Egaa 1:13 - Bible

¹³ Nya ƃe Yâwɛɛ ŋɔworɛ̂-woo ƃó-nuui Egaa è Yâwɛɛ ŋɔworɛ̂-wooi ƃò ǹûai dîa ǹyɛɛi, “Ŋ́gaa kákɔlɛ ma.”

Yálá laawoo hɛɓɛ (dc)

¹³ Aze yii gaa a Yai-Laa kwəi mɛ̨nį hu kulɔ mun, nwɛlɛɛ ŋɛ̨i Yai-Laa ə dɔɔ la, yii ə mo nuą diɛ, ə pənə nwɔ̨nɔ̨ yɛ diɛ: «Yai-Laa, yɛ diɛ: Gáá pai kɛi ka pɔ.»

Yálá laawoo hɛɓɛ

¹³ Aze yii gaa a Yai-Laa kwəi mɛ̨nį hu kulɔ mun, nwɛlɛɛ ŋɛ̨i Yai-Laa ə dɔɔ la, yii ə mo nuą diɛ, ə pənə nwɔ̨nɔ̨ yɛ diɛ: «Yai-Laa, yɛ diɛ: Gáá pai kɛi ka pɔ.»

Egaa 1:13 ပူးပေါင်းရင်းမြစ်များ

Kɔlɔnikɔ Maa-ŋuŋ 28:20

Ǹaa kɛ́ɛ tíi, Deeƃé è mò ǹóŋ Saloma m̀a ǹyɛɛi, “Kɛ́ a ítɔɔ̂i kpanaŋɔɔ, íkili kuláa a ǹɛ́lɛɛ í díi ŋí kɛ́. Ífe yao, kpaa máŋ ílii é kɔ́ kɔ̀, kpɛ́ni fêi, Íɣâlai Yâwɛɛ, kpaa máŋ Ŋáɣâlai káa íkɔlɛ. Vé pâi ǹɛɛ̂i naa í fɛ́ɣɛ, kpaa máŋ é bôlu tɔɔ yâ é lɛ́ɛ la zu díi-ŋai díkaa Yâwɛɛ ŋɔpɛ́rɛi mai é kpɛ́ɛ.

Kɔlɔnikɔ Veerɛi 15:2

Nya ƃe Azaria è lì é mó Asa da Zuda-ƃelai é pɛ́lɛ Bɛŋsimaŋ ŋɔsuui su-ƃelai kélee dîa ǹyɛɛi, “Ka ŋ́oo mɛ́ni. Yâwɛɛ káa kápôlu à kɛ̀ kà kɛ̀ bôlu. À kɛ̀ ka vɛli, ka pâi gâai. Kɛ́lɛ à kɛ̀ ka káyee kùla mu, a pâi ǹyée kulâi ká mu.

Kɔlɔnikɔ Veerɛi 20:17

Káfe pâi kɔ̂i gɔ́i ŋí su. Katɔɔ kátɔɔ̂i a gbanaŋɔɔ ká gáa berei Yâwɛɛ a pâi káŋuŋ ma ƃôi la káai a Zuda da Zerusâlɛŋ-ƃelai. Káfe yào, kálii fé tòo pôlu. Ka tínaa lí kátɔɔ díperei. Yâwɛɛ a pâi kɛ̂i ká pôlu.’ ”

Kɔlɔnikɔ Veerɛi 32:8

Diai díkaa bôlui díkaa nɔ́ a núu-kpune. Kɛ́lɛ Yâwɛɛ Kúɣâlai káa kúpôlu a gɛ́ɛ é kpɔ́ŋ kûa kú gɔi ŋí kɔ́.” M̀ɛnii ŋí Zuda kaloŋ Ɛsekaya è mò ǹûai diai, è díkili kula.

Mąątɛ̨nɛ̨ 46:11

Ŋ̀wála-wâla kélee Yâwɛɛi káa kúkɔlɛ ma. Zeeka Ŋɔɣâlai ƃa kúŋuŋ ma ƃó-nuui.

Mąątɛ̨nɛ̨ 46:7

Ŋ̀wála-wâla kélee Yâwɛɛi káa kúkɔlɛ ma. Zeeka Ŋɔɣâlai ƃa kúŋuŋ ma ƃó-nuui.

Azaya 41:10

Ŋ́gaa kákɔlɛ, káfe yào! Ńyãa ƃa Káɣâlai, sɛŋ da fé pâi ká m̀aa yaôi! Ŋá pâi kákponôi kpananîi, ŋá kpɔŋ mâa tɛ̀ɛ ká pɔ́. Ŋá pâi kámaa kɔ̃ɔi ŋá ká káŋuŋ ma ƃó.

