Ɛstɛrə 5:14 - Bible

¹⁴ Nya ƃe ŋɔnɛnîi da m̀arâai dí mò ma dîyɛɛi, “Yeŋkêŋ tɔɔ mɛi kɛ́ ƃò a kɔ́ɔ ƃɔ́rɔnîi buu lɔ́ɔlu mɛi feerɛ káo lɔ́ɔlu. À kɛ̀ tí, m̀ó gâloŋ ma é Mɔdikai sɛ̂lɛŋ ma a tínaa ɣele-wala. Gɛ̀ ní ya pâi liî gûui su a lii-nɛ̃ɛ.” Ǹia-wooi ŋí è ǹíi làa. È gɛ̀ dí nyeŋkêŋ tɔ́ɔ.

Yálá laawoo hɛɓɛ

¹⁴ Nąąlɔwai, Haman nɛ̨ą Ɉɛrɛsə da Haman mɛlaani, di mo mą diɛ mą: «'Mo, di wulu ta pɛli, gwɛa yee yɛ ɓo a yee laa mą pow haa ɓa, tinąą, ə ɉu hvɛli tɔɔmun ma, di Mardose hɛlɛn mą. Yili pulu, ka tɔɔmun ka li, ka ka laa mįi a kwəinɛ̨ɛ̨.» Mɛ̨nįi tii ə Haman lii hon, ə mo di nwulu tee di vilɛn.

Ɛstɛrə 5:14 ပူးပေါင်းရင်းမြစ်များ

Samia Veerɛi 16:21

Aitofɛ ǹyɛɛ m̀ai, “Ínâŋ yée mu nɛyãai è dílɛ̀ɛ ŋɔpɛ́rɛi lá a gɛ́ɛ dí naa mɛi káai, díkɛ a ínɛyâa. Yà gɛ̀ tí, gɛ̀ ní íƃɛlɛ a pâi kpɛɛi ínâŋ koi. Gɛ̀ ní ǹyaŋ dîai kélee ípôlu díkponôi a pâi kpananiî.”

Tɔɔɓɛlaa dɔlɔɔ 21:25

(Kpakolo ta fé wɔ́lɔ kɛ́ ní naa zɔŋ nyɔ́mɔɔ yɛ̂ɛ Eɣa. Ŋɔnɛnîi Zɛsebɛɛ è gɛ̀ é sɔnyɔ̂ŋ kpɛ́ɛ pôlu ŋánaa kɛ́ a Yâwɛɛ.

Tɔɔɓɛlaa dɔlɔɔ 21:7

Ŋɔnɛnîi Zɛsebɛɛ ǹyɛɛ m̀ai, “Bere ƃé ya tûa la ƃíai a Eezuɛ kaloŋ? Ímu siɣe í ílaa míi! Lii-nɛ̃ɛ kula. Ŋa pâi Zariɛɛ-nuui Nabo ŋɔkpɔmɔ kpâlaŋ sɔlɔ ƃôi ímɛni ma.”

Ɛstɛrə 6:4

Nya ƃe gâloŋ è dímarê kɛ̀ ǹyɛɛ dîai, “Ŋátii kɛ́-nuui nênɛ ƃé bɛ́rɛi lai?” Maa tãi tí Emaŋ a lɔ́ nɔ́ bɛ́rɛi mu. È lɔ̀ bɛ́rɛi mu a gɛɛ é m̀ó gâloŋ ma é wála-wala-laa tɛɛ bɔ́ Mɔdikai sɛ̂lɛŋ mɛni ma ǹyeŋkêŋ ma nyíi è gbɛ̀tɛi.

Mąątɛ̨nɛ̨ 37:14

Ŋ̀wana-lɔ̂ɔ-ƃelai da díƃoa sɔkpɔ-ŋai kúla daai dí díkerâŋ-ŋai ŋá tɛ́, a gɛɛ dí gôlo-ƃelai da diai pɔ̂ri mâa fé dîɛi páa la, dí dɔ̃yâ mɛni kɛ́-ƃelai su tée-tee a gbua-kpua.

Mąątɛ̨nɛ̨ 37:32

Ŋ̀wana-lɔ̂ɔ-ƃelai da kɛ́ dɔ̃yâ-ƃelai maa kpɛɛ̂i. Da kɛ́ ŋ̀wɛ̂lii dí dípaa.

Mąątɛ̨nɛ̨ 9:15

Diai Ɣâla mɛni fé díkponôi, dí lóa tèe dí tóo díkpɔɔi loai su. Dí kɔ̀ a díkpɔɔi ƃare-ŋai.

Hanwon 1:18

Kpɛ́ni fei núu kɛ́ɛ-ŋai tí da ƃáre tɛ̀ díkpîŋ mɛni ma, ǹyaŋ m̀aa ƃârei tí ƃé pâi dífulu-laai su karâi.

Hanwon 4:16

kpɛ́ni fêi, ŋ̀wana-lɔ̂ɔ-ƃelai dífa nyîi, fɛ̂ɛ dí mɛni nyɔ́mɔɔ kɛ́. Nyii fa pâ díŋɛi fɛ̂ɛ dí ŋwana-lɔ̂ɔ kɛ́ a núu.

Lomaŋ 1:32

Berei máŋ dí Ɣâla ŋɔtɔ̂ŋ kɔ́lɔŋ la a gɛ́ɛ diai da m̀ɛni-ŋai ŋí kɛ̀ maa nɛ̃ɛ̂i dísaai, dífa m̀ɛni-ŋai ŋí kɛ̀ nɔ́, kɛ́lɛ, da fâa a gɛ́ɛ núu da kpɛ́ni é díkɛ máŋ.

Lomaŋ 3:15

Dímaa félaai ŋwana-lɔ̂ɔ kɛ̂i dí núu paa.

M̀ɛni-lɛɛi 11:10

Diai kɛ̀ ǹɔii sui, dílii a pâi nɛ̃ɛ̂i dí pêle kɛ́ dí sama-sɛŋ tɛ̀ɛ díkîe-ni pɔ́, kpɛ́ni fêi, diai kɛ̀ ǹɔii sui, Ɣâla ŋɔlóno-kɛ-ƃela féerɛi ŋí maa-mɛni è kɛ̀ dîa a lii-sɛlɛŋ kɛ́tɛ.