Egaa 2:22 - Bible

²² ńyaŋ ŋa pâi gâloŋ-laa-ŋai wôloi. Ŋa pâi nâa ǹɔii-ŋûŋ-ŋai díwala-wâlai su karâi, ŋá gɔ́-keleŋ-ŋai su kara da diai díkaa géleŋ-ŋai sui. Ǹyaŋ zoo-ŋai da diai seêni dípôlui, da pâi díkîe-ni paâi a ƃóa-sɔkpɔ-ŋa.

Yálá laawoo hɛɓɛ (dc)

²² Ŋą́ tɔɔɓɛlaa di wɔ huwalawala too, wotoloɠaa da mɛ̨i hee ɓo nuą da too, hoo da mɛ̨i hee ɓo nuą di laa nɔi ɓa, diɛ di kee paa.

Yálá laawoo hɛɓɛ

²² Ŋą́ tɔɔɓɛlaa di wɔ huwalawala too, wotoloɠaa da mɛ̨i hee ɓo nuą da too, hoo da mɛ̨i hee ɓo nuą di laa nɔi ɓa, diɛ di kee paa.

Egaa 2:22 ပူးပေါင်းရင်းမြစ်များ

Kɔlɔnikɔ Veerɛi 15:6

Maa tãi tí ma, lɔii-ŋuŋ tɔnɔ a kâa mu sìɣe nɔ́ é marâŋ lɔii-ŋuŋ su kara. Daa-leei nyíŋi a mu siɣe é marâŋ taa-lêei su kara, kpɛ́ni fêi Ɣâla è kɛ̀ mɛni kpɔ̂lu é lâai dîa a lii too pôlu sii támaa.

Kɔlɔnikɔ Veerɛi 20:22

Tãi díkɛ̀ ŋulei toôi la díkɛ laa-maa tɛ̂ tɛ̀ɛi, Yâwɛɛ è gbã tèe Amɔŋ, Môa da Siɣɛɛ-yeei ma-ƃelai túɛ nyii-ŋai kɛ̀ pâi Zuda da Zerusâlɛŋ. Nya ƃe è díyee mɛi ɣâle.

Kɔlɔnikɔ Veerɛi 20:23

Gɔkuluƃa-ŋai kùla Amɔŋ da Môai, díkpɔŋ díkîe ma dí Siɣɛɛ-yeei ma-ƃelai kélee páa. Díkpɛɛi, dínâa tìnaŋ díkɛ díkîe-ni pàa.

Mąątɛ̨nɛ̨ 46:9

A kɔ́ mɛni-ŋa kpera ŋ̀éniɛi gwaa kélee. A gerâŋ-ŋai su ɣále-ɣale, a gbála-ŋai su-kara, a gbála ŋá ɣále kɔli-ŋai kéreŋ.

Mąątɛ̨nɛ̨ 76:6

Óo Zeeka Ŋɔɣâlai, tãi í dímaa yâo lai, dísoo-ŋai da zia-ƃela dí tòo, dí sáa.

Lɛɛ gbɔwɔ ɓa 14:17

Ŋa pâi Ize-ŋai líi su kpananîi a gɛɛ dí lɛ́ɛ Eezuɛ-ŋai pôlu. Ǹyaŋ ŋa pâi ŋáfolo-laai lɛ̂i Gâloŋ mâ da ŋɔkɔ́ kɔ́-ƃelai é pɛ́lɛ ŋɔkɔ́kɔ keleŋ-ŋai dîa da ŋɔsoo-mɛi-ƃelai.

Lɛɛ gbɔwɔ ɓa 14:28

Ǹyái è pà pôlu é sia géleŋ-ŋai mɛi da zoo sia-ƃelai é pɛ́lɛ máŋ Gâloŋ ŋɔkɔ-kuluƃa-ŋai kélee dîa, nyii-ŋai lɛ̀ɛ Eezuɛ-ŋai pôlui ǹyái sui. Ǹúui dɔnɔ kpîŋ fé kula ni zu.

