Ɛstɛrə 1:3 - Bible

³ Ŋɔkâloŋ-laa kóraŋ zaaƃai su è kúu kɛ́tɛ kɛ̀ ǹyée mu tii kɛ́-ƃela kpaya-kpayai dîa. Diai pà gúui ŋí sui dia ƃa Pɛsia da Midia lɔii kɔ-kuluƃa-ŋai láa túɛ-ƃelai, ǹɔii-ƃela kpaya-kpayai da ǹɔii kâloŋ-ŋai kélee kɛ̀ ǹɔii kpîniŋ-ŋai mɛi.

Yálá laawoo hɛɓɛ

³ Asuerusə nwɔ tɔɔlaa gwɛlan ɉaaɓa lɔwai, ə ɲeemu nuą da di wɔ káláɉonŋąą kəlee təli; ə di ɓɛlɛhee, ə Pɛrsə da Medi kɔ́kuláá nwun nąmįną təli, da nɔi nwun nąmįną, ɛlɛɛ, gbahanąmąɠaai kɛ goɓitaa nwun na.

Ɛstɛrə 1:3 ပူးပေါင်းရင်းမြစ်များ

Zɛnɛse 40:20

Ŋ̀éle kûui zaaƃa-ɣelei nyii kɛ̀ a gâloŋ maa sɔlɔ-ƃó ɣelei, è kúu kɛ́tɛ kɛ̀ ŋɔtíi kɛ́-ƃelai kélee mɛni ma. Nya ƃe è ŋɔteƃelei ma tii-kɛ-nuu kɛ́tɛi kùla gbini-pɛrɛi mu da ŋɔkpólo kpɛtɛ-nuu kɛ́tɛi é pá a dîa ŋɔtíi-kɛ-ƃelai kpéli-ŋai sáma.

Tɔɔɓɛlaa dɔlɔɔ 3:15

Saloma è ŋ̀ɛ́i lá ƃò é gɔ́lɔŋ a gɛ́ɛ Ɣâla è lòno bɔ́ seêi-pere. Nya ƃe è pà Zerusâlɛŋ, é lí é tɔ́ɔ Yâwɛɛ ŋɔkpanaŋ-woo kɛ́ɛ Gãlai ŋɛ́i-tuɛ. È kéreŋ sala-ŋa kùla da kɛ-zu tɔnɔɔ sala-ŋa Yâwɛɛ ma. È kúu kɛ́tɛ kɛ̀ ŋɔyée mu-ƃelai kélee mɛni ma.

Ɛsdrasə 1:2

“Ńyãa Sarɔ, Pɛsia-ŋai díkâloŋ, Ɣâla Yâwɛɛ nyii gáa Ɣâla-taai, a ŋ́gɛ a kâloŋ ǹɔii ŋuŋ-ŋai kélee mɛi ŋ̀éniɛi su. A wála-wala-laa tɛɛ ḿbɔ a gɛɛ ŋá ŋɔpɛ́rɛi tɔ́ɔ Zerusâlɛŋ taa-leei su Zuda lɔii su.

Ɛstɛrə 1:4

É gúui ŋí kɛ̀ ɣáloŋ lɔ́ɔlu mɛi da yée mu. M̀aa ɣêle-ŋai yée mu, è kɛ̀ ŋɔtɔɔ-laai da ŋɔkâloŋ laai lɛ́lɛ-pere lɛ̂i ǹûai dîa.

Ɛstɛrə 2:18

È kúu kɛ́tɛ kɛ̀ Ɛtɛ mɛni ma. Dí gúui ŋí láa sèe a “Ɛtɛ ŋɔkúui.” È ǹɔii kpîniŋ mɛi-ƃelai da ǹɔii-ƃela kpaya-kpayai kélee tòli gúui ŋí su. È gbɛ̀tɛ a tɔ̂ŋ a gɛɛ diai kélee ŋɔlɔii kpîniŋ-ŋai sui, dí ŋ̀elei ŋí síɣe a ɣele kɛ́tɛ dí kɛ́ mɛi kâa a ǹɛ́lɛɛ. È sãâ támaa ŋáa kɔ̀lɛ ǹûai kélee dîa gúui ŋí su.

