Dutɛrɔnome 32:16 - Bible

¹⁶ Dí gɛ̀ Yâwɛɛ é ǹíi ŋwána dîa díɣâla da kpɛ́ni-ŋai fɛli mɛni ma.

Yálá laawoo hɛɓɛ (dc)

¹⁶ Di Yai-Laa liikələn gwəi a ɓɛlɛkpɛɛ mąą túwɔ́ yii di kɛi mo. Di nwɔ liiholi muhəɠə a kwɛli hvilɛn ŋąą haliɠaa diɛ.

Yálá laawoo hɛɓɛ

¹⁶ Di Yai-Laa liikələn gwəi a ɓɛlɛkpɛɛ mąą túwɔ́ yii di kɛi mo. Di nwɔ liiholi muhəɠə a kwɛli hvilɛn ŋąą haliɠaa diɛ.

Dutɛrɔnome 32:16 ပူးပေါင်းရင်းမြစ်များ

Tɔɔɓɛlaa dɔlɔɔ 14:22

Zuda è sɔnyɔ̂ŋ kɛ̀ Yâwɛɛ ŋɛ́i-tuɛ. Zɔnyɔ̂ŋ-ŋai dí gɛ̂i è kɛ̀ dɛ́ɛ nyii-ŋai dîa dínâŋ pɔlɔ-ŋai dí wɔ́lɔ gɛi. M̀ɛnii ŋí è gɛ̀ Yâwɛɛ é ǹíi ŋwàna dîa é tɛ́ɛ bɔlɔi ma.

Tɔɔɓɛlaa dɔlɔɔ 14:9

Ƃa sɔnyɔ̂ŋ támaa kɛ́ tɛɛ dia-ŋai kélee dîa kɛ̀ a kâloŋ ítuɛi. Ƃa Ɣâla da kpɛ́ni-ŋa kpɛ̀tɛ íkpîŋ mɛni ma, Ɣâla pɔkɔɔŋ-ŋa nyíi dí kpɛtɛɛ̂i a kɔli. Ƃa gɛ́ ńii a ŋwána a zu kɛ́tɛ ƃa ḿbili ípôlu pere.

Tɔɔɓɛlaa veelɛ 17:11

Dí kɛ̀ liî a sâla-ŋa kuláa díɣâla-pɔkɔŋ fɛli-kwaa-ŋai ma nɔ́ yɛ̂ɛ berei ǹɔii-ŋuŋ kpéli-ŋai dí wɔ́lɔ kɛ̀ gɛ̂i la Yâwɛɛ é lɛ́ɛ pâi dí kpɛ̂i Eezuɛ-ƃelai túɛ Eezuɛ lɔii su. Dí mɛni nyɔ́mɔɔ támaa kɛ̀ nyii-ŋai Yâwɛɛ líi ŋwàna kpɔ́ a zu kɛ́tɛi.

Tɔɔɓɛlaa veelɛ 17:17

Da kâa dílônii kùla máŋ a kéreŋ sala ŋâla-pɔkɔŋ-ŋai dîa. Dí kɛ̀ tɛli kpɛ̂i, dí kɛ́ lì tuɛ-mɛni ƃó-ƃela pɔ́naa. Eezuɛ-ŋai díkpîŋ tɛ̀ɛ mɛni nyɔ́mɔɔ kɛ́ mɛni ma nyii-ŋai díwɛli fé kɛ́ ní Yâwɛɛ mai. Dí gɛ̀ ǹíi é ŋwána dîa a ŋánaa.

Tɔɔɓɛlaa veelɛ 21:6

Manasɛ è kɛ̀ a póniŋ da wúlu-kɛ-nuu kɛ́tɛ. A kâa lì tɛli-kpɛ-ƃela pɔ́ tɛli kpɛ̂i da tuɛ-mɛni ƃó-ƃela. È ǹóŋ-surɔŋ kùla a kéreŋ sala. È mɛni nyɔ́mɔɔ támaa kɛ̀. È gɛ̀ Yâwɛɛ líi é wána kpɔ́ ma a zu kɛ́tɛ.

Tɔɔɓɛlaa veelɛ 23:13

Nyíti pôlu ma, Zosâya è ɣâla-pɔkɔɔŋ fɛli kwaa-ŋai ma su kàra-kara da ŋâla-teƃele-ŋai nyii Gâloŋ Saloma è wɔ́lɔ gbɛ̀tɛ Zerusâlɛŋ, Vóloi kulai-pere da ŋulɔ-wuru-yeei ma Séɣai-pere nɛnî-ɣala-pɔkɔɔŋ Asira láai mɛni ma nyii kɛ̀ Sidɔŋ, Môa-ƃelai díɣâla-pɔkɔɔŋ Kemɔ da Amɔŋ-ƃelai díɣâla-pɔkɔɔŋ Mikɔŋ-ni fɛli mɛni mai.

Mąątɛ̨nɛ̨ 106:29

Dí Yâwɛɛ líi tòo pôlu a dítûa pere sii ŋí. Nya ƃe è ǹíi ŋwàna é kɔlɔ-fela nyɔ́mɔɔ píli dísama.

Mąątɛ̨nɛ̨ 78:58

Dí díkpîŋ ɣala-ŋa fɛli kwaa-ŋa ma kpɛ̀tɛ, díkɛ díkpîŋ kpɛtɛ ɣâla-ŋai fɛli naa.

Azaya 43:12

M̀ɛni-ŋai kélee kɛ̂i, ńyãa ƃé dímaa mɛ̂ni ƃò ǹaa túɛ. Ŋá kpɔŋ mâa tɛ̀ɛ kápɔ. Ɣâla da kpɛ́ni fé dímaa mɛ̂ni ƃó ní. Káa ƃa ŋásêre-ŋa.