Lɛɛ gbɔwɔ ɓa 15:19

Tãi Gâloŋ ŋɔsoo-ŋai da ŋɔkéleŋ ŋai é pɛ́lɛ ŋɔsoo sia-ƃelai dîa dí sèri la ǹyái sui, Yâwɛɛ è pà pôlu a ǹyái é sía dímɛi. Kɛ́lɛ Eezuɛ-ŋai dí sìa lɔii kpala ma dí tɛ́ɛ ǹyái sáma.

Lɛɛ gbɔwɔ ɓa 15:4

“È Gâloŋ ŋɔkéleŋ-ŋai da ŋɔkɔ́kɔ-ƃelai lɛ̀ɛ ǹyái su. Gɔ-kûluƃa-ŋai mɛi-ƃelai è dílɛ̀i, dí lɛ̀ɛ Ǹyúo Kpɔ̂lui su.

Azaya 19:2

Yâwɛɛ a m̀ôi ǹyɛɛi, “Ŋa pâi gɛ̂i Ize-ƃelai dí tɔ́ɔ díkîe-ni dîa. Káa-laa tɔnɔ su-ƃela da pâi kɛ̂i kɔ̂i díkîe-ni pɔ́. Kóli tɔnɔ su-ƃela da pâi kɛ̂i kɔ̂i díkîe-ni pɔ́. Taa-lêe-ŋa su-ƃela díkɛ kɔ̀ díkîe-ni pɔ́. Kâloŋ lɔii-ŋuŋ-ŋa láa túɛ-ƃela dí tɔ́ɔ díkîe-ni dîa.

Azaya 60:12

Kɛ́lɛ, ǹɔii-ŋûŋ-ŋai nyii-ŋai dífe ve pâi tíi kɛ̂i kâai, ŋa pâi dísu karâi kpɔ́ kpúŋ. Sɛŋ da fé pâi lɛɛ̂i naa.

Azaya 9:19

Ŋ̀wála-wâla kélee Yâwɛɛ ŋɔlii ŋwânai a Eezuɛ-ƃelai kêreŋ yɛ̂ɛ ŋɔŋ. Ǹûai da kɛ̂ a ŋɔlii ŋwâna ŋɔŋ ŋá-tɛ sãa. Nyíŋi a gɛ́ núu da fé ŋɔ́nɔ kpáaŋ ní m̀arâŋ-nuu mɛni ma.

Izikiɛ 21:27

Ŋa pâi kátaa-leei lɛɛ̂i a gbolôŋ. Kɛ́lɛ ḿve pâi gɛi fɛ̂ɛ ŋa núu tɛɛ nyii pâi daa-leei ŋɔ m̀ɛnii ŋa-teei. Nya ƃe ŋa pâi dɛɛi bɔ.”

Izikiɛ 26:16

À kɛ̀ tí, gâloŋ-ŋai díkaa ǹya-leei kɔlɛi da pâi kulâi díkâloŋ see-sɛŋ-ŋai ŋá dí pîlaŋ dí díkâloŋ-seɣe-ŋai kúla díkɔŋ ma da díseɣe lɛ́lɛɛ-ŋai. Da pâi dí maa ɣirîi a yao dísee ǹɔii ma díkɛ kpɛ̃lîŋ a tãi da pâi ká mɛi tûŋ mɛnîi lai.

Izikiɛ 38:21

Ńyãai a Ŋ̀wála-wâla kélee Yâwɛɛi ŋa pâi Gɔ̂ɔ maa yaôi a mɛni kpɔ̂lu támaa. Ǹûai kélee da pâi kɔ̂i díkîe ní pɔ́ a díƃoa sɔkpɔ-ŋai.