Ɛstɛrə 3:7

Gâloŋ Atasɛra ŋɔkâloŋ laa kóraŋ buu káo feerɛi ŋɔɣáloŋ maa-ŋuŋ nyii da dòli a Nisãŋ Ibulu-wooi sui, Emaŋ è ŋɔnûai marê kɛ̀ a gɛɛ dí tãi lɛ́ mà a pɔ̂ri ǹûai ŋí su-karai lai. Nya ƃe dí kpɛɛŋ tôo nyii a dòli a Puriŋ Ibulu-wooi su a gɛɛ dí ŋ̀ele kúui kɔ́lɔŋ. Gbɛ̀ɛŋ è ǹɛ a gɛɛ dí m̀ɛnii ŋí kɔ́ɔ pîlaŋ a ŋ̀áloŋ puu káo feerɛi ŋɔfólo puu káo saaƃa ɣele. Da ŋ̀áloŋ ŋí toli a Adai Ibulu-wooi su.

Azaya 21:2

M̀ɛni kpɔ̂lu-ŋai pâi lâai ǹɔii ŋí mai, ŋá ǹaa kàa zĩ̂a su. Ŋá kíri-ƃela da mɛni su-kara-ƃela kàa zĩ̂a su. Elaŋ da Midia kɔ-kɔ́-ƃelai, ka pá ká daa-lêei sóŋ! Ɣâla a pâi m̀ɔ̃lɛ-laai kperâi Babelɔŋ lɔii a gɛ́ nûa díkɛ ƃò zui.

Ɉeremi 51:11

Yâwɛɛ è Midia kaloŋ-ŋai líi mù sìɣe kpɛ́ni fêi, a ŋ̀wɛ̂li é Babelɔŋ lɔii su-kara. Berei ŋí ƃé a pâi kpa kulâi la dîa Ŋɔɣâla-pɛrɛ Kɛ́tɛi wólo mɛ̂ni ma. Gɔ-kuluƃa-ŋai mɛi ǹúui è mò ǹyɛɛ, “Ka kásɔa-ŋai síɣe a gɛɛ ŋ̀á lí. Ka kásɔla ŋáɣale kɔli-kalaŋ-ŋai kpɛtɛ.

Danîa 5:1

Ɣele tɔ̂nɔ da, Nɛbukina ǹóŋ-surɔŋ Bɛsaza nyii lɛ̀ɛ bɔ́ɔ ŋá a kâloŋ, è kúu kɛ́tɛ kɛ̀ ǹɔii-lonii kpaya-kpayai ŋɔwála tɔnɔ ma. Da dîa-ni dí dílaa mìi dí ŋwã̂ai kpele gîe ma.

Danîa 5:28

Pasiŋ, zu-kulâi ƃa aâ íkâloŋ-laai ŋáa kɔlɛ. Gbua tɔ̂nɔ káa a Midia-ŋai pɔ́ɔ, gbeli kɛ́ ƃò a Pɛsia-ŋai pɔ́ɔ.”

Danîa 6:1

Gâloŋ Dairɔ è núu ŋuŋ tɔ̂nɔ pôlu buu feerɛ sìɣe a gɛɛ da dîa-ni dí tíi kɛ́.

Danîa 8:20

“Í ƃála naɣa kàa m̀ĩla kɛ́ ƃò ŋ̀ûa feerɛ. M̀ĩla feerɛi tí ƃa Midia da Pɛsia kaloŋ-laai maa pɔkɔɔŋ.

Markə 6:21

Nya ƃe ɣele tɔnɔ da è kɛ̀ a Ɛɛlɔ maa sɔlɔ ƃó-ɣele kuui. M̀ɛnii ŋí è kɛ̀ Ɛlodia ma a lii-nɛ̃ɛ kɛ́tɛ. Ɛɛlɔ è kúu kɛ́tɛ kɛ̀ a maa ŋ̀elei tí. È ƃɛlɛ-toli ƃò a ŋɔnûa kpaya-kpayai, guluƃa-ŋai da Galalii-lɔii lonii.