa kélee è kpìni, é lɛ́ɛ la zu aƃai ǹɔ́ɔlu mɛi náaŋ é seri.

Lukə 23:44

È kɛ̀ nâa a aƃai ǹɔ́ɔlu mɛi dai. Nya ƃe kpíni è pɛ̀lɛ ǹɔii gwaa kélee ma é lɛ́ɛ la zu aƃai ǹɔ́ɔlu mɛi náaŋ é seri,

Dutɛrɔnome 1:30

Káɣâlai Yâwɛɛ nyii gáa kátuɛi a pâi kɔ̂i kámɛni ma, yɛ̂ɛ berei è gɛ̀ la kámɛni ma Ize lɔii su,

Dutɛrɔnome 28:29

Vóloi a kula ka pâi kɛ̂i káyee pɛlɛ-pɛ̂lɛi yɛ̂ɛ ŋɛi-pû-nuu. Mɛni kélee ka káyee pìli zui, ŋ̀á fé pâi wɔ́lɔ kɛ̂i ma. Nûa da pâi káluânii díkɛ káfili. Núu da fé pâi kɛ̂i naa é káŋuŋ ma ƃó.

Dutɛrɔnome 4:34

Ɣâla da a tá kɔ́ a gɛɛ é lɔii-ŋuŋ da kula lɔii-ŋa sáma a su-kɔɔŋ kɛ́ɛ, ŋɛi-kɛ-maa, kɔ́ a ŋɔwála-wala yeei, kpaa máŋ mɛni mili-mili-ŋa kɛ́ɛ yɛ̂ɛ berei Káɣâlai Yâwɛɛ è gɛ̀ la káŋɛi-tuɛ Ize lɔii sui?

Piɛrə veelɛ 2:17

Ǹûai ŋí díkaa nɔ́ yɛ̂ɛ yá-ɣɛli loŋ nyíi gbálaâi. Dí ƃò yɛ̂ɛ lúu nyíi fãa kɛ́tɛ a tɛ́ɛ lai. Dɛ̂ƃele-taa-kpinii káa naa dímɛni ma.

Piɛrə veelɛ 2:4

Ɣâla fé ŋ̀âla-taa-kela-ŋai su mɛni lɛɛ ní a tãi dí sɔnyɔ̂ŋ kɛ̀ la lâi, kɛ́lɛ, è dípili Dɛ̂ƃele-taa-kpinii su a gɛɛ dí lɛ́ɛ naa m̀ɛni-ŋa-tee-tãi é seri.

Zûu 1:13

Berei yúo a tôo la gɛ̀ fúle-fulei bere nɔ́ ƃe díkpîŋ a lɛ̂ la fíeŋ ŋá. Díkaa nɔ́ yɛ̂ɛ pɛmɛlɛŋ-kao-ŋa ƃe siâi, ǹyaŋ Dɛ̂ƃele-taa-kpinii káa naa dímɛni ma wɔlɔ-wɔlɔ da wɔlɔ-wɔlɔ.

Zûu 1:6

Ǹyaŋ ŋ̀âla-taa-kela-ŋai nyíi-ŋai dífe lɛ̀ɛ ní díkpîŋ-tii-ŋai mɛi, kɛ́lɛ, dí kùla díkpîŋ-kwaa-ŋai diai, Ɣâla è dípu Dɛ̂ƃele-taa-kpinii sú a gɛɛ dí lɛ́ɛ naa mɛni-ŋa-tee-ɣele kɛ́tɛi é seri.

M̀ɛni-lɛɛi 8:12

Ŋ̀âla-taa-kelai náaŋ-ɣelei è ŋɔtúrii fɛ̂ɛ, voloi gwaa kuro ma é túa, da ŋ̀áloŋ gwaa kuro ma, da bɛmɛlɛŋ kao-ŋai díkwaa kuro ma, a gɛɛ dífoloi kwaa kuro ma é kpíni. Ŋ̀elei ŋɔtãi kpua kuro yée mu, voloi fé too ni, ǹyaŋ bere-sii tí sú, gbini ŋɔtãi kpua kuro yée mu ŋ̀áloŋ fé fólo ní.