Dutɛrɔnome 4:29 - Bible

²⁹ Kɛ́lɛ à kɛ̀ kà Káɣâlai Yâwɛɛ kɔ̀ri a kálii kélee da kámɔliŋ, ka pâi gâai.

Yálá laawoo hɛɓɛ (dc)

²⁹ Nąąlɔwai, ka káá pai Yai-Laa ka wɔ Yálái kwɛlii nɔiɠaa tii hu, akɛ, ka gwɛli a ka lii kəlee, a kwəi tɔ̨nɔ̨ laa, ka gaa.

Yálá laawoo hɛɓɛ

²⁹ Nąąlɔwai, ka káá pai Yai-Laa ka wɔ Yálái kwɛlii nɔiɠaa tii hu, akɛ, ka gwɛli a ka lii kəlee, a kwəi tɔ̨nɔ̨ laa, ka gaa.

Dutɛrɔnome 4:29 ပူးပေါင်းရင်းမြစ်များ

Tɔɔɓɛlaa veelɛ 10:31

Kɛ́lɛ Zewu fé Yâwɛɛ, Eezuɛ Ŋɔɣâlai ŋɔtɔ̂ŋ-ŋai mɛi káa ní a ǹíi kélee é zeri góyaŋ ma. Mɛnii è gɛ̀i nya ƃa, vé bôlu tɔ̀ɔ-ni zɔnyɔ̂ŋ-ŋai dîa nyii-ŋai Zɛroboaŋ è gɛ̀ Eezuɛ-ŋai dí dí kɛi.

Tɔɔɓɛlaa veelɛ 23:3

Tãi Gâloŋ Zosâya è kpɛ̀ɛ la a gɔlɔi lónoɔɔ̂i, è lì é tɔ́ɔ bɛ́rɛi yée mu-wuru-ŋai dɔnɔ kɔlɛ. È ǹûai marê kɛ̀ a gɛɛ dí díkono tée Yâwɛɛ láai su a gɛɛ da pâi kɛ̂i a dí láa a Yâwɛɛ tɔ̃yâ ma dí ŋ̀óo mɛ́ni, dí ŋɔtɔ̂ŋ-ŋai mɛi káa. Ǹûai dí fàa ma a gɛɛ da pâi mɛnii kélee kɛ̂i bɔ̃yɛ̂ɛi gɔlɔi sui.

Kɔlɔnikɔ Veerɛi 15:12

Dí kpanaŋ-woo kɛ̀ a gɛ́ɛ da pâi kɛ̂i Yâwɛɛ pôlu nyíi gáa a dínâŋ-ni Díɣâlai a dílii kélee da dímɔ̂leŋ kélee.

Kɔlɔnikɔ Veerɛi 15:15

Zuda-ŋai kélee kpɔ́ líi è kɛ̀ a náa kpɛ́ni fêi dí kélee dí gùla dílii su dí dífoo Yâwɛɛ ŋɛ́i. Dí Ɣâla kɔ̀ri kpɔ́ a kili-kula-pere, ǹyaŋ dí gàa. Nya ƃe Yâwɛɛ è fii-tɔɔ tɛ̀ɛ dípɔ ƃéla kélee ma.

Kɔlɔnikɔ Veerɛi 15:2

Nya ƃe Azaria è lì é mó Asa da Zuda-ƃelai é pɛ́lɛ Bɛŋsimaŋ ŋɔsuui su-ƃelai kélee dîa ǹyɛɛi, “Ka ŋ́oo mɛ́ni. Yâwɛɛ káa kápôlu à kɛ̀ kà kɛ̀ bôlu. À kɛ̀ ka vɛli, ka pâi gâai. Kɛ́lɛ à kɛ̀ ka káyee kùla mu, a pâi ǹyée kulâi ká mu.

Kɔlɔnikɔ Veerɛi 15:4

Kɛ́lɛ tãi mɛni kpɔ̂lu a pà lai, da tînaŋ Eezuɛ Ŋɔɣâlai Yâwɛɛ pɔ́-naa-pere dí vɛli, gɛ̀ ní da pâi gâai.

Kɔlɔnikɔ Veerɛi 31:21

M̀ɛnii nyíi kélee kpɔ́ è gɛ a tíi kɛ́ɛ Ɣâla ŋɔpɛ́rɛi mu da dɔ̂ŋ é pɛlɛ Ɣâla ŋɔtɔ̂ŋ mai è gɛ̀ a woo mɛ̂ni pere. È Ɣâla nîa mɛni kɛ ŋɔtíi kɛ̂ɛi su a ǹíi kélee, m̀ɛni ma, è ƃûu-ƃo ŋɔtiî kélee su.

Nehemi 1:9

Kɛ́lɛ kà tìnaŋ ŋɔ́nɔ ḿbɔ naa pêre, ká kɛ́ ŋá tɔ̂ŋ mɛi kâa, ŋa pâi pâi a káa pôlu ƃɛ́i ŋá ǹaa sìɣe a gɛɛ ká kɛ́ ḿvɛ̀li naai. À nɛ̃ɛ ma kpîŋ ká kɛ́ a kátaa tâa lɔii ŋuŋ da kpɛ́ni-ŋa su.’

Nehemi 9:27

Dítûa pere-ŋai dí gɛ̀ í íyee kúla dí mù, díkpɔara-ƃelai dí díyee mɛi ɣále dí mɛni kpɔ̂lu láa dîa. Kɛ́lɛ tãi díkɛ̀ mɔ̃lɛi lai, dí wɔ̀lɔ yâ. Í lɛ̀ɛ ŋ̀elei su í dí wɔ́lɔ-woo mɛ́ni. Í dímalôŋ kàa í núu tɛ́ɛ è díŋuŋ ma ƃó díkpɔara-ƃelai yêei.

Mąątɛ̨nɛ̨ 119:10

Ŋa íkɔ̂rii a ŋ́gili kélee. Ífe nɛ̀ɛ naa ŋá ítɔ̂ŋ-ŋai kara.

Mąątɛ̨nɛ̨ 119:145

Óo Yâwɛɛ, ŋa ítôlii kpɔ́ a ńii kélee. Ŋ́oo su tòo, gɛ̀ ní ŋa pâi ítɔ̂ŋ-ŋai mɛi kâai.

Mąątɛ̨nɛ̨ 119:2

Lûwa káa diai dîa da sîa a Yâwɛɛ ŋɔtɔ̂ŋ-ŋai wóo, díkɛ ŋɔtɔ̂ŋ-ŋai mɛi kâa a dílii kéleei.

Mąątɛ̨nɛ̨ 119:58

Ŋa ímarê kɛ̂i kpɔ́ a ńii kélee a gɛɛ í malôŋ káa yɛ̂ɛ berei í íkono tèe lai.

Ɉeremi 3:10

M̀ɛni-ŋai ŋí pôlu ma, Eezuɛ ŋɔkáyɔɔi Zuda nyíi ve kɛ́ ní a deniŋ ƃôɔɔi, vé tínaŋ ní ḿbɔ naa a ǹíi kélee, vé tûa ní a téniŋ ƃô pere. Ńyãa Yâwɛɛ ƃé mò tí.”

Ɉeremi 51:50

Yâwɛɛ è lòno ŋɔnûai pɔ́ kɛ́ Babelɔŋ ǹyɛɛi, “Káai kélee kùla gɔ́i yêei ká lɛ́ɛ a káfului, kà lí loníi ma. Káfe maa kpɛ̂ŋ kɛ̀. Berei máŋ ká kɛ̂i kôyaai la kápɔ-taai mai, ka kákili-ŋa sía é pîlaŋ ḿâ, Ńyãa Yâwɛɛ, Zerusâlɛŋ kíli é tóo ká ŋá.

Izikiɛ 6:9

Ǹyaŋ diai da pâi liî a dîa kɔ́-soŋ pere sui da pâi díkili-ŋa siai é pîlaŋ mâ ǹɔii-ti su ƃɛɛ̂i da pâi kɛ̂i naai. Da pâi gɔlɔni berei ŋá ǹíi ŋwana la dîa é pîlaŋ berei mâ dí dípôlu-tɔɔ la mai a dílii da díŋɛi nyii gɛ̀ ɣâla-pɔkɔɔŋ fɛli mɛ̂ni kɛ́ too díkoi. À kɛ̀ tí, díƃɛlɛ a pâi kpɛɛ̂i díkpîŋ koi ŋwana-lɔ̂ɔ dí gɛi mɛ̂ni ma.

Zooɛ 2:12

Yâwɛɛ ǹyɛɛ, “Loníi ma kpîŋ, ka lene pôlu ká pá ḿbɔ a kálii kélee, ká kɛ́ sûŋ sìɣe, ká kɛ́ malôŋ sèe ƃò.

Amɔsə 5:4

Ɣâla Yâwɛɛ è mò Eezuɛ-ƃelai dîa ǹyɛɛi, “Ka ŋ́gɔri ká kɛ́ ɣele ma.

Dutɛrɔnome 10:12

“Óo Eezuɛ-ƃela, m̀ɛnii Yâwɛɛ a ŋ̀wɛ̂lii káyêei ǹyaa ƃa ká yao mà, ká tûa yɛ̂ɛ berei a wɛ̂lii lai, ka ŋ̀wɛli, ka tíi kɛ́ mì a kálii kélee da kámɔlêŋ kélee.

Dutɛrɔnome 11:13

“Mɛni ma ka dɔ̂ŋ-ŋai mɛi kâa tɔ̃yâ-pere su, ka Káɣâlai Yâwɛɛ wɛ́li a kálii kélee da kámɔleŋ kélee, ka tíi kɛ́ mì,

Dutɛrɔnome 26:16

Mose è mò ǹyɛɛi, “Káɣâlai Yâwɛɛ a sâa m̀ôi kâa a gɛɛ ka ŋɔtɔ̂ŋ-ŋai maa kpɛ́ɛ ká dímɛi káa a kálii kélee da kámɔlêŋ kélee.

Dutɛrɔnome 30:10

Kɛ́lɛ fɛ̂ɛ ka ŋ̀óo mɛni ká ŋɔtɔ̂ŋ-ŋai kélee mɛi káa nyii-ŋai bɔ̃yɛ̂ɛi dɔ̂ŋ-kɔlɔi ŋí sui. Fɛ̂ɛ ká tínaŋ bɔ́ naa-pere a kálii kélee.

Dutɛrɔnome 6:5

Ka ŋ̀wɛ́li a kálii kélee, kámɔlêŋ kélee da káwala-walai kélee.

Zasua 22:5

Káfe ǹîa ní Yâwɛɛ ŋɔtɔ̂ŋ-ŋai kélee mɛi káa mɛni ma nyíi ŋɔyée mu-nuui Mose è dɛ̀ɛ kápɔi, a gɛ́ɛ ká Káɣalai Yâwɛɛ wɛ́li, ká ǹîa mɛnii kɛ́, ká kánaŋ m̀a, ká tíi kɛ́ mì a kálii kélee da kámɔ̂leŋ kélee.”

Samuɛlə dɔlɔɔ 7:3

Samia è mò Eezuɛ-ƃelai dîa ǹyɛɛi, “À kɛ̀ ká ŋ̀wɛ̂lii ká tínaŋ Ǹuu-namui pɔ́-naa pere, gɛ̀ ní ka ǹɛ́ ma. Ká ŋ̀âla da kpɛ́ni-ŋai kélee kúla kásama da ŋ̀âla nɛnii Atarɔ pɔɔkɔ̂ŋ. Ka tínaŋ Ǹuu-namui pɔ́-naa pere a kálii kélee ká vɛli. Gɛ̀ ní a pâi káŋuŋ ma ƃôi Felesia-ŋai yêei.”