Ɛstɛrə 3:15 - Bible

¹⁵ Dí gɔlɔi ŋí su woo ƃò ǹûai kélee dîa yɛ̂ɛ berei gâloŋ è m̀o lai. Dí gɔ́ɔ pîlaŋ Susa taa-leei su dí gbéli kpɛ́ɛ ǹɔii kpîniŋ-ŋai su. Nya ƃe gâloŋ da Emaŋ dí lì dí kɛ́ kpele-sãa kpèle gîe ma, Susa taa-leei su kɛ́ ƃò wúlee.

Yálá laawoo hɛɓɛ

¹⁵ Ɉɛɓɛ́ɠaa tii də li kpɔ a mąąhulaa yɛ bələi tɔɔmun ə mo la. Di kwəi mɛ̨nį hukulɔ mun Susə daa lee hu. Nąąlɔwai tɔɔmun da Haman di kɛ heeni diɛ di kpələ, daa nuą kəlee di wəli tɔɔ ɉɛɓɛ́ hu woo ɓa, di kwəi piliɛ diɛ.

Ɛstɛrə 3:15 ပူးပေါင်းရင်းမြစ်များ

Zɛnɛse 37:25

Nya ƃe dí sèe díkɛ dílaa mìi. Dí díŋuŋ mu sìɣe dí Isima-ŋai káa kulâi Gilia díkɛ pà a díkpulu kɛ́tɛ soo-fáleŋ-ŋa mɛi. Dí kɛ̀ pâi a wúru-malaŋ, tuma-laa kúŋ nɛ̃ɛ da wúlɔ kúŋ nɛ̃ɛ. Dí kɛ̀ liî Ize.

Tɔɔɓɛlaa dɔlɔɔ 14:27

Gâloŋ Leoboaŋ è gɔ́ kɔ́-ƃelai maa kɔ̃ɔ sãa nina-ŋa kpɛ̀tɛ a ƃara a gɛ́ɛ dí dípɔɔ-ŋa síɣe. Èdí tɛ̀ɛ ŋɔkɔ́ kɔ́-ƃelai láa túɛ-ƃelai pɔ́ nyii-ŋai kɛ̀ tíi kɛ̂i gâloŋ ŋɔkâloŋ-pɛrɛ kɛ́tɛi ŋɔsiɣãŋ-ŋai lái.

Ɛstɛrə 1:10

Gúui ŋí ŋɔɣele kûu mɛi feerɛ ɣelei, ǹɔɔi è nâa kɛ̀ Gâloŋ Atasɛra kponôi ǹíi nɛ̃ɛ kpɔ́ a ŋ̀ánaa. È ŋɔtíi kɛ́-ƃela ǹɔ́ɔlu mɛi feerɛ tòli. Dia ƃé kɛ̀ a Miumaŋ, Bizita, Abona, Bita, Abata, Zɛta da Kakai. Zinâai ŋí ƃé da kâa ŋɔnɛyâai mɛi kâa. È mò dîa a gɛɛ

Ɛstɛrə 4:16

“Lí í Zuda-ŋai kélee ŋáa tɛ́ díkîe ma Susa taa-leei su ka dîa-ni ká sûŋ siɣe ḿɛni ma. Ka sûŋ siɣe a fólo saaƃa. Kwa ńyee mu-ƃelai kwa pâi gɛ̂i tí máŋ. Zûŋ ŋá ɣále tãi ŋa pâi liî gâloŋ pɔ́ naa berei máŋ vé tí la dɔ̂ŋ lá-woo mai. À kɛ̀ ŋa pâi saâi m̀ɛnii ŋí su, gɛ̀ ní é kɛ́ tí.”

Ɛstɛrə 8:15

Mɔdikai è kɛ̀ a maa ɣiriɛɛ a kâloŋ seɣe. Zeɣei ŋí pɔ̃yɛ è kɛ̀ a doɔɔ a ƃûluŋ da gole. Gôo kaloŋ bɔrɔ kɛ́tɛ tɔnɔ è kɛ̀ a zeɛɛ ŋ̀ûa. Ŋɔseɣei mɛi-pere ŋɔi è kɛ́ a seɣe kpɔ̂lu mu tɛi-yɛɛ nɛnɛ fɛfɛ. Susa taa-leei su-ƃelai kélee dí maa koi-nɛ̃ɛ kùla.

Mąątɛ̨nɛ̨ 37:7

Ílii kpéle í Yâwɛɛ maa kpɛ́ŋ. Ílii fé sɛ̀lɛŋ diai mɛ̂ni ma díkɛ mɛ̂ni a ƃûu ƃoi, kpaa máŋ diai mɛ̂ni ma dímɛni kpɛtɛɛ nyɔ́mɔɔ-ŋai ŋ̀aa-see a kɛ̂i.

Hanwon 1:16

Díkpɛtɛ̂ɛi mɛni nyɔ́mɔɔ kɛ́-mɛni ma. Díkɔɔ maa felâai a gɛɛ dí núu páa.

Hanwon 29:2

Tɔ̃yâ-nuu à kâloŋ-laa sɔlɔ ƃô, ǹûai da líi-nɛ̃ɛ kùla, kɛ́lɛ ŋwana-lɔ̂ɔ-nuu à kɛ̀ a kâloŋ, ǹûai da kɛ̂ nyîɣɛi.

Hanwon 31:4

Óo Lɛmuɛ, vé lɛ́lɛ ni a gɛɛ kâloŋ-ŋa dí kɛ́ nɔ́ ŋwã̂ai kpaa máŋ kpele-sɛŋ kpanaŋ támaa kpèle.

Hanwon 4:16

kpɛ́ni fêi, ŋ̀wana-lɔ̂ɔ-ƃelai dífa nyîi, fɛ̂ɛ dí mɛni nyɔ́mɔɔ kɛ́. Nyii fa pâ díŋɛi fɛ̂ɛ dí ŋwana-lɔ̂ɔ kɛ́ a núu.

Osia 7:5

Kúkâloŋ maa sɔlɔ ƃó ɣêle maa pêle kɛ́ɛi, ŋwã̂ai fãai è gâloŋ ǹônii kɔ̀lɛ. Gâloŋ máŋ è ǹɔɔi kpêle é lí ǹûai sáma nyii-ŋai kɛ̀ ɣɛ́lɛ-maa kulâi gbonôi.

Amɔsə 6:6

Ka ŋwã̂ai kpèle ƃôri-ŋa su, kákɛ wúlɔ lɛ́lɛɛ sìa kâa, kɛ́lɛ Zôse ŋɔsuui su-kara mɛni maa-kpaaŋ fé kâa!

Ɉaan 16:20

Tɔ̃yâ kpîŋ, ŋá m̀ó kâa, ka pâi gbeɣêi toôi. Kɛ́lɛ, ǹɔii a pâi lii-nɛ̃ɛ kulâi, malôŋ a pâi toôi kâa. Kɛ́lɛ, kámaloŋ-too-maai a pâi penêi a lii-nɛ̃ɛ.

M̀ɛni-lɛɛi 11:10

Diai kɛ̀ ǹɔii sui, dílii a pâi nɛ̃ɛ̂i dí pêle kɛ́ dí sama-sɛŋ tɛ̀ɛ díkîe-ni pɔ́, kpɛ́ni fêi, diai kɛ̀ ǹɔii sui, Ɣâla ŋɔlóno-kɛ-ƃela féerɛi ŋí maa-mɛni è kɛ̀ dîa a lii-sɛlɛŋ kɛ́tɛ.