Izikiɛ 39:20

Da pâi soo-sua, da soo-sia-ƃela-sua miî é pɛ́lɛ kɔ́kɔ-ƃela-sii támaa-sua ma é lɛ́ɛ la zu dí píla.” Ńyãai a Ŋ̀wála-wâla kélee Yâwɛɛ ƃé mò tí.

Danîa 8:25

A pâi ǹûai kîrii a ŋɔwôya tare-ŋai. À ǹyée pìli mɛni da kélee su, ŋ̀aa-see a pâi kɛ̂i. A pâi kɛ̂i a su-mɛni kɛ̂tɛ nuu. A pâi ǹûai kîrii da díkili kɛ mà, é dísu-kara. A pâi tɔɔ̂i gâloŋ-ŋai mɛi Kâloŋ ma. Zu a pâi karâi. Kɛ́lɛ núu-kpune kɛ́ mɛni fé pâi kɛ̂i la.

Amɔsə 2:15

Gerâŋ pili-nûui fé pâi tɔɔ̂i, gɔɔ-maa fêla-nuui fé pâi gbîŋ ŋuŋ ma ƃôi, kpaa máŋ zoo-sia-nûui é gbîŋ ŋuŋ ma ƃó

Mise 5:10

Yâwɛɛ è mò ǹyɛɛi, “Ŋa pâi Eezuɛ-ŋai díkpɔara-ƃelai dísoo-ŋai paâi, ŋá díkɔ-kɔ keleŋ-ŋai kara.

Mise 5:15

Ŋálii ŋwânai su, ŋa pâi mɛni gba kulâi ǹɔii-ŋûŋ-ŋai dîa dífa ŋ́oo mɛnii.”

Mise 5:8

Zeeka ŋɔnûai lɛ̀ɛ pôlui, díkaa yɛ̂ɛ yala-sûlu a kɛ̀ lɔɔ sua-ŋa sáma, yɛ̂ɛ yala-sûlu-loŋ a kɛ̀ ƃála-ŋa sáma ǹyaŋ a dísòŋ núu da fa dí kula ǹyêei.

Mise 5:9

Káyee a pâi tɛɛ̂i kákpɔara-ƃelai dîa ká dípaa.

Mise 7:16

Ǹɔii-ŋuŋ-ŋai da pâi nyíŋi kâai dílii é tóo pôlu berei máŋ díwala-wâlai lai. Da pâi díyee pɛlɛ̂i díwoli lá dí díla tɛ́ a ŋumɛ pere.

Sofoni 3:8

Yâwɛɛ è mò ǹyɛɛ, “Maa kpɛ́ŋ nɔ́ tãi ŋa pâi mu siɣêi la a gɛɛ ŋá sere-faa kɛ́. Kpɛ́ni fêi ŋá mɛni-kpɛtɛɛi ƃà a gɛɛ ŋá ǹɔii-ŋûŋ-ŋai kélee pú gîe ma ŋá dí tóli a gɛɛ ŋá ŋálii-ŋwânai pú dîa, ŋá núu kula-maa kɛ́ yɛ̂ɛ ŋɔŋ nyii ǹɔii kélee kèreŋ.

Zakari 10:11

Da pâi tɛɛ̂i dímɛni kpɔ̂lu ya-leei su. Ǹyái ŋɔzigɛ-zigɛi ŋá a pâi yenîi. Ǹâai Ya-leei zinîi kélee a pâi kpâlai. Asiria ŋɔyoŋka-téei ŋá a pâi yenîi, ǹyaŋ Ize ŋɔwála-wâla-laai a pâi kpɛɛ̂i.

Zakari 10:5

Díkelee púɔɔ gîe ma, da pâi kɛ̂i yɛ̂ɛ kɔ́kɔ-ƃela támaa, díkɛ ƃɔ̀rɔŋ díkpɔara-ƃelai mɛi gɔ́li-ŋai loai bârai su. Da pâi kɔ́ kɔ̂i, kpɛ́ni fêi, Yâwɛɛ káa dípôlu, ǹyaŋ da pâi diai yée mɛi ɣâlei díkaa gɔ́kɔ-sôo-ŋai mɛi.

