Ɛstɛrə 10:3 - Bible

³ Gâloŋ Atasɛra è Mɔdikai kɛ̀ a gɔlɛ-ma-nuu gâloŋ-laai su. Mɔdikai ŋɔnûai dí díyee sèe mù, wála-wala-laa kɛ́ ƃò ǹyêei Zuda-ŋai kélee sáma. Mɔdikai è kɔ̀ ŋɔnûai mɛni ma gɛ́ lòno dípɔ lii-see pere su.

Yálá laawoo hɛɓɛ

³ Mąąhɔlɔɓo, Mardose ŋɛ̨i kɛ a Ɉuifə, tɔɔmun Asuerusə a həɠə laa, ya ɓə a lɛɛ nąą bɔɔ ɓa. Mardose ə kɛ a nu kɛnɛ̨ Ɉuifəɠaa ɲɛ̨i ɓa, nwɛli yɛ ɓo gaayɔwɔɠaa Ɉuifəɠaa diɛ. Mardose ə kɛi mɛ̨inɛ̨ɛ̨ kɛ ɉuwu hu nuą diɛ. Ɛlɛɛ, di wɔ liilaa mɛ̨nį ɓə ə kɛi gwɛli.

Ɛstɛrə 10:3 ပူးပေါင်းရင်းမြစ်များ

Zɛnɛse 41:40

Ƃa pâi kɛ̂i ŋápɛrɛi mɛi. Ŋánûai kélee da pâi kɛ̂i íwoo mu. Ŋákâloŋ see-sɛŋ mɛni nɔ́ ƃé ŋa pâi kɛ̂i a ńdɛɛ la yâ.”

Zɛnɛse 45:10

Ƃa pâi seêi Gosɛŋ lɔii-kpiniŋ su. Ǹyaŋ ƃa pâi kɛ̂i ŋ́gɔlɛ mâ, ka ínîa-pɛlɛɛi da díwɔ̂ nia-pɛlɛɛi, íƃala-ŋai da ítaa-tulɛ-ŋai é pɛ́lɛ íkɔ̃liŋ kélee mà.

Zɛnɛse 45:11

Ǹaa ƃé ƃa pâi kɛ̂i naa ŋ́gɛ íŋaa kɔ̀ŋ, kpɛ́ni fêi, puru kóraŋ lɔ́ɔlu káa niî pôlu. Fé ŋ̀wɛ̂lii sɛŋ da kélee wɛ́li é íkɛ ka ípɛrɛi mu-ƃelai.’ ”

Kɔlɔnikɔ Veerɛi 28:7

È kɛ a tãi tɔnɔ da, Ifiraŋ kɔkuluƃai Zikari e wɔ́lɔ galoŋ ǹóŋ-surɔŋ Maaseia paa, é bɛlɛ galoŋ-pɛrɛi mɛi ǹúu kɛ́tɛi Azirikɛŋ ma da Ɛɛkana nyíi kɛ a galoŋ kɔlɛ mâ ǹúui.

Nehemi 2:10

Kɛ́lɛ tãi Orɔŋ-taai su-nuui Saŋbala da Amɔŋ lɔii su-nuui Tobaya nyii-ŋai kɛ̀ a gɔmɛnɛ-ƃelai kpaya-kpayai dí m̀ɛnii ŋí mɛ̀ni lai, dílii è ŋwàna kpɔ́ a ŋána, kpɛ́ni fêi, dífe kɛ́ ní ŋ̀wɛ̂lii a gɛɛ núu da kélee é mɛni lɛ́lɛɛ kɛ́ Eezuɛ lonii mɛ̂ni ma.

Ɛstɛrə 2:5

Ǹyaŋ Susa taa-leei tí su, Zuda-nuu tɔnɔ è kɛ̀ naa. Ǹáa ƃé kɛ̀ a Mɔdikai. È kùla Bɛŋsima ŋɔsîi su. Ǹâŋ láa ƃé kɛ̀ a Zaa. È kula Kesi da Simɛɛ ni dísuui su.

Ɛstɛrə 3:2

Gâloŋ Atasɛra è mò ŋɔtíi kɛ́-ƃelai kélee dîa kɛ̀ tíi kɛ̂i ŋɔpɛ́rɛi lái, a gɛɛ tãi kélee da Emaŋ kàa lai, dí dímaa pɛ́lɛ. Ǹûai kélee da kâa gɛ̀ tí. Kɛ́lɛ Mɔdikai è mò nyɛ̀ɛ vá pɔ̂ri gɛ̂i tí.

Danîa 5:16

Ŋá mɛ̀ni a gɛɛ núu-woo su-kula táre káa íyêei í kɛ́ pɔri mɛni kpanaŋ ŋàa-see kɛ̂i núu mi. À kɛ̀ ya gɔlɔ pɔ̃yɛi ŋí lòno í zu kula ḿî, ŋa pâi ƃâa kɛ̂i yâ, ŋá yokpo tɛ̀i mu-kpɔluɔɔ tóo yâ, ŋá gôo yɔlɔ too íkɔŋ ma. Ŋá pâi íkɛ̂i a ŋ́gɔlɛ maa nuui veerɛi ŋákâloŋ-laai su”

Danîa 5:29

Nya ƃe gâloŋ è mò a gɛɛ dí yokpo pɔ̃yɛɛ mu kpɔluɔɔ tóo Danîa ma dí gôo yɔlɔ too gɔŋ ma. È Danîa kɛ̀ a gɔlɛ maa-nuui veerɛ ɣelei ŋɔkâloŋ-laai su.

Danîa 6:3

Danîa ŋɔtíi kɛ́-perei è kɛ̀ a ǹɛ́lɛɛ é tɛ́ɛ díi kɛ́-ƃelai gbéli-ŋai dîa. Nya ƃe gâloŋ è gbɛ̀tɛ a gɛɛ é gɛ́ a díkelee dímɛi-nuu.

Lomaŋ 10:1

Ŋánûa, ńii su mɛnii da Ŋáɣâla-fɛliɛɛi nyíi gáa dímɛni mai, nya ƃa a gɛ́ɛ dí ƃálo.

Lomaŋ 14:18

ǹúui à tíi kɛ̀ Kôrai mi a bere-sii tii, a Ɣâla líi làa, nûa da díyee see mù.

Samuɛlə dɔlɔɔ 18:16

Kɛ́lɛ Zuda-ƃelai kélee é da Eezuɛ-ƃelai kélee, díkɛ a Deeƃé wɛ́liɛɛ, kpɛ́ni fêi, a kâa lì a gɔ́ kɔ́-ƃelai kɔ́ kɔ̂i.

Samuɛlə dɔlɔɔ 23:17

Zonetaŋ è mò ma ǹyɛɛi, “Ífe yao, ǹâŋ Sɔ̂ɔ fé pâi pɔri ǹyée pɛlɛ̂i yâ a dɔnɔ kpîŋ. Nyíŋi pôlu ma yá ƃé pâi kɛ̂i a Eezuɛ-ŋai díkâloŋ. Ǹyaŋ ŋa pâi kɛ̂i a ítii kɛ́-nuu kɛ́tɛi. Ńâŋ ǹyaa kpîŋ è nyíŋi kɔ́lɔŋ a ǹɛ́lɛɛ.”