Azaya 42:19

Núu da fé naa ŋ̀ɛi púɔɔ yɛ̂ɛ ŋátii kɛ́-nuui. Núu da fé naa ŋ̀óli tíniŋɔɔ yɛ̂ɛ ŋákelai ŋá dɛ̀ɛi. Gbɛ̂ɛ ƃé ŋ̀ɛ́i pûɔɔi yɛ̂ɛ ǹúui nyii ŋá zìɣe zui, kpaa máŋ ŋ̀ɛ́i púɔɔ yɛ̂ɛ ńyãa Yâwɛɛ ŋátii kɛ́-nuui?

Azaya 43:2

Kà kɛ̀ tɛɛ̂i ya-ɣiliŋ kpanaŋ su, sɛŋ da fé pâi kɛ̂i a káa. Ŋa pâi kɛ̂i kákɔlɛ. Mɛni kpânaŋ da fé pâi wɔ́lɔ káyee mɛi ɣâlei. Ka sìa ŋɔŋ su vé pâi kákêreni. Su-kɔ̂ɔŋ kpanaŋ da fé pâi wɔ́lɔ káyee mɛi ɣalei.

Azaya 44:26

Kɛ́lɛ ŋ̀orɛ̂-woo-ŋai ŋá dɛ̀ɛ a ŋákela-ŋai, díŋaa-see a kɛ́ tí-ti ƃo. M̀ɛni-ŋai kélee ŋá gbɛtɛ a gɛ́ɛ ŋá gɛ̂i, gélee ŋaa-see è kɛ̀. Ŋá m̀o a gɛ́ɛ Zerusâlɛŋ taa-leei da Zuda taa-leei-ŋai da pâi tɔɔ̂i ŋɔ́nɔ pôlu, ǹaa láa é fɛ́ɛ a núu-kpune. Ŋa pâi gɛ̂i daa-lêe-ŋai ŋí dí kɛ́ yɛ̂ɛ berei dí kɛ̀ la a bɔlɔi.

Ɉeremi 15:20

Ŋá pâi íkɛ̂i a ƃara-siɣãŋ kpanaŋɔɔ ǹûai ŋí mɛni ma. Da pâi kɔ́ pɛlɛ̂i yá, kɛ́lɛ díyee fé pâi pɔrîi yâ, kpɛ́ni fêi, ŋ́gaa ípôlu. Yâwɛɛ ƃé mò tí.

Ɉeremi 20:11

Kɛ́lɛ, Yâwɛɛ, íwala-walaai, ítɔɔ̂i kpanaŋɔɔ, íkɛ ƃò ḿbôlu. M̀ɛni ma diai ŋ̀wɛ̂lii dí mɛni ŋánaa kɛ́ a ńyãai, da pâi fɛɣɛ̂i. Ŋumɛ a pâi dísoniî wɔ́lɔ-wɔ́lɔ da wɔlɔ-wɔlɔ, kpɛ́ni fêi, dífe pâi mɛni lɛ́lɛɛ sɔlɔ ƃôi, ŋ̀umɛi pâi dípaâi, núu da fé pâi niâi m̀a.

Ɉeremi 30:11

Ŋa pâi pâi ŋá ka ŋuŋ-maa ƃó. Ŋa pâi ǹɔii-ŋuŋ-ŋai kélee kpɔ́ su karaâi ƃɛ́i ŋá kátaa-taa naai, kɛ́lɛ, ḿve pâi kákelee ká su karâi. Ḿve pâi ǹɛɛ̂i naa ká lí kpɛ́ni-kpɛni. Kɛ́lɛ ŋa pâi kákula ma kɛ̂i a pere sîi sã́a. Ńyãa Yâwɛɛ ƃé mò tí.”

Izikiɛ 3:17

È mò ḿâ ǹyɛɛi, “Núu-kpune ǹóŋ, ŋa ísiɣe a gɛɛ íkɛ a sɛŋ mɛi káa-nuu Eezuɛ-ŋai mɛi. Tãi kélee yâ ńa-woo mɛ̀ni lai a gɛɛ í m̀aa lia-woo ƃó ḿî dîa a gbanaŋɔɔ.