Zakari 12:9

Ǹyaŋ maa ɣêlei tí, ŋa pâi ǹɔii-ŋûŋ-ŋai kélee su karâi dítɔɔ̂i Zerusâlɛŋ mai.

Zakari 14:3

À kɛ̀ tí, Yâwɛɛ a pâi kɔ́ pɛlɛ̂i ǹɔii-ŋûŋ-ŋai dîa yɛ̂ɛ berei a kâa gɛ̀ la a bɔlɔ a kɔ́-kɔ tãi.

Zakari 4:6

Ŋ̀óoi Yâwɛɛ è mò Zɛrubabɛɛ mai ǹyaa ká ŋí: “Kɔ́kɔ-sãa díwala-wâla-laai kpaa máŋ íwala-wâla-laai fêi, kɛ́lɛ ŋá-mɔ̂leŋ sârai ƃé ƃa pâi nyee-tɛɛ-maai sɔlɔ ƃôi la.

Zakari 9:10

Yâwɛɛ ǹyɛɛi, “Ŋa pâi gɔ́-keleŋ-ŋai kulâi Ifiraŋ, ŋá gɔ́kɔ-sôo-ŋai kúla Zerusâlɛŋ-ƃelai yêei. Ŋa pâi gɔ́kɔ-keraŋ-ŋai su têei. Kákâloŋ a pâi a lii-sêe ǹɔii-ŋûŋ-ŋai pɔ́. Ŋɔlɔii su a pâi kɛ̂tɛi é síɣe yúo ma é tóo yúo ma. É síɣe ŋɔ́nɔ ǹyá-lêei ma é tóo ǹɔii kpɛɛ ŋá ma.”

Maafîu 24:7

Kpɛ́ni fêi, lɔii-ŋuŋ a pâi tɔɔ̂i lɔii-ŋuŋ ma. Kâloŋ-laa kɛ́ tɔɔ kâloŋ-laa ma. Puru a pâi toôi, ǹɔii kɛ́ kpɛ̃liŋ kwaa támaa ma.

M̀ɛni-lɛɛi 11:15

È nâa kɛ̀ tí, Ŋ̀âla-taa kelai mɛi feerɛ-ɣelei è ŋɔturii fɛ̀ɛ, wóo su kɛ́tɛ támaa díkula Ɣâla-taa díyɛɛi, “Ǹɔii su-kaloŋ laai a kɛ́ a Kúnuu-namui ŋɔkâloŋ laai da Ŋɔkôrai, ǹyaŋ a pâi kɛ̂i m̀ɛi wɔlɔ-wɔlɔ da wɔlɔ-wɔlɔ.”

Nwun mąąɓo 7:22

Gidiɔŋ ŋɔkɔ-kuluƃa-ŋai kɛ́ɛ da díturuii fɛ́ɛi, Yâwɛɛ è gɛ̀ Mediɛŋ kɔ kɔ́-ƃelai dí pɛ́lɛ kɔ̂i díkîe ni pɔ́ a ƃóa-sɔkpɔ-ŋa. Diai lɛ̂ɛ a dífului, dí pù dí lí Zarɛtaŋ pere dí tɛ́ɛ naa dí lí kpɔ́ Bɛɛ-sita é lɛ́ɛ la zu dí seri Ebɛɛ Meola, Taba lɔii kpiniŋ kɔlɛ.

Samuɛlə dɔlɔɔ 14:16

Sɔ̂ɔ ŋɔnûai kɛ̀ dímɛi kâai Gibia dí Felesia kɔ-kuluƃa-ŋai kàa dí kɛ́ kîrɛ siɣe díkɛ lì ƃɛ́i kélee da pɔri liî naai yɛ̂ɛ wúlɔ seɣeŋ a gɛ́ táa-taa.