Ɛstɛrə 4:16 - Bible

¹⁶ “Lí í Zuda-ŋai kélee ŋáa tɛ́ díkîe ma Susa taa-leei su ka dîa-ni ká sûŋ siɣe ḿɛni ma. Ka sûŋ siɣe a fólo saaƃa. Kwa ńyee mu-ƃelai kwa pâi gɛ̂i tí máŋ. Zûŋ ŋá ɣále tãi ŋa pâi liî gâloŋ pɔ́ naa berei máŋ vé tí la dɔ̂ŋ lá-woo mai. À kɛ̀ ŋa pâi saâi m̀ɛnii ŋí su, gɛ̀ ní é kɛ́ tí.”

Yálá laawoo hɛɓɛ

¹⁶ «'Li, Ɉuifəɠaai di kaa Susə daai, ə gəlee ŋąąkpɔn, ka hin nɔ mą́ą́ mɛ̨nį ɓa, hvolo haaɓa, a kpinį haaɓa, nu ta hvo kɔ̨nɔ̨n mįi, hvo gbələ. Ɲą́ą́ gbɛli kwa nwɔ koló kɛ nɛ̨ąąi ku kaa gɛi lɔ tii. Yili pulu, gáá lii, tɔɔmun nííla pələi mąn tɔ́n gaa la ma. Akɛ ŋį́ haa, ŋį́ haa.»

Ɛstɛrə 4:16 ပူးပေါင်းရင်းမြစ်များ

Zɛnɛse 18:19

Kpɛ́ni fêi, ŋá nɛ̀ a gɛɛ é ǹônii da ŋɔpɛ́rɛi mu-ƃelai kɛ́ dí ŋápɛrɛi mɛi káa bôlu ma a tɔ̃yâ-mɛni kɛ́ɛ da teniŋ-mo laa, a gɛɛ ŋá gbanaŋ-wooi ŋàa-see kɛ́ ŋá gɛ̀ Eberaɣɛ̃ɛ yêei.”

Zɛnɛse 43:14

Ŋ̀wála-wâla kélee Ɣalai é gɛ́ nalôŋ é kámalôŋ káa a gɛɛ é kálêɣe kpéli tɛ́ɛ pôlu da Bɛŋsima. À kɛ̀ ŋánîa-pɛlɛɛi da pɔ̂ri kulâi ńyêei, tɔɔ dí kúla ńyêei.”

Samia Veerɛi 10:12

Ka kákili kúla kú kɔ́ kúnûai mɛni ma da Ɣâla ŋɔtaa lêe-ŋai. Tɔɔ Yâwɛɛ é mɛ̀nii kɛ́ ǹɛ̂lɛɛi ŋ̀ɛ́i.”

Tɔɔɓɛlaa veelɛ 7:4

À kɛ̀ kwa mò kûɛ kwa pâi liî daa-lêei su, burui tooɔ̂i naa a zu kɛ́tɛ, gɛ̀ ní kwa pâi saâi. À kɛ̀ kwa lɛ̀ɛ ƃɛ́, kwa pâi saâi. Mɛni ma, yô, kwaa lí Siria-ŋai dí ƃûui su, kwáa kú kpîŋ tɛɛ dípɔ. À kɛ̀ da kú malôŋ kàa, kú lɛ́ɛ a kú fúlu. À kɛ̀ da kú pàa, gɛ̀ ní kú sáa.”

Kɔlɔnikɔ Veerɛi 20:3

Zeosafa kɛ́ɛ a m̀ɛnii ŋí mɛ́nii, è yào kpɔ́ a ŋánaa. Nya ƃe è nâa gbɛ̀tɛ gíli-ŋa a gɛ́ɛ é Yâwɛɛ marê kɛ́. È nâa mò a gɛ́ɛ Zuda-ƃelai kélee dí sûŋ siɣe.

Ɛsdrasə 8:21

Kú kɛ́ɛ ǹyá-leei kɔlɛ nyii a lî Aava taa-leei ma perei, ŋá m̀o ǹûai dîa a gɛɛ kú sûŋ siɣe, kú ƃaa kɛ́-maa tɛ́ɛ Ɣâla pɔ́, kú marê kɛ́ a gɛɛ è kú téniŋ tɔ́ɔ kú sia-perei su, é kú maa kɔ̃ɔ kwa kúnîa pɛlɛi da kúkɔ̃liŋ kélee.

