Ɛstɛrə 9:25 - Bible

²⁵ Ɛtɛ è lì gâloŋ pɔ́ naa é m̀ɛnii ŋí su kula ma. Nya ƃe gâloŋ è kɔlɔ tɛ̂ɛ ǹɔii kpîniŋ-ŋai su a gɛɛ m̀ɛni nyɔ́mɔɔi Emaŋ è gbɛ̀tɛ Zuda-ŋai mɛni mai, dí gɛ́ a ǹyaa Emaŋ. Dí zɛ̀lɛŋ ǹyeŋkêŋ-ŋai dîa da ǹônii-sinaai.

Yálá laawoo hɛɓɛ

²⁵ Kɛlaa, ɓɛlɔwai Haman ə kɛi pa mɛ̨nįi tii hu hvɛlii la tɔɔmun ma, mɛ̨nį tii ə bɛ̨ɛ̨ yɛ hvilɛn na Ɉuifəɠaa diɛ, ə pənə ə too mɛ̨i. Yaa Haman, da non ɉinąą, di di hɛlɛn wulu ɓa.

Ɛstɛrə 9:25 ပူးပေါင်းရင်းမြစ်များ

Tɔɔɓɛlaa dɔlɔɔ 8:32

gɛ̀ ní, lɛɛ kpɔ́ Ɣâla-taa í mɛni da kɛ́ é pîlaŋ ma. M̀ɛni kpîŋ ŋá tée díloai. Zɔnyɔ̂ŋ-nuui ŋɔsɔnyɔ̂ŋ kula maa kɛ́, í dɔ̃ya nuui féla fé ŋɔtɔ̃yâ-laai mɛni ma.

Ɛstɛrə 3:6

Tãi è gɔ̀lɔŋ la a gɛɛ Mɔdikai è kɛ̀ a Zuda-nuui, è gbɛ̀tɛ a gɛɛ é Zuda-ŋai kélee páa Gâloŋ Atasɛra ŋɔlɔii kpîniŋ kélee su.

Ɛstɛrə 7:10

Nya ƃe dí Emaŋ sɛ̀lɛŋ ǹyeŋkêŋ mâ nyii è dɔ̀ɔ Mɔdikai mɛni mai ḿâ. Nyíŋi pôlu ma, gâloŋ líi ŋáa è yèŋ.

Ɛstɛrə 7:4

Da kúsuui tɛ́ɛ nûa pɔ́ a gɛɛ dí zu-kara. Eêi kɛ̀ da ŋ̀wɛ̂lii nɔ́ dí kúkɔlɛ, ŋ́âi lɛ̀ɛ a ḿɛi saa, fêi fũa-fũa tɔɔ yâ. Kɛ́lɛ da gbɛ̀tɛ a gɛɛ dí kúsuu kpɛ́ɛ ɣele ma.”

Ɛstɛrə 7:5

Gâloŋ Atasɛra è Ɛtɛ marê kɛ̀ ǹyɛɛ mai, “Ǹúui nênɛ ƃé ŋɔkili ŋa siai a pɔ̂ri m̀ôi ma a gɛɛ é píli m̀ɛni kɛ́ɛ tí sui. Maa surɔ̂ŋ kɔ̂ɔ?”

Mąątɛ̨nɛ̨ 140:8

Óo Yâwɛɛ, ífe ǹɛɛ naa ŋ̀wana-lɔ̂ɔ-ƃelai dí dínîa sɛŋ sɔlɔ ƃó. Ífe nɛ̀ɛ naa díŋwana-lɔ̂ɔ mɛni-ŋai ŋàa sèe é kɛ́.

Mąątɛ̨nɛ̨ 140:9

Ífe nɛ̀ɛ naa ŋ́gbɔara-ƃelai yée é tɛ́ɛ ḿâ. Ǹɛɛ naa díŋwana-lɔ̂ɔ mɛni kpɛtɛɛ-ŋai dí pú díŋua.

Mąątɛ̨nɛ̨ 141:10

Tɔ́ɔ ŋ̀wana-lɔ̂ɔ-ƃelai dí kɔ́ a díkpɔɔi ƃare-ŋai, ŋ́gɛ tɛ̂ɛ ŋuŋ mâ ƃóɔɔ.

Mąątɛ̨nɛ̨ 7:16

M̀ɛni nyɔ́mɔɔ-ŋai kélee da gbɛ̀tɛ nûa da kpɛ́ni-ŋa mɛni mai, dia nɔ́ ƃé a kɛ̂ a dia, díkɛ mɔ̃lɛ maa mɛ̂ni solii su.

Mąątɛ̨nɛ̨ 7:17

Ŋa pâi sɛɣɛ-fei tɛɛ̂i Yâwɛɛ pɔ́, kpɛ́ni fêi, a mɛni ŋá tèe a tɔ̃yâ-pere. Ŋa pâi laa ma tɛ wule toôi Ŋ̀ála Kɛ́tɛi Yâwɛɛ ma.

Mąątɛ̨nɛ̨ 94:23

A pâi ǹúu ŋwana-lɔ̂ɔ-ŋai kula maa kɛ̂i, é dísu kara zɔnyɔ̂ŋ-ŋai da gɛ̂i m̀ɛni ma. Kúɣâlai Yâwɛɛ a pâi dísu karâi.

Hanwon 26:27

Ǹúui a lóa tèe núu da kpɛ́ni mɛni mai, a pâi tôoi gbɔ́ɔi loai su. Ǹúui a kɔni kîliŋ, gbɔ́ɔi kɔnii a lêne ma pôlu.

Hanwon 5:22

Ŋwana-lɔ̂ɔ-nuu ŋɔsɔnyɔ̂ŋ káa yɛ̂ɛ ƃáre. A kɔ̂ a gbîŋ ƃare.

Azaya 22:25

Nyíŋi à kɛ̀, m̀aa wûrui a pâi ɣâlei é tóo. Ǹyaŋ nyíŋi ƃé pâi kɛ̂i a mɛni kélee kpɛɛ ŋá. Ńyãa Yâwɛɛ ƃé mò tí.”

Abdiasə 1:15

“Tã a lɛɣɛ tã ńyãai a kánuu-namui, ŋa pâi ǹɔii-ŋûŋ-ŋai dimɛni ŋáa têei lai. Idɔŋ, berei í tùa lai, bere ƃé da pâi tûai la a yá: íkpɔɔi tua-perei a pâi pûi íŋûa.”

Maafîu 21:44

Ǹúui a tôo gɔnii tí ŋái, a pâi wólôi. Ǹyaŋ, tãi gɔnii tí a tôo la núu da mai, a pâi maa-nuui fũa-fũâi yɛ̂ɛ muluŋ.”]

Samuɛlə dɔlɔɔ 25:39

Tãi Deeƃé è m̀ɛni la a gɛ́ɛ Neeba a saai, è mò ǹyɛɛi, “Laa maa tɛ̂ é tɛ́ɛ Yâwɛɛ pɔ́! A Neeba ŋɔmɛnii ŋáa tée, kpɛ́ni fêi, è woo-yɔ̂ŋ pìli ḿâ. Yâwɛɛ è ŋ́gbera a gɛ́ɛ ḿve mɛni nyɔ́mɔɔ da kɛ̀. Ǹyaŋ è ǹɛɛ naa a gɛ́ɛ Neeba é mɛni nyɔ́mɔɔ kɛ́ a gbîŋ.”