Egaa 2:4

Óo Zɛrubabɛɛ, ílii kpéle, óo Zɛosada ǹóŋ Zasua, íkaa a zâla láa-soŋ-nuui, ílii kpéle, bɛ́lɛɛ ǹúui gbéli-ŋai kélee dîa. Ka tíi kɛ́, kpɛ́ni fêi, ŋ́gaa kákɔlɛ, ŋ́gaa a Ŋ̀wála-wâla kélee Yâwɛɛ,

Malasi 2:7

Gáa a zâla-láa soŋ-ƃelai dítii a gɛɛ dí tɔ̃yâ-mɛni lɛ́ é pîlaŋ Ɣâla ma. Ǹɛ̂lɛɛi ǹûa dí lí dípɔ a gɛɛ dí mɛni maa kɔ́ri é pîlaŋ ńîa-mɛnii ma kpɛ́ni fêi, dia ƃé díkaa a Ŋ̀wála-wâla kélee Ɣalai ŋɔkéla-ŋa.

Malasi 3:1

Ŋ̀wála-wâla kélee Yâwɛɛ a môi ǹyɛɛi, “Ŋa pâi ŋáworɛ̂-woo ƃó-nuui tɛɛ̂i a gɛɛ é ŋáperei su kpɛtɛ. À kɛ̀ tí, Ŋ̀âlai ka gɔ̂rii a pâi pâi Ŋɔpɛ́rɛi Kɛ́tɛi mu a maa félaa. Gɛ̀ ní ŋ̀orɛ̂-woo ƃó-nuui ka wɔ́lɔ berei kâai, a pâi pâi é ŋáworɛ̂-wooi ƃó kâa.”

Maafîu 1:23

“Ka gáa, nɛnî-kpela tɔnɔ a pâi koo siɣêi é lóŋ-surɔŋ maa sɔlɔ ƃó, nyii da pâi dôlii a Imayuwɛ” (nyii su-kulai ƃa, Ɣâla káa kúkɔlɛ).

Maafîu 18:20

Kpɛ́ni fêi, ƃɛi núu feerɛ kpaa máŋ núu saaƃa da díŋa tɛ̀ naa díkîe ma ńaai sui, ŋa pâi kɛ̀i naa dísama.”

Maafîu 28:20

M̀ɛni-ŋai kélee ŋá mò kâai, ka ǹɛ̂ dîa dí dímɛi káa. Ka gáa, ŋ́gaa kápôlu a tãi kélee é tóo la ŋ̀éniɛi kpɛ̀ɛ ŋá ma.”

Lomaŋ 8:31

Lé ŋaŋ ƃe kwa pâi m̀ôi e pîlaŋ nyíŋi ma? À kɛ̀ Ɣâla káa kúmɛni ma, gɛ̀ ní gbɛ̂ɛ ƃe dɔɔ̂i kûa?

Korɛntə veelɛ 5:20

Mɛni ma kúkaa a Kôrai pɔ́ɔ-ŋa-ƃela, Ɣâla kɛ́ ǹûai toli ku-sârai. Kwa kákpera fei Kôrai mɛni ma a gɛ́ɛ ka Ɣâla-ni ká káloai kpɛtɛ.

Timote veelɛ 4:17

Kɛ́lɛ, Kúnuu-namui e tɔ̀ɔ ŋ́gɔlɛ e wála-wala tɛɛ ḿbɔ a gɛ́ɛ ŋa ŋɔwóoi ƃó kpɔ́ a ǹáa fɛ́ɛ, a gɛ́ɛ Zɛ̃tai-ŋai kélee dí m̀ɛni. Mɛni ma Kúnuu-namui e ŋ́gùla ǹyala-sului lá.

Timote veelɛ 4:22

Kúnuu-namui é kɛ́ ímɔ̂leŋ kɔlɛ. Ƃɛlɛ-sêe é kɛ́ kâa.

Nwun mąąɓo 2:1

Naa kɛ́ɛ tíi, Yâwɛɛ ŋɔkéla tɔnɔ è sìɣe Geega é lí Bɔsiŋ ǹyɛɛ Eezuɛ-ŋai dîai, “Ŋá kákùla Ize lɔii su ŋá pá a káa ǹɔii su nyíi ŋá kpanaŋ-woo kɛ̀ naa kánûa pɔlɔ-ŋai yêei a gɛ́ɛ ŋa pâi dɛɛ̂i kápɔi. Ŋá mò kâa a gɛ́ɛ ḿve pâi gbanaŋ-wooi ŋí ɣâlei nyíi ŋá gɛ̀ kánûai yêei.