Ɛstɛrə 4:15

Nya ƃe Ɛtɛ è ŋ̀óo su tòo ǹyɛɛ mai,

Ɛstɛrə 4:17

Mɔdikai è lì pôlu é m̀ɛnii kélee kɛ́ yɛ̂ɛ berei Ɛtɛ è mò la mai.

Ɛstɛrə 4:3

Ƃɛ́i kélee Zuda-ŋai paa mɛni duŋ è sèri naai, Zuda-ŋai kélee kɛ̀ naai dí sèe malôŋ-pere su. Díkɛ̀ sûŋ siɣêi díkɛ wɔ̀lɔ. Dámaa ɣele dí kɛ̀ nɔ́ luu siâi dîa dí kɛ́ maloŋ tôo-maa seɣe tòo dîa.

Ɛstɛrə 5:1

Vólo saaƃa suŋ Ɛtɛ è m̀o Mɔdikai ma a gɛɛ díziɣe gbɛ̀ɛ ŋa ɣelei, Ɛtɛ è ŋɔkâloŋ-nɛni seɣei ɣîri ma é lí é tɔ́ɔ gâloŋ ŋɔpɛ́rɛi ŋɛ́i-tuɛ. Gâloŋ see-sɛŋ è kɛ̀ ƃɛ́i núu a kâa kɛ̀ seei-ni naa gɛ́ ŋ̀énii ŋá pere kàai. Maa tãi tí, gâloŋ è kɛ̀ seê-ni gâloŋ see sɛŋ ŋá.

Ɛstɛrə 9:31

Dí mò dîa a gɛɛ dífe yào ŋ̀ele kûu-ŋai ŋí maa lii-nɛ̃ɛ kula mɛ̂ni ma ƃɛ́i-ŋai kélee díkaa naai. Dí mò dîa máŋ a gɛɛ dísuui su-ƃelai díkɛ sûŋ siɣêi díkɛ maloŋ see ƃò kóraŋ kélee su wɔ́lɔ-wɔlɔ da wɔlɔ-wɔlɔ yɛ̂ɛ berei da sûŋ sìɣe la dí kɛ́ gúu da kpɛ́ni-ŋai mɛi kâa lai. Dí kɛ́ gɛ̂i yɛ̂ɛ berei gâloŋ ŋɔnɛnî kɛ́tɛi Ɛtɛ da Mɔdikai dí kɔlɔi è mò la dîai.

Azaya 22:12

Maa ɣêlei tí Ǹuu-namui Ŋ̀wála-wâla kélee Yâwɛɛ kátòli a gɛɛ ká káŋuŋ kálaŋ ma, ká maloŋ too-maa-seɣe too kâa, ká maloŋ-see ƃó, ká gbeɣêi tóo kásɔnyɔ̂ŋ-ŋai mɛni ma.

Ɉeremi 36:9

Zɛoakiŋ kɛ́ɛ a kâloŋ ŋɔkóraŋ ǹɔ́ɔlui ŋɔɣáloŋ ǹɔ́ɔlu mɛi náaŋ su, ǹûai dí sûŋ sìɣe a gɛɛ Yâwɛɛ é dí malôŋ káa. Ǹûai kɛ̀ Zerusâlɛŋ da diai kùla daa-ŋai su Zudai, díkelee ƃé zûŋ ŋí sìɣe.

Danîa 2:18

È mò dîa a gɛɛ dí Ɣâla fɛli a kpanaŋɔɔ m̀ɛnii ŋí mɛni ma, a gɛɛ Ŋ̀âlai nyii gáa ŋ̀elei-sui é dímaloŋ káa, gâloŋ fé bàa da m̀arâa-ŋai da kɛ̀ dáre-ƃelai paai Babelɔŋ taa-leei su.

Maafîu 12:40

Yɛ̂ɛ berei Zôna è kɛ̀ la nyɛ̃ɛ kɛ́tɛi koi a fólo saaƃa da kpini saaƃai, bere nɔ ƃe núu-kpune Ǹóŋ a pâi kɛ̂i la ǹɔii mu a fólo saaƃa da kpini saaƃa.

Lukə 9:24

Kpɛ́ni fêi, ǹúui a ŋ̀wɛ̂li é ŋɔfúlu-laai ƃáloi, a pâi ǹánîi. Kɛ́lɛ, ǹúui a ŋɔfúlu-laai làŋ ḿaa-mɛni mai, a pâi ƃálôi.

Ɉaan 19:22

Pâle e díwoo su tòo, ǹyɛɛi, “Nyii ŋa bɔ̃yɛɛ̂i, ŋa bɔ̃̀yɛ.”

Gɛlaɠaa 10:7

Ŋ̀âla-taa kelai liɛɛ, nyíi lòno Kɔniliɔ pɔi, Kɔniliɔ e ǹyee-mu-ƃelai veerɛ tòli da Ɣâla-mɛni kɛ́-kɔkuluƃa tɔnɔ nyíi è gùla ǹyee-mu-ƃelai sámai.

Gɛlaɠaa 20:24

Kɛ́lɛ, mɛni-ŋai ŋí dɔnɔ kpîŋ fa ńii sɛ̀lɛŋ, kpaa máŋ ŋá ŋáfulu-laai siɣe a gbanaŋɔɔ ŋ́gbîŋ mɛni ma. Fɛ̂ɛ nɔ́ ŋa Ɣâla ŋɔtíi kpɛ́ɛ nyíi ŋa zɔlɔ ƃo Kúnuu-namui Zîsɛ yêei, a gɛ́ɛ ŋa Ɣâla ŋɔƃɛlɛ-seei maa tuŋ lɛ́lɛɛi maa sêre-faa kɛ́.

Gɛlaɠaa 21:13

Kɛ́lɛ Pɔ̂ɔ è kúwoo su too, ǹyɛɛi, “Lé ƃé kákaa wɔ̂lɔi kákɛ ńii solii? Ŋ́gbîŋ fé kpɛtɛ ní nɔ́ a gɛ́ɛ dí ŋíri, kɛ́lɛ, ŋ́gbîŋ kpɛtɛ̂ɛi a gɛ́ɛ máŋ ŋá sáa Zerusâlɛŋ Kúnuu-namui Zîsɛ láai mɛni ma.”

Gɛlaɠaa 27:33

Ɣele kɛ́ɛ5 pâi ƃɔ́i, Pɔ̂ɔ è lòno díkelee pɔ a gɛ́ɛ dí mii-sɛŋ mii. Nyɛɛ diai, “A nâa kɛ́ a ɣele kûu puu kao náaŋ kakɛ maa-kpɛŋ kɛ̀ káfe mii-sɛŋ mii.

Gɛlaɠaa 9:9

È kɛ̀ naa a ɣele kûu saaƃa va kwaa kâa, va mìi-sɛŋ da mìi, va tela yá kpele.

Lomaŋ 16:4

nyíi-ŋai dílɛ̂wo sèe a sɛɣɛ ŋáfulu-laai mɛni mai. Ńyãa tɔnɔ nɔ́ fa sɛɣɛi-fei tɛ̀ɛ dípɔ, kɛ́lɛ, Zɛ̃tai-ŋai Díkôrai-toli-kpɔŋ-ŋai kélee máŋ da sɛɣɛi-fei tɛ̀ɛ dípɔ.

Filipə 2:30

kpɛ́ni fêi, è kɛ̀ pâi saâi Kôrai ŋɔtíi mɛni ma, e Ǹɛ̃wo see a sɛɣɛ a gɛ́ɛ é kákpɔŋ-maai láa fɛ́ɛ ḿɛni ma.

Zasua 24:15

À kɛ̀ káfe ŋ̀wɛ̂lii a gɛ́ɛ ká tíi kɛ́ Yâwɛɛ mì, ka sâa ǹúui lɛ́ nyíi ka pâi kɛ̂i tíi kɛ̂i m̀ii. À kɛ̀ kà pâi tíi kɛ̂i ŋ̀âla-ŋai kánûai díkɛ̀ dífɛlîi dîɛ Mɛsɛpotemia kpiniŋ sui, kpaa máŋ Amora-ŋai díɣâla-ŋai nyíi-ŋai kákaa dílɔii sui, ka m̀ó ḿâ. Kɛ́lɛ, mɛni a kpera ḿâ, kwa ŋá ǹûai, kwa pâi tíi kɛ̂i Yâwɛɛ mì.”

Samuɛlə dɔlɔɔ 19:5

È máŋ ǹɛ̂wo sèe a sɛ́ɣɛ Felesia naloŋ Golaya paa mɛnii su. Yâwɛɛ è kpɔŋ Eezuɛ ma é gɔ́ kɛ́tɛi tí yée mɛi ɣále a maa foloi tí. Yá kpîŋ í ǹaa kàa í koi-nɛ̃ɛ kúla kpɔ́ a zu-kɛ́tɛ.”