Ɉeremi 2:11

Ka táa lɔii-ŋuŋ da káa é ŋɔɣâlai maa fáleŋ, berei dífe la a tɔ̃yâ ɣalai? Kɛ́lɛ, ka ḿaa fáleŋ, ńyãai a Ŋ̀âlai nyíi dí mù wùyɛi, a ŋ̀âlai nyíi va sɛŋ kɛ̀ dîɛi.

Ɉeremi 2:25

Ka ká mɛi káa káfe kɛ̀ tɛ̂i, kákɛ yeŋ, kákɔɔ fa lâa saa la, kákɔŋ-la fa lâa kpála la. Kpɛ́ni fêi, kákɛ̀ ɣâla da kpɛ́ni ŋa pôlu. Kɛ́lɛ, ká mò kâai, ‘Ŋ̀uŋ fé ma, ḿve pâi lenêi pôlu. Kpɛ́ni fêi ɣâla da kpɛ́ni-ŋa wɛ́li káa ḿâ. M̀ɛni ma, ŋa pâi lɛɛ̂i dípôlu.’ ”

Ɉeremi 7:18

Ǹîa-pɛlɛɛi da gɔ̀i ŋáa tɛ̂i ma, dínâŋ-ni díŋɔŋ tóo mà, ǹɛyâai dí kɛ́ félaƃai kîiŋ, dí kɛ̀ kpólo kpɛ̀tɛ ŋ̀ele-kɔlɔŋ-su kaloŋ nɛnii mî, dí kɛ̀ kéreŋ-sɛŋ sala kùla ɣâla da kpɛ́ni-ŋa dîa a gɛɛ dí gɛ́ ŋá ńii ŋwána.

Ɉeremi 8:19

Ka káwoli tɔ́ɔ! Ŋa ŋánûai wɔ́lɔ-woo mɛnîi ǹɔii gwaa kélee. Ǹûai da mare kɛ̂ɛ kɛ̂i dîyɛɛi, “Yâwɛɛ fé ŋɔ́nɔ Zãiyɔŋ? Zãiyɔŋ ŋɔkâloŋ fé ŋɔ́nɔ naa?” Yâwɛɛ è mò ǹyɛɛi, “Lé mɛni ƃé da ńii ŋwânai la a díɣâla pɔɔkɔŋ-ŋai é pɛ́lɛ díɣâla da kpɛ́ni-ŋai diai?”

Izikiɛ 8:3

È sɛŋ da kɛ́ɛ yɛ̂ɛ ǹúu yèe sãa, é ŋ́zôŋ a ŋuŋ-leɣa. Mɔ̃lêŋè ńdɛ ŋ̀elei su, é pá a ńyãa zĩ̂a su Zerusâlɛŋ. È ŋ́zeɣe é lí a ńyãa bɛrɛ mu pere siaŋ ŋɔkpôŋ lá ƃelei nyii kɛ̀ yá-ŋua pere Ŋ̀âla-pɛrɛ Kɛ́tɛi mai. Ɣâla pɔɔkɔŋ kɛ́tɛ tɔnɔ è kɛ̀ gwaai ŋí mâ nyii gɛ̀ Yâwɛɛ é ǹíi ŋwana kpɔ́ a ŋanaai.

Levetekɔ 18:27

M̀ɛni-ŋai ŋí ƃe ǹûai kɛ̀ ǹɔii mai dí kɛ̀ gɛ̂i ǹyaa ƃe gɛ̀ ǹɔii maa fé kɛ́ ní a ŋ̀waa.

Korɛntə dɔlɔɔ 10:22

Kwa kɔ́i a gɛ́ɛ ku Kúnuu-namui kɛ́ e tólo? Kúkpanaŋɔɔ̂i e tɛ́ɛ mà?

Dutɛrɔnome 32:21

Da ŋgɛ́, ŋgɛ́ tólo kùla. Díɣâla da kpɛ́ni-ŋa fɛli mɛnii a gɛ́ ŋa níi ŋwána dîa. Ŋa pâi díkɛi díkɛ tólo kula kpɛ́ni fêi ŋa pâi lûwa toôi ǹɔii ŋûŋ da kpɛ́ni-ŋa dîa. Ŋa pâi gɛ̂i lɔii-ŋuŋ nyii kɛ̂i fé mai é dílii ŋwána. Ŋa pâi dítolo kula ǹɔii-ŋûŋ-ŋai dîa dífa mɛni ŋá kaai.

Dutɛrɔnome 5:9

ká pɛ́lɛ gɔ́ɔ mu ka vɛli, kpɛ́ni fêi, Ńyãai a Káɣâlai Yâwɛɛ ŋ́gaa a tólo ɣala. Ŋa ǹûai dísɔnyɔ̂ŋ gula maa kɛ̀ a dia. Diai da ŋ́gbɔarai ŋá díkula-maa kɛ̀. Ŋa dílônii díwɔ̂ lonii da díwɔ̂ lônii da díwɔ̂ lônii kula-maa kɛ́.

Dutɛrɔnome 7:25

Ka pâi díɣâla pɔkɔɔŋ-ŋai kéreni. Káfe díma ƃara-ŋai da gôoi da sìɣe a kápɔɔ. Ka gɛ̀ tí, gɛ̀ ní ka kákpîŋ pûi mɛni-kpɔlu su. Yáawɛ fé ŋwɛ́li ní a mɛni kɛ́ɛ